古今二 (The ONE)

Open Now

Now Closed

尖沙咀 The One嘅古今二，之前都幫襯過一次，除咗有主打卷物外，仲有刺生、鍋物及串燒等食物。鍾意佢食物選擇多，環境佈局充滿日式風情，亦有吧枱，感覺舒服好坐。今次點咗兩款卷物，包括超級龍捲風（$98）同蜘蛛（$103），上菜時餐廳將兩款卷物放埋一齊，特別養眼，賣相非常吸引。超級龍捲風入面有鰻魚、海老、芝士及青瓜，味道非常多層次，加埋脆片，入口夠晒惹味。蜘蛛有炸軟殼蟹、青瓜，牛油果及蟹柳，炸軟殼蟹炸得好香口，配埋牛油果、青瓜同蟹柳食，味道好夾，好好味。另外亦點咗蟹柳沙律（$78）- 呢個份量超多，入面有超多蟹柳及蟹子，仲有青瓜絲。推介鍾意食沙律嘅朋友，入口好清新。串燒方面點咗鹽燒白鰻（$38）同雞胸軟骨串燒（$38）各一，白鰻同雞胸軟骨串燒都燒得好香口，下次要試吓其他燒物。

金龍卷（內有三文魚、芝士、炸蝦）：金龍卷是一道結合了多種美味元素的壽司卷。三文魚提供了豐富的鮮美口感，與芝士的奶香味完美融合，增添了豐富的層次感。炸蝦則為整個卷提供了一種脆脆的口感，為整體增加了些許的鮮嫩感。這道金龍卷既豐富又美味，是一道令人滿足的壽司選擇。蜘蛛（內有軟殼蟹、牛油果）：卷物內有軟殼蟹搭配著新鮮的牛油果，給整道菜帶來了豐富的口感和奶油般的滑順口感。蜘蛛以其獨特的組合和口感成為一道別具風味的料理鹽燒白鰻：鹽燒白鰻是一道傳統的日本料理。白鰻是一種豐富而鮮美的魚類，經過鹽燒處理後，鰻肉變得鮮嫩多汁，並帶有淡淡的鹽味。這道料理通常搭配白飯食用，鰻肉的鮮美與飯的濃郁相輔相成，帶來了滿足的口感和豐富的風味。鹽燒白鰻是一道令人垂涎的料理，特別適合喜歡海鮮的人品嚐。宮崎味鹽牛舌串（1串）：這道串燒以鹽作為調味，突出了牛舌的原汁原味，讓人能夠充分品嚐到牛肉的鮮美。宮崎味鹽牛舌串是一道簡單卻美味的料理

繼上次來這裡已隔了一段時間, 相對之前人流好像減少了。與古今相比, 除了裝潢上, 而且一直播放日文歌曲, 古今會比較有日本氣息! 另外古今是樓上餐廳, 古今二則是半開放形式, 古今的私隱度會高一點。日式麻醬豆腐沙律 $88一大盤的沙律放滿新鮮的蔬菜, 豆腐鋪在上面, 加了胡麻醬和蟹籽, 另配有中華沙律, 蕃茄仔, 將所有食物搞拌後十分美味! 富士山 $98由於朋友未試過, 所以都再點一次富士山, 依舊十分裝觀, 由大量蟹柳絲包圍, 同樣有蟹籽和脆脆灑在上面, 再看都是十分震撼 🤩 壽司內有牛油果, 鰻魚, 口感非常豐富!超級龍卷風 $98實際上是炸蝦卷, 蝦的旁邊有大大件芝士, 炸蝦相當脆口, 蝦肉彈牙, 加上芝士口感與味道都大增! ☺️鹿兒島黑豚荔枝卷串燒 $32十分出色的串燒, 荔枝甜美多汁, 豚肉薄薄一片, 帶點油份但不膩, 兩者互相配合, 天衣無縫! 😋 是整頓飯最驚豔的菜式!鹽燒白鰻 $38白鰻煙韌極致, 味道偏濃, 另加檸檬汁帶點清新, 喜歡白鰻的絕對不能錯過!再一次體會仍然覺得很不錯, 第一次吃的簿餅也是推介之一! 👍🏻

