大壹燒鵝 (登輝大廈)

Open Now

Now Closed

今日加班🥲，離開公司都已經8點鐘🕗，同事話好肚餓，約我係附近食埋晚飯先返屋企。佢提意去登龍街的燒味店“大壹燒鵝”，話快靚正🥰。店舖裝修是一般茶餐廳格局，座位比較少但幾企理整齊🤗。由於肚餓，我地叫了2️⃣個1️⃣人餐及散叫了1️⃣份雙拼。跟餐有例湯及油菜例湯🍲味濃味清甜，油菜🥬正常水準。燻蹄拼燒鵝肉飯 $80燻蹄入味豬皮爽脆，鵝肉🦢皮香肉厚，啖啖肉食得零舍開心😋。油雞拼燒鵝河粉 $80油雞🐓浸得入味肉質嫩滑，燒鵝🦢皮脆肉嫩，同樣調得入味。雙拼燒味 $98燒腩仔 - 🐖表皮燒得非常香脆，肉質軟腍🥰，肉味香又有肉汁，好好食😋。叉燒 - 叉燒燒得非常靚有燶邊😍，同樣肉質軟腍帶蜜糖🍯甜味😋。即磨咖啡 (+$5)即磨咖啡☕️無苦澀味，咖啡味幾香，幾好飲。總括而言，無論食物、服務都快靚正，價錢又合理，好適合要求快速的香港人醫肚。

Lunch 揀咗大壹燒鵝飯(雙拼，拼叉燒)，配熱奶茶，合共$65。燒鵝同叉燒份量多，好入味，叉燒少少燶邊仲脆口，燒鵝入味但食唔到脆皮口感，單食燒鵝或者配梅子醬一齊食都好好味，所有燒味都好味，美中不足之處係肉唔夠熱，食落有只係微暖，飯仲有啲炸菜，竟然炸菜都好味！熱奶茶味道一般，太多奶。雙拼飯嚟講65蚊有呢個水準叫幾抵食，叉燒唔係出面染到勁紅色，燒得幾好斬得好大舊，第一次覺得原來燒味可以咁好食。整體味道不錯，下次會再嚟食，如果食剛出爐燒味應該仲正。

同朋友👩🏻‍🦰一齊喺銅鑼灣，佢話想食燒鵝🦢，我話我唔識邊度有燒鵝專門店🤣，朋友👩🏻‍🦰上網睇一睇，就帶咗我嚟呢間餐廳開餐😆咁梗係要叫燒鵝啦🤣，我哋叫咗 $168「大壹燒鷯 例牌 - 下庄」：餐牌上邊寫住呢幾個字：「外脆内嫩．油而不膩．垂涎欲滴」，都算形容得幾貼切🤣 - 燒鵝皮真係脆脆哋😋，燒鵝肉不同部位有不同口感，不過都係好惹味😋，燒鵝皮底下有一層薄薄哋嘅油脂，真係好甘香😋$80「大壹燒鵝滋味全餐 - 貴妃雞+燒腩仔」，套餐配：郊外油菜、絲苗白飯、老火靚湯 各一客，熱飲要咗「熱檸茶🍋☕️」&「熱檸水🍋💧」，兩杯都係 +$5 😋「貴妃雞+燒腩仔」：「燒腩仔」半肥瘦，燒豬皮脆卜卜😋；「貴妃雞」肉質幾軟滑😋「老火靚湯」似乎係節瓜煲豬展😋$30「郊外油菜」：係生菜🥬，幾新鮮，幾爽脆😋；連埋套餐嘅「油菜」，一共有兩碟菜🥬，一人一碟🤩「熱檸茶🍋☕️」&「熱檸水🍋💧」

