大頭蝦南風海鮮酒家

Open Now

Now Closed

去朋友屋企玩 餓餓地朋友話帶我去附近大排擋食飯 餐廳係好舊式既大排擋 一睇就知歷史悠久有室內同室外座位 揀左室內坐 有得涼冷氣菜式選擇都好多 花多眼亂✨燒味雙拼燒鵝熱辣辣 外皮油脂豐富 肉質嫩滑多汁滷水雜錦有鵝翼 鵝掌 豬腳仔 全部都好入味 ✨胡椒豬肚雞煲份量好足 有半隻雞 仲有豬肚絲 同娃娃菜胡椒湯好重胡椒味 超正👍🏻 忍唔住飲左幾碗雞肉都好嫩滑 又夠大隻✨欖菜肉鬆四季豆呢個好香好有鑊氣 一啲都唔油 調味岩岩好 入面仲加左少少草菇 更加好味食完超滿足 香港好食既大排擋買少見少已經好難見到咁舊式既大排擋門口仲有位可以停車 有興趣都可以試下咁道地既大排擋

同屋企人提早食中秋團年飯，簡左東涌人後花園之稱位於北大嶼山醫院旁邊黃泥屋村的「大頭蝦南風海鮮酒家」，一嘗其明爐燒味和特色小菜。設有室內冷氣卡位雅座、同朋友高談闊論小酌一杯可以坐室外位置，闊落舒適。麻辣雞煲：毫不吝嗇的雞件，幾乎有一整隻雞份量，每一件雞都掛曬香辣雞醬，仲有辣椒乾調味，夠曬惹味嫩滑，最憎話係香蔥芫荽，洋蔥🧅青椒做配菜，增加咬口得黎又吸曬雞煲醬精華，用上GAS爐滾住黎食，別有一番風味。辣到恰到好處，是小辣程度，大家都啱食。足料小炒王：非常有個人特色，夠曬鑊氣不在話下，足料非常，有蝦乾、魷魚、腰果、清甜香煎帶子，坊間少數會有帶子，落重本，整體炒得乾身，韭菜好香蘸滿XO醬味。燒味雙拼：親聘師傅明爐燒鴨，鴨身燒至皮脆肉嫩，鴨肉味香濃，咸咸香香，肉質軟焾，蘸上自家製酸梅醬，錦上添花。油雞食落好有口感，肥瘦均勻，個人喜歡帶點肥膏部分，肉質更彈，食到雞皮個層啫喱，夠曬雞味。總結：東涌超癮世鑊氣小炒價錢合宜 朋友相聚好地方

今日過東涌去朋友新居參觀一下，順便食埋飯先走，帶左我去佢樓下嘅大排檔，朋友話呢間大排檔好出名，好多人都過嚟食。呢間大排檔分室外室內，地方好大，一大班朋友食飯都無問題！餐牌好多選擇，小菜，烤魚都有！燒味雙拼-切雞，燒鵝哇，兩款咁岩都有脾位🤤🤤切雞一啲都唔肥，係無乜肥膏，個皮食入口係脆卜卜咖，唔係平時買果啲冰鮮雞。雞肉就算近胸嘅位置啲肉都好滑，唔柴。燒鵝又係唔會好肥，個皮好香食入口好juicy，但唔會好油。再加上酸梅醬，真係好正。巴蜀川味烤鉗魚一上枱望落好似好辣咁，原來食落好香唔會勁辣，小辣嘅程度啦，鉗魚又係預先煎香再放落去。不過邊滾邊食，真係越食越辣😆但又食得好過癮，仲可以加湯打邊爐添。金銀蛋唐生菜🥬金銀蛋莧菜就食得多，唐生菜都係第一次，估唔到又幾好食喎。唐生菜爽脆，好夾。入面仲有啲草茹，好味。呢度環境坐得好舒服，地方又大唔迫。室內冷氣都好充足，食物好味，慢慢傾吓偈都幾正。

