金牌小龍 (Closed)

不知不覺間又寫到第500篇食評，想不到在中學時，見到作文便縐眉頭，但現在視寫作為樂趣，怪哉！約太座逛街，少不免又想到食，今次想試這間在皇室堡的店子，早陣子在九龍已掀起熱潮，我不想趁墟，待不用等位才試。今晚可能已過了晚飯時間，店內祇坐滿一半，點了其招牌小籠包，菜肉餛飩和原盅土雞湯麵。小籠包一籠有六隻，皮很薄，我們也試試用筷子挾起，看看是否“坐著似口鐘，挾起像燈籠”，果然內裏的汁液下墜而形成燈籠狀，肉餡和肉汁都豐富，而味道也不錯，但要我去比較哪一間的食肆小籠包較好吃，恕我說不出來，因為又不是天天吃小籠包，或又不是兩、三間的小籠包同放在一起試，除非真是差得遠，否則單憑記憶，怎樣試得出其毫釐差別？再者，吃時的心情，環境，同誰人吃，服務等等也影響著我，所以寫了五百篇，反而心中感到不踏實，看官姑且將食評當作閒時閱物則不礙事，若是用作參考則請三思！原盅土雞湯麵，一盅雞湯和一碗麵分開上，湯裏有幾件雞，已燉得一挾就散，先試一口雞湯，幾清甜，但質地不及自己在家煲的雞湯，喝時感覺不到其膠質，可能是雞的份量問題，將整盅湯傾入麵裏，麵質爽，吸收了雞湯更好吃，雞肉已煲至沒味。菜肉餛飩，湯底清清的，有幾絲紫菜浮游，

這天晚上由於想吃的餐廳執了笠, 所以隨意選了這家餐廳試試我們點了:台式滷肉飯 - 也可以, 隻蛋幾好食辣味小黃瓜 - 青瓜很爽口, 加埋小小辣, 又配合得幾好, 咁多樣呢個最好味紅油豬耳 - 這個比較辣, 蓋過了豬耳的味道, 如果好像是辣味小黃瓜般不太辣便會很好了台式麻醬撈麵 - 可能是太多麻醬的關係, 吃完比較漏, 但是味道也不錯的糯肉燒賣 - 這個未試過所以點了, 可能是最後才吃的關係, 個皮有點韌, 如果熱騰騰的吃, 我估應該不錯初初以為不會很飽, 因為碟碟都不是太大碟, 但估不到吃完後是十分飽呀, 而且用指定信用卡還有九折, 都算是抵食 !

今日跟好姊妹到銅鑼灣搵食, 於兩個人想食中菜的情況下令我想起皇室堡的金牌小籠.第一次到來, 餐廳給我的感覺就像翡翠小籠, 因此我估計食物質素亦會是差不多吧.我們點了以下食物:金牌小籠: 包子小, 皮不算太薄但非常軟, 餡料鮮味, 有爆汁效果滷水拼盤: 有海帶,雞蛋, 豆腐同大腸, 沒有吃大腸但其他也是普普通通粉蒸排骨: 普普通通蒜蓉炒芥籣: 好食, 大排檔水準 (所以沒有為小店加分)菜式份量偏小, 以埋單每人$120 的價錢, 加上平庸的質素, 並不值得推介.如果大家只是想吃小籠包, 可以一試, 因為確實不錯, 但若大家亦希望食到一些其他的上海菜式, 那就請另覓地方, 皆因此店所提供的是上海+台灣菜, 一些大路的上海食品如雞絲粉皮, 湯年糕,都沒有如要於銅鑼灣區食上海菜, 以這樣的價錢, 選擇多的是.

