牛皇星 (Moved) New Location

叫左牛脊味道ok 但魚雲好猩 落左去煮左一陣間 成個湯底都好猩 覺得除左牛肉好之外 其他嘢無咩特別 同價錢有點不符 同埋9:30後有88折 我哋差兩分鐘又唔提醒下 最唔鍾意系大排檔D環境 收費同不X翁差唔多 以甘樣D價錢有好多選擇 唔會再晒錢 來呢度！

朋友聚舊本來想到江南人家試下, 但係點知去到食閉門匙. 結果就行左去 lee度. 其實我地成11大2小, 都真係幾難有位 - 但係都可以比我地一入去就有位, 而且仲好寬敞. 同一班 friend係度傾下野聚舊真係唔錯.牛皇星相信佢打正旗號都係出名食牛, 我地叫左兩款 1)牛脊 and 2)牛柳粒. lee兩樣牛都幾好味. 唔記得講我地叫左兩個湯低 - 海底椰同埋芫茜. 海底椰湯好甜 - good以下係我地叫左既食物1. 雜菌 - 好少, 冇特別2. 雜菜 - 又係好少, 有特別3. 墨魚滑/蝦滑 - OK la, 但係又係好少4. 皇帝菜 - 好少..............................5. 膳片 - 同其他火煱店差唔多6. 炸魚片 - 我都係第一次食咁特別的炸魚片.......... 特別厚粉..... 7. 牛拍葉 - 份量 ok, 但係咬落去我都唔知自已食緊牛拍葉8. 烏冬 - 加埋湯一齊食 good仲有一d唔記得左係乜.......我地又七點坐到九點幾, 坐就真係幾舒服....埋單記埋大約每人兩舊水... 我好似又唔係食左好多野

來過幾次...唔知係咪好彩..服務又唔係為見食評講得咁差..牛脊(大) - 以此份量,價錢合理..有牛味又唔肥皇帝菜..正常,但點解在港食的皇帝菜,總係不及在深圳吃的香..點解?!云吞..正常,冇突別炸魚皮...粉厚,硬不鬆脆,差墨魚滑...夠彈,但毫無墨魚味,差醉雞...滑,毫無雞味,最重要是毫無花彫雞的酒或藥材香味膳片....正常有生果盤送此食店主攻牛牛...其餘都一般

i always find the limit is a big barrier to come to this hotpot.the food is good, beef is good.but they only serve either 6-830pm or start at 830pm.nowaday, tell me who can off at 6pm or 630pm?no one can arrive jordan at or before 7pm.1.5 hour is not enough for hotpot.start at 830pm is a bit late. 7-930pm is the best time for dinner.the time is not quite convenient to the customer.i know they want more business.but i don't go there anymore for this reason.

天氣凍最好就係打邊爐, 朋友話呢到牛肉好好食, 帶我黎試吓~BOOK咗7點, 8點半要交枱, 其實都幾急...等咗5MINS(佢話要執枱喎), 就搭LIFT上一樓喇~坐低即時有人招呼, 快手~湯底揀咗沙嗲拼野菌, 沙嗲一般, 野菌好足料, 一大堆菇做湯底, 正啊~本來想揀醉雞底的, 但友人堅持感冒唔可以食雞...唔準揀... (車, 感冒都唔應該打邊爐啦...)生蠔︰隨咗打邊爐, 呢到仲有多種刺身供應, 我地ORDER咗生蠔, 細細隻, 蠔味同海水味都幾重~牛肉︰好味啊, 好嫩滑又好彈牙, 脂肪夠多, 但係唔會覺得膩, 正!牛柳粒︰一樣咁好味, 但係厚身難熟D, 俾D時間慢慢烚~雜菜︰樣樣菜都有少少, 都幾新鮮~雜菌︰樣樣菇都有少少, 好大隻好厚肉~油錐片︰想ORDER魚, 伙記哥哥介紹油錐~ 魚肉/皮好脆, 但係有骨, 小心食...墨魚滑拼蝦滑︰勁彈呀! 好味! 蝦滑有一粒粒的蝦肉!水餃︰原隻蝦仁, 又多木耳, 爽口皮又滑~皇帝菜︰雜菜藍冇呢隻菜, 所以ORDER, 好嫩~鹽水煮蜆︰嘩, 好大隻GA, 鮮甜, 個湯好重胡椒味, 好正~!!炸魚皮︰即炸, 香脆唔腥, 放落湯浸一浸就更好

