金牌小龍 (Closed)

尖沙咀真係超多野食, 想食咩都有~~今日就黎到大商場食上海菜.....6點到唔算太多人, 一去到就有位喇餐廳都幾大幾多位既~坐到CAR位餐牌有好多上海菜式選擇~價錢經濟實惠元盅茶樹菇排骨湯個湯有健脾和胃，袪濕利尿，補腎的功效，補而不燥而且真材實料, 火喉又夠 茶樹菇味道獨具一格, 味道鮮美雞絲粉皮開胃又涼透心, 夏天的消暑佳品粉皮爽滑, 雞絲幼嫩, 配麻醬perfect~水晶蛋有少許黑松露係面~糖心蛋好滷得好入味蟹黃小籠包皮薄餡靚~蟹黃非常鮮味, 小籠包入面有滿滿湯汁~一食落口就爆汁台式皮蛋豆腐嫩滑豆腐, 糖心皮蛋~個汁好好味, 令人食唔停口酥炸黃花魚黃花魚新鮮, 魚肉幼嫩外皮炸得非常鬆脆, 冇乜油~必食之選紅燒豬手啖啖肉~ 每一啖都感覺到滿滿既骨膠原!豬手外皮Q彈, 肉質鬆軟~油蔥拌麵蔥和醬油香氣十足麵條口感Q彈!

辛苦壓力沉重的3個月終於過去了，放工一定要約朋友食餐飯！來到尖嘴ISquare搵食。好像沒吃粵菜，來到金牌小籠包。打開餐牌，食物種類挺多，台灣菜也有。壓力使人食欲大增，於是一瞬間二人點左七樣食物🍲！！蟹黄小籠包5隻香菇花素蒸效5隻溶岩小籠包(朱古力)韭王鍋貼雞絲粉皮開胃小木耳蟹黃瑤柱扒西蘭花哈哈😄實在有點誇張啦吧，開胃小木耳味道不錯，開胃之選又健康，微辣。雞絲粉皮芝麻醬香，粉皮還可以。蟹黃瑤柱扒西蘭花，賣相吸引，高檔，愛吃營養價值高的西蘭花。吃上海菜必定叫鍋貼和小籠包，欣賞溶岩小籠包有新意，咬一口後見黑色朱古力岩漿流出來，動心感覺～鍋貼呢，煎得挺香,黃金色澤，皮薄餡靚，而小龍包夠多汁。這裡環境簡約自然風，欣賞牆上綠色裝飾物。中式食物，但帶點西式設計風。

經常去台北食野😋，但在香港食台灣小菜就未試過，今次行經尖沙咀國際廣場，見到呢間(金牌小龍）門口個設計都幾正宗，所以就比佢吸引咗入去試試！💁🏻‍♀有甜品，湯麵，小食，小菜，點心，飲品都有！金牌小籠包＄42（5隻）熱辣辣，皮透薄、內裏的餡料更是汁濃肉香，筷子一夾搖搖欲墜，加點薑，沾上醋，好好味👍🏻👍🏻！台式酸辣湯 ＄32酸酸辣辣的口感，加上有肉絲、蛋花、木耳、豆腐等等，落埋黑醋，胡椒粉，開胃醒胃，又好味😋😋！炸排骨＄40炸得好香口😋，而且亦保留到食物本身的水份，好惹味！萵筍絲 ＄34熱食試得多，原來做涼拌更覺爽口，增添了一份清爽的感覺😌！

今晚在isquare睇咗場好戲, 狂野時速好耐冇睇過 IMAX , 夠激, 非常之滿足睇完好肚餓, 就落咗樓下食個小籠包熱騰騰的小籠包，薄薄的外皮，散出誘人肉味，外皮完整如初，放在湯匙上先咬破一口，吸乾湯汁，一入嘴，內餡甜嫩多汁，清香也清爽。 五香金錢肚, 咬落去非常的q彈 , 甘香嘅味道滲進口腔, after taste非常之強, 佐酒一流!鮮蝦肉絲蛋炒飯, 炒飯非常的出色, 粒粒分明, 再加咗蔥花, 菜譜, 蝦非常之新鮮, 再加肉絲, 口感豐富, 

