棋哥燒鵝餐室

Open Now

Now Closed

食過翻尋味之「棋哥」下午茶每啖的濃郁荔枝柴煙燻燒鵝香味😋皮脆肉嫩冇得輸！👍成日都掛住呢度嘅燒鵝味道食過呢到嘅燒鵝之後，記憶入面又多咗一個味道😉，特然又好想食，所以又專登去食下午茶，從小就愛吃燒鵝的我😋😍😍—————————-隨咗想食呢到嘅燒鵝之外，燒肉都好靚，所以就叫咗兩個燒肉嘅下午茶餐，再加埋唔知「左髀」定「右髀」嘅下庒燒鵝髀😂😂—————————迷你燒腩仔米粉：迷你燒腩仔飯：我就話一啲都唔迷你👍燒腩仔嘅皮好脆口，肉質肥瘦適中剛剛好，咬落有口感而且仲新鮮熱辣辣，棋哥唔單止燒鵝靚，燒肉一樣咁正，所以聞名就要見面吃的燒味👍👍👍👍👍飯煮得甘香，米粉煮得軟硬適中😋———————————燒鵝下庒：煙燻荔枝柴香的燒鵝、入口濃香，鵝肉嫩滑，吃落口那種滋味，實在對於喜愛吃鵝的我，一吃就愛上這個味道👍👍👍👍👍————————-凍檸茶：熱檸茶：凍檸熱檸都一樣咁好飲，濃郁茶香😊—————————-好食到停唔到口嘅「棋哥」燒味😍其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-　

話說十日前到CWB棋哥食燒鵝下压，非常美味又足斤兩，不其然梗係俾咗個好評俾佢，今日午餐又去食過佢的燒鹅下压，掂知就中伏了。兩個人入到去，叫番十日前同樣食物，有下压、濑粉、白飯和焯菜，下压上枱時，感覺上比十日前细碟咗，用筷子翻動一下，碟中間是脾，伴著兩旁是一堆堆的肥肉，看不到燒鵝下压的背部，和十日前的相片有分別事后伙計姐姐解說話今日隻隻都係肥，不能换，十日前来食都ok的，做咗乜會肥咁多🤣🤣，唯有退了叫义燒豉油雞啦🙄，味道又唔係咁好，义燒蜜汁不足，油雞普通不滑漏。如果日日都係二堆肥肉伴兩旁，咁就唔來了，因為還有很多選擇，例如甘棠、容哥等，今次只能俾佢劣評了。

難食，環境差，服務態度唔好！今日我同朋友一行3人去食飯，2女一男，服務員見到我哋3人年齡差距大，係到講是非，真係好得閒，其實我哋只係來食飯，冇佢哋諗得咁嘔心，食完就分頭自己走，我哋來食飯姐，使唔使成為人地口中的主角，仲要係度講，相信聽到都唔鐘意，第一次來，已經冇第二次想去食，食得唔服務，冷氣差，食物質素一般。最重要係唔想食食下成為人地的話題。真心一句去食老麥都唔好揀棋哥，食得勁唔舒服，成為人地的茶餘食後，真係好嘔心。

今次由女朋友帶路食呢間棋哥餐室咁就緊係試下佢地個招牌燒鵝瀨粉因為我習慣食瀨粉一定要加薑蓉落去碗粉到食細個發現咁既食法好味好多講返重點棋哥既燒鵝真係好香既 而且價錢亦都唔貴不過美中不足既係 棋哥用既瀨粉係中山瀨粉即是同本身燒臘檔買果種唔同所以大家要留意返個分別主要係食個燒鵝 所以我都冇特別留意個瀨粉D鵝油同鵝肉係好食既 所以都值得一試始終銅鑼灣區 食野都比較貴 所以棋哥餐室都係一個好既選擇總括黎講:值得推薦去食 燒鵝very good 但希望可以有埋廣東瀨粉

美心，大家樂都比唔上。收70蚊一碟？叉燒講真等我煮仲好過佢燒鵝得個鹹呢就完全冇平時食的燒味咁出眾我都唔知點解呢間嘢可以開連所真係嬲到呢，其實係判左俾人連鎖定點呀，點解難食到咁？

出差銅鑼灣, 食過世佰雞餐廳好好味嘅豉油雞 (見另文) 之后, 就去第二間試油雞.今次試吓棋哥燒鵝嘅油雞!人地打正排頭係燒鵝, 所以預咗豉油雞會失望.叫咗碟肥叉油雞走翼, 成六十幾蚊一碟, 價錢唔算平!點知嚟到係叉雞翼, 叫走翼嚟雞翼, 當然要求換啦!同世伯雞嘅油雞相比當然係失望, 肉質唔夠嫩滑, 皮又韌咗D, 寄予失望得到失望, 預料之中吧.至於蔥蓉，可惜咸咗少少.反而叉燒滿分! 有燒燶嘅部份而且有燶香, 味道夠甜, 入口肉質鬆軟, 攞反唔少分!由於叉燒好掂, 而且要求換油雞時, D侍應態度好好無炸型, 於是第二日再落去.今次試叉鵝!燒鵝哩樣真係又愛又痛恨!愛, 當然係好好食啦, 痛恨就係食完怕痛風腳痛!今次忘記咗指明要肥叉, 正當面對住外相又實又硬嘅叉燒卻原來口感都好鬆軟喎! 被佢不良嘅外相呃咗添!燒鵝嘛, 唔洗多講啦, 反而要講嘅係.... 皮不單只脆, 相比起其他燒鵝都厚.份量又足, 我留意到左左右右嘅食客, 燒鵝份量都足夠無偷工減料.唯一扣份係.... 杯凍0茶太淡.食完之后, 即刻食D痛風藥先!