一班朋友去完大澳郊遊，出番東涌搵食，厭倦了商場嘅連鎖式餐廳，喺開飯網search到呢間大排檔，一於行多兩步路試下菜先。去到見到爆晒場，相信都真係深受街坊歡迎！南風小炒王（$118）小炒王嘅材料十分豐富，有蝦仁、魷魚、腰果、菜甫、韮菜等，送啤酒一流！🍻菠蘿生炒骨（$98）甜甜酸酸超開胃嘅生炒骨，外皮炸得酥脆，汁料剛好裹上每件排骨，係白飯嘅好朋友。豉汁蒸鱔（$178）食大排檔都要嗌個功架菜，蒸鱔呢啲屋企稍為難處理嘅菜式，一場嚟到真係要試，魚肉蒸得剛好，唔會太老太韌，愛魚者必點！椒鹽鮮魷（$108）繼續係啤啤佢時間！熱辣辣油炸嘅魷魚蘸上特調嘅喼汁，帶點甜酸，十分有特色。啫啫雞煲（$102）再次係白飯嘅好朋友，原煲上枱嘅啫啫雞煲，經過極高溫燒焗後，煲中嘅汁發出滋滋聲，超級有風味，雞嘅份量絕不吝嗇，食極都仲有，人多必點！呢間大頭蝦都可算係東涌少見咁有氣氛嘅大排檔，值得再去！

位於東涌十分偏遠的大排檔 地鐵站行過去大約15分鐘喔！附近除咗大排檔都有其他食肆 應該係主要街坊生意～水煮魚同蒜蓉炒青菜好多蒜蓉同夠多油去炒 所以夠香夠滑 係生菜黎另外水煮魚一大條 煎過再煮 水滾可食 配菜有芽菜豆卜青椒同埋洋蔥 調味係花椒八角 不辣的#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

香港隱世大頭蝦南風海鮮酒家聽講東涌有間隱世大排檔， 抵食得嚟價錢公道，但位置相對隱秘少少。 東涌站行過去要15分鐘左右， 搭的士去就要跳一次表。餐廳有室內同有蓋室外兩部分，我哋選咗有冷氣嘅室內坐。鼓椒炒蜆炒得好惹味，蜆肉很飽滿新鮮，汁醬濃稠度剛剛好，隱約仲食到有蝦米啦，應該係汁醬入面嘅蝦米，配飯或者配酒都會好夾醬爆蒜芯炒煙鴨胸呢個又係一個配飯或者配酒都係一流嘅餸。蒜芯青嫩脆口， 但相對偏鹹嘅煙鴨胸配合， 中和返個鹽度，仲可以令蒜芯有微微煙燻味胡椒豬肚雞煲(半隻) 最近都落雨濕濕，想飲返熱湯暖下身。半隻雞件份量好足，雞件嫩滑， 煮耐咗都唔會覺得柴。豬肚份量都唔少， 兩人食一定夠食。湯底好夠胡椒， 因為個煲一直加熱， 個胡椒味會越嚟越出，食完暖晒！

東涌有好味中菜， 我好鐘意食中菜，大頭蝦係大排檔， 煮餸好有火喉同火鑊！ 同朋友叫左豉椒炒蜆， 炒蜆好有鮮味， 新鮮又無沙， 每粒蜆都淡淡肉。 中菜最有名的是燒味， 我見到佢有1隻隻乳豬賣的， 所以叫燒肉燒鵝併盤試吓， 燒肉皮脆口， 燒肉的肉和油脂一層層分開， 入口即溶， 燒鵝肉汁juicy , 燒鵝皮非常脆口。 食中菜當然不少得叫一個炒菜， 叫左炒生菜， 用左蒜蓉去炒， 非常生鮮爽口， 生菜仲非常青， 賣相好吸引， 火喉控制得非常好！ 另外是出色的蒸魚，是蒸鯇魚， 魚非常新鮮， 啖啖肉又滑身， 我哋最後清哂條魚， 將魚肉、魚骨分離， 非常好味！

