健康食品拉麵 (威利大廈)

Open Now

Now Closed

位於大排檔旁邊的威靈頓街中午時間人很多 位子很少等了15分鐘才可入座下單後6分鐘拉麵就到了叫了溏心蛋叉燒拉麵 湯底較清 味道尚可 有點太硬,下次會選軟麵質 有菠菜 不錯！湯底清 味道還可 健康

Ordered drinks before happy hour closed, waitress waits for 5 mins before entering my receipt so the time stamp is 8.06, and therefore I miss the happy hour. Really petty and irritating. Also the food is not delicious, and not good value given the fairy high price. Won't be back.

今日終於去左試呢間野，點左豚骨粗面走蔥走蒜，因本人喜歡清淡D既湯底。拉麵質感很好，味道也不俗。只是食完有D心口作悶，唔知係咪油得制。味道是很好，但感覺沒有很健康吧，喜歡拉麵的朋友可以試試看。

連出三篇負皮食評，我覺得好似日日虐待自己咁，係時候要揀啲食開有保證嘅餐廳😎呢間野唔喺大街，唔算易搵，加個「隱世」係咪會即刻吸引好多？😂😂鋪頭真係日本人開，一般拉麵填呢張紙，仲有menu有飯呀炒麵呀其他野嗌。順帶一提宜家竟然要加一，咁迫嘅環境，宜家仲開埋枱坐出面，竟然要加一？？不如直接加價算啦，其實都冇服務可言。溏心蛋拉麵同豚骨拉麵一樣係豬骨湯，湯底唔會為左有濃厚嘅感覺整到勁杰，正常嘅質感，而又夠味嘅👍🏻個麵都同出面一般嘅唔同，呢度個麵係啡啡地色，有啲一點點好似混左麥一齊整咁，個人覺得ok（豚王嗰種白色幼麵我都鍾意食架）今日碗麵最差係幾塊肉，見唔到肉咁滯，肥瘦比例八二就唔多啱心水😕平時唔係咁架....有時會嗌健康拉麵，健康拉麵係完全唔同湯底，上面有啲什錦海鮮炒野菜，仲跟一個細嘅沙律同埋益力多！一碗拉麵要整得好食其實係幾難，就算去到日本唔同地方，食過十間八間，都冇幾多間講得上好食。呢間喺中環做得住，已經算有啲實力架喇😌

一心想吃溫泉玉子，其他拉麵加玉子要$10，一眼發現這款名為特製拉麵的已內附四片叉燒及一隻溫泉玉子，便二話不說下單！餐牌沒有註明拉麵的湯底，味道介乎鹽味及豬骨湯之間，不算太鹹。第一次吃中太麵，軟硬度選了普通。中太麵麵身較粗，相比起一般拉麵算是較為硬身。我還選了加香油，蔥及香蒜。四片叉燒肥肉的部分較多，只是略略一煎跟沒煎過沒兩樣，味道較普通。比較欣賞是湯底中有些白蔥和切細了的菠菜，令拉麵口感提升。是次光顧了印象和先前比較，拉麵質素較為下降，我們幾個吃完肚子還不很滿足，份量跟先前明顯減少，一大碗湯卻只有疏落的拉麵。$99性價比較低！

最近，曾於日本留學好幾年的朋友因公事走到中環工作三星期，約我食午餐！他中午要食飯，於是，我為他選了好幾間位於中上環區的餐廳：上環 <華星冰室>、<白熊咖哩>、<熊拉麵>；中環 <彤館車仔麵>、<健康食品拉麵>最終，他選擇了中環 <健康食品拉麵>！ 他或多或少受到日本留學影響，而喜歡食日本菜！選擇這間也是意料中事！當我翻看我第一篇食評，<健康食品拉麵> 已經開了3年半！在中環區的地舖可以屹立好幾年，的確有其實力！平日中午時段，這裡都坐滿客！由於我們只得兩人，因此店員安排我們到吧枱坐，4人桌子留給 4位食客！他點了一客簡單、美味又飽肚的叉燒炒雜菜定食飯餐 $60！日式炒麵 $69我由上環行過來的時候，朋友影低餐牌讓我看看，叫他幫我先落單，節省時間，去到坐了一會兒便送上！賣相的確不錯！ 師傅落足心機唧沙律醬，炒拉麵熱辣辣，入口煙韌惹味！吸收醬汁均勻入味！灑上木魚粉增添多一份鮮香，份外惹人垂涎！ 連配料的叉燒也是熱辣辣，甘香多肉汁！還有椰菜及芽菜，完全符合店名健康兩個字！

