kikusan

Open Now

Now Closed

好耐之前喺沙田新城市廣場見到呢間Kikusan, 一直都好想試不過成日都好多人。今日去睇狂野時速之前咁啱有位，一於同另一半嚟一個下午茶先❤️————————————————————————下午茶嘅餐牌唔算多選擇，不過價錢嚟講都唔算貴，一於醫好個肚先至去睇戲啦🤤————————————————————————總共就係嗌咗呢度四樣嘢👍🏻👍🏻👍🏻👍🏻菠菜蝦餃，呢個蝦餃皮薄餡靚，舊蝦肉好大舊，好食👍🏻👍🏻👍🏻紅油抄手，又係啖啖肉，而且麻香夠，食完一個嗰種麻既程度令人覺得好惹味🤤🤤🤤豚肉炒公仔麵，佢好就好在唔會太咸，而且豚肉嘅數量亦都好多，食到尾都仍然可以一啖麵一啖豚肉，同埋佢應該有兩個麵底，夠哂飽👍🏻👍🏻呢個係糖心蛋慢煮雞肉辛辣麵，剩係個賣相都已經好吸引，而且佢個慢煮雞肉都好好食，可能因為慢煮嘅關係食落唔會鞋，值得一試👍🏻👍🏻👍🏻————————————————————————總括嚟講，喺呢度食嘢好舒服，佢個環境好好，座位上面嘅分隔啱啱好，而且所有嘢都好乾淨，可能係有日式嘅關係，成件事感覺好好，食物嘅質素亦都有水準，啲職員嘅態度亦都好親切。成個下午茶都覺得物有所值❤️

星期六去了道風山，上山容易（大圍轉的士）落山難（要行山路），去到沙田新城市廣場，已經十二點幾，不如食埋午飯才走。見Kikusan在沙田開咗，不如試試。裝修同中環差唔多，不過因樓底高，感覺光猛開揚，更舒服。它的用具以木及陶瓷為主，有點日系氣氛。餐牌同樣有上海點心丶麵飯及少量小菜。由於不肚餓，只叫了2個點心及一個主食。紅油抄手（$48）先上，賣相不過不失，聞落有點麻香，很吸引。它的皮很薄及滑，沾滿辣油。餡料豐富，不過以菜為主，肉不算多，味道尚算鮮甜，加埋辣油，咀唇有少少麻痺的感覺，過癮。😋😋😋豚肉燒賣（$42）不是傳統廣東燒賣，是大大隻的刴碎豬肉，用燒賣皮包著。咬落啖啖肉，味道唔錯。👍🏻黑松露野菌蒸雞飯（$78）上枱即傳來陣陣鷄肉香，望落中間一串青翠的蔥，頗吸引。雞肉鮮甜滑溜，飯沾滿肉汁，軟滑好味。加埋黑松露醬及雜菌，整個飯更鮮更香，三個食品，我最喜歡這個。😍😍😍本來我俾評分是更高的，但食後不久便口乾，似乎味精多了一點，所以改為「OK」，希望它能改善。

2021.04.08 kikusan 好似係新開，第一次見佢，就試下佢。我嗌左千層豬扒擔擔麵烏冬，涼拌小菜今日係土豆絲，唔好呢樣，所以要左小龍包加菠菜皮蝦餃，飲檸檬柚子蜜。擔擔麵烏冬，烏冬係滑，不過碗野太辣，冇諗過甘辣。豬扒炸衣好薄。原來千層係因為入面唔係一大塊豬扒，而係幾片豬肉疊埋一齊，豬肉幾好，唔肥膩。小龍果係有湯，不過我論盡，夾穿左，試唔到淡湯。蝦餃就皮厚，d涵散散地，麻麻地。柚子蜜係柚子蜜。見到朋友個個黑麻婆豆腐，好黑，好恐怖，我就唔敢試啦

