延苑韓國料理 (Closed)

平價韓食~午餐超值之選~!!! only $37 or $42~side dish 任食任添～有菜有丸有腸有泡菜有蝦毛仲有好好香口的炸薯～　（　韓食有腸仔，真係幾搞笑既，但係啱港人口味！）飲品冷熱任添～　凍豆漿／凍檸蜜／熱炒米茶～係淡淡地～　都reasonable~ coz it is only $37/ 42!學生／　打工仔必食～（環境就有ｄ　搞笑ｇａ～全佈置也是冒牌的hello kitty)

Open Rice 見到延苑韓國料理好多食評, 就試下, 點知中了雷我們點了$238 2人套餐, 越食越覺得這是不正宗的韓菜,早知去尖沙咀的韓國料理 前菜-竟然有茄汁腸仔同獅子狗 老實說在印度吃過印度人無煮的韓菜都無甘嚇人。麥茶+只有你最正宗粟米合桃沙律- 不是韓國mayonnaise, 連kraft 也不如.好評如潮的石頭飯 - 全晚高潮的石頭飯,竟然系"粉果肉碎"的港式煲仔飯, 食了幾啖就放低了涼粉 - 中式糖水？感覺好似去左麥當勞買茶餐A, 但係算幾好食P.S.老闆娘是幾nice的

我與中學好友總會定期聚會，除了飯聚，也會行行山，特別是新年時間，吃得太多，總要找機會消消卡路里。與友人粉嶺遊，看過紅葉賞過薰衣草，見天色已晚，大夥兒商量往哪兒晚飯，想起延苑，之前吃過幾次感覺不錯，打電話即時訂位，店方建議先訂人蔘雞，我們想也不想就拍板了。老實說，這裡韓菜的水準不算特別高，但勝在價錢平、份量足、誠意夠，很難想像一間小店有那麼多自家製作，怪不得每次來都坐無虛席。甫坐下，職員端上自製的麥茶，不甜，麥香四溢，加上剛運動完，我等連喝兩杯！接著是琳瑯滿目的前菜，對無限添食的前菜老公至為欣賞，前菜當中我最愛冷菠菜和蝦皮，一清新一惹味，是晚餐的好開始。自家製作的炸醬麵誠意十足，棄用常見的青瓜絲，改用翠肉瓜，少了一份清新的感覺，始終炸醬味濃，用青瓜絲平均一下較好，自家製的麵條很滑，質感介乎烏東和拉麵之間，粗幼也是兩者之間，炸醬味甜，如加點乾蔥會更惹味，但我個人還是較喜歡傳統口味的炸醬麵。人蔘雞湯和石頭飯是當晚最出色的，人蔘雞每天限量製作，用上新鮮的芝麻雞，釀入鮮人蔘、糯米、紅棗、粟子、銀杏等燉上數小時，喝一口，蔘味不會太濃，有鮮雞味，喝下去很舒服，再吃湯料，雞肉雖燉了多個小時也不見鞋口，

粉嶺只此一家韓食餐廳，雖然食評麻麻，但喜歡吃韓餐，儘管試試。一行5人，原訂了晚上7:30的，但早到了半小時，老問娘安排了4卡座給我們，因她說沒預計我們會早到然後老闆娘遞上餐牌並極力推薦 "父親節套餐"，指稱有原隻鮑魚及燕窩，於是點了一個4人份套餐。套餐包括有﹕免費前菜 免費任飲 "熱" 麥茶、"凍" 檸蜜 原隻鮑魚(9孔鮑)伴海蜇 麵豉豆腐蜆湯 牛油果合桃提子乾粟米沙律 醬燒牛肋骨 石頭碢飯 鮮奶燕窩自製涼粉 盛惠$648 + $30 +10% 然後，老問娘又極力推介我們多叫一個炸醬麵，但我們怕一次叫太多食物，吃不了，稍後才決定，老闆娘就解釋，因為我們5人吃4人套餐，要額外加$30，倒不如叫多客食物，但我們最終都是沒加炸醬麵，4人套餐也吃剩了食物。總結﹕套餐食物不怎樣，寧願散叫韓式炒年榚、炒粉絲、燒牛肉等等有特色的韓式餸菜。其實老闆娘只是韓國華僑，所以韓菜不夠正宗。未必會再來了。

