吉勝吉列串揚專門店

Open Now

Now Closed

大角咀出名多嘢食，亦都好多小店，同朋友放咗工喺奧運站行過嚟都係5分鐘左右，依間舖頭叫做吉勝，一聽到個名就知道主打食吉列炸物，環境裝修都好舒服，枱與枱之間都有距離✨火炙三文魚加州卷3件$42三文魚經過火炙，三文魚油特別香，加上大大粒嘅三文魚子，為親子卷加多一份鮮味，飯卷嘅餡料亦都好足料，有玉子同黃瓜✨秋刀魚$148秋刀魚當造季節係9月至12月，我哋立刻叫咗一條黎試下，唔好睇平日秋刀魚細細條，做刺身都非常多肉，秋刀魚魚肉好鮮甜，一啲魚腥味都無，仲有淡淡的油脂香，老闆推介我哋點柚子醋汁加蔥、薑蓉、日本蘿蔔一齊食，口感會更豐富✨壽喜牛肉鍋+熱烏冬$140最近天氣涼涼地，最適合食火鍋🍲，黎到日本餐廳，梗係揀日本風味嘅湯底，湯底甜甜，帶有淡淡的清酒香味，牛肉份量都幾多，肉質肥美，油脂好香，另外有好多配菜，金菇，豆腐，娃娃菜，冬菇，火鍋仔都配有稻庭烏冬，烏冬煙韌彈牙✨日本茄子$14✨秋葵$12✨日本青椒仔$18✨日本迷你甜薯$12✨紫蘇雞肉$18✨煙熏豚肉$22✨多春魚$12✨豚肉韭菜卷$24✨免治鷄肉（日本南部鷄）$18✨煙肉蠔卷$24串揚喺大阪名物，但香港唔係好多地方食到，炸粉整得好薄，每件都炸

這間位於大角咀的吉勝吉列串揚專門店，晚市除了有吉列串揚，還有多款的刺身、定食及鍋物，款式十分多，而且價錢合理，比尖沙咀區平一大截。刺身7品帶子及牡丹蝦鮮甜無渣；拖羅入口充滿魚油脂香；三文魚及吞拿魚等鮮味十足。炸雞軟骨炸至金黃香脆，有咬口，送酒一流。炸揚炸揚炸至金黃香脆，炸漿很薄，而且不油膩。其中煙燻豚肉最正，燻香味突出。日本蔬菜味道清新。鐵板牛舌用了牛油煎的牛舌，十分彈牙，加上蒜蓉牛肉汁及芥末更能減輕油膩感。吉列豬扒配冷烏冬豬扒炸至外脆肉嫩，保留了肉汁而且有肉味，烏冬爽彈。

喜歡哩度嘅美食炸串、炸豬扒、刺身都好好味 從食物就feel到店家嘅用心而且價錢合理 午市套餐選擇多 又抵食我覺得比起同區要排隊嘅打卡店仲好味😝（真心）所以絕對要推介～～～！🔸蟹籽沙律（$25）🔸芥辣八爪魚半青瓜（$22）份量不少，新鮮嘅青瓜絲好爽甜！八爪魚好彈牙，芥辣香氣十足但唔會好攻鼻，好食😋。🔸時令刺身定食（$188）有三文魚、牡丹蝦、池魚、帆立貝、拖羅、八爪魚、劍魚一共7款新鮮刺身、鮮甜可口每款都係厚切哩個價錢食到刺身船真係好抵！🔸吉列豬扒定食．附飯、沙律、麵豉湯（$78）炸得好靚！一d都唔油炸漿好薄好脆、肉味濃中間非常嫩滑、juicy 加點酸甜嘅豬扒汁一齊食好好味！🔸炸串▫️煙熏豚肉（$22）▫️豚肉韮菜卷（$24）▫️紫蘇雞肉（$18）▫️日本南瓜（$12）▫️日本迷你甜薯（$12）▫️蓮藕（$12）炸物好出色！好香脆而唔油膩煙熏豚肉、豚肉韮菜、紫蘇雞肉卷係必食！肉味又香又彈牙！新鮮香濃韮菜配豚肉、清香紫蘇配雞肉香氣在口腔內爆發👍🏻.🔸巨峰乳酸梳打（$18）🔸白桃乳酸梳打（$18）