去咗銅鑼灣時代廣場買嘢，已經天都黑晒加上肚仔有啲餓，行過去登龍街食晚餐。一見到大壹燒鵝就進入，幸運哋有卡位坐，點咗個一人一個套餐，有例湯有雙拼飯有杯嘢飲還有碟菜，加多個燒鵝上庄例牌。好快就嚟到例湯，係木瓜雪耳南北杏排骨湯，夠晒火候老火湯，清甜滋潤我連湯料都食埋！熏蹄拼燒腩仔，熏蹄點咗白醋皮爽脆酸酸地好醒胃。燒腩仔肥一層瘦一層，食落口皮燒到卜卜脆肉又香。另一碟雙拼叉燒&貴妃雞，半肥瘦叉燒還有燒燶邊，夠晒味又夠腍好好食，貴妃雞皮香肉嫩又夠滑，好有鮮味，燒鵝賣相好吸引。一食 果然出色，皮脆油香肉嫩，再加上點埋酸梅醬，酸甜開胃真係絕配。飲埋杯香濃熱咖啡，完結咗美味的晚餐，大壹燒鵝啲服務員態度非常好，環境衛生乾淨，又坐得舒服，值得推介俾大家。

傳統港式燒味店幾時都咁受歡迎。喺銅鑼灣登龍街的「大壹燒鵝」，更加係人氣熱點，皆因附近都係以食日本菜、西餐等。餐牌主要都係圍繞店舖名菜，馳名燒鵝。下午茶時間，人流超多。燒鵝瀨幾抵食。瀨粉好大碗，幼滑又唔碎。幾件燒鵝應該係併上。燒鵝皮薄身脆口，鵝肉嫩滑多汁，味道有層次不會很重調味。旁邊以榨菜絲代替油菜，爽口美味。鵝片飯另一款試咗鵝片飯。起咗骨，鵝片肉比較薄身，鵝肉味道芳香，有淡淡的炭燒味道。白飯比較乾身，唔算太吸引，不過好大碗。鹹檸七配燒味都幾夾😋大壹燒味三併（例牌）仲想試吓其他嘅燒味😋揀咗叉燒，燻蹄，燒腩仔叉燒厚切特別有口感，肉質夠腍，少少燶邊，偏少少肥就最正。燻蹄正常，沾醋汁酸酸甜甜最好吃。燒腩仔皮脆卜卜。但偏瘦，冇咗肥瘦相間嘅肥美～跟餐加嘅油菜好大碟!一次過食咗幾款馳名燒味相當滿足😋👍🏻🌟

這天晚上我約了朋友在銅鑼灣吃晚飯，經過網上的介紹，我們便決定來到這間燒鵝專門店試一試，店內環境明亮和清潔衛生，店內座位是坐滿的，需要輪候一會才能入座大壹燒鵝例牌下庄($168)燒鵝是自家製，燒的時間控制得很好，皮燒得非常脆，肉非常嫩滑，非常新鮮，配上酸梅醬，味道酸酸甜甜，令人非常開冑，份量非常多大壹燒鵝滋味全餐($80)厚身叉燒非常香稔軟嫩，燻蹄嫩滑細密，配上酸甜的醬汁，唐生菜十分爽口和新鮮，南北杏冬瓜瘦肉湯，十分足料，而且不放味精，飲完不會口渴整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的定價相對合理，每張枱都有紙巾供應，而店員亦有良好的服務態度和有禮貌，所以我認為這間餐廳是值得再去惠顧

這附近其實都有挺多間不同的燒鵝店，所以要在這站穩也是挺困難的。不過這間應該沒有壓力了，我來到的時間已是7點了，仍然要排隊進去，而且人來人往的，生意非常好！燒味雙拼飯（60元）我們去到的時候燒腩仔已經賣光光了，真的挺遺憾的！所以我們把餘下的都選了，分別有豉油雞，貴妃雞，叉燒，燻蹄！兩款雞裡面，我比較喜歡豉油雞，因為味道比較濃，豉油香味很足，不過兩種雞的肉質都很滑嫩，而且肉都挺厚的！然後是叉燒，這裡的是帶點焦的叉燒，這個非常吸引，而且是採用了帶皮的豬腩肉來燒製的，所以油香比平常用梅頭的叉燒更多，肉質更嫩滑，有種入口即化的口感，但又有一點豬皮來增加了一份煙韌的口感，質素挺高！燻蹄就吃起來爽滑，而且帶點酒香，味道比較清淡，不油膩。燒鵝上庄（148元）燒鵝就選了個比較多肉的上庄來吃，這裡的質素真的挺不錯，燒鵝皮脆肉嫩，鵝胸也保留到不少的肉汁，吃起來很嫩滑，一口咬下去全是肉，真的挺爽！