📍東涌黃泥屋村2號地舖嘩，今次係我第三次 encore呢間餐廳 咁聽落就知好食啦 如果唔係都唔會山長水遠，嚟到東涌食佢 我個人其實幾鍾意食大排檔的海鮮 佢個奶油蝦真係出色到 就算搭50分鐘車山長水遠特登嚟都係值得嘅😍 首先佢嘅蝦頭全部都有膏 全隻都炸到卜卜脆 沾上香濃嘅奶油將 成隻放入口香脆可口 呢碟菜一嚟到全枱人就瘋狂食食食冇停過口😂😂 最後個奶油醬，仲用埋尼撈飯 必食推薦～另外今次試咗個小菜 西芹炒肉粒 清少少 不過炒落都好有鑊氣

估唔到東涌有出色大排檔， 地點係北大嶼山醫院對面， 有室外、 室內位置的， 當然揀有冷氣位啦，大頭蝦有燒味、 酸菜魚、烤魚、雞煲等食。當然叫左燒味併盤， 有燒肉、 燒鵝， 燒肉味道剛好， 豬皮脆卜卜， 肥瘦均勻； 燒鵝燒得好香， 鵝皮都非常脆， 鵝肉鵝味好皇， 加上鵝汁送飯一流！ 仲有叫左蒸鯇魚， 係新鮮鯇魚來的， 蒸的火喉剛剛好， 魚肉好滑， 魚皮食落有彈性， 魚肉淡淡肉配上蔥油送飯好正！另外想食一個菜， 叫左蒜蓉炒生菜， 生菜好新鮮是即炒的， 用左新鮮蒜頭去炒的， 菜食落口滑溜溜又爽口！ 另外口痕還叫左豉椒炒蜆， 蜆是新鮮的又無沙， 蜆肉爽口， 而且用左好多配料去炒， 炒蜆非常用心。

今次接女朋友收工過咗嚟東涌搵食，發現到呢間五年前已經去過嘅酒家，位置雖然有少少偏僻，喺大嶼山醫院隔籬的今次過嚟都係試下佢燒味，皮蛋浸菜和烤魚！燒味拼盤，呢個拼盤都係叉燒拼油雞，燒味嘅質素比較普通可能係唔太新鮮但係都正常皮蛋浸菜，食完肉之後要食啲菜解下。呢個就非常唔錯，又可以食到皮蛋烤魚（鯇魚）呢個菜有驚喜第一條魚非常大！而且難度適中唔會太辣！上菜嘅時候已經熟曬，可以即刻食到，預期質素新鮮食落唔會太腥！非常推薦總括而言會再次光顧的！性價比也較高

又入去東涌探朋友，佢介紹咗呢間係村路旁邊嘅大排檔🤩👏🏻我最鍾意食咁地道嘅風味😍先叫左個雞煲，再加幾個必食嘅小菜😋我哋坐室內位置，冷氣都好充足，坐位闊落舒服。麻辣雞煲：超多香辣醬😋每一件雞都夠曬入味👍🏻雞肉又夠香滑👍🏻夠辣夠惹味 香茅胡椒蝦：D蝦超大隻🤩而且油炸過，連蝦殻都好香脆，我連蝦殻都吞埋😂胡椒味亦好香👍🏻冬陰功浸蜆👍🏻：呢個菜式幾特別，估唔到冬陰功同蜆肉咁夾，啜蜆肉嘅時候，連冬陰功湯一齊啜埋，好好味呀😋 個人覺得係必食推介👍🏻👍🏻小炒王：每個大排檔都有自己特色嘅小炒王，呢間都好足料，有齊蝦仁，魷魚，腰果，仲有大大片帶子添😋炒得夠乾身，韮菜又夠香👍🏻好食😍估唔到個地方咁入，但味道都有大排檔嘅鑊氣同風味👍🏻👍🏻抵食又惹味，值得推介 ❤️

估唔到東涌都有D咁好味嘅大排檔👍🏻係逸東邨對面，有室內室外位可以揀👍🏻地方都幾大。食左幾個大排檔必叫嘅風味小菜：黃金鮮魷，小炒王，麻辣雞煲，冬陰功浸蜆，燒味雙拼燒味雙拼：叫左燒鴨脾同切雞脾👍🏻😋超正，個燒鴨皮好脆，肉夠滑，而且油花又夠👍🏻juicy ❤️ 切雞都好高質，雞肉新鮮滑嫩2隻脾都大大隻，夠份量。 黃金鮮魷：件件魷魚都超大塊，咸蛋黃醬超多❤️好濃味👍🏻即叫即炸夠香脆😂好邪惡但必須要食嘅大排檔風味之一😋冬陰功浸蜆：蜆肉無沙，新鮮，配搭冬陰功湯底嘅煮法👍🏻好特別，有泰式香辣味❤️正 麻辣雞煲：有得揀半隻/全隻雞，小菜多，我地叫左半隻雞，4個人食都夠食，夠辣夠惹味👍🏻抵食全部小菜都好惹味，價錢亦唔算貴，份量夠大碟👍🏻好味抵食👍🏻