呢度可以話係我嘅串揚初體驗，估唔到去完大阪食過正宗串揚之後依然改變唔到佢係我心目中嘅地位，今晚又心思思想再黎。一口氣叫左好多款串揚，甜薯、南瓜、青椒仔同、秋葵同雞脾菇正常發揮，爽脆多汁，重點係個外皮真係炸得好薄又夠脆，點埋醬汁好夾。 芥末牛柳同免治鷄肉都係外脆內嫩有肉汁，多春魚新鮮爆春，個人膚淺地最愛芝心竹輪卷，芝士爆哂出黎冇可能唔好食。時令刺身拼盤七品非常大堆頭，厚切又新鮮，當中最愛三文魚腩同帶子，啖啖肉、腍滑鮮甜。葱吞拿魚腩配鱈魚乾意想不到係好正嘅組合，吞拿魚蓉軟滑甘香，配落香口嘅燒鱈魚乾都冇蓋過鮮味，必叫。燒鹽麴日本豚肉好入味，燒得好香口焦脆，五花肉肥瘦適中。鐵板燒牛舌好食又好玩，牛舌有咁上下厚度，用牛油燒完好香，配wasabi同京蔥雙重口感好正。火炙三文魚加州卷、火炙三文魚壽司同火炙左口魚邊壽司三連擊，超級大件足料。 左口魚邊油香好正，三文魚魚味濃，雖然食到最後已經好飽都食唔停口。

今日過嚟大角咀做野，行過見到呢間日式料理好似好特別，於是入去叫左一個lunch set:豚肉生薑燒便當$108- 便當都算好豐富，有炸物、刺身、雞翼， 沙津同湯，仲有好大份嘅豚肉生薑燒，一個人食真係性價比極高而且我仲叫左麒麟啤酒$42，夏日炎炎，歎杯冰凍嘅啤酒，真係好爽!

係旺角食野食到悶悶地，行去大角咀搵下野食先大角咀口心大角咀呢邊其實好多特式食店，價錢又親民我搵左呢間吉勝吉列串揚專門店主，前排食過唔錯，再回味下先，呢度店面乾淨整潔，坐既位置又夠闊落講吓叫咗咩先和風刺身沙律-有八爪魚、帶子、三文魚加上個汁酸酸甜甜，開吃前食完佢個胃容量即時提升😆和風刺身拼盤7品-份量十足豐富、擺盤精美，有7款刺身，包括油甘魚，三文魚，梭子魚，刺身蝦同帶子，新鮮又夠凍，梭子魚外皮火炙過，非常之正😆燒日本花魚一夜干--呢款魚用黎燒真係無敵，外脆又香，內又夠嫩，無得彈一大堆吉列串串-迷你甜薯、秋葵、日本南瓜、多春魚、外面脆漿夠薄，內在岩岩好，特別要講下紫蘇雞肉同豚肉韭菜卷，咁樣配搭拎黎炸真係幾好食總結：呢度Cp值超高，食量大嘅人岩哂，因為平得黎質素又高唔貴，重推介🙋🏻‍♂️💁🏻‍♂️

又黎到大角咀搵食😆今日黎到呢間串揚店，見到餐牌樣樣都吸引😍就決定要個便當樣樣都試下🤣🐙套餐前菜 - 八爪魚、麵豉湯食個前菜已經好有驚喜😍八爪魚超好食，師傅切到細細粒，撈埋特製醬料，有d似係平日食螺肉嘅醬汁加左落去八爪魚粒度🥰超好食真係😍😍夠凍，有咬口，甜甜地少辣，好開胃！麵豉湯勁多料🤣我未見過一碗麵豉湯有咁多白蘿蔔片，但已經好淋，加埋湯唔會太咸，呢個又係好好味😆🐮和風牛肉便當 $108一上枱已經好開心🤣因為真係勁豐富！有芝麻雞翼，和風牛肉，吉列蝦，吉列紫薯餅，刺身，仲有一碗飯／烏冬😍串揚店當然去試左炸物先！吉列紫薯餅炸得勁鬆化，又唔會太油，而且餡餅豐富，加左紫薯粒令薯餅更有口感👍👍👍其他嘅吉列蝦，芝麻雞翼一樣出色，炸物超好食！刺身新鮮肥美，和風牛肉配飯一流😆我一個人都食到勁飽🤣另一個Highlight✨️係見到同事嗌吉列豬扒飯🐖，店員送上芝麻同芝麻磨棒可供磨碎，再自行加入豬扒汁👍😍無諗過呢間小店咁高質！而且吉列豬扒飯餐只係$78蚊連前菜，真係勁抵！總括而言，味道很好，份量足夠，性價比高，值得下次再戰，要再黎食堆招牌嘅串揚！