今日提早收工😊，一行四人到尖沙咀逛逛，順道食點小菜傾談一吓，同事推介食台灣小菜，所以就帶咗我哋去💁‍♀️(金牌小龍）！環境闊落又舒服，因為六點鐘時段，所以人流不多，可以直接入座！蟹黃小籠包🦀🦀 ＄52餡料味鮮，蟹黃味出，汁多，皮薄、形美，加點薑絲和醋，熱辣辣，好好味！糖醋排骨 ＄72這碟糖醋排骨加上菠蘿🍍，紅青椒，沾上糖醋汁，酸酸甜甜味清新！麻辣金錢肚＄48滷水汁好入味，肉質亦好Q彈，加上微微麻辣汁，味道不錯！豆沙鍋餅＄48外層香脆，內裏豆沙軟綿綿😋😋！

係香港尋找台灣味道！其實我真係好鐘意台灣嘢食，好岩我口味！一有機會就會試下香港既台灣嘢食！今次搵到呢間係尖沙咀，門面望落唔大但入到去原來好大，座位好寬敞，坐得都好舒服，可以三五知己慢慢傾下坐下飲下茶！🔸滷大腸 $45滷得好入味之於大腸仲可以好有口感，好岩餸啤酒🍻鐘意飲兩杯既可以叫來試下！🔸蟹黃小籠包 （5隻）$52雖然蟹黃唔多但都有蟹黃味，而且皮薄多汁好鮮甜！🔸豆沙鍋餅 $48落單即做，製作需時約10分鐘左右，新鮮熱辣辣！皮酥餡又唔會太甜！唔錯！好岩唔鐘意太甜既我！

 要收茶位錢,另收加一原來金牌小龍同台灣鼎泰豐係有一點關係小籠包沿用鼎泰豐製法以19 摺以上的方法包製再蒸成原來曾經係9年前既''過江龍''現在只剩國際廣場一間分店菜式有小籠包,台式小吃,炒飯,湯,雲吞,麵食點了招牌紅燒牛肉麵,小籠包,煎爆汁餡餅 先來一客盅湯湯色清,金黃色,雞肉尚算滑,入口濃雞肉甜味招牌紅燒牛三寶湯麵 $58單價不貴,比起好多過江龍牛肉麵店都要便宜份量合適,每款都有1-2片牛肉燉煮得輕咬即分,非常軟身入味牛筋保有彈性湯色紅如血,辣勁不強,回甘飲到淡淡藥材香味麵條滑身,偏軟,不是爽脆那種麵身是水準好高的牛肉麵！ 小籠湯包名乎其實，招牌之中既招牌上菜時仍然辣手有蒸氣肉質明顯軟身，外皮薄而實淨用快子一壓，肉味甘甜既湯汁隨之流出手工，餡料，二者完美結合可稱得上金牌之作～ 牛肉餡餅食既時候要小心，真係會噴汁！餡皮薄，雙面脆口而肉汁餡多另一推薦之作～ 韭王鍋貼用韭黃和肉餡包起再煎脆煎出來的鍋貼，底脆，皮不會太乾身內餡飽滿

唔好以為 iSquare 嘅餐廳一定好貴, 今晚黎到呢間中菜館開餐, 食物價錢合理, 而且味道仲唔錯添餐廳室內環境簡約, 座位之間非常寬闊睇啱 Menu 上嘅食物, 然後喺 Order 紙上剔就 OK金牌小籠包即叫即蒸, 熱辣辣, 一籠有 5 粒, 外皮一 D 都唔厚, 可以隱約見到小籠包入面裝住嘅湯汁, 一咬開即爆汁, 所以食嘅時候要小心燙嘴麻辣金錢肚厚薄適中, 有咬口, 麻辣味十足, 又刺激又開胃雞絲粉皮雞絲份量唔少, 粉皮夠冰涼爽軟, 配上麻醬 & 青瓜絲, 令味道份外清新蒜泥白肉白肉切到夠薄身, 辣油浸透白肉中, 再加上大量蒜蓉, 蒜香味濃, 非常惹味元盅雞湯堅原盅燉湯, 材料有雞肉 & 肉排, 湯頭清甜而又唔油膩, 堅正上湯肉鬆菠菜用左金銀蛋 & 肉碎, 加入上湯煮菠菜, 令鮮嫩嘅菠菜增添一份咸香味, 簡單又好味