去完花展基本上要喺維園附近搵個地方又坐得又好野食好難因為冇一間令我想行入去見到有金牌小龍上次喺THE ONE分店食過還好因為時間尚早所以冇咩人醉雞$58第2次食水準跟分店嘅差唔多酒味仍然好重四喜烤麸$25甜甜的又係凍食細細碟但夾起來都幾多金牌小籠包$46一籠六隻皮薄而且裡面好多湯不過皮好似薄得滯食落去冇咩小籠包嘅皮嘅感覺炸醬拌麵$32因為仲食緊其他野擺埋佢一邊侍應好細心咁提我地就算未食住都要撈左先如果唔係凍左好難撈麵質不錯軟硬適中服務都唔錯但加水速度有待改善

這晚要買傢俱，去了皇室堡，提議了幾個吃晚飯的地方，最後決定去金牌小龍。我和老弟先去拿位子。店子不大，咱們四人坐六人長檯都有點擠。點菜又是另一個難題。餐牌的選擇和鼎泰豐幾相似（其中的淵源在不在此詳說了）。金牌小籠包 ($42/6 個) 樣子對辦，味道卻居然幾「清淡」。水晶蛋 ($16/2 個)，見到此類東西通常都會叫，都有少許溏心但當然沒有廚神食友精心炮製的那麼正點喇！菜肉餛飩麵 ($38)，又係「健康」之選 (即是很淡!)，麵質還可以。奇怪為何食上海嘢的地方有得食台式魯肉飯 ($28)（所以說它是「抄考」鼎記囉），但飯是凍的，那其餘免談。筒仔米糕 ($25)，終於係熱的了，卻是比較油。還是要給老媽一點較清淡而飽肚的東西，故點了番茄蛋拌麵 ($27)，就是很家常的感覺囉。近月少吃住家飯，所以感覺不錯，但...外頭隨便一家麵店都賣得比它便宜吧。最後，仗著人多，當然要吃甜品了。年前在鼎泰豐吃過豆沙小籠包，這裡也有，不重覆了，反正也飽，只點了那次沒吃著的赤豆鬆糕 ($25)。咦原來我拍不到整個的赤豆鬆糕啊？雖然鬆糕有一點粗糙，上面有些類似五柳料的東西，裡面的豆沙倒是甜美的，我覺得是全晚比較滿意

成日o係雜誌見到呢間食店賣廣告， 好似好好食咁,，所以上星期五同屋企人決定一試。抵達時大約o係7:00pm, 無咩人等位。Order o左以下食物：生煎包 - 一d都唔脆, 個面完全無煎過, 包底好似"痴"住一片唔脆o既"脆片"咁,食落似蒸包多過似煎包. 肉涵都ok.小籠包 - 都ok o既, 但覺得以前o既金滿庭好食d鍋貼 - 唔係傳統樣, 係長形兼頭尾開口. 味道一般, 鍋貼底唔脆牛肚 - 40幾蚊一碟, 得大約八小塊. 味道真係好一般, 街邊檔好食好多. 有兩塊仲有d黑色o野... 好似唔係太乾淨. 一d都唔抵四季豆 - 中規中矩豬手 - 一碟三件, 家人話都ok滷水豬大腸 - 屋企人話好大陣豬腸味, 唔香, 麻麻o地餚肉 - 都幾好食, 如果切得厚dd都更好!!豆沙飽 - 一籠3個, 都幾好味. 唔太甜而且會有流沙. 係全晚最好食!基本上樣樣o野食都係碟頭好細, 只係似二人份量. 水準亦好一般, 價錢又貴. 終於明白點解星期五晚黃金時間都無咩人等位. 睇o黎都無下次.

見有好多食評把呢間餐廳同另一間比較，所以當我幫襯呢間時，都有意無意地同另一間比較。環境：最大的好處是唔駛排隊等位。由於被安排坐卡位，所以坐得很舒服。食物：只有小籠包最好味，皮薄餡靚，都算多汁。鱔糊太多菲菜，蓋過了鱔的味道，食完仲有D口臭。担担麵D汁太杰，D麵又太漿，夾起來一pat 嘢，好似一舊粉餅，比一般上海舖的更差。滷肉飯太細碗，冇咩味。服務：侍應生經常幫我地斟茶，OK。價錢：每款菜式比另一間平，但食物質素稍遜，值唔值就見仁見智了。