近來唔知掂解想食下邪惡燒鹅，可能奈冇食，上網搜尋下，Jardine Cresent 有間棋哥，咁啱12点幾就得閒，2個人行咗去棋哥嘆下燒鹅先。由於午飯時間剛開始，店内人客唔算多，坐抵就order了。✨例牌燒鵝下压$158棋哥的燒鵝有一陣陣的炭燒味道，很像留家厨房的烟薰雞味，味道獨特，叫咗個例牌下压，非常肥美，鹅油四溢，皮下脂肪非常豐滿，鵝肉滑嫩，非常鲜美，加些酸梅醬，味道出晒來，鵝唔肥唔好食，皮才脆，肉才嫩滑，但吃的時候，罪惡感重，超唔健康😄😄其餘有叫油菜和瀬粉，但只是配角，評了😅😅😅

聽過好多人講都話棋哥燒鵝好正，但係自己真係未食過，所以今日路經此地咁岩又見到佢。所以就專登走去買隻燒鵝髀食啦⋯⋯🤗果然絕對係名不虛傳，第一次食到咁好味嘅燒鵝，佢嘅味道好獨特，非一般平常食開的燒鵝味道。除了肉質鮮嫩，皮脆，一打開個盒聞到燒鵝嘅香氣傳來一陣陣煙燻香的味道，那種味道的吸引，相信師傅燒這隻燒鵝的時候一定有一種秘製的醬汁，未吃已經知道這隻燒鵝非常好吃，吃了就更加滋味無窮，果然今天吃到了真的是一個名不虛傳的棋哥燒鵝，我從小就喜歡吃燒鵝，今天吃到的燒鵝。真的是一山還有一山高👍👍👍👍👍—————————一山還有一山高·名不虛傳確實好👍其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

銅鑼灣食物選擇都唔少，難得出左黎，本來應該要食得豐富D，但突然好想食燒味😅，雙腿不其然行左入黎 “棋哥燒鵝”。之前喺尖沙咀都見過有分店，但從來都無食過，只聽聞燒鵝好出色。咁今次就叫燒鵝瀨試下先😋。下午茶時間燒鵝瀨$48，價錢都可以接受，但係份量真係好少，食完都唔夠飽😅。可能因為下午茶份量會少D，如果其他時間唔知夠唔夠食呢🤭？講返個燒鵝先，真係唔錯，食得出淡淡煙燻味道，加上鵝油既香氣，好惹味😋😋😋。不過比較可惜既係骨多肉少，所以只係食左幾啖就食完，完全唔夠喉🤣🤣。另外想講下對個粉好失望，因為分開上既關係，湯底係完全無味既，覺得有D浪費左咁出色既燒鵝😔。棋哥燒鵝果然係無改錯名，燒鵝真係佢既賣點🤗，但如果下次再食，可能只會買單隻燒鵝返屋企食😅。

又係下午茶時間，經過棋哥燒鵝餐廳，掛起啲燒鵝十分之吸引。入去整返個下午茶，唔使講，梗係鎮店之寶燒鵝—-瀨啦。餐牌寫明，如果要鵝胸，要加$10。所以我求其叫個燒鵝瀨粉就算數。鵝瀬到，賣相十分之唔錯，睇個樣， 外型十分靚，但係食落去，嗰啲皮好韌，好難摷。嗰啲鵝肉，都係一樣。以燒鵝命名，都可以咁差嘅。但反而嗰啲瀬粉，就唔錯。價錢方面，$48一碗鵝瀬，算係普通唔算貴。但唔包埋飲嘢，凍或熱飲料要加多$5。特飲$8。四十幾五十蚊一個下午茶，唔好要求多多囉。有得食就算數。

➡️食盡銅鑼灣之港式菜 — 棋哥燒鵝餐室—————————————————————棋哥燒鵝既招牌燒鵝係用煙燻而成，全港有7間分店，除左燒鵝之外，佢哋亦都有叉燒 燒鴨 切雞等其他選擇。🔸 棋哥燒鵝飯 轉瀨粉 $62Lunch Time食個燒鵝飯，可以轉瀨粉或者米粉，包野飲，配老火湯就加8蚊。今次鵝既脂肪同肉比例一半一半，食落油香味重，但係唔會話過份油膩，而肉質亦都唔硬。鵝肉一共有8塊，女仔食既話都幾飽下🤔係lunch既好選擇😋💭 Overall comment:平心而言，相比起另一間都好出名既甘X燒鵝，個人覺得呢間棋哥燒鵝更勝一籌，無論係性價比定係食物嘅味道方面🧐p.s佢既下午茶更加抵43蚊咋！依家晚餐外賣又得姐！🍽食物: 7/10🌌環境: 6/10👔服務: 6.5/10🎖CP值: 7/10