上次來過這裏一次覺得不錯，今次來附近上堂 又再來多次。雖然店內仍然有很多座位，但我一個人仍然要同人搭枱。去上海食店我都必定會叫蒸素餃，來到這裏也不例外。 $38 /5隻 都幾抵吃，不過餃子就「瘦削」了些少😆，餡料不夠多，相對來說餃子皮又厚了些少。原本也叫了豆沙小籠包，但侍應姐姐轉頭過來 說沒有，那麼就叫筒仔米糕。$32 / 一個 可接受。見到米面上的醬嚇了一跳，因我不吃辣的，還好這辣醬只是微辣，但我都用筷子及匙羹去走大部份。米糕裏面有香菇及蝦米，沒有辣醬都夠味。還有時間又未夠飽，最後安歌多次蒸素餃😛。每枱跟一壺茶，我怕晚上睡不著，所以泡了不久就把茶包掏出來，所以形容不到茶的味道😅。要自己出去結帳，但收錢的櫃面比較高，對一些人來說會否不太方便😅?!

最近多左出街食飯,因為無咁多人亦唔駛等位,呢一晚就揀左係isquare既金牌小籠。同樣地,平日晚上唔駛等位,兩個人亦被安排四人卡位。小籠包一客有五隻,都係$40幾一籠,熱辣辣,加上皮薄多汁,以尖沙咀區既上海菜質素可謂非常抵食。酸辣湯麵,酸辣度適中,麵既份量都唔少,奈何好易索晒d湯,以致有d似乾撈麵咁,同埋由於唔夠湯,所以食落個麵會有d淡。蟹肉扒西蘭花,蟹肉就唔係好多,清清淡淡之選係ok既。紅油菜肉雲吞,不過不失,略嫌辣椒油唔夠香。食完之後想叫個甜品,揀咗豆沙鍋餅,不過侍應就話今日未能供應所以就算數了。順帶一提,我哋坐嘅卡位係最入既位置,食飯其間一直都會有收碗碟既車推黎推去,會keep住發出嘈音,如果坐呢邊嘅位置就需要注意。總括而言,好推介呢度嘅小籠包,其他食物就中規中矩,但以尖沙咀上海菜計,金牌小龍比上海婆婆嗰啲原來係平d,不過小菜款式就會比較少。

近呢兩晚都要開OT，難得朋友肯就我喺我公司附近食晚飯，很感動，朋友鍾意食上海野，所以選擇咗呢間餐廳店員好殷勤咁安排左我哋三個人坐卡位，很細心，由於太肚餓嘅關係，唔駛1分鐘，我哋就叫好嘢食首先我最鍾意食嘅皮蛋豆腐，份量好多，皮蛋每一件都晶瑩剔透，醬汁調味得好好，正其次我最鍾意就係食小籠包，同埋餃子餡餅，尤其是小籠包湯汁濃郁，而且個皮恰到好處，唔會太薄，咁就唔會太容易穿特別要讚一讚個水煮牛肉，初初見色澤好似冇乜味，但原來有驚喜，個醬汁恰到好處，牛肉唔會太硬蟹皇瑤柱西蘭花亦都係個醬汁出色呢個燉盅湯麵，個湯就咁飲都好清甜，所以食完碗麵我哋都要飲埋個湯

公司午餐去了isquare 吃上海菜，一行人點了幾款食物分享。.📍金牌小籠包（$42/5）由現場有師傅即製小籠包，人手製作而非由工場大批大批製造，可見餐廳對食物的堅持✊。小籠包肉餡說不上特別，不過肉汁多，還算不錯。.📍意大利黑松露小籠包（$52/5）當晚還想點蟹粉小籠包，可惜早已賣光，轉而試一下這個Fusion的意大利黑松露口味。一客五件，黑松露味突出👌🏻，頗好吃😋。.📍芝麻包（$30）包身鬆軟，芝麻餡味道濃郁，不錯。.📍什錦豆乾絲（$34）一款比水煮魚更辣的菜色，豆乾、木耳、芽菜混在一起，清爽又開胃，是一個不錯的小吃。.📍水晶蛋（$25/2隻）水晶蛋亦即溏心蛋🥚，外面經油滷水汁醃製，中間保持晶瑩流心狀，不錯。.📍水煮魚（$88）辣汁雖然顏色深紅，但辣味低，只是BB級辣度🌶。魚肉預先經過高溫油炸🐟，失去了平日魚片的嫰滑感，但配料豐富，有大量木薯粉和芽菜，十分吸味，很飽肚。.📍台灣紅燒牛肉麵（$58 ）牛𦟌肉厚大片🐃，軟腍入味，湯式帶點藥材味，但味道不錯，感覺養生。粗身麵條，份量合理，整體味道討好。.這餐吃得很飽，價錢不算貴，但份量都很充足。唯獨服務一般，基本上都沒有人收餐碟，堆到滿枱都

