黑龍

Open Now

Now Closed

🍴黑龍豚骨拉麵 $90 +$15玉子 （7/10）基本，有蔥，有洋蔥，2倍辣，＋玉子湯底係好濃肉有啲黏口，但係整體比較鹹味突出啲，唔好食到豚骨味，加咗辣粉兩倍辣辣辣整到拉麵更加惹味，拉麵係直麵比較腍身啲，叉燒有厚度又軟腍，加埋啲蔥啊紫菜食淨係嚟講OK嘅，不過唔係我鍾意嘅味道！另外加$15要咗隻蛋，正正常常唔，算好重醬油味亦都唔係好有蛋香唔建議大家特登加！Follow ig送嘅餃子正常！推薦指數： 7/10正宗日本人開，有日式風味有誠意，但唔係個人鍾意嘅口味。

灣仔可以話係香港其中一個拉麵激戰區，隨便搜一搜可能都搵到10間以上嘅拉麵店。如果講“二虎一龍”當中嗰條“龍”，絕對係呢間《黑龍》，就試試啦！《黑龍🐉豚骨🐖拉麵🍜》香味 (4/5) - 香味充足，除左豚骨味之外，仲有強烈嘅海苔味湯頭 (4/5) - 非常咁濃稠。豚骨係主調冇錯，另外我認為個湯應該係唔止豚骨，仲有加雞骨去煲，有d雞白湯會食到嘅味道，豚骨同雞骨嘅味大概係 7:3 左右。鹹度對我來講係偏鹹，不過好彩，因為本身間店都有賣沾麵，所以有一壼淡嘅鰹魚湯去比你稀釋個湯，換而言之，食客可以按自己喜好去溝淡個湯，盡在自己掌握中。呢吓絕對係加好多分！我就大概食左一半左右，就開始溝淡，所以既可以感受濃稠口味，又可以食到自己調節左嘅淡麗口味！特別去提提個辣醬，我係點左最普通嘅辣度，不過佢都真係頗辣同帶鹹味，所以我撈左少少落個湯，試左一啖仔湯，就了開左一半左右，費事個湯鹹上加鹹，怕會破壞個湯嘅風味。麵條 (4/5) - 用嘅係細麵，直身，低加水，吸湯強，掛湯夠，麥味夠，配博多風味嘅拉麵就係夾得好，好食嘅。配料 (4.5/5) - 既然係豚骨拉麵，主角當然係塊豬叉燒啦。有兩塊，用嘅應該係豬肩肉，甘香，

2014年開業由日本人開設正宗拉麵店，已經食過好多次，每次出邊都有人等位。10年未屹立不倒梗係有佢嘅原因。今次介紹佢三款我最喜愛嘅拉麵。🥇牛筋Black沾麵香濃無比湯底選用豚骨湯並加入了牛汁，濃濃嘅胡椒味，加上叉燒牛筋溏心蛋等豐富配料，最後夾一少撮Q彈的手打粗拉麵放進口裡。麵可以揀凍或者熱。比起拉麵更勝一籌。🥈牛筋 Black 拉麵拉麵牛湯，飲用時黏度極高，濃稠鮮香，富有牛味。麵條是蛋白直麵，但由於湯底甚具黏度，令拉麵掛湯力高，咀嚼時硬身爽口，煙韌幼滑。配料方面有木耳、牛筋、叉燒、溏心蛋，木耳鮮嫩脆爽，滑溜清香，除了為湯底緩和解膩外，更有降膽固醇的功效。牛筋軟腍香嫩，入口即溶，使滿口有著豐富的骨膠原，且有濃郁的黑椒香氣。叉燒肉味十足，柔軟嫩滑。溏心蛋稠密緻滑，馥郁鮮香🥉黑龍豚骨拉麵湯底味道夠濃，質地則是屬於不清也不會很稠的，總體評價是有到平均水準，不失為一碗好食嘅豚骨拉麵。

灣仔嘅🌟黑龍拉麵🌟，由👨🏻‍🍳日本人主理，已開業十年！黑龍拉麵🍜價錢合理，不設加一服務費，而且食物質素頗高✨，難怪閒日晚市都keep住滿座🥰！🖤牛筋Black沾麵 $100係黑椒牛筋沾麵，湯底濃郁，黑椒帶來嘅微辣感覺，真係好正！加上湯底有大量入口綿化嘅牛筋，滋味倍升！最欣賞佢嘅係做到濃而不鹹，推介！🤍白雞鹽味拉麵 $90＋叉燒 $20湯底係滿滿嘅雞鮮味，同樣做到濃郁而不鹹，我鍾意！🍺Suntory生啤＋餃子 $90最爽快嘅組合，又同拉麵好夾，差唔多全場嘅人都會嗌呢個combo！🫛枝豆 $40佐酒嘅良品！🥤罐裝汽水 $15

