米角

Open Now

Now Closed

之前行街嘅時候經過見到呢一間餐廳都係做輕食為主題，而且望落去仲有好多好健康嘅選擇添所以就今日就走咗過去試吓啦一去到嘅時候我就叫咗一個和式香料慢煮雞肉，另外仲叫咗一個沖繩海鹽烤鮭魚伴魚子！整體來講都非常之豐富，而且呢度嘅飯係用咗五穀米，再加埋珍珠米，所以非常之有口感！雞扒同埋三文魚亦都係煮得好好，非常之滑！

由於小編最近轉咗工，返工嘅地點係尖沙咀～除非要見客，如果唔係我都會喺尖沙咀度覓食🐷 而喱度真係有好多大大小小嘅餐廳小編都好想去試🤤 今次就俾米角嘅便當吸引咗眼球😍.#米角和式香料慢煮雞肉海苔五穀便當 🐣如果同大家講我請你食個健康嘅便當，可能你都會有一啲擔憂，心諗個便當係咪會係好清淡或者唔好食⋯🥺 但係大家可以放心，相信你哋睇到呢份便當都已經會覺得非常開胃，因為佢真係好色彩繽紛！🥰佢嗰隻半熟嘅溏心蛋🥚，雖然overcook咗少少🤏🏻 但係蛋味依然都好濃郁！而佢嘅慢煮雞肉都唔會話好乾身，味道同肉質都唔錯😋 五穀米食落去都非常有咬口，咀嚼多幾下之後先吞，食嘅份量又可以減少啲，對個腸胃又好啲！👍🏻 不過有個扣分位，就係個便當嘅溫度就只係微暖，所以大家抱着想食熱辣辣嘅飯呢，就可能會有啲失望啦🙈🐽小編見到佢仲有一啲溫泉蛋嘅便當都好吸引，同埋啲飯團餡料都令人垂涎欲滴！一定會搵機會再去試吓😝.🏆「豬」味指數：8/10📌 溫馨提示：一個便當嘅份量又真係唔算多，女仔食嘅話，就啱啱好！但係男仔食嘅話，可能就要加多個飯團先夠飽🍙🙊

2021年8月17日(二)昨晚到米角買左2個飯團，送一碗味噌濃湯紀州南高梅飯團$28柚子蔥燒鯖魚飯團$28一個飯團跟瑋片紫菜放左入雪櫃一整晚，今早取出飯團及湯解凍左就進食，估唔到唔熱都好味道，二款飯團都好好味

位於中間道H Zentre嘅餐廳 — 米角Kome Zentre，我俾佢嘅評分只有🌕🌕🌕🌑🌑。 原因？看下去吧^—^‘’🍱米角和式香料慢煮雞肉海苔五穀便當（$68）：賣相很不錯，初初吃的時候覺得味道很可以，尤其是溏心蛋！五殻飯都看來美味又健康😋可惜......當我咬雞排的時候，肉質比較乾和韌，和茶餐廳雞排意粉那些雞差不多😟再繼續吃雞排下的飯，因為太多日式鼓油的關係，太鹹了😖就這樣，我覺得這間店還是試一次便好。🥢環境：雖然不是正式店舖，也只有隨便幾張枱供客人坐坐。但玻璃窗有兩張像cafe的bar枱，挺適合一個人安靜地享受進食的時光：）餐廳在像超級市場的中央，等待事務的時候在周邊逛逛也是挺好的～

第一次幫襯時，已好impressive，特別係個飯團同茶漬飯，因為係香港始終好難搵到有質素，貼近日本standard嘅飯團，特別係有個流心蛋嘅飯團，回味無窮，所以搵日路過再買第二次。上次咖喱牛肉飯團，我自己覺得個咖喱味偏苦，同埋唔係好食到牛肉，所以今次冇叫。主力encore原味茶漬飯，同流心蛋飯團，真係好味。飯團買二個會送麵豉湯。海藻番茄沙律都好食，新鮮爽口。對食物質素好滿意。唯一唔滿意係個packing問題，我都明白你地唔用膠袋係為咗環保，我都支持；但問題係，外賣要行一段路，有湯嘅野個盒唔實，就就瀉出嚟，搞到個飯團濕晒，好彩d紫菜分開包裝。所以其實係唔係可以flexible d如果有湯類，個飯團分開pack，如果唔係浪費咗個飯團。