沙田新城市廣場人頭湧湧，食肆都相對比較多人！但係見到依家，冇乜人好闊落嘅地方，可以坐得比較疏落⋯⋯午後餐即下午茶有中式點心、有日式甜點、有西式選擇。只$52起，包咖啡茶或柚子蜜都可以啊！舒舒服服都OK嘅！綠茶紅豆驢打滾，之前喺銅鑼灣店食過，係非常之好食！所以就係必食！綠茶好夠濃味，紅豆亦都唔係太甜，兩隻夾埋真係呢好好食！另外就揀咗自選中式點心：孫蝦餃同埋蘿蔔糕。蝦餃就皮薄餡靚，蘿蔔糕以為係煎嘅，原來係蒸，但佢裏便嗰個係日式嘅木魚湯底，所以就都值得一試！飲品就真係差啲啦咖啡係完全唔得囉環境舒服嘅因為冇乜人，慢慢坐都得！同埋感覺好衛生，疫情嘅關係就比較好啦！下次可以試吓豬扒三文治見到人哋食好大份，可以當晚餐食㗎仲有提提你食物係送上嚟㗎但係額外餐具係要自助嘅！

又來喇！Kikusan早餐！是自助形式門口先落單，有自助水吧，自己搵位食物水準有落差，今次少少失手了！點了兩個早餐，再另加一個點心 - 豬肉燒賣第一個早餐是排骨蒸飯第二個是自選兩款點心包括咸水角和蒸蘿蔔糕豆漿的豆味少了如果沒有之前的比較，性價比仍是高的豆漿好像忘記隔泡泡咸水角香脆糯米皮是非常軟熟的推介排骨飯肉好食！飯是一人份量的，女士份量蒸蘿蔔糕有粗粗的蘿蔔條不過，這是失手之作味精重手左，超級濃味一啖都食唔到好浪費呀！豬肉燒賣肉滿，ok!來kikusan食野有五次以上這次是第一次失手重口味的蘿蔔糕常來的原因，除了是食物吸引外餐廳內的一碗，一碟都係值得欣賞之處⭕️全店職員戴上口罩 ⭕️提供酒精搓手液 ⭕️進店前量度體溫⭕️座位間有距離感, 有透明膠板相隔

同朋友差不多一年無見，今日終於約去新城市廣場食飯，想揾間無咁多人又可以坐得偏遠啲嘅餐廳傾下計。晚上7點左右，眼見好多餐廳都有七八成滿，而只有呢間係相對仲有好多位。攪咗成幾分鐘先入座，唔係因為要等位，而係職員應承咗畀你坐嘅枱突然安排咗畀一家七口，終於擾攘咗一輪先安排倒相對安靜嘅座位畀我哋。餐牌選擇唔多。我哋兩個人叫咗豬肉小籠包、紅油抄手(辣)、綠茶流心包、素鵝同千層吉列豬扒飯。小籠包上枱熱辣辣，皮薄多汁，都好味嘅。不過要我哋提先記得畀薑絲醋。紅油抄手嘅辣係麻辣，有別於喺酒樓食倒嘅甜辣。小小麻小小辣，個人覺得幾特別、令人開胃。綠茶流沙包好流心，不過就全部都係油啫。啲油仲要唔係牛油(因為無香味)，明顯係攪個流心餡唔夠均勻，油水分離，食到成口油、又膩。素鵝就正正常常，個腐皮煎得好脆。素菜餡，配埋個浙醋，唔錯。呢間走淮揚風味及路線嘅餐廳，做得最好食嘅竟然係千層吉列豬扒飯呢啲咁日式嘅食物。千層我就無辦法睇倒，但係個脆皮好薄好脆、一啲都唔膩。啲滑蛋都好正，令倒個飯濕濕地，好易入口。我去食嗰期，用恒生咭簽賬有九折優惠。

-🦄KIKUSAN @kikusan_official-🌸🥟第0️⃣8️⃣回の餃子日記🥟🌸-菠菜皮蝦餃 Hkd48Rating🌕🌕🌕🌕🌑秘製榨菜冷豆腐 Hkd48Rating🌕🌕🌕🌕🌑自家製泡菜 Hkd34Rating🌕🌕🌕🌕🌑蒜蓉炒西蘭花 Hkd68Rating🌕🌕🌕🌑🌑-歡迎嚟到第8️⃣回餃子日記💫今日有少少賴皮😜蝦餃扮餃子頂住檔先😆千祈唔好介意🤫-🌸🥟MIRU餃子日記の私心排名🥟🌸🌸0️⃣1️⃣北方餃子源 木耳香菇素餃🌸0️⃣2️⃣餃掂 野生松茸素餃🌸0️⃣3️⃣北方餃子源 碧綠素菜餃🌸0️⃣4️⃣KIKUSAN 菠菜皮蝦餃🌸0️⃣5️⃣饃饃饃子 饃饃素餃🌸0️⃣6️⃣餃里 清新素餃🌸0️⃣7️⃣VEDA SILK ROUTE MOMOS🌸0️⃣8️⃣GRAIN OF SALT Soup-er Dumplings🌸0️⃣9️⃣餃掂 大滿貫素餃🌸1️⃣0️⃣功德林 豆腐餃子🌸🌸以上排名只係代表我個人嘅喜好🥰🌸只供參考 亦都會隨住時間而改變😉-♦️菠菜皮蝦餃🦐蝦餃送到過嚟係熱辣辣仲出緊煙架😳菠菜綠色皮嘅蝦餃好似好少見 幾特別嘅感覺😆不過其實佢係完全無菠菜味 只係取其顏色💚每一粒蝦餃入面都會有原粒蝦仁 大大粒又爽口☺️基本上粒蝦仁都已經佔據咗全粒蝦餃嘅1/2👍🏻菠菜皮唔係薄皮 都