因為工作的關係而來到遙遠的粉嶺,事前沒有做功課因為I同事很喜歡韓國的關係,雖然門面不怎麼樣,還是進去了是令人有驚喜的小店,可以看出店主很有心思想讓客人感受到他們的心意剛開始以為是電視台在播著韓國劇集,後來才發現原來是店主在播著碟,讓客人能一集一集看下去。而且店內到處都有HELLO KITTY的擺設,可以看出店主很花心思在这間店裏,一桌一椅一物都是他們的心血。午市套餐不貴,前菜有十款,寫明前菜和飲品都可以無限添加我們吃完前菜後,有兩款比較喜歡的,正打算叫店員幫我們再拿一碟誰知還未開口,店員已經捧著一盆一款全新的前菜出來放在我們的桌子上,很細心,也令我們覺得超值!!食物方面,我點的是辛辣薯仔雞飯,可以選擇大、中、小辣我說要中辣(一向都挺能食辣的)店員听到後說:要很能吃辣的才能吃中辣!忠言逆耳,結果雖然很好味,後來卻頂唔順而放棄了半碟飯是珍珠米,很香,辛辣汁很香,可是真的很辣四十多元的午餐,很值值得推介,有誠意的小店可是我們應該都不會再來了,除非有機會再來粉嶺,實在太遙遠了吃得太飽了,和同事到附近又展開我們的小SHOPPING才回去工作真是悠閒的一天

由2007年年尾開始, 已經差唔多一個星期點都有一日0係呢度開餐, 因為佢真係好好食又好抵食! 尤其係午飯時間, 一個餐都係$40左右, 仲要包前菜任食同指定飲品任飲, 真係超值!!不過, 直到上兩個月(即2010年7月左右)再0黎吃, 水準已經俾以前差0左, 份量又少0左! 連俾前菜同添飲品都冇以前咁殷勤, 仲有少少面黑俾你睇, 算… 隔0左一個月, 星期日再同家人0黎吃, 已經決定要black list佢! 點解? 1. 雞翼飯: 以前0的雞翼有成大半隻手皮咁大隻, 而且外脆內軟多汁, 冇雞0既腥味, 好香口, 係必叫0既食物! 星期日再去吃, 雞翼已經得番3吋唔夠咁細隻, 而且表面全部係粉 (強調:以前係唔用粉炸的!!!) , 咬落去, 成口油!! 好失敗!!! 2. 近呢幾個月新加上的蝦醬炒飯: 第一次吃時, 好大碗, 好香蝦醬味, 再加埋0的小蝦乾, 一流! 依家, 飯量少0左一半!! 而且冇乜蝦醬味, 得個炒字, 吃完仲見到碗底有油剩下… 唉… 3. 式式薯: 係佢地得意之作之一! 即係炸薯仔粒, 但再加埋0的味粉, 好香口惹味!! 都要$28一碟. 試過有次我地叫完

聽說這間延苑是由韓國人開的，這次有機會在晚飯時段一試~浦項水晶粉晚餐 - 水晶粉像粗一點的粉絲，滑滑韌韌，配簡單的材料炒在一起也很美味~韓國牛肉飯晚餐 - 牛肉夠林又入味，不錯！白飯用金屬碗盛著，有韓國風味，飯上有幾粒芝麻，賣相討好~精選晚餐主打只是$55，價格相宜，還有前菜任添~