午餐來到日本人氣過江龍《黑龍拉麵》，位於灣仔汕頭街， 修頓球場對面，是一間由日本人主理的正宗拉麵小店。呢間拉麵店已經開左成十年，主打濃湯拉麵、沾麵，每月都會有不同的限定優惠。我就選了「櫻海老沾麵」，帶有櫻花蝦的湯汁香濃鮮美，搭配Q彈的沾麵，每一口麵條都被濃郁蝦香的湯汁包裹住，非常值得一試😍。Alex點的「牛筋BLACK沾麵」，味道也不錯😋，牛筋煮得軟嫩，湯汁濃郁，充滿牛肉的鮮味和豐富的調料香氣。學下日本人食麵又食飯先😂，叫左一小碗「明太子飯」，明太子的鹹香味與溫熱的白飯完美融合，每一口都能感受到魚子的細膩和飯粒的Q彈。小食來了份「章魚燒」，一口咬下，從香脆到滑嫩，章魚Q彈鮮甜。「煎餃子」外皮煎得金黃酥脆，內餡多汁鮮美。「炸雞」香脆和嫩滑交織，令人無法抗拒。最後再嘆番杯「SUNTORY生啤」，真的是一種極致的享受，是不是讓你想來一杯了呢？

拉麵愛好者應該知道灣仔有兩虎一龍，今日終於有時間試埋最後「一龍：黑龍」。2014開業之今，一直由日本老闆打理經營，到現在是頗有名氣的一間拉麵店，晚飯時間更要排隊用餐。▪️黑龍豚骨拉麵 $90很喜歡這個豚骨湯底，頭湯香味濃郁，入口唔會太油膩，美中不足是湯唔夠熱。麵底揀選普通，口感有點偏硬但浸多浸還可以，掛汁力OK！叉燒都不錯，軟腍滑嫩。值得一提，黑龍拉麵裡的洋蔥粒好香！▫️ 辣三枚肉沾麵 $110沾麵分兩個Size (大300g｜小200g) ，沾麵頭湯入口辣味偏重，而且辣的感覺會停留在口腔一段時間，這款湯同樣有唔夠熱的情況出現，導致選擇了冷麵底，令湯凍得更快。冷沾麵口感一般，但勝在掛汁力可以。三枚肉叉燒正評！表面有火炙過，脂肪比例高，入口唔柴而且香味重。溏心蛋唔夠入味，而且太多蛋液流出，可以再煮熟多些少。最後加入鰹魚湯，味道清淡了更易入口。▪️生啤加餃子 $90一個套餐滿足了想吃餃子的 👧🏽 和想飲啤酒的 👦🏻 ，餃子正常發揮。▫️炸雞 $30即叫即炸，上枱熱辣辣，炸雞外香脆內嫩滑多汁。試過黑龍之後，能夠屹立不倒十年是有原因，拉麵湯底是很重要的，但可以是熱湯會更加完美。

呢間喺灣仔嘅拉麵店由日本人主理，有幾款唔同嘅湯底選擇，當中比較特別嘅就係牛筋拉麵，平時喺香港好少見到。牛筋Black沾麵 $100沾麵有兩片叉燒同一隻溏心蛋，麵條軟硬度適中，份量都幾多，沾麵湯偏重口味，黑胡椒味道幾突出，入面有啲已經燉煮到好淋嘅牛筋碎，湯汁嘅質地幾濃稠，啲麵都好掛到湯。黑龍豚骨拉麵 $90呢款雖然係比較基本款嘅拉麵，但味道絕不馬虎，味道濃郁得嚟飲完唔會口渴，而麵條就係幼身嘅拉麵，配料除咗叉燒同蛋之外，亦都有紫菜絲同洋蔥碎。燒魷魚一夜干 $50一夜干嘅做法係將魷魚用鹽水浸泡，再風乾佢一晚，就會形成一種介乎喺乾貨同新鮮魷魚之間嘅獨特口感，所以都會返少少牙力先咬得開，味道甜甜地，冇想像中咁鹹，幾啱送酒。麻油炒味筍 $20筍絲以麻油炒過，麻油味幾突出，唔會好重筍味，份量都唔少。雞皮餃子 $30炸得好香脆，味道同其他地方食嘅差唔多