尋日同朋友去完迪士尼酒店玩，就揸車去東涌，睇吓有咩食😎今次就去咗位於東涌嘅大頭蝦南風海鮮酒家😈因為我哋已經好肚餓 所以就叫咗幾個小菜！第一個都可以係我最愛嘅燒味拼盤 我就揀咗叉燒拼燒鵝 佢哋嘅燒味都好出色 全部都燒得好靚 叉燒肥瘦均勻 咬落去豬肉香出晒嚟🥰🥰🥰 燒鵝都好好食 油脂出晒嚟 好肥美 咬落去又唔會太油膩 我好鍾意佢地既燒鵝 🤓🤓 第二個菜係泰式青口！估唔到青口嘅份量咁多 每一隻都好飽滿多肉 大大隻脹卜卜 視覺上真係好吸引 佢哋嘅泰式辣醬都好好食 炒到啲青口好入味😉😉😉 最後就係我最愛嘅辣子雞煲啦 雞件嘅份量就係超級多 雞煲亦都係下面有個爐燒住 所以每次咬落去都係熱的 因為加咗好多辣椒嘅緣故 所以都比較辣 但係咁樣先夠惹味😍😍😍

大頭蝦南風海鮮酒家的菜單中，最受推薦的當然是大頭蝦。這裡的大頭蝦新鮮活潑，尺寸可觀，肉質鮮嫩多汁。烹調方式多樣，可以選擇清蒸、煮湯或者炒炸等，每一種都能帶出大頭蝦的鮮美風味。清蒸大頭蝦保持了蝦肉的原汁原味，簡單卻美味。煮湯大頭蝦則能將鮮美的湯汁和蝦肉完美結合。炒炸大頭蝦則更加香脆可口，外皮酥脆，內部鮮嫩。除了大頭蝦，這裡的海鮮選擇也十分豐富。炒螺肉是一道受歡迎的菜品，螺肉鮮嫩多汁，炒得恰到好處。燒烤鮮魷也是一道不容錯過的菜品，鮮魷烤得恰到好處，帶有輕微的炭燒風味，口感極佳。炒蟹粉炒飯是一道具有濃郁蟹味的美食，口感綿密，味道鮮美。大頭蝦南風海鮮酒家的菜品口味獨特，每一道菜都呈現出豐富的風味層次。餐廳的食材新鮮，烹調精湛，保證了菜品的品質和口感。

識食嘅都知香港大排檔式酒家好多，不過師傅有工架做到有鑊氣，咁多年都有街坊幫襯嘅，真係要好好搵先搵到，南風我地成日食嘅，晚晚都好多人，今晚又去食喇南風小炒王（108）鑊氣首選，有蝦乾、蝦仁、腰果、韭菜、魷魚、冬菇，有少少好似喺度開盲盒，因為每一次食佢都會有少少唔同😂我覺得呢個黎呢度係必叫四川麻辣雞煲（半隻218）叫咗兩個飯，一路煮啲雞一路食飯好夾。雞味濃郁，好滑，塊皮有厚度，但係唔會太過肥，至於四川麻辣個味都辣得恰到好處（我哋叫咗小辣）惹味，不過接受到飲品叫咗天地1號，平時好少特登叫蘋果醋飲，不過天地1號嘅蘋果醋係有汽嘅，配埋重口味嘅大排檔菜式非常適合，見有少少熱氣都有嗌咗王老吉#大頭蝦南風海鮮酒家 #香港美食 #香港海鮮酒家 #大頭蝦 #東涌美食 #香港探店 #港式酒家 #香港必食餐廳"