收藏咗超耐嘅餐廳！因為我係飯團控🍙一直好想試吓佢起H zentre入面 平時去開尖沙咀都好少機會行去嗰頭 今日都係特登黎入面主要有個賣日本食物嘅超市 然後有米角同The Salfee bar 兩間熟食店有啲food court嘅形式坐位唔多 不過幾舒服既 自己一個黎食都可以米角menu都算多嘢食 飯團款式已經好多 好特別每個口味都好吸引😍飯團size亦比一般大啲宜家買仲有8折只不過今日黎食dinner 食飯團感覺都唔太夠飽 所以就選擇食便當便當款式都多 另外亦有茶漬飯 小食仲有期間限定！今期主題係紅色❤️叫咗個 米角和式香料慢煮雞肉海苔五穀便當 ($68)因為得一個服務員 然後即叫即整 所以要等大約10分鐘左右賣相好好👍🏻連個盒都要用貼紙貼好 木餐具同木盤令個便當好有日式家庭簡易風一開個便當仲暖 而且超香飯味🤤份量非常大 雖然盒扁身 但係下面全部都係米飯然後上面有塊大雞扒 半隻流心蛋 兩片大海苔 仲有其他漬物: 籮蔔 車厘茄 牛蒡 見到都覺得好豐富 又好似好健康咁🥰味道方面…車厘茄鮮甜多汁 漬物有鹹有酸 係令個便當味覺同質感上更有層次嘅精髓海苔雖然唔係脆 但係超香紫菜味 佢黏住咗啲飯 攪

某日行過尖沙咀, 發現有間新開既日式超市, 行入去行左個圈, 已經以為自己去左日本旅行🤣 木系裝修超舒服🥰店舖中間有日賣飯糰同便當, 隨意買左啲一家3️⃣口開餐😋 意外地真係好好食🥰🍱柚子醬油燒豚肉海苔五榖便當🍱- 燒豚肉配上柚子醬汁, 好清新, 完全去除左豚肉既肥膩感, 加上海海苔五榖飯, 超有口感🍚西京燒鮭魚海苔溫泉玉子飯🍚- 西京燒鮭魚甜甜既口味, 加上滑嘟嘟既溫泉玉子, 流心既感覺, 口感好豐富🍲信州味噌昆布濃湯🍲- 唔太濃, 清清香香既昆布味, 好飲🍙北海道昆布伴鰹⿂⽚飯糰🍙- 成個飯糰好有口感, 昆布有咬口, 鰹⿂⽚飯糰好鮮甜, 好食🍙味噌燒鮭⿂飯糰🍙- 呢個就正常鮭魚飯糰, 但同樣飯軟鮮甜最重要, 價錢唔貴, 但食到 🇯🇵日本既感覺🥰

-🦄谷辰 米角 -關西風汁燒牛肉海苔溫泉玉子丼 Hkd78Rating🌕🌕🌕🌗🌑-都食過兩次🤤今次選擇二訪 堂食 嘅日本🇯🇵丼飯丼飯嘅選擇都幾豐富 價錢方面都合理 正常嘅牛肉佔咗丼飯嘅1/3-1/2左右 入口嫩 唔會話好韌 有筋配搭埋呢個肉汁 同埋洋蔥 就更加係完全取勝吉xx比較驚喜嘅係 佢竟然配搭咗泡菜 有啲Fusion嘅感覺黃色醃蘿蔔有啲過淋 唔似平時食開個啲咁新鮮而其他配菜都係正常 無咩特別嘅地方 不過不失啦不得不說嘅就一定係粒蛋 基本上連蛋白都好流質蛋黃撈埋啲日本米飯一齊食 真係無得輸 好正呀同時都好明顯咁見到啲日本米飯係圓粒粒 脹卜卜真係粒粒都咁飽滿 望住都會開心啲 食都又睇得😂哈整體而言呢個飯都唔錯 假如份量上可以多啲會更好-

※米角和式香料慢煮雞肉海苔五榖便當便當賣相繽紛吸引。足料嘅漬物，海苔，溏心蛋同五榖飯嘅調味，全部都好啱個人口味，同喺日本食嘅便當有八成相似。非常可惜嘅係慢煮雞肉實在太硬，硬到好難先切得開同咬到，而且唔入味。但由於配料好啱口味，所以都會再俾機會，下次會試烤鮭魚/ 燒豚肉便當或其他飯糰，希望唔會失望。