iSQUARE內有間中式菜館，專門吃台灣菜，事實上台灣菜與上海菜差異不大，價錢不算貴，所以草根一家也嘗一嘗。.📍熔岩小籠包（$38）十分有趣的朱古力小籠包，打開後內面的朱古力餡緩緩流出，不會過甜🍫。而且朱古力醬順滑，頗有驚喜。.📍上海風味肉（ $52 ）一客有8片，肴肉彈牙爽口🐖，口感味道勻不錯，但若陳醋味可以再突出點會更好吃。 .📍生煎包（$40）新鮮熱辣即場做好，內有不少湯汁，不錯吃！.📍蒜泥白肉（$52）白肉薄切，生蒜泥味道刺激，加上辣油，令菜式更好吃😋。.📍鮮蝦紅油抄手（$45）草根妹妹最喜歡吃紅油抄手，十分享受那種麻辣感🌶！這個抄手以蝦肉做餡🦐，味道更鮮更出色，正！.📍台式麻醬撈麵（$40）麻醬味道突出，開胃又美味，配上麵條味道不錯👍🏻，麵量多，價性比高，不過如過能加上花生碎🥜，應該會更高分。.📍赤豆鬆糕（$32）第一次吃中式鬆糕，幻想中以為與馬拉糕差不多，不過口感原來有極大分別。鬆糕實而乾，即使鬆糕內有紅豆都彌補不了乾硬的問題，不太合口味。.餐牌如下

成日食親中菜，餐廳裝修都係好傳統既中式，但今次食金牌小龍居然係行文青路線。綠草堆成牆，加上淺黃既燈光及淺色木系桌椅，新派既裝修令人感覺舒服。餐廳既食物選擇好多，小菜、面飯、小食等應有盡有，今日都叫左好多唔同既野😎蟹黃小籠包上海野點可以漏左小籠包呢💪🏻皮雖然唔係好薄，但勝在夠juicy,而且餡入面真係有粒粒蟹黃，真材實料👏糯肉燒賣第一次見到，貪新鮮試下，原來係燒賣皮包住糯米，味道唔算太特別，但糯米夠飽肚😌生煎包一客四件的的式式，底脆脆地，入面都保留到少少肉汁。蕃茄蛋拌麵味道甜甜地，小朋友應該會好鐘意，麵條掛上醬汁，開胃又好食😬紅燒牛肉麵湯頭少少辣，幾惹味。牛肉用左牛𦟌，炆得炆身入味，麵條用左上海麵，口感都彈牙。蟹黃瑤柱扒西蘭花滿滿既西蘭花山，擺盤好靚，淋上左有份量不少的瑤柱絲同蟹黃既茨汁，令西蘭花味道更有層次❤️❤️水晶蛋糖沁蛋，上面放左少少松露醬，味道濃上加濃，推介！

家人好中意食上海菜，今日就帶佢地黎Isquare既金牌小籠試下。呢間上海菜館都好大，而且檯與檯之間有幾多空間，坐得都好舒服下。 金牌小籠包$42小籠包皮薄但有韌度，就算夾起都不會穿，不愧為金牌！湯汁肉味濃郁，食完真係超滿足！ 牛肉捲餅$38餅皮煙韌，內裡有牛展、青瓜絲，加上少許類似片皮鴨的醬汁，好香口。 蝦肉蒸餃$42每一個蒸餃內陷除了豬肉之外，仲有一隻完整既蝦～咬開都係有湯汁，雖然沒有小籠包咁多，我個人覺得蒸餃仲好食過小籠包，必試 蟹黃瑤柱扒西蘭花$88蟹黃加上瑤柱的芡汁非常鮮味，瑤柱分量好大方，每一顆西蘭花都可以均勻咁沾上，特別鮮甜。 雞絲粉皮$38這裡的粉皮比平常食開的厚，拌上麻醬，都幾開胃。 台灣紅燒牛肉麵$58這裡的牛肉是牛展，帶有少許厚度，家人大贊好食！麵條都係有韌度既面，可以一試。 呢間上海菜真係好抵食，味道又好，值得一試！