7大3細去食晚飯，大概食到一半，我老婆縮起腳，我就問佢乜野事，佢話隻曱甴跳左上佢隻腳到，嚇到佢咪即刻踢腳囉！我再望向枱底時，曱甴已經不知所踪！但食多一陣有怪事出現，我是著短褲的，發覺褲內有點異樣，又唔知係唔係自己形住，又好似係又好似唔係，幾次企起身跳，都唔覺有野跌出嚟！又過多一陣，那種感覺越來越強烈，又再次跳起身，家人叫我入洗手間睇下入到去看褲內什麼都沒有，突然背部感覺到佢爬行，馬上把上衣反轉除落嚟，隻曱甴比我一fing ，飛左埋牆，嬲嬲地就比我就地正法！出到去同屋企人講番，隻曱甴真係爬左上身，當各人議論紛紛之時店內居然無一人查問，直至我媽媽向一位應該係老闆娘的人，說有曱甴爬左上身佢就只講左句[ 唔係呀！] 就行左去！其實我覺得佢起碼都應該講句 [ 唔好意思 ] 那老闆娘sell 餐時很好口材的，但處理突發事件真的有點差而家講起都有點毛管戙！

依一間餐廳係會下場所以2 點後都唔洗旨意可以幫親今次早左起身, 就去試一下lunch 啦10小碟:個人應為最味係白菜仔其他都麻麻地韓式炒粉絲: 味道ok. 但係如可以加多點肉一齊炒會好一d辛辣豬肉飯:豬肉好味....如可以自己燒更好另外依間餐廳飲品係可以不停斟,有寧蜜(但係飲下去明明係茶蜜?????)同豆漿 不過味道就淡左d仲有原來叫外賣佢都會送埋10小碟同飲品比你不過就冇得任食

有一陣子沒有來過這裡，老闆娘仍然是幾nice的招待。先有十小碟前菜任食refill (我地encore了5-6次薯仔，好好味)今晚點了汁燒牛肋骨 (牛仔骨好鬆軟，唔會烤得過火，好juicy)小辣的年糕炒拉麵 (唔嗜辣但都可以接受，配菜仲有好多魚片)小食拼盤 (有chicken wings、炸餃子、炸魚旦) (chicken wings幾嫰，其他2樣小食一般)石頭飯 (好好味呀~飯焦好脆口)送的花奶涼粉 (聽說係自制涼粉的，食完熱氣野食呢個甜品真係very good)

由於聯和墟感覺好似無咩好食,就唯有多數都黎延苑lunch 一般 分 $35蚊同$40蚊餐…野飲任飲, 我去親好似多數都係豆漿同菜蜜味道不錯不會太甜…0的餐都差唔多食勻哂暫時未有甚麼異樣…而且味道不錯這樣才能在我名單一直仔留嘛;P如果食什錦水晶粉最好就"不"0的湯落d未食既粉度不然會痴埋一舊耐左就會好難搞呢辣既餐都唔錯, 有個辛辣薯仔牛肉飯(類似)不錯啊 DEAREST吃過, 唔算得好辣,但夠少少癮就OK而且耐唔耐就會有新既小食, 不嬲都有既小食都幾好食有隻係炸薯仔(?) 類似呢0的但係真係好好食 lunch時間就會拎成兜出黎俾客人一碟碟咁拎~~我同dearest次次都拎幾碟xd ( 為食~"~ ) 哈哈 價錢唔貴 服務周到 都算幾乾淨質素亦都唔錯, 值得常去 不過留意2點後就會close until 晚市呢~~