蓬星期三運動日，亦係最難諗去邊食晚飯既時候，因為唔少食肆八點就收舖。跑完步唔想食太油膩，所以揀左健康食品拉面 (真係自欺欺人)Serve我地果位職員，唔單止識講中文、英文、仲識講日文入到去真係以為自己去左日本，除左因為有日本既師傅之外，咁岩當時有一枱日本既客人，再加上呢度既環境同裝修，完全覺得自己去左日本其實我都幾中意食拉面，但鹽於佢太油膩所以甚少食今次難得有一間健康+拉面既店，兩樣都係我追求梗既野，當然要試啦我叫左特製拉面 (中太面、硬身、有香油、有蒜、有蔥)配菜: 一隻溏心蛋、4片豬腩肉、紫菜、似豆苗既菜同大量既蔥絲一如以往，食面前一定會試左個湯先。試左之後就明白點解會叫健康啦，因為佢個湯底無平時食開果D咁結身，亦少D油浮係面度。感覺係健康D，但都係正常既好食D，果然魚與熊掌，係唔能夠同時存在。溏心蛋一直都唔中意食，所以無評論豬腩肉一般，只有豬肉味，感覺好似食梗湯渣...只係無湯渣咁淋有一款貎似豆苗既菜，但煮耐左D，淋得制值得讚既係本人好中意食蔥絲，而呢度既拉面係可以滿足到我對蔥既渴望；面亦煮得岩岩好，有咬口朋友話全日都無食飯，而且見到張MUEM上面D咖哩飯相好吸引，所以就叫左日式

健康拉麵位處排檔後方，藏於小巷的一角，係一間極為低調嘅日本拉麵店。記得第一次幫襯見門面及牌坊好簡陋，以為係一個伏，入內見日藉老闆(起初以為佢係侍應)幫手落單，格局又似和式居酒屋，可謂放心叫野食，點知就一試難忘。再度光臨健康食品拉麵，質素依然保持水準。拉麵有辣有唔辣，基本野自選包括麵條粗幼、質感、香油、蒜蓉及蔥等。食肉獸嘅關係，無點雜菜健康拉麵，揀左流心蛋豬骨拉麵，盛惠80蚊。豬骨湯入口唔濃稠較為清淡，流心蛋一般般，而硬身粗拉麵食落似食蕎麥麵咁正，配合波菜呢個健康食材，加埋肥瘦均勻嘅火焰薄叉燒，拉個平衡，好好食。食呢度拉麵仲係因為氣氛夠和風，試諗下周圍係日本人嘅拉麵店，同周圍係旅客拖gip嘅拉麵店，邊個你會想去多d?另外有叫關東煮，味道偏咸，應該係用黎佐酒食。

Having lived in Japan for over 7 years I really like the atmosphere inside this place. Actual Japanese staff and good home style cooked dishes. Especially like the miso fried pig stomach dish that comes with freshly sliced spring onion.They also offer Oden here prepared and served in an authentic way.

番工番到人都傻 所以要對自己好d 去搵下食先 之前聽同事講過呢間野吾錯 師傅系日本人 今次終於的起心肝去試試 外面望入去 的確似舊式既居酒屋 吧頭上貼住好多小食既紙仔 另外仲有關東煮tim我嗌左香蔥拉麵本人太鐘意食蔥 特前系佢果陣辣味义燒入口即溶 湯底好香濃 特別在佢既拉麵唔系普通黃色一條條果d 佢系淡啡色食落好有橋麥既味道 好正 心*麵可以選擇粗幼 軟 硬*

好多時睇到呢個舖頭名，都覺得好怪，究竟係賣健康定賣拉麵，拉麵一般都會覺得係比較肥膩，濃濃嘅豬骨湯，有層油喺面，加幾塊半肥瘦叉燒，好似同健康好難拉上關係。終於搵日的起心肝去試下～中午時段好多人，要喺出面排陣隊先入到去，舖仔細細，好有日本風情，將啲菜名逐個寫出泥，貼滿成間舖，睇完menu心大之細之後點左兩款拉麵。溏心蛋味噌拉麵，飲啖湯先，「嗚哇～濃郁得泥有陣鑊氣味，我鐘意呀～」師傅炒過配菜再淋上湯，味噌加鑊氣，原來都幾夾。另外麵身夠硬，叉燒好香口，略嫌肥左少少，溏心蛋合格，蛋白都幾嫩滑。個人覺得精髓喺啲菜度😂一啖麵加幾條菠菜同爽脆嘅芽菜，即刻refreshing。至於健康拉麵，有個set，一枝多多，一碗椰菜絲沙律，同一大碗好多菜嘅海鮮拉麵。鑊氣相對少左，比較清淡，但一樣係濃郁嘅湯底，有啲似合字牌海鮮味杯麵，不過係。無。味。精。版～～～啲菜多到食極都有，真係啱晒主題，健康！整體泥講唔錯，雖然服務一般，但湯底同炒香嘅菜尤其出色，食到飽飽令人滿意。