銅鑼灣中式茶餐廳，全港都有幾間分店。整體嚟講算ok。枱上面會有一啲舊式嘅圖片做餐紙。雖然我唔好呢啲年代感嘅嘢，不過畀我嘅感覺就幾新穎。棋哥燒鵝5寶飯 $83用得棋哥呢個名應該就係佢哋招牌菜，見到佢有鹹蛋半隻，紅腸、叉燒、油雞、燒鵝各五塊，仲畀咗幾條油菜，算正常分量。每舊燒味都算切得大塊，唔會太寒酸，不過我就嫌啲紅腸偏薄。叉燒肥瘦適中，整體唔會太實好難咬，有些微脆嘅燶邊，增加口感。油雞雞肉嫩滑，唔會太乾，好食。燒鵝皮冇話特別脆，正常貨色，但係脂肪量偏多。油菜條莖有少少硬，如果再煮耐啲淋啲可能會更加合我口味。味道⭐⭐⭐賣相⭐⭐⭐⭐分量⭐⭐⭐⭐性價比⭐⭐⭐整體評分⭐⭐⭐

自己一條友閒逛銅鑼灣，下午茶時間想食少少野坐一陣，諗起Mcdull話中意食燒鵝，咁我就預先探一探路，試下啲味道掂唔掂 - 「棋哥燒鵝」我叫左個下午茶嘅燒鵝瀨+凍奶茶 $43+$3燒鵝瀨🙂喺銅鑼灣黎講，收你$43一個下午茶燒鵝瀨其實相當難得。而依間舖頭都好有良心，無論係瀨粉抑或係燒鵝份量都比得好足，燒鵝有六舊，有皮有肉。鵝皮厚身，一咬落去都成口油，啲肉都唔柴，有肉味，咁嘅價錢咁嘅質素，絕對收貨，我食下食下都有啲餓，愈食愈快，跟住就唔多對路。有啲碎骨，骨杉杉咁阻住我食，又要我逐塊逐塊吐出黎，食得唔係咁盡興。點解隻燒鵝咁好食，俾啲碎骨破壞晒，可惜。凍奶茶都正常味，茶同奶都夾，唔會太偏某一邊，合格以上。臨走睇清楚個menu，原來下午茶你可以唔揀瀨粉揀飯都得，如果我係附近返工，一定將佢做飯堂。Mcmug綜合評分：6/10🙂燒鵝好食，夠肥有肉味，下次帶Mcdull去😗。Mcdull ：表示期待「好食柒級🐽」：☹️👹極度難食，中伏 very very bad bad☹️難食 very bad🙁幾難食 bad😐普通no good no bad 🙂幾好食good🤤好食 very good🤤😇好鬼好食，必試

今日突然想食燒味飯即時諗起去祺哥！下午茶時間好多人啱啱門口有位，之後仲有位婆婆搭枱坐我對面諗咗一陣叫咗個正價叉鵝飯！嘩等咗一陣個飯到咗都好快到！但啲筷子又好污糟有食物殘渣😵‍💫揀咗一輪先搵到乾淨嘅！好啦我開始食！我望一望啲鵝…啲鵝嘅質素真心極差！因為啲燒鵝完全冇肉嘅….我知$69一碟飯加杯凍奶茶都唔望有太高質素但都唔好啲鵝全部得骨同肥膏6舊燒鵝得一舊有少少肉🥲我夾咗2舊食😮‍💨除咗食到一口油就冇其他！之後其餘幾舊就冇食….好彩啲叉燒算正常！唔係得肥肉！差不多全瘦肉但又唔硬喎！算幾好食！不過我本身諗住食燒鵝先嚟呢度😢因為佢哋招牌菜係燒鵝但估唔到會咁差⋯⋯我心諗會唔會係我唔好彩咁啱我果碟燒鵝嗰位差！我望一望對面婆婆又係食燒鵝！啲燒鵝比我大舊，係啲骨大舊🤦🏻‍♂️都係得舊骨同肥膏…最後婆婆食咗兩啖就成碟冇食！我哋對望咗2秒再望下碟燒鵝，大家都知咩事….之後因為太多人入嚟食所以急急腳埋單走人！不過我諗我都唔會再食祺哥因為連招牌菜都做到咁食其他嘅燒味又唔洗一定去呢度！總之冇下次！

食燒鵝多左好多選擇,以前可能淨係得好出名個幾間先有得食出色燒鵝但最近幾年燒鵝專門店越開越多,呢間棋哥都幾出名仲幾多人介紹過今次試碗鵝粉真係幾好食 鵝肉瀨粉 下午茶會特價$43 個皮真係好薄好香脆 鵝肉係比鴨肉肥既,皮下脂肪多少少食落香好多平均消費$43評分7/10銅鑼灣渣甸街45號人人商業大廈地下G/F, Man Man Building, 45 Jardine's Bazaar, Causeway Bay