呢晚係the one 睇戲，睇戲前緊係醫肚，係樓下古今二食日本菜😋.雜錦剌身沙律滿滿沙律菜，健康又fresh，舖滿刺身和蟹子，加上沙律醬，肥美鮮味，少辣清新開胃👍🏻.東京爆脆這份卷物相當不錯又有創意，即叫即做，大大件又脆口！中間呑拿魚和蟹柳，加上沙律醬，好好味😋.燒物也滿出色，芝麻雞翼少辣脆口，鹿兒島黑豚荔枝卷串燒入口清甜有驚喜，鹿兒島豚肉露筍爽口清新.滿喜歡清酒擺設好有feel，食飽就出發睇戲，地點勁方面😂

呢度嘅卷物好出名㗎... 款式多多... 而且賣相非常吸引... 好啱打卡!📸【雜錦刺身沙律】新鮮嘅沙律菜、八爪魚、三文魚、鯛魚、魚籽、蟹籽、車厘茄拼合而成嘅沙律... 好味清新醒胃... 最啱用嚟做前菜!【煙花】鍾意食魚肉嘅... 可以試下呢個名為【煙花】嘅壽司卷... 係用咗芝士配合辣三文魚同辣吞拿魚整出嚟... 芝士味唔會蓋過魚肉味... 辣味又恰到好處... 食落唔會有魚腥味!【海老天婦羅卷】大人細路都咁鍾意嘅海蝦天婦羅用嚟整卷物... 真係冇得輸!【鹿兒島黑豚荔枝卷串燒】荔枝嘅清甜中和咗豚肉嘅油膩感... 配搭完美!【雞胸軟骨串燒】三角雞胸軟骨好有嚼勁又帶點焦香... 必點!🌟古今二 (The ONE)地址: 尖沙咀彌敦道100號The ONE 5樓502號舖

約咗閨蜜出TST睇戲，未入場之前就嚟咗呢度醫醫肚🤣🤣呢度有用餐限時，食完入場睇戲剛剛好～呢度最出名係一啲特色卷物💕不過除咗卷物之外，呢度都有一般日式居酒屋會提供既沙律、刺身、料理同串燒等等～所以我哋都order咗好幾款一齊share😚😚✨日式麻醬豆腐沙律✨超大份又足料！！！除咗沙律菜同豆腐之外，仲有三文魚籽、蟹子同中華沙律添～✨彩虹卷✨由不同既魚生片卷住包有蟹柳、青瓜絲同牛油果既卷物～賣相colorful，食落既味道都好夾！！✨費城卷✨岩晒中意食三文魚既人，因為呢款卷物以三文魚為主，仲有配埋忌廉芝士，正😋😋😋✨鹽燒白鰻✨燒得皮脆肉嫩又無骨~✨鹿兒島黑豚荔枝卷串燒✨估唔到豚肉同荔枝既味道都可以咁夾🤤呢度既環境都唔錯，上菜亦都好快～整體嚟講都唔錯🤗🤗

呢間裝修復古得來，又有啲現代感。同餐廳名好相配。呢間啲菜式配搭新穎，用心製作，想試下新穎口味配搭，可以考慮呢間，真心推介😍我地叫咗：❤️日式麻醬豆腐沙律材料有沙律菜、豆腐、車厘茄，配埋我最鍾意嘅日式芝麻醬一齊食好開胃❤️鹿兒島豚肉露筍豚肉包住露筍去煎，煎到啱啱好，外邊金黃色，但係肉汁仲鎖住，加埋露筍食起身味道好夾😍❤️自家製玉子燒（5件）上碟賣相好靚，顏色鮮艷，睇到好想食。玉子燒到啱啱好，配埋新鮮嘅蟹子，色香味俱全👍❤️鹽燒雞中翼(1串）雞翼燒到啱啱好，上面撒咗海鹽，好入味😋❤️超級龍卷風上碟賣相擺到一條龍咁，又真係同個名好相襯。表面滲左啲香脆嘅薯片碎，食起身好有口感。覺得呢款配搭都好新鮮👍