BOOK咗6:30，準時到達，已約好大秘書同阿蘇亦都喺門口等緊枱，其他人均遲到(當晚共7位，不過只有四位準時)，終於入場啦，被安排咗一樓枱，諗住好過地面點知......一坐低不斷催你落單，同佢哋表明想等齊人先落ORDER....但都係咁問你叫咩....吹脹~哎算啦，攪到未齊人都叫咗個海底椰拼沙爹鍋、手切肥牛、鮮鵝腸先上.....點知等咗好耐上咗個海底椰唔知咩菌鍋，因為有人唔食得菌所以好肯定我哋唔會叫錯，同個年輕待應講，佢就同個兇相女待應講，點知個兇相女待應大大聲周圍問啲其他待應係咪我哋落錯......有冇攪錯....第一: 我哋一定冇ORDER錯，第二: 如果個客要換，你都要換架啦...。跟住個兇相女待應超唔願意走埋嚟拎走個鍋囉，超差~再等七點三到，朋友到齊個鍋先再嚟，咁做咩之前要係咁催....好啦想加ORDER叫黑柏葉，個男部長一頭捧喝話"冇呀"，咁我再問普通白柏葉有冇，再一句頂心，語氣超勁差咁話"冇"，未食到一成已經一肚氣，啲嘢食又等鬼咁耐先嚟，問有咩鮮魚，個男部長又大大聲，好似叫你食唔起就唔好問咁....攪到本應想叫條活魚都俾佢啲態度攪到我唔想ORDER......食物方面真係好

生日飯本應開開心心食餐好, 但牛皇星令我地既開心聚會佈滿粗口收場!零服務的火鍋店唔知以為我去左$99任食火鍋店1. 訂左位7:30pm , 我地準時到齊, 但 8.幾先有位俾我地, 其實呢點問題不大!2. 一上到去, 叫左5,6次都冇人幫手落單!3. 茶又唔開4. 食左兩個幾鐘頭只加過一次水5. 有4,5個樓面但個個都做唔到野, 只係識收野, 其他咩都唔做!6. 呢個好笑! 有個樓面行埋黎講:幫你好收收D野! 但佢只收左我地壼水, 我地奇怪點解無啦啦收左壺水啦! 就見到佢用個壺開茶俾另一枱客! 我地問另一個樓面, 我地壺水呢, 佢用好無禮貌既態度講: 你要水咋嘛? 開過壺俾你囉!7. 又有另一樓面收走我地壺竹庶矛根水, 但個壺仲有少少, 個樓面想倒埋少少去個杯度, 點知一手渣住個壺蓋位, 一倒, D矛根水就源住佢隻手一直流入 個杯度, 我地成枱都見到同O咀, 但個樓面一粒聲都冇出, SORRY都冇句,就咁走左!8. 食到尾聲不斷有人黎問D野黎齊未, 收晒你枱面收得既野, 再係咁問你洗唔洗加單, 以上一連串動作都只係想趕你走!!!唯一好既地方係, 9秒9 同你埋單

每次一諗起打邊爐，總是第一時間閃起呢間，原因太簡單，牛肉非常之吸引，雖然好多地方都打正旗號主打手切肥牛，可是我偏鍾意呢到既多部位食法。除了肥牛外，其餘火鍋料都好新鮮，價錢一般啦，最重要湯底D味道好岩我地一班人。一坐低，先order了一碟牛脊，諗佢油脂分佈平均兼有牛味，放入海底椰湯底灼一灼，軟滑滋味。就係因為肥牛掂，所以追加了牛柳粒，發現都好好味，亦試過了之前網友的食法，5mins，15mins同30mins，哈哈，好可惜，我地每次都等不到30mins，不過如果鍾意食濃味既牛粒的話，5mins絕對夠，因為好稔又充滿牛味。另外，估唔到豬潤係咁好食，好大份，食落去有黃沙豬潤的感覺。皇帝菜同炸腐竹唔可以唔食，炸腐竹放入湯唔多過3秒，食到外軟內脆既口感，皇帝菜好新鮮，而且唔係間間都有供應，味道有少少似唐"O"，不過係更加嫩滑版，食落一d渣都無。更多圖片：http://hk.myblog.yahoo.com/zysk-c/article?mid=766

另一半上來我屋企…叫醒我落去食牛皇星…由於近排做緊優惠…所有早餐;都係15蚊…大大牒好抵食xdd我地差唔多11:30落到去..因為早餐11:30停好多人係度食緊!!~~~搵左兩個位就坐低*想食番茄湯通粉..但因為太晏無晒><”局住食沙嗲牛麵+牛扒早餐TOTAL 加埋$16…牛扒餐好味道….個多士都好正!!!連凍飲都唔洗加錢wo….杯凍檸茶係唔錯既服務都唔錯…臨走問佢優惠做到幾時佢話E個月都仲有…要食既快D去食啦^^

大家知道既話...牛皇星係對面街都有一間,係同一間鋪...我地午餐去食,都係食普通既扒飯...真係有d後悔...蒜蓉汁牛扒飯: 究竟係咪牛扒來架? 好怪呀個口感...而且蒜蓉汁冇味,好淡... 黑椒汁雞扒飯: 辣到爆...雞扒總算okay...呢度d態度又麻麻,個個粗聲粗氣,冇下次啦!!!