居酒屋佈置好特別，由入口嘅日式大鼓，到牆上嘅精緻裝飾，精美嘅餐牌，都可以凸出左店主嘅心思。我同朋友今日嚟食lunch:⭐豚肉生薑燒便當$108- 便當配菜非常豐富，有炸物、刺身、雞翼， 沙津和湯，而且色彩豐富，非常吸引🤗⭐️時令刺身定食$128- 今日時令刺身有彷彿魚、虎蝦、三文魚、帶子、劍魚腩，全部刺身都非常新鮮又夠鮮味，讚👍🍢紫蘇雞肉$18🍢秋葵$12🍠日本迷你甜薯$12🐟多春魚$12- 四款串燒放係一個架上，配合埋特製醬汁，一啲都吾油膩，賣相精緻有特別👍🏻🍺麒麟啤酒250ML(桂花) $42- 第一次飲甘香嘅桂花，一飲就愛上了❤️🥤乳酸梳打系列 青蘋果$18.0餐廳整體環境唔錯，員工態度好好服務慇懃，價錢又好合理，絕對性價比高，推介👍

前兩日和同事去了大角咀大全街的吉勝吉列串揚專門店。店舖不大，但老闆很熱情。點了吉列豬扒和壽司兩份套餐，份量夠足，均配有烏冬面和湯。另外點了吉列廣島蠔。不得不說這家店的吉列系列還是很讚的，特別是廣島蠔，蠔肉夠大夠鮮嫩。價格非常合理，下次還會光顧

一早聽說呢間嘅吉列非常出色，lunch set又超抵，今日與朋友一試，出品果然出色。呢間主打吉列和串揚，不過午市以套餐為主，更加划算。吉列豬扒定食 $78 轉烏冬 +$12套餐包括沙律、味增湯和烏冬，烏冬需加12蚊。如選擇飯，總價為$78。金黃色的豬扒很厚身，外層酥脆，豬肉很juicy。客人可以自己磨碎芝麻，加入秘製吉列醬，參與製作過程，令到用餐過程更加享受。時令壽司烏冬定食 $128套餐包括10貫壽司、味增湯、沙律和一碗滑蛋烏冬。五顏六色的壽司令人食慾大開，用料很新鮮。我最喜歡吞拿魚壽司，充滿魚油香，非常滑嫩，加上少少辣椒醬，很惹味。而鰹魚壽司表面切上花刀，魚味更重，入口爽脆。吉列廣島蠔 $36吉列製作手法如此優秀，一定要試下廣島蠔。外皮依舊酥化，咬一啖，已經有汁水溢左出來，好肥美呀。下次有機會也夜晚過來試下串揚。

時常去大角咀搵食, 每次約親朋友都專揀嗰區既餐廳, 因為多野食又方便大家搭車, 上星期去左依間食日本菜, 餐廳主力賣串揚, 但都有其他唔同既野食, 有刺身、壽司、小食同料理等等我地叫左個壽喜牛肉鍋配凍烏冬, 湯鍋入面已經有好多配菜, 有豆腐、菇菌、荷蘭豆、娃娃菜等, 等到湯滾後再放入牛肉, 灼一灼就食得, 本身個壽喜湯已經好濃郁, 湯汁掛係牛肉上, 入口軟熟夠哂味, 而凍烏冬可以點鰹魚冷麵汁凍食之外, 都可以放入湯鍋中加熱熱食, 烏冬煙刃彈牙, 超滋味!時令刺身拼盤七品刺身拼盤中有大拖羅、三文魚、油甘魚、帶子、赤蝦、劍魚腩同秋刀魚, 每件都係厚切肥美, 大拖羅入口即溶, 油甘魚油香味重, 帶子爽嫩, 仲有平時少食既秋刀魚刺身, 點柚子醋汁食清新爽口, 整體刺身質素都唔錯! 食完依個拼盤已經7成飽另外叫左火炙三文魚加州卷同油甘魚加州卷各3件, 加州卷比一般食到既大件, 仲有頂層肥美鮮甜既三文魚同油甘魚一口咁食, 好豐富啊朋友想食吉列豬扒, 所以散點左一份, 豬扒外層炸得好酥脆, 食落幾厚實, 點芝麻同豬扒醬食更加正!最後叫左兩杯飲品解膩, 朋友飲白桃乳酸梳打, 而我就叫左生榨西柚梳打,