今次一個人去咗行尖沙咀, enjoy 一下me time.我都係今次周圍行先發現尖沙咀多咗個新商場叫H Zentre (其實可能唔係新開, 只係我一直都唔知. 哈哈)原來地下嗰層有間日式超級市場叫谷辰.入面仲有個輕食專區 - 米角Tim.米角係賣日式嘅便當同飯糰為主.而佢用嘅米係五穀米混合埋日本傳統秋田小町米, 感覺好健康咁, 所以我就揀依到食lunch喇.佢嘅飯&飯糰都有好多選擇.我就叫咗日本紫蘇烤雞肉軟骨海苔溫泉玉子丼 & 醬燒素牛肉枝豆高菜飯糰 試下.日本紫蘇烤雞肉軟骨海苔溫泉玉子丼 (HK$68)一睇個賣相就知食材豐富.個飯除咗有塊大雞扒&雞軟骨, 仲有溫泉蛋、勁多紫菜&漬物.漬物味道酸酸地幾開胃.佢個紫蘇醬油都好好味, 而且份量啱啱好沾滿每一粒飯, 撈埋溫泉蛋食真係好正.本來以為五穀米會好硬, 食落又唔會喎, 配埋珍珠米, 啲飯嘅口感幾彈牙.塊雞扒都幾厚, 啲肉又唔會好乾身.同雞軟骨一樣食落好香口.份量方面, 我覺得份量啱啱好, 食完啱啱好飽.整體來講, 我覺得依個飯都幾好食, 食完覺得好滿足.醬燒素牛肉枝豆高菜飯糰 (HK$30)依個飯糰嘅紫菜同埋飯係分開嘅.我覺得咁都幾好

日式生活雜貨店【谷辰】GUU SAN 2020年9月於尖沙咀中間道開業，店內輕食專區【米角】Kome Korner嚴選健康食材，主打每日新鮮捏製的手工飯糰及便當。亦有和風沙律、野菜料理、湯品等多款選擇。店內飯糰共有十款，朋友是素食者，點了"醬燒素牛肉枝豆高菜飯糰 "。飯糰破格地以紙包裝，以不同顏色區分口味，美觀之餘亦附合環保原則。飯糰選用優質珍珠米秋田小町米製作，米粒圓潤而飽滿，黏性強具嚼勁。紫菜用上佐賀縣的有明海苔，屬日本有名的上等貨色。獨立包裝分開奉上，拿上手時還帶點微溫，吃前才包裹，脆卜卜入口即化，份外美味。師傅會將餡料與白飯拌勻後才捏成三角型，每一口味道都很平均。未來牛肉以照燒汁及七味粉調味，甜甜微辛中帶點焦香，配上枝豆與高菜漬，口感爽脆清新，很適合夏季享用。"日本紫蘇烤雞肉軟骨海苔溫泉玉子丼"以雞肉及雞軟骨入饌，點餐後雞扒以火槍炙燒至金黃微焦，添上煙燻香氣，甚有日本燒鳥店風味。飯底以五穀米混合秋田小町米，營養價值更高，吃下軟糯彈牙口感甚佳。配菜有澤庵、泡菜及壽司薑片，酸甜醒胃。吃時把溫泉蛋刺穿，米飯和主菜均勻地沾滿流心蛋汁及紫蘇醬油，濃香濕潤，叫人吃不停口。

最近去尖沙咀 Sogo 買嘢，發現原來隔離開咗幾間新商店，其中一間就係谷辰，鋪頭面積唔算大，有啲似高級版嘅阿信屋，咩都有得賣，有蔬菜、日用品、零食等等，見有啲肚餓就幫襯下佢嘅飯團。飯團個樣幾吸引，所以買咗兩件試下，而家買兩件仲會送麵豉湯 🥰 有啲款想食可惜賣哂，買咗竹筍黑胡麻溏心蛋同北海道昆布伴鰹魚片。竹筍黑胡麻溏心蛋 ($34) : 超級正 🤤 雞蛋勁流心，每粒飯都都沾滿了惹味嘅醬汁。😍北海道昆布伴鰹魚片 ($28) : 用咗五穀米整非常健康，而且重有好多配料係裏面，好味程度拍得住竹筍黑胡麻溏心蛋。🥰另外可能怕本身包住飯團嘅紫菜會淋，所以每個飯團都會附送一塊紫菜 👍🏻 因為太好食嘅關係，所以再買多兩件食 😋 買咗竹筍黑胡麻溏心蛋同豚肉醬油燒。豚肉醬油燒 ($30) : 呢個比起剛剛果兩個失色好多，味道比較淡之餘飯粒比較乾身同唔夠濕潤。