先前忙考試，食評都無時間寫……話說，已經係半年前的十二月三十一日，當晚會同同事們去西九倒數。大時大節要搵o野食，就都要睇幾分運氣，好彩呢度訂到無問題，time slot 都ok佢好似有三個舖位，似乎係呢區o既打邊爐"地主"。舖內感覺人不會很多，空間感夠，搵伙計都無咩問題海底椰湯底，頭幾round 當然有好香好濃o既椰味，應該都有o的補o既醉雞件：滾完其實都無晒酒味，但雞味尤在，亦唔老身墨魚滑+蝦滑：新鮮貨色，但味道唔夠出炸魚皮：打邊爐必備，滾一兩滾幾秒就食，正，半軟半脆牛柳粒：我o地分別測試三個字、半個鐘、九個字、一個鐘o既浸泡程度，果然係越耐越好食o架，唔好唔信邪肥牛：唔記得要o左咩部位，係又軟又彈牙的黑牛柏葉：呢個好差，有陣苦味這裡的牛是真的有水準的

其實我一直係呢間都只係食過早,午餐,見好多人都話佢地服務差,我反而覺得佢地好好態度,仲好好服務不過我食果間係"糖百府"對面街果間,唔知係咪另一間比較差呢?講返食物,我好鍾意食佢地既牛腩麵,我覺得係好正但係我就成日都見到人地食佢地既蒸飯,差唔多十個有六個食客都會叫,等我下次食完再寫下味道如何

完本想周老公開開心心慶祝賣樓成功, 訂了牛皇星8點打邊爐，可惜換來一肚火。食肆除了食物質素,服務態度都相當重要。我和老公準時8點抵達牛皇星，門口的服務員如常逐一登記並說等等，那時還有3枱已訂枱的客剛到。我們等了5分鐘, 只見一男一女服務員行來行去, 拿著對講機像在安排枱給我們, 聽到那女服務員跟一位熟客在交談, 問她為什麼不預早訂枱, 今晚幾多位, 四位等等......跟著那女服務員便引領那沒有訂枱的女熟客到店內。女服務員出來的時候我問她何時可以安排好, 她的答案竟是 : 「要等到有細枱埋單才可安排到。」我再問她大概要等幾耐, 她答15-20分鐘。我跟她說我訂枱的時候已問清楚訂了枱是否一定會有枱, 當時職員說無問題的, 為何我準時到達不但沒有枱, 還安排沒有訂枱的客優先入座? 她擰轉頭扮忙沒有回答。我明白「朝中有人好辦事」的道理, 但對於一些已訂枱的客人未免太不公平, 更甚的就是牛皇星的職員的態度, 連基本的禮貌都沒有。我和老公決定離開, 以後都不會光顧牛皇星。

好食到成日都想返轉頭的店！牛皇星一定系我地最鐘意既餐廳之一。食左都有3，4次，但每一次都好滿意咁落樓。呢度既牛肉真系好好味。我地其實差不多每一次都叫相同既野，但次次都無失準，好開心。我地多數會叫的菜式包括：1.牛肉呢個當然系主打。我忘記邊一部分，但只要問下伙計邊part最lum, 叫個度就arm la. 非常非常好吃，好有肉味，稍微滾一滾就ok la. 呢種牛肉比肥牛好食得多，雪花紋清晰可見，亦唔會太膩。。。必試！2. 石班肉我地系叫一份份的。但很新鮮，有好香既魚味。魚肉入口鬆化，卻有口感。百幾蚊一碟，我覺得值得。3. 秘制炒蜆非常出色的菜式。。。用秘制醬料炒得很有火候。。。好野味！！！4. 其他配菜一般的蔬菜都很新鮮，價錢也不貴。湯底是新鮮番茄加椰菜，不會太勁茄膏。。ok!唯一批評系餐牌唔算多選擇，不過可能店主貴精不貴多吧！如果唔系怕熱氣，我地可能個個禮拜都幫襯！

早餐好扺食, $16就有碗炸菜肉絲湯米, 一隻煎蛋,一片火腿,青瓜, 番茄及一個餐包 仲有杯熱飲, +$2改凍飲, 都有其他選擇, 都是$16 - $20左右, OK! 扺食推薦!!!