今次再黎吉谷舍品嚐晚餐，今次點左好多款野食，有點心丶主菜丶飯麵。但係發現今次晚餐餐牌的飯麵類少左好多款，無左上次食過果個炸雞親子飯丶豚肉生薑燒拉麵，問咗店員原來改左餐牌，午餐先有得返果d，我覺得好可惜，呢個改動令我地好難選擇，所以唯有叫多幾款點心小食。今次點左九款野食，豚肉小籠包丶豚肉燒賣丶菠菜皮蝦餃丶麻醬炒手丶錦鹵雲吞丶綠茶流沙包丶沖繩苦瓜炒豚肉丶黑松露野菌蒸雞飯丶擔擔拌烏冬加配千層豬扒。全部都煮得好出色，各有特色，擔擔拌烏冬好夠辣，蒸雞飯好入味，全部點心都好味。但係希望下次可以多返d飯麵類。

2021-4-8書畫班同學結伴來分享，我有份參與的繪畫比賽作品展後，我們到新城市的「Kikusan」午膳。我們選擇兩份午市套餐:熱柚子檸檬蜜，點心:豚肉小籠包&蝦餃，黑麻婆豆腐配飯，錦繡天婦羅飯。兩份散餐:千層豬扒擔擔烏冬，雲吞擔擔烏冬。熱柚子檸檬蜜不太甜，合共四件點心；我吃豚肉小籠包，皮薄饀靚但很少湯汁。黑麻婆豆腐配飯，烏黢黢的醬汁是墨魚汁，豆腐塊上是豬肉碎，頗特別，也挺美味！錦繡天婦羅飯，雖然炸蝦淡淡的沒有味道，但有脆醬包裹，吃起來挺香脆可口，有脆醬包裹還有一團洋葱絲、紅蘿蔔絲，淘在飯餸的豉油汁也能增加色香味！千層豬扒擔擔烏冬，千層豬扒製作很特別，狀以一卷卷，好吃，但香脆豬扒浸在熱湯上枱，我急忙地夾起放在小碟裏，不分開上是很失敗的做法，我下次都不會再吃這款千層豬扒擔擔烏冬了！雲吞擔擔烏冬，擔擔醬又香又帶少辣，烏冬煙靭有嚼勁，我們一行四位，三顆雲吞不夠啊！我選擇不分享，下次才試。

昨天去食午餐，叫侍應沒有回覆走咗去，態度惡劣，食物一般！叫咗碗麵好重味道，唔會再去！仲諗住讃下佢杯茶好飲，點知得出嘅結果係沒有笑容的回答,當我叫杯凍飲嘅時候，原來杯飲品只有熱, 待應沒有提醒我。