「好肚餓呀，今日一餐飯都未食過。」「求其食D野啦，就前面掛住燈籠果間。」「食乜架？」「唔知呀，食乜都食啦。」就係咁，訓左一日覺起身番學上完堂，諗到未食過野，就同好朋友兼同學行入一間食咩都唔知既店。甫一開門，聽到門口兩檯客人都講日文，裝潢又跟日本街角的拉面店不遑多讓，我們還以為自己在日本。剛好只剩下吧檯兩個位，但檯底沒有掛勾掛袋，要捧著沉甸甸的書包吃面。吧檯可以看到即席下廚。湯底豬骨味濃，叉燒煎得香口不油膩。溏心蛋蛋味超班，一口咬下滿口蛋黃汁，甜美可口。港式拌面，雖然未知那部份是港式，但加上麻醬味道很香，粒粒肉碎和大蔥把整碗面的味道壟斷著，香口非常。吧檯上有這碗芽菜，吃落香辣非常，用來伴飯特別開胃。簡單的一餐，走的時候才記得望望招牌，健康食品拉面，跟我想像的店名感覺有點分別。

又再響中環食平野！呢間由日本人開既拉麵店，一到午餐時間成日都排長龍，今日因為唔想食拉麵既關係，我試左炒飯。佢地既炒飯有分兩個size,我點左個細size但估唔到份量都幾多！ 炒飯色澤好好有光澤，入面有旦，椰菜絲，肉粒，飯炒得夠爽口唔會好濕或者太乾,而味道咸咸地好好食！一條中環友想食平野可以多啲留意我既文！

今日遲放工，去左附近一間日本人開既拉麵店(係一個日本肥叔開既)，雖然平日中午都有食，但今天晚市又有另一番風味。店內裝潢好有日本橫街居酒屋感覺，再加上一位日本人老闆，全店除左我同隔離兩位係香港人，其他麵係日本人。今晚先點左個味噌拉麵，再加一個味噌炒牛腸。先黎味噌拉麵，味噌, 芽菜加上自家豬骨湯底, 先用鑊將味噌及豬骨湯煮一煮開再放芽菜快少一下,保留芽菜爽脆又去除草青味, 當然唔少得叉燒同紫菜, 較少見係會有波菜作伴碟.我特別揀左粗麵，自己比較愛吃粗麵，一來好咬口，二來冇幼麵咁快淋. 先一口湯,不會太咸,用粗麵加芽菜既配搭好好,粗麵吐煙韌加芽菜,同時享受兩種口感.還有喜歡辣的可以試下辣明太子芽菜。芽菜爽，明太子辣得黎唔會搶哂拉麵湯既味最後係味噌炒牛腸, 好香牛味, 有咬口, 但始終有d油膩, 搭住大蔥加一淡啤酒食就剛剛好

平日LUNCH HOUR, 都係有好多人排隊食呢間拉麵的而且確, 芽菜任食, 個湯底仲要正到暈, 真係好吸引不過我真係從來未見過一間餐廳有咁既服務態度為左避開D人群, 我地一行三人專登11點半黎食, 黎到已經即刻嗌野食, 11點45分拉麵已經到好喇, 食到一半, 擺底對筷子抺個咀, 個WAITRESS已經衝過黎企圖收走我個碗咁我話我仲食緊, 佢就黑哂面咁離開3分鐘之後,  我又擺底對筷子諗住拎d芽菜, 個WAITRESS又光速過黎, 想收走我碗麵咁我唯有再仲食緊啦, 唔洗收我地d野住。最後終於得到5分鐘的安寧, 可以享受埋碗拉麵。老規矩, 一擺底對筷子, 就有人黎收野, 仲望一望我朋友, 見到佢食緊都想收2分鐘之後, 收哂d水1分鐘之後, 自動波咁拎埋張單過黎d侍應輪流30秒過黎check一check比左錢未真係好過份, 我朋友仲食緊架, 而且門口仲要無人排隊等位入座到埋單只係30分鐘就被迫走了 =(