功夫點心 (Closed)

一早o係openrice book左11:30am一去到就有位未用過openrice個booking system原來只要準時到, 就有50分, 儲夠一定分數就可換cash coupon講返間食店雖然黎過中港城好多次但通常都係1樓或者2樓冇黎過平台, 真係唔知哩度有食店可能因為咁, 所以即使星期日都唔多人就算到我地食完, 都冇坐滿人換句話說, 鍾意坐幾耐都可以叫得功夫點心, menuu都整到成本武功秘笈咁, 幾得意睇返menu有咩食, 其實款式真係唔算好多, 不過睇得出有d都幾有創意鳳凰煎糯米雞, 其實除左表面煎左同形狀唔同, 同普通糯米雞冇乜分別, 不過都叫有創意XO醬炒蘿蔔糕, 其實見倒碟底都ok多XO醬, 不過都幾油, 同蘿蔔糕冇想像中咁有XO醬味功夫筍尖蝦餃皇, 都幾多蝦, 但唔覺有筍, 同埋要$12/粒, 都算少貴, 不過勝在可以逐粒叫蔥花炸兩腸, 油炸鬼比較硬, 腸粉粉皮亦厚, 麻麻蒜香鮮蝦長春卷, 唔覺有蒜香, 不過味道都ok懷舊綿香馬拉糕, 形狀同大榮華一樣都係圓形, 不過哩個係迷你版, 味道都ok

星期五回來，星期六就要投入工作。完工的一剎，是開心的勞累感。老是嚷著要看全力扣殺,親愛的就等我回來，弄來兩張戲票。可是中間空檔了，只想坐下打打渾。想了想，來到中港城樓頂飲啖菜，食個包，兩人傾傾偈就好了。只是簡單幾個點心，味道質素不差，但不算突出。貴價點心如蝦餃燒賣可逐件點 （最少兩件起），實際一些。鹹水角只屬很一般，外皮脆但硬，口中腍糯感太強，餡也少。燒賣算是不錯，有肥豬肉香，蝦肉厚，只是感覺有點味之調料而已。煎瑤柱蛋黃糯米雞，用料不多，但外層煎得夠香。糯米內裡腍軟而香，肉料冬菇茨汁不會過鹹。瑤柱質感不太硬，蛋黃甘香。整體效果最好！陳皮山竹牛肉球，可惜吃不到陳皮味道。牛肉不會鬆肉過度，口感與味道都算可以。加上喼汁調味，是經典的配搭。最後要個豉椒排骨煲仔飯，排骨不少，而且有油香。豉油配煲仔飯不錯，只嫌飯身未夠乾，可是油香不錯。表面幾條豆角不知為何，有點格格不入。另外如果辣椒能剁細一點，效果要更好。整體來說，餐廳出品不算突出，但也不是差，相信坊間大部分餐廳也都如斯。不過能使我們靜靜聊聊打發時間，感覺很不錯。功夫點心尖沙咀廣東道33號中港城2座平台4號舖

跟家人去了中港城這間功夫點心，入到去氣氛怪怪的全場十多張枱，只有一個傳菜一個樓面，傳菜姐姐雖然語氣唔多好，但一個人又落單又傅菜，服侍十多枱，算係咁。雖然等左一陣，不過佢地一落單，點心好快就出來，而且每份都很足料和熱騰騰，見到都好滿足。春卷 : 食起來熱騰騰和脆卜卜，咬落不易散，而且食到粒粒蝦肉。砂鍋雲吞雞 : 肥油太多，湯不夠解味，但雞肉鮮嫩，雲吞不過不失。燒賣 : 十蚊粒>"<，但食點心點可以無，豬肉新鮮，燒賣皮唔會黏住住，賣相吸引，可見師父功夫。香煎糯米雞 : 出面未見過，當然要試下^^，原來煎的糯米雞好好食，煎到上下脆脆的，而內裹軟熟，但餡太少另外還有五、六款點心，都不過不失。叫了十多款點心，每人才百零蚊，比想像中平，而晚餐來說算係抵p.s 茶好好飲，完全沒有奇怪味

My family and I came to visit HK for 5 days. The staffs in this restaurant were rude, impatient and impolite. Very disappointed with this restaurant. Not friendly to foreigners and terrible customer service. Not worth the time and money to visit.

Got these from Kung Fu Dim Sum.Tried the White radish cake with preserved Chinese sausages and I liked the chunky white radish pieces in the middle with the dried shrimp and preserved sausages.It was not too salty which was great. The next day I tried the coconut milk CNY pudding.After slicing and pan frying it, the pudding was ready to eat.You can either pan fry it directly or dip the cake in egg before frying.The pudding was similar to mochi but the texture was much denser and stickier and not

第一次晚上食這種好似點心專門店，剛從澳門回來，就試一下，返正夠近！豉汁排骨飯，小小一份，飯唔系太“林”，ok 牛仔骨陳村粉，其實牛仔骨好味，不過唔夠汁，所以陳村粉唔夠味，有啲失望川弓白术魚頭，好味，可惜只有半個魚頭雞腳，上湯津白，都 OK

之前去過油麻地分店食過一次，食物質素相當高，所以再去呢間既尖沙咀分店食過。果然，食物無令我失望。一開始來既係煎糯米雞。熱辣辣有香噴噴。糯米雞上有D焦，令到糯米雞更加好食。可惜既係糯米雞入面既料唔多，只有少少肉，但都唔錯。北京水餃既上湯係辣既湯，好彩味道唔算太濃，恰到好處。餃子既數量都幾多，好似有8隻。20幾蚊有甘多算抵食啦！酥皮叉燒包係每次必食既點心。包上既酥皮夠甜夠香，叉燒包內既料都好足。新鮮出爐，正！