這裡的叉燒燒鵝飯和叉燒油雞飯都是非常美味的。首先是叉燒燒鵝飯，這裡的燒鵝非常香脆，鵝皮酥脆，肉質鮮嫩，非常美味。叉燒也非常好吃，口感豐富，加上香噴噴的米飯，非常開胃。接下來是叉燒油雞飯，這個菜品也非常受歡迎。油雞肉質鮮嫩，味道醇厚，加上叉燒的香味和米飯，非常美味。整體來說，大壹燒鵝的叉燒燒鵝飯和叉燒油雞飯都非常美味，值得一試。如果您喜歡燒鵝、叉燒和油雞等港式料理，我強烈推薦您到大壹燒鵝品嚐一下他們的美食，相信您一定會愛上這裡的菜色。

登龍街好多嘢食，平時食日本菜多，但原來呢到有間港式燒鵝店，抵食又多人幫襯其實我好期待呢餐，因為耐無食地道嘢，仲有我由細到大都鐘意嘅燒鵝瀨粉🤤🥢大壹燒鵝滋味全餐💰$80可以單拼或雙拼，都係一樣價錢必有燒鵝，可以再揀貴妃雞、油雞、叉燒、燒腩仔、燻蹄我哋要咗油雞、叉燒，好開心仲要係雞髀同燒鵝髀呀😍啖啖肉之餘仲要好滑！套餐仲有🥬郊外油菜、🥣老火靚湯，兩樣都鐘意食，感覺雖然簡單但都好滿足😌🥢燒腩仔 燻蹄 例牌💰$98仲試埋名物燒腩仔、燻蹄，呢日7點未夠就聽到賣晒，好彩我早口中先食到咋，夠火候又夠味😋🚩大壹燒鵝 (登輝大廈) (銅鑼灣) @kitchenone.goosecwb 📍銅鑼灣登龍街36-48號登輝大廈地舖

被這家港式燒味餐廳的港式情懷所吸引來光顧。餐廳內的裝潢簡約優雅，在店內吃飯有種熟悉的感覺。首先是他們的窿邊蜜叉燒，口感鮮嫩，香氣四溢，香妃雞滑嫩入味，米粉Q彈有嚼勁。 男友選了燒味雙拼飯，肥叉和油雞都烤得剛好，一口咬下去，肉汁濃郁，口感綿密。最後，他們的下庄燒鵝更是一絕，肉質鮮嫩，皮脆肉香，入口即化，讓我彷彿置身於香港的街頭小巷中，在店內都看到很有外國旅客專程來光顧，想必這家燒味店已有一定的人氣😄

Lunch time 去登龍街覓食點知撞到舊同事，有人陪食飯真好🥳呢間其實都係我嘅午市飯堂，食過無數次不過對上呢幾次食完都覺得真係比起我初初食有啲出入佢而家啲叉燒對我個人黎講偏肥，以前係肥瘦適中當然味道其實都仲維持到水準🫶🏻-燒味雙拼米粉 $58💰燒鵝+$5💰燒鵝皮薄油香十足，但不會油膩冇加錢就可以食到鵝髀10分幸運💓沾甜酸醬食一流😋燒肉肉味香濃皮非常之脆而且肉質軟腍但今次切得好薄，變相口感就爭緊啲-燒味雙拼瀨粉 $58💰叉燒真係每次必叫，呢個價錢食到呢個質素真心抵食微微燶邊脆口，肉質超級鬆軟但不失咬口油雞都算嫩滑，沾蔥油食最佳配搭😋