於皇室堡看哈利波特, 片長約140分鐘, 應該要到晚上八點多才看完, 避免中途肚餓肚皮 “咕咕” 聲叫, 自己難受事少, 影響他人觀賞電影就罪業深重啦… 所以進場前先來點輕食填一填肚. 今天不想吃三文治或蛋糕, 在商場尋尋覓覓時發現了金牌小龍, 之前有吃過K11那邊, 感覺不錯, 於是便選擇在這裡吃一個快餐.只點了招牌小籠包一款食物, 等了十多分鐘, 小籠包便放在面前了. Size 不大不少, 剛剛可以一口吃掉的尺寸, 當然我不會那麼傻就這樣一口放進嘴裡, 不燙死才怪… 先把小籠包夾起放在湯匙上, 於包頂咬開一個小洞, 把肉汁吸掉, 再用筷子夾起一些蘸了浙醋的薑絲放於包上一起放進口, 咀嚼數遍, 噢… 肉汁的鮮味四溢, 好好味呵!! 包皮不厚但也不過薄, 太薄的話在夾起時很容易弄穿. 而且這裡的肉汁是真正的肉汁, 不是注射進去的上湯又或是急涷了的上湯小冰塊, 個人比較愛吃真正肉汁的小籠包, 這裡太合我心意了吃飽飽便進場看戲, 只吃小籠包真有意思, 有點像到了上海的城隍廟一樣~ 很不錯的選擇!!

同個friend去工展會，近近地就係皇室堡左呢間食上海菜。中午時份，人客不算多，只坐滿卡位。侍應沖過茶後便向我們推介98元大閘蟹小籠包套餐包兩杯豆漿或酸梅汁，我們還點了台式鹵肉飯、菜肉生煎包和鹵大腸。1. 大閘蟹小籠包：小籠包包皮雖薄，但黃油汁卻欠奉，十分普通，不值一讚。2. 台式滷肉飯：份量雖少，細細碗，但足夠我們二人，而且味道不是太鹹，o岩口味。3. 菜肉生煎包：我想還是豬肉生煎包會比較好吃。4. 滷大腸：味道汁料ok，不過有點韌。綜觀環境是不錯，可以三五知己靜靜談天，但食物只是中規中矩。

nov 15, 10 tea time時間身處老銅,對我嚟講1個人真喺無idea有咩啱我食之餘而我又有興趣..........突然間比我諗起呢度.......因不同食友都提過可以嚟食吓佢嘅小籠包(only).........1個人又唔喺太肚餓,最啱就去食吓小籠包,況且我都未食過呢間,所以叫咗 : 1) 金牌小籠包 (hk$42)-1籠6粒-size不大,如果口大d,其實可以1啖1粒 -皮薄,頂位沒有累積起厚麵糰,也沒有硬-湯不是很多,但也不算少-肉很鬆,鮮味也不俗-其實食完6隻,都唔多夠喉,但如叫多1籠,我又會食唔晒,真喺矛盾,hahaha2) 茶$$$$ (hk$5)

鼎泰豐的新版，大約是因爲收購所以改了名字？不明白，不過聽人說蠻好吃就是了，來到了位于銅鑼灣告士打道311號皇室堡的金牌小龍店。人氣依然狠旺盛，點了上湯豆苗，十分不錯的一道菜，濃湯裏有碎豬肉、豆苗、皮蛋，稍微有一點鹹，總體清淡宜人。金牌小籠包更不用說了，伴紅油醋，汁濃肉鮮，咬下去真是好吃啊，軟軟嫩嫩的！韭黃鍋貼也是挺不錯的主食，不膩，狠脆，看起來賣相也不錯！還點了糖醋排骨，分量尚可，排骨味道也尚可，裏面還有西紅柿和黃瓜，搭配起來口感不錯！就是鹵大腸分量實在是太袖珍，不過味也算是正，蠻好吃的。