呢間位於灣仔汕頭街嘅拉麵小店，每次經過都見到有人排隊。見條隊都郁得快，呢晚大約等咗十分鐘就可以入座。餐廳2014年開業，由日本人經營嘅正宗拉麵店，唔怪之得充滿地道日式風味。黑龍豚骨拉麵（$90）- 拉麵係幼身，入口滑溜，質地彈牙，豚肉叉燒肥瘦適中，另加$15溏心蛋，配埋洋蔥、紫菜、蔥等調味，好有地道風味。牛筋black沾麵（$110）- 湯底由牛筋熬製，味道非常濃郁。沾麵可選熱或者冷，份量唔少。呢款麵質比較粗身，富彈性有咬口，非常掛湯。餃子（$40）- 餃子煎得非常香脆，帶有微微焦香，入邊餡料亦好飽滿。枝豆（$40）- 份量多，表面灑上鹽，爽口帶鹹香味，作為小食，非常不錯。另外餐廳仲設有限定優惠，Follow 佢嘅社交平台就可免費獲贈一份小食。餐廳佈置同日本地道拉麵小店無異，店員殷勤有禮，食物質素不俗，鍾意食拉麵嘅朋友可以一試。

寶寶今次嚟到到位於灣仔一間超級人氣日本拉麵店▶️▶️黑龍拉麵🍜正宗日本味道🇯🇵廚師同埋Staff都係日本人，所以煮出嚟嘅面都係日本正宗味道一入到舖頭就覺得自己身處日本一樣招牌黑龍豚骨拉麵（$88）拉麵非常爽口彈牙，湯汁都是日本師傅自己煮😻湯底濃郁，配料極豐富，叉燒又大塊再追加溏心蛋 大滿足🥳🥳💯黑龍叉燒飯（小）＄88主角叉燒有切片有角切 肥瘦適中 唔算好嫩滑 但都軟淋 唔柴口 好入味 啖啖醬油香甜日本珍珠米飯 大粒飽滿帶點煙韌

💬日本人主理從2014年至今，都有十個年頭，默默經營，午巿總會有人龍排隊，一人之境都會考慮，坐在bar枱位置，化身孤獨嘅美食家，吃一碗日式正宗拉麵🍜，揀選自己喜歡嘅配料同口味🎌.———————————————————————————🍜白雞鹽拉麵 + 棒雞軟骨餃子🥟💬今次試嘅係白雞湯拉麵🍜，濃郁嘅雞湯，味道確係順滑，唔係太鹹，有原隻溏心蛋🥚，仲有香蔥、荀、叉燒，是喜歡的，所有用料都喜歡；雞軟骨餃子🥟只要讚好👍🏻就可以有一件，都係小小心意☺️

正宗日本人開的拉麵店, 一係就唔食, 要食嘅就要食最地道, 最正宗的, 黑龍屹立在灣仔十年, 果然係過江龍, 記住食呢間拉麵店要提早少少嚟排隊, 因為不設訂座的, 店舖雖然細, 但係絕對值得你排隊來食, 餐廳好有日本風味, 以手機自助下單, 因店員都係日文溝通的, 如有任何問題要跟店員溝通會有少少緊張, 因為我唔識日文, 哈哈哈,-黑龍豚骨拉麵 $90.0黑龍豚骨拉麵係人氣No.1, 絕對值得推薦, 叉燒 肥瘦均匀, 咬落去軟淋唔鞋口, 清甜的洋蔥 , 拉麵質地非常彈牙爽口, 湯用豚骨熬煮，湯底飽滿，豐盈，濃鬱, 再配上香蔥、筍, 紫菜, 極為吸引, 好味-櫻海老沾麵 (小) $100.0沾麵有分大及小的, 客人可以按自己食量選擇, 粗麵條, 麵質煙韌有咬口, 配上海老湯, 湯底好厚, 味很濃郁，內有大量櫻花蝦,是真的蝦子的味道，更豐富 . 湯十分掛麵, 豚肉肉嫩又多汁, 肥瘦均勻, 肉味豐富，肉汁帶甜，加埋隻溏心蛋, 十分流心, 口感軟滑, 層次分明, 值得推介追加了三款小食, - Suntory 生啤+ 餃子 $90.0神泡生啤配香煎餃子, 皮簿餡靚又爆汁, 性價比極, - 麻