放假去大角咀滙豐處理個MPF，之後順便去附近的大全街食晚餐，大同新邨附近開咗好多新潮又有質素嘅食肆，當中俾 吉勝吉列串揚專門店 吸引了眼球！吉勝食晚餐，性價高，值得一讚！餐廳離港鐵站很近，地點方便，座位寬敞，充滿日式情調，店員服務很親切！食物種類選擇豐富，店長推薦人氣招牌菜式，發辦以後馬上 order 了麒麟啤，爽一爽！麒麟啤洒淡淡的 白桃 和 菠蘿 味道，綿密氣泡，果味清甜，麒麟啤酒配以串揚果然一流。味道清新爽口，作為夏天消暑飲品，確實不錯。時令刺身拼盤七品七品刺身高級食材，賣相精緻，冰盤有氣勢，又可以保持刺身的冷凍度。當中最喜歡日本直送時令鮮魚，油甘魚腩薄切，新鮮沒有腥味，入口細膩綿密，質感柔軟豐腴。還有原隻牡丹蝦，軟糯鮮甜，味道鮮美。赤身沾一點醬油同吃，肉質鮮嫩清爽。帶子細嫩肉質，口感飽滿。三文魚厚切好甜美。各款不同刺身很有層次感，吃得出本身的鮮味，回味無窮。京蔥和牛舌和牛舌味濃，質地爽滑，蘸上京蔥醬汁，鮮美無比，佐酒一流。壽司食日本料理，當然唔少得壽司呀！點了幾款招牌壽司🍣火炙左口魚邊壽司、黑松露帆立貝壽司、火灸三文魚壽司、油甘魚壽司。最愛都係左口魚邊的油脂香味，新鮮嫩滑，魚脂

一直以來，葱吞拿魚腩丼會附一隻生雞蛋。今日的外賣，竟然由一隻蛋改為少量蛋汁。一隻蛋的成本也不是太多，咁都要縮皮，好失望。最初外賣是不用付外賣盒錢，仲有甜品、沙律附送。現在要另付$3外賣盒錢，無哂甜品、沙律，種種度縮安排，簡直趕客。

去開大角嘴一要幫襯小店，揀左間日式吉列串揚的居酒屋，CP值超高。時令壽司烏冬定食(10貫)-壽司非常高質，$128真心抵食！-拖羅厚肉肥美，魚油十足-蝦肉彈牙新鮮-火炙左口魚真的入口即溶-烏冬好滑溜，湯面有滑蛋串揚拼盤(6件)-紫蘇雞肉，炸後加左梅汁，酸酸甜甜，雞肉好嫩滑-多春魚，大條多春，炸得好juicy-芥末牛柳，沾上自家秘製汁好惹味，牛味濃-蝦，十分爽口京葱和牛舌便當-炸物十分出色，完全唔油膩-蕃薯餅mix 左紫薯同蕃薯，香甜酥脆-吉列魚塊啖啖肉，juicy -雞翼炸得恰到好處，仲食到雞汁滴出黎-京葱和牛舌好香好惹味，大量洋蔥，牛舌牛味濃完全唔韌蟹籽沙律-份量好多，大量蟹籽

餐廳食物款式好豐富，有燒物啦、鍋物啦、沙律前菜啦、小食啦、一品料理啦、串揚啦等等，仲有好多不能盡錄~我同朋友就叫左啲壽司、串揚、小食、同一個鍋物。餐廳上菜速度都算快，上菜時都會介紹返個種菜式👍🏻咁樣幾好，因為可以比我地知道自己食左啲咩🤣🤣啲串揚炸得好好，上菜時熱辣辣，食落去好酥脆！肉又多汁唔會好油👍🏻覺得串揚鰻魚最好食！！食完一舊忍唔住又叫多左一舊食！😍呢間餐廳價錢又唔算貴，食物又高質，座位又闊落坐得好舒服👍🏻會再光顧！