同朋友去尖沙咀Shopping, 係時候去填下肚先！ 經過中間道見到有間叫谷辰嘅日式超市，裡面仲分左3個專區，裝潢具日式簡潔感。我地去左谷辰入面叫”米角”嘅專區，叫左1個便當同埋1個飯糰，坐係旁邊嘅Resting Area慢慢食。我揀左個飯糰- 竹筍黑胡麻溏心蛋飯糰由專業師傅親手捏製，米飯具有黏性和耐嚼性，還將醬油拉麵中配料： 竹筍、芝麻及溏心蛋藏於飯糰裡面，好有驚喜。原隻溏心蛋自家秘製，生熟度剛剛好，蛋香味濃郁， 蛋黃滑溜。濃濃的日式醬油及胡麻，加上豐富食材，口感層次及味道好豐富啊！配埋一塊新鮮爽脆的紫菜，即包即食，美味又夠曬健康。朋友話好肚餓，所以揀左個日式便當- 柚子醬油燒豚肉海苔五榖便當日式配搭嘅便當 -慢煮叉燒及海苔，幾塊焦香肉嫩嘅厚煮叉燒，以柚子醬油慢煮，入味香甜清新。配料豐富：酸薑, 醃菜, 蕃茄仔，加上口感有嚼勁嘅五榖飯及珍珠米，好健康嘅食材組合，實在太豐盛喇！朋友食左4分3已經話好飽肚！大家享受左一頓健康又豐富嘅午餐，有機會要再來試下 ！

#尖沙咀好去處「谷辰」這個好特別，是指匯聚日月星辰，誠獻都市潮人，其實平時這麼忙，香港人要多放鬆一下，最近來到位於尖沙咀有間5000呎的日式超市， 主打由日本🇯🇵直送新鮮食物，有不同日式食品和生活用品外，還有個專區 - 米角 提供日式飯糰和便當都十分吸引我呢！我們點了醬燒素牛肉枝豆高菜飯糰和日本紫蘇烤雞肉軟骨海苔溫泉玉子丼食物材料很豐富，而且健康，咬下飯糰內滿滿的素牛肉、枝豆和高菜😋 和一般出面食到好不同， 健康又美味！而丼飯一樣大碗，大大塊的雞排好嫩好新鮮，伴著溫泉玉子蛋真係好滑好好味！使我又以為去咗日本🇯🇵啦！谷辰 GUU SAN九龍尖沙咀中間道15號H Zentre地下

搵食搵到黎尖沙咀。實在太耐無行尖沙咀喇！今日行經中間道發現左H Zentre呢個商場😜見商場地下呢間餐廳裝修佈置咁和風，即刻行入去睇下有咩食，開餐啦喂！🔶️環境：推門進去，發覺原來呢度係一間日式精品生活雜貨店。食店主打日式輕食～飯糰及便當，有個resting area，座位並不多，只有大約10多個。一向喜歡食飯糰嘅我，揀左竹筍黑胡麻溏心蛋飯糰，同埋叫左一客柚子醬油燒豚肉海苔五榖便當。🔶️食物：竹筍黑胡麻溏心蛋飯糰 $34🔹️包裝上寫住選用日本秋田小町米，外觀粒粒分明水潤度高嘅米飯，食落有咬口唔乾身。🔹️飯糰有驚喜，一般食開嘅飯糰都係白雪雪以白飯製成，呢個飯糰嘅飯係啡色～醬油味架！🔹️咬到中間就係精髓所在，竹筍、芝麻與及原隻溏心蛋跟米飯一起吃進口裡，流心口感嘅溏心蛋滋味滿分，生熟程度恰到好處。柚子醬油燒豚肉海苔五榖便當 $68🔹️柚子醬汁微微酸味道，夠晒開胃，夏天之選。🔹️飯底用上五穀米混合日本秋田小町米，健康之餘有咬感。🔹️三塊厚切燒豚肉放在飯面，配上多款色彩繽紛日式配菜及海苔，便當賣相吸引。🔹️份量頗大，性價比高。