今次想同大家介紹呢間位於灣仔，由日本人主理嘅正宗日式拉麵。😚去嘅當日見到舖頭都好受歡迎，好多打工仔都會喺入邊食晏晝，味道非常唔錯，舖頭每個月都仲有限定嘅優惠，大家到時都可以喺門口留意一下㗎。🐷牛筋Black拉麵牛筋軟熟入味，半熟蛋生熟程度啱啱好，完全吸埋晒湯嘅精華。麵條彈牙，湯底又唔會過於油膩，拉麵嘅份量亦都好多，食完都幾飽肚又滿足。🐷櫻海老沾麵沾麵湯底非常濃郁，櫻花蝦同埋海老嘅味道好香，入面有好多櫻花蝦、木耳絲、半熟蛋等等嘅配料，麵條偏粗身有咬口。🐷日式煎餃子餃子皮煎得幾脆口，入面嘅肉汁仲保留得到，點埋醬油或者醋食就啱啱好，係非常唔錯嘅小食。

2014年開業🇯🇵日本人開設正宗拉麵店終於有時間去探訪灣仔的黑龍拉麵店內裝潢就是日本店的設計拉麵是日本師傅熬煮的 非常地道看了門外招牌 看到最近還有沖繩拉麵不過這次想先試店內王牌🍜黑龍豚骨拉麵用錢加了糖心蛋,絕對值得!如果不喜歡沾麵鹹香的口感,我也推薦這個黑龍豚骨拉 面!麵條比較幼細,配合豚骨湯底十分相答!裡面還有竹筍,很好吃的說🍜辣三枚肉沾麵沾麵的叉燒比較肥,可是肥膏入口即化,超吸引人的說。麵條很有咬勁,還可以選擇不同的硬度,滿足不同人的需求。🥟日式煎餃子來到的時候還冒着熱氣雖然是煎的但餃子皮香脆可口餃子餡是帶有肉汁的🍗南蠻炸雞雞肉鮮嫩多汁 外皮炸的鬆鬆脆脆後悔沒有點啤酒一起吃🐙章魚燒吃拉麵的時候，想起大阪的章魚燒跟大阪一樣的味道，只是大小小顆一點不過對我來說剛剛好

位於灣仔嘅黑龍拉麵店 係由2014年日本人開設嘅正宗拉麵店黎嘅🍜 一入到鋪頭 聽到店舖入面嘅店員用日文同我地打招呼 而佢地都係全程用日文溝通 好有去左日本嘅感覺🇯🇵🍀牛筋Black沾麵牛筋湯底嘅味道幾濃郁 吾會太鹹 入面仲有差吾多7粒嘅牛筋 好足料🤩 沾麵做到掛身嘅效果 每一啖都好濃郁😚 麵嘅份量我揀左300g 好多麵好夠飽😆 我仲額外加左叉燒 口感軟嫩 好食😋🍀沖繩鹽味豚骨拉麵鹽味豚骨拉麵嘅湯底清新 吾會好油膩 味道恰到好處 吾會好鹹😉 配埋叉燒係好好嘅配搭😝 🍀燒魷魚一夜干最鐘意就係點埋沙律醬食 味道更加濃郁 更加開胃🤤 魷魚干好有嚼勁 夠晒有咬口🦑🍀餃子食拉麵都慣左會叫一碟餃子 幾好食幾開胃🥟

🐻👨🏽成日話想食灣仔既黑龍拉麵，講左好耐未有機會食，今日碰巧在附近工作，當然要去呢間日本人主理的拉麵店朝聖下。🐻👨🏽點左最基本既黑龍豚骨拉麵，入口湯底鮮甜而不膩，感受到博多豚骨拉麵的精髓，拉麵自然係博多麵，幼細有口感，相當掛湯。配菜叉燒肉味濃，唔會好柴，重點係個湯好夠熱，食到最後才都熱辣辣。🐻👩🏻就食白雞鹽拉麵，雞湯順滑口感，味道鮮甜清淡，好啱🐻👩🏻口味。🐻👨🏽三扒兩撥就食哂碗豚骨拉麵，仲意猶未盡，即刻追加左碗牛筋Black沾麵，Black係黑椒既意思，沾麵自然要食熱湯冷麵。沾麵湯一來就滿滿黑椒味，配上彈牙掛湯既太麵，食到豚骨同黑椒既配合又唔會太搶味，而牛筋超軟冧入味，好出色。拉麵一定唔可以唔提糖心蛋，黑龍既糖心蛋有一種軟和既甜味，整體味道好特別舒服，不能不吃。