耐不耐都會往聯和墟走一趟,跟太座都有一段時間無光顧,就趁一個客人不多的中午回味一下十小碟都不錯.雖然有部份食家不太認同十小碟份量少的問題,但個人而言卻非常欣賞,至少可以多試幾款.當中有我最喜歡的椒鹽薯粒,每粒都是小指頭大小,但炸得芳香鬆脆,外層灑上椒鹽,而且每次都是即炸即食,一流.午餐選擇可以說是多年不變,來來去去都是這幾款.什錦湯水晶粉 : 可以說是湯跟配料是五十比,各佔一半,椰菜絲,冬菇絲跟雞肉一起放湯,而水晶粉是另上,夾的時候比較黏,但當混入雞湯之後,便立即散開,味道不數濃郁,雞肉用作放湯,肉質變得嫩滑,湯帶點昆布的味道,相當討好.韓式雞翼飯 : 其實是炸雞翼飯,在飯面舖一層芽菜及紫菜絲,再淋上韓式醬油,雞翼炸得過火,份量太少,醬汁偏咸,下次都是試其他好了.飲品亦是免費,喝一口麥茶又真係幾舒服.

今晚一行5人專登去食呢間韓國餐廳, 唔o係鬧市都有好多人幫親, 結果都無令人失望~D野食名唔係記得好清楚,有鐵板上既炒豬肉, 好野味, 通常鐵板都會好多油, 佢煮得唔錯, 唔會太油!石頭飯, 個飯焦真係好好味, 又香又脆, 食完個飯焦之後就係正常的飯....辛辣海鮮湯年糕, 小辣o岩我, 有5隻蝦同好多魷魚, d蝦新鮮又唔夠大, 正燒風鱔, 個人唔好鱔, 食左少少, 都ok既大蝦蟹子牛油果合桃沙律, 有勁多隻蝦, 不過食唔到牛油果...仲有睇電視成日見人食既炸醬面, ok喎, d面夠un, d醬又香濃最後仲有無限添飲同n款小食, d魚仔乾勁好食呀!周圍都係hello kitty, 有d搞笑, 不過都值得再去既!

本人乃上水友老, 係 Open Rice 上, 見到好多食評對粉嶺聯和墟果間"延苑韓國料理"有高度評價, 於是尋晚冒險一試. 最終發現又係亂蹹廿四 店內陳設 9 唔搭 8, 竟全是 Hello Kitty, 完全比較似一間交通主題餐廳囉!菜單也是 Hello Kitty 的, 真吹脹 價錢倒十分大眾化 前菜雖然如 Open Rice 食友所講咁不斷送上, 不過其實啲屎咁細碟, 且味道極之極之尋常.餐連飲品(西洋菜蜜 + 豆漿), 店員會自動為客人添滿.韓國牛肉飯 - 好住家 feel石頭飯 - 比較像樣涼粉 - 全晚至得埋單約百蚊, 又真係好鬼平. 如果能夠改善下食物味道, 裝修正經啲, 都不失為新界北呢一片荒漠, 帶來一絲希望

星期日，去聯和墟揾食，去到都4-5PM，出名拉麵冇開，群記豬手關門。下次要早上再來了。係聯和墟行左陣，記起OPENRICE有間韓國料理，食評不錯。不過，冇抄低地址，行來行去都揾唔到，最後問人，原來係帝庭軒對面。門面唔起眼，入對去，好多Hello Kitty裝飾，但又唔係好靚，亦都唔搭配。坐底左，有位女服務員介紹餐牌食物，幾好招呼喎~~不過，我同屋企人冇叫2人餐，叫左:辛辣豬肉飯$52--幾野味，可以選大中小辣，要左中辣，用來送飯幾開胃架。浦項水晶粉$52--好食架，唔似一般food court炒埋一堆就上枱，本來唔想叫的，因為就係怕佢油膩，但呢碟入口唔油架喎，幾好食。再講下D餐前小食十款(任添)，我地有再添，但其實唔同款架，即係唔止十款lo。十多款小食，都不過不失，係有一款銀魚仔唔好食，咬唔到架。另外，有三款飲品，菊花茶/豆漿/麥米茶，個阿姐不停咁幫你添，但佢又會差不多記得晒成間鋪的客人飲邊款喎，阿姐D記憶力好抵讚。我飲左好多杯菊花茶，又夠凍，正。最後，仲有涼粉送，幾滿足。主菜，其實是一般味道。最好是服務和任食前菜和任飲的菊花茶。