本題的題目故名思意，就是很明顯要做個比較，究竟是誰和誰去比呢？既然店家自己是有信心去挑戰人家鼎泰豐的，我也不妨在標題直說。此店一連在香港的皇室堡及九龍的The One開了店子，由於都是港島人一名，所以常在老銅活動的我及女友，未有到過The One的分店，但是日就來了老銅店一試。裝修很新也簡潔，卡位有特式又坐得舒適，二人坐好之後就看看吃什麼了，看餐牌真的呆了，食物的選擇跟鼎泰豐的很像，但以包點的選擇來說，好像都是鼎泰豐多一點，而最後我們亦點了我們常吃的醉雞及小籠包，另也點多一款點心素菜蒸餃，最後更試了上回在鼎泰豐吃得不太滿意的排骨蛋炒飯。先來的是冷盤的醉雞，醉雞非常之夠凍，在花雕酒之中加入了一條細細的人參及一點杞子，吃起來有花雕香之外，更有一點人參的甘味，此花雕的鹽度又適中，雞件醃得都還算入味，味道方面就真的不錯，可惜的是店家用上的雞，其實有如牛展的一片片，而且每件都沒有骨，吃起來很方便但也很奇怪，肉質沒有爽彈的肉感，雖然又不算死實，但就有點生硬，如果店家肯用回正常的雞件，相信會更好吃。之後就來飯了，排骨蛋炒飯其實一向都是指炸豬排加蛋炒飯，看見不少食友批評此飯太油，但是日又未有遇到這個情

7-9-2010上次喺 The One 吉列店 (http://www.openrice.com/restaurant/commentdetail.htm?commentid=2113100) 等位時見到隔嚟金牌小龍排長長長長長長長龍, 幾好奇, 是日夜晚 2 人嚟到銅記分店竟然大把位 , 又試試.水晶蛋: 蛋黃賣相都幾「水晶」, 夠晒溏心, 食落黏糯帶甜, 係鹵水? 蛋白未算好滑, 但唔會太「實淨」, 整體幾好食的.金牌小籠包: 頂部「摺」得幾靚, 圍邊皮薄但唔易穿, 食落帶點煙煙韌韌, 不錯喎 不過 d 餡就幾唔掂, 湯汁夠熱但無味, 肉餡粗嚡, 食落只覺輕輕的蔥味, 完全無「鮮肉」的感覺, 百分百「金玉其外, 敗絮其中」 「金牌」貨色就係咁? 銅牌就差不多 上海肴肉: 幾乾, 零「啫喱」, 質地 rubbery, 食落硬實味淡, 就連鎮江醋都係唔酸又唔香的, 10 thumbs down 原盅鮮雞湯: 湯底薄身, 味道好清, 唔知點解覺得有點「鴻福堂」(http://www.openrice.com/restaurant/commentdetail.htm?co

星期日同左女友去左呢間店食晚飯試試,唔算多人,不過好嘈,嘈過d酒樓,坐得亦唔太舒服.叫左個擔擔麵,一個小籠包,一個陽春麵,一個紅油炒手同三杯雞.佢呢度o既野質素可以,最好o既係三杯雞,好香,好惹味,一定要試,反而小籠包冇乜驚喜.d小二唔太有禮貌,好多時叫佢地都唔理你,就係話一陣來幫你,但佢地果時係企o係度唔知做乜,真係奇怪!!!

金牌小籠包 $42 : 第一寵上枱時店員一見到有一個串了, 立即更換, 超醒目 補回的一寵 : 皮夠薄, 有無18摺紋亦無巧究過; 而豬肉有豐富肉汁, 稱為Juicy 也, 湯包多而香甜, 先響了個頭彩 水晶蛋 $16 : 未發肉的蛋而且老左小小, 未太流心, 魯水蛋味也不太強烈, 唔拖唔水咁清炒津白 $38 : 一句講晒 : 清清清, 最唔抵食台式擔擔撈麵 $27 : 非撈即湯, 介乎是兩者之間, 白麵也未能吸收到香辣的味道, 因為花生味不夠香濃而且有點點過辣台式魯肉飯 $28 : 最好味, 魯肉甘香好味, 還保持點點豬肉汁, 只恨份量使唔使小得咁離譜先 茶水 每人$5總結: 番兜 list