我哋之前都經常食古今二，今日嚟咗古今二 尖沙咀分店食野😍前菜 - 當然要叫沙律啦😊我地今次揀左日式麻醬豆腐沙律🥗 沙律菜好Fresh，豆腐好滑，配埋麻醬，三文魚魚籽，小番茄🍅中華海草，簡直係無得輸👍我哋仲叫咗秋葵蝦肉天婦羅、鹿兒島黑豚荔枝卷串燒。秋葵蝦肉天婦羅係一個好特別的組合，我哋都係第一次見，味道係Perfect match，好好味，推推🤩 鹿兒島黑豚荔枝卷串燒-好juicy，油脂分布唔錯，配搭上香甜嘅荔枝肉又解到肉嘅油膩，好食🥰黎到古今二 無理由唔叫壽司，得哋叫佢招牌菜-超級龍捲風 & 三文魚牛油果卷。超級龍捲風入面有鰻魚、外脆內軟炸蝦、芝士、脆片，口感層次搵豐富，好味🫶 三文魚牛油果卷- 三文魚加上淋滑軟綿既牛油果，味道清新，口感綿滑，唔錯👍🏻餐廳環境氣氛幾好，坐得都舒服，整體食物都好好食，難怪晚市7點之後見到要排隊等㗎啦，係間可以encore嘅餐廳~

於尖沙咀地鐵站B1出口，The One 樓上5樓。交通方便，約朋友食飯聚會地點一流👍🥗日式麻醬豆腐沙律分量比menu圖片大很多👏有驚喜👍第一次三文魚籽混合豆腐一齊食。豆腐好滑增加口感。沙律菜好新鮮及入面有我喜歡的中華沙律一起吃健康又好味🥗叫了三種串燒🍢鹿兒島黑豚荔枝卷串燒➡️特別薄薄嘅豚肉包住荔枝，荔枝肉汁平衡了肉類的油脂好特別，好味😋🍢🍣自家玉子燒玉子燒上面鋪滿蟹籽，清甜。🍣🥪超級龍捲風卷物內包着：鰻魚、海老、芝士、青瓜、脆片。口感超級豐富。🥪🎖總括嚟講店舖環境光猛💡寬闊舒服🎹

這間日式居酒屋已經吃過幾次，環境舒服適合聚會又性價比高👍🏻。🚩雜錦刺身沙律 $108這個沙律非常高質，刺身種類有幾樣，而且數量不少，醬料配搭美味，加上大大碟，可以中和之後串燒的油膩感。🚩三文魚牛油果卷 $65牛油果夾落壽司的味道很fresh，這個配搭非常特別，但又可以中和三文魚的油膩感，它有其他壽司也混合了牛油果，配搭得很好。🚩青龍卷 $108Channel卷有大大嚿三文魚配搭嘅青瓜，口感非常豐富，而青瓜就可以中和油膩感，加上那飯團小小的，真的口感滿滿。🚩鹿兒島黑豚荔枝卷串燒 $32這個荔枝串燒非常特別，吃下去有很明顯的荔枝味道，甜甜酸酸的口感很不錯。🚩鹿兒島豚肉蘆筍 $45豚肉配搭蘆筍，又是可以中和油膩粉，而且蘆筍大大條非常新鮮，是不錯的選擇。

位於尖沙咀的古今二，是一間主打創意卷物的餐廳。古今二餐廳招牌的特色卷物造型特別，而且餡料十分豐富，啱晒食厭一般壽司的咀刁鬼🤭⠀⠀⠀⠀⠀⠀⠀⠀⠀⠀⠀🙆🏻♂⠀M͓̽y͓̽ ⭕r͓̽d͓̽e͓̽r͓̽ ⠀🙆🏻⠀⠀⠀⠀↓⠀⠀🔸東京爆脆 💰98大卷物，捲著巨量嘅餡料。米飯入面捲住吞拿魚，吞拿魚又捲著蟹柳，最後唧上芝士醬灸燒，師傅捲卷物的力度得宜，不會令飯粒太過鬆散。🔸 海老天婦羅卷 💰62炸至金黃酥脆，味道方面，海老天婦羅卷的鮮蝦肉質鮮嫩，口感十分爽脆。當你咬下時，可以感受到鮮蝦的鮮甜味道在口中散開 💯🔸 龍卷風沙律 🥗 💰88🥗非常令我有驚喜，入邊仲有好多料，主要有蟹柳蟹籽中華沙律同沙律菜💓勁足料，滿滿一大碗 ‼️🔸芝麻雞翼 💰42嚐起來，芝麻雞翼的外皮炸得金黃酥脆，吃起來咬勁十足，在咬開外皮後肉質鮮嫩多汁👍🏻🔸 黑豚豬頸肉串燒 💰32佢嘅味道好濃郁，肉質鮮嫩多汁，啲肉又夠燒得剛剛好，表面微微焦香，內裡仲保持住肉汁，一咬落去，口感好豐富。而且，佢嘅調味料好恰到好處，唔會過鹹或者過淡👍🏻🔸 鹽燒白鰻 💰38個鰻魚好新鮮，肉質緊實又細嫩，鹽燒法煮出嚟嘅鰻魚，外層有一層微微鹹香嘅鹽皮，入口亦都唔會太乾，內裡嘅肉質仍然保持住