舖位前身為《明珠閣》，可能因為疫情，《kikusan》在新城市廣場開張也沒什麼宣傳，人氣亦比同場新張既單人日本燒烤店弱了一點。晚市幫襯不用排隊，坐下來菜單是中日式配搭；例子：四川水煮魚；加日式拉麵 變成。。 水煮魚拉麵，又或者奶王包改用有綠茶味既包；此等創意雖然正統酒樓未必這樣改，但其實早有餐廳如《唐宮小聚》大賣創意中菜，《kikusan》菜單上是給比下去的了。當晚，我們點了「雲吞擔擔烏冬」和「苦瓜豚肉炒蛋」；苦瓜炒蛋本為沖繩名物，內子在抗疫期間苦念「家鄉」，見到餐牌有此菜式，真正雙眼發亮；我本來對苦瓜無甚期望，但菜式經 fusion 處理，加入豆腐，簿切豚肉片來炒蛋，把苦瓜（爽脆既，但堅苦）夾豚肉一併細嘗，苦味確實中和了一點，較易入口；但喜歡苦瓜既朋友，內子對此碟菜式絕對有讚冇彈的。我們也點了雲吞擔擔烏冬，上菜份量較細，我們兩公婆各有兩小半碗。比較可惜係雲吞竟然冇蝦，嚴格D 講，其實最多只係菜肉餃，四川擔擔麵改麵底成烏冬此等茶記式 fusion ... 其實不提也罷。最後，可能擔擔醬太辣趕客，我們既烏冬冇乜麻辣味，有點可惜。總括：餐牌推介食物也平平無奇；新城市廣場有更佳中式或日式食肆

去朋友屋企，有人介紹呢間喺新城市新開嘅餐廳，話食過其他分店好味，咁我地就用deliveroo叫咗外賣喇～外賣用紙盒裝住都幾整齊，但一開呆咗兩秒：咁大個盒得嗰幾粒想點🤡 幾個餸睇落都似食淨打包嘅餸😅 其實用啲唔同size嘅盒成件事會好好多🙈差唔多十蚊一粒🤡好似得半份嘅炒蛋外賣嘅另一個問題係所有要熱辣辣食嘅嘢都變哂樣，啲包濕哂同食物唔夠熱，飯都硬埋😅 食得出本身味道應該係唔錯嘅，但質感錯哂😅濕包硬飯凍雞翼最後就係發現：喂，原來又係美心集團嚟嘅？

呢間Kikusan 喺沙田開左一個月有多，最近終於恢復返晚市堂食，所以今晚決定黎試吓。呢度係食fusion 菜，日本菜融合中菜元素。菜式選擇算多，而且全部都新鮮熱辣。當晚叫左幾款小食和主菜，有豚肉小籠包丶菠菜皮蝦餃丶鹹水角丶蝦肉春卷丶紅油抄手丶素鵝丶炸雞親子飯丶豚肉生薑燒烏冬丶千層豬扒擔擔烏冬。飲品方面揀左烏龍茶，$5 一杯。全部野食都好好味丶好出色，可以一次過食咁多款，真係食得好滿足。而且價錢合理。埋單先發現有九折。服務態度好。

Kikusan沙田分店於二零二一年一月一日正式開張。原來中環和銅鑼灣都有分店，仲開左好多年。最近見到原來有新店進駐新城市廣場，所以就黎試吓。進入餐廳之前先掃瞄「安心出行」QR code 方可進入，同埋要量體溫。在門口決定好食咩，先付款後取餐，比完錢就可以入坐，可以自己揀位坐。店員會比個食物取餐器，然後放喺枱面指定位置上，好似平時喺food court 咁。等左一陣就有野食啦，一碗熱辣辣嘅菜肉雲吞拉麵$42，我仲加左$28 要鹹水角，鹹水角新鮮熱辣。店員有禮貌，環境乾淨企理。

周末早上第二次來食早餐嘩. 咁快就轉左餐牌, 有新鮮感!早餐時間是自助形式進店前先落單付款, 後入餐廳搵位坐下自助的, 沒有加一收費把收到的電子器放在枱面的紅色方形貼紙上電子器會亮灯，食物飲品會隨後送上室溫水和熱水, 及額外的碗和餐具可以在入門的枱上自取. 豆漿首先被送上, 這次是為豆漿以來飲落好像, 腐竹糖水的味道濃滑的, 平時自己不太喜歡飲豆漿兩個人每人點了一個早餐, 再多一份點心這樣很滿足.豚肉煎蛋出前一丁豚肉很柴, 一般般煎蛋焦邊, OK!雲吞上海面份量適合女仔, 我能完成. 麻醬抄手麻醬足夠哎吔, 當雲吞上枱後便發覺點了兩款相同既野. 雲吞同抄手, 根本是一樣的. 雲吞和抄手也是一樣的皮包著餡料皮是粉粉的夠厚. 這個一般.⭕️全店職員戴上口罩 ⭕️提供酒精搓手液 ⭕️進店前量度體溫 ⭕️座位間有透明膠板相隔