叫左一粉雙拼切雞叉燒餐同一份單拼切雞餐，黎到既時候雙拼切雞份量同單拼切雞份量一樣。可能係我地唔知道佢地本身份量係點，就問個四眼啊姐，唔知道係咪呢個問題offend到佢定點，個四眼啊姐個反應係拎起個單拼雞，大聲講左句：「哦 姐係嫌少啊？」然後拎去廚房話：「比多份雞佢地，要雞、雞喎」自問就只係問問題，冇任何指責成分，就好似得罪左佢地咁。 個負責斬料既廚師聽到個啊姐咁樣既expression，就用鄙視既眼神望黎我地呢檯，之後佢地講多兩講，又再鄙視多次我地。 成個感覺好似係我地呢檯客好貪小便宜咁，如果呢個份量係佢地間舖不嬲既practice，咁或者個四眼啊姐可以話我地知道，而唔係直接大聲講話係我地嫌少呢d唔係咁尊重既說話（況且我地都只係問一下，如果要加錢換多一份雞，tbh我地係冇問題，但個啊姐既態度實在係好冇尊重）最後臨走前，個負責斬料既人又再一次用個個鄙視既眼神望過黎。比錢個陣個四眼啊姐用好晦氣好唔請願既語氣講左句多謝，但明明對其他客人都係另一個比較友善既態度。ps 唔係第一次幫襯呢間，都要公平d講，平時老闆係度態度好好好友善既。如果想係呢間受到好既服務，似乎真係好睇大家彩數，睇撞唔撞到老闆

平時多數都係lunch time來食呢間大壹燒鵝，今日放工口痕就過嚟食個晚餐，點知見到有個一人餐都幾抵食，$78有個雙拼燒味飯加油菜再配埋飲品。雖然呢間嘢叫大壹燒鵝，但我覺得佢嘅叉燒同埋燒肉先至係招牌菜，叉燒燶邊半肥瘦，看似一個普通嘅叉燒，但我覺得要用好多心機先可以煮到呢個質素，另外燒肉非常脆皮，切到方形一粒一粒咁，個人認為有酒店嘅質素，另外叫咗熏蹄同埋燒鵝都絕不失色，再加埋龍鳳零落檸樂同埋熱柑橘蜜，成餐飯都唔使$200，性價比極高！

同朋友去銅鑼灣睇野，順便食個靚飯，他好想搵間好食既燒鵝，到最後係時代廣場附近搵到間不錯既燒味檔。來到間燒鵝專門店，見門外掛起一隻隻燒鵝、叉燒、豉油雞，就流哂口水。【油雞/燒鵝雙脾飯】燒鵝：明爐自家燒製而成，鵝油豐盛，鵝皮又脆，肉質又嫩滑，加上梅醬就一流。油雞：皮彈肉嫩，仲帶點玫瑰露香味，再配埋葱油一起食，顯出雞既鮮味。【一人餐 - 燒鵝、叉燒】晚上都有抵食套餐，跟單/雙拼燒味、郊外油菜、老火湯。燒鵝：微微暖既燒鵝真係好好食，外皮香脆，入口皮連一起食又夠鬆化。叉燒：表面色澤又紅，邊位又燒到帶點焦濃，外表不錯。用上五花腩燒，半肥瘦又均勻，肉質又夠軟淋。例湯：合掌瓜豬骨湯，材料勁多，味道濃郁。【叉燒(例牌)】朋友食了一舊之後發覺好好食，之後再叫左碟例牌，食食下發現有人想叫叉燒已經賣哂，真係估不到咁快賣哂。入口又有咬口，推介之一。

銅鑼灣登龍街嘅一間燒味飯，叫左個燒腩仔半肥瘦叉燒飯，燒腩仔成日去一出爐都好快賣完，皮脆半肥瘦，叉燒就經常有燶邊，試到好厚蜜糖燒，個人覺得呢間燒味店最好食就係佢地嘅叉燒，又唔會太肥，又軟硬適中，好香口