試左觀塘間古今二，原來尖沙咀The One都有，咁就緊係要試下啦佢地既午市定食都配有味噌湯及飲品日式鰻魚蛋包飯 $108👍🏻👍🏻👍🏻
鰻魚大大件，配埋蛋包飯好夾，個醬汁都濃郁，餸飯一流雙拼卷物$88👍🏻👍🏻👍🏻辣味三文魚卷及加州卷每樣都有8件，份量好夠，味道都唔錯埼玉 網燒牛舌（4件）$78👍🏻👍🏻👍🏻牛舌燒得剛剛好，夠哂爽口，香味四溢櫻花蝦原條茄子燒 $88👍🏻👍🏻👍🏻茄子燒得好juicy, 櫻花蝦又脆卜卜，睇唔出原來咁match既

行街經過過幾次見餐牌都幾吸引壽司刺身食得多 款式來來去去都差不多呢間就比較多自創嘅創意卷物好特別 估唔到配搭出來別有一番風味 可以試下👍🏻.▪️搖滾樂 $113▪️煙花 $108▪️椒鹽雞腎 $32▪️黑豚豬頸肉串燒 $32▪️蟹柳沙律 $78.黑豚豬頸肉串燒好爽口juicy 推薦必點😋今次試嘅兩個卷都係有啲炸物係裡面嘅搖滾樂有三文魚 吞拿魚蓉 仲有薯片碎🤣卡卡聲超有口感 好特別煙花上面係鰻魚 下面係芝士炸蝦一齊食居然幾夾 味道濃郁唔膩 分開食就滿足兩個願望🥳

The ONE入邊有一間日式創意料理，有卡位坐有景睇。非常舒適，用QR code落單，非常方便。龍捲風沙律非常大兜，好多生菜。啱晒健康一族。東京爆趣卷物壽司、夠飽肚、食落口感脆脆地。鹿兒島黑豚荔枝卷串燒荔枝肉非常爽甜再配埋鹿兒島黑豚肉燒到香脆，荔枝肉可以去豚肉既油膩。鹿兒島豚肉蘆筍夢想非常爽脆，再配埋鹿兒島豚肉脂肪比例均勻。鹽燒白鰻非常好味既燒白鰻，有魚油、肉質非常彈滑。自家玉子燒（6件）用三角形嘅設個方法去呈現玉子燒，非常創新。食完唔會太飽。

出色卷物居酒屋 星期六放工 約朋友出尖沙咀The One搵嘢食 兜嚟兜去都係揀返呢一間 好掛住佢啲卷物😋😋 蟹柳沙律$78有幾款沙律菜 全部都新鮮爽脆 仲有青瓜 車厘茄 蟹柳絲 蟹籽 好大份好豐富 微微辣 非常開胃😋😋 超級龍卷風$98佢啲卷物一向出色 今次揀呢個龍卷風 有炸蝦 鱔 青瓜飯團軟腍 炸蝦香脆 口感非常豐富 上邊如脆片 超正😄 彩虹卷$119彩虹卷擺盤好靚 好似朵花咁 有三文魚 吞拿魚 帶子 牛油果 唔怪得叫彩虹卷 真係賣相味道雙贏👍 鹽燒白鱔$38白鱔肉質彈牙 燒到焦香 正不得了👏 鹿兒島黑豚荔枝卷串燒$32豚肉卷住荔枝一齊燒 外香內甜 味道好夾😋👍 整體嚟講 地點方便 座位舒服 職員殷勤 好享受的一個下午🥰🥰 古今二 (The ONE) (尖沙咀)尖沙咀彌敦道100號The ONE 5樓502號舖 #美食打卡 #探店 #hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852