我同我男朋友都好鐘意飲茶, 不過2個人去酒樓好似好怪, 所以好LIKE來功夫點心呢類的中式快餐食野!點心紙好有心思, 好似一本秘笈咁!佢最好係有D點心可以一件一件叫, 唔洗一盅幾件咁, 我地2個人鐘意叫幾多就食幾多! 而且佢D質素亦唔比大酒樓差, 個人覺得好食過稻香!好好食, 每次必食!皮夠簿!佢D盅飯好好食又大件, 10幾蚊真係幾抵 唯一個飽汁鳳爪麻麻, 有D甩皮甩骨的感覺, 而且成$28一碟有D唔值10幾蚊大大件, 抵食!味道OK, 不過$28得幾隻, 唔抵食!飽點類亦唔差, 都幾鬆軟!如果佢都有得散叫就好我男朋友LIKE, 我就一般題外話/補充資料成日將佢同大陸的真功夫搞亂, BUT 真功夫是超級難食的, HAHA

是日休假, 又係一家三口'出動'之時, 阿B漸大, 自己識坐, 我倆可以多些帶他出街"搵食", 好似今日, Honey話請我飲茶一盅兩件, 嘩!  好呀!  近幾個月為了阿B吃得健康, 多在家吃健康餐, 好耐無出去撐枱腳, OK, Good!  Let's GO, go go go~Honey帶我嚟到中港城的'功夫點心', 招牌好醒神好搶眼, 柯打紙係武林秘笈咁幾得意. 11點半未到繁忙時間, 只有幾個卡位坐了客, 所有散枱無人, 任坐, 我哋叫咗准陽鮮肉餃, 其實似紅油炒手, 辣油幾香, 唔錯!  酥皮香麻蘿蔔餅, 幾特別唔係周圍有賣, 餡料好似蘿蔔絲酥嘅做法, 飽外皮夠脆, 內裡有彈性, 成個包又夠熱, 好味!  其他有蜜汁叉燒包、 脆皮叉燒包、 煎蛋牛肉飯, 老實講, 非常一般.   另外有一款特別有印象的是煎燸米雞, 只因為做得差, 個蛋黃實到離奇, 用筷子篤都篤唔入, 餡料又唔特別香, 淨係外皮煎得幾靚, 所以都係普通料. 因為我哋早入坐的關係, 間鋪幾疏落侍應係幾清閒的, 但招呼都唔會特別妥貼咩都要招手例如攞辣醬/沖水等等, 稍候一陣至埋嚟, 皆因她們自己在打牙較同雲遊中.

感覺 一入到去d服務員黑口黑面咁,我地2個人比左張好細嘅枱,明明見到非常之多無人座嘅位,又唔肯轉俾我地,話全部都有人訂哂,但係到我地走都未有人入座。服務講到服務態度完全差到無人有,只係問下d點心有幾大份(因我得2個人,叫一個蘿蔔餅驚食唔哂)，侍應好粗聲粗氣話咪咁大囉。。。真係唔似係中港城位置嘅食肆,坐落之後d店員大聲傾偈並言詞粗鄙,感覺似街市與此裝修格調原全不乎,勁失望!食物 質素都係一般,唔係太突出,我地叫左一籠帶子鮮蝦白菜餃,我地連4份一粒帶子都食唔到,皮太厚,蒸出來嘅感覺見到隻餃d菜係黃綠色,明顯係隔夜。。。其他食物都係一般水準,不值一提。

最近覺得,其實自己都幾鍾意食點心,今天有去左尖沙咀既功夫點心試下，點解叫功夫點心呢,我就唔清楚,不過裝修都幾中式味道,絕對係”功夫”行頭!入到去，有好多紅色既中式窗，好似番左以前,侍應既制服都係紅色衫,相當可愛。服務都好好,好有禮貌加埋手腳夠快,效率高。係尖沙咀依D區做野慢係唔得既,隨時比人鬧,加埋佢上菜既速度都好快。價錢都好公道,茶錢6蚊要有加一,不過其實到到都加一,試左個松茸鮮蝦菜苗餃，有甘筍、松茸及鮮蝦，超多白菜絲，所以成個都好爽口,加埋佢都幾濃味嫁!另外仲有食燒賣,佢好大粒,平時面頭係蝦子個D,今次變左杞子,我自己就唔食既,所以夾走左,D蝦同埋豬肉,兩種唔同口感! 好味! 仲有試其他,不過最特別都係依兩個。

除日式拉麵外，小友最愛吃的，便是傳統的廣東點心。特別是燒賣，他一見到就馬上像發狂般的塞晒入肚子內.....是日的撐檯腳兩仔爺午飯，他又大嚷要飲茶食點心了。要在尖咀內找些能坐定定而又企理的點心小店是五隻手指都可數得埋 (到酒樓吃的話又較局促及難找位)。上次到過棉登徑內的小店吃，是不錯的；今趟走到去中港城嚐一下在多區也有分店的"功夫點心"，去之前心裡已有個譜，因在不久前自己已在深水埗的分店食過一次了。老實講若不是他堅持要吃點心，小弟亦未會想再來了....落單前問小友想吃甚麼，不用問也知是燒賣啦....不過他的第二個選擇馬拉糕，自己就從沒想過他會叫的....事後問番太太，她也覺不太聽過他原來是喜歡吃這個的....卒之最後叫了，他就只食了一件而已....激到我紮紮跳.....但這並不表示它不好吃，入口不特別的甜膩 (雖沒甚蔗糖香)而甚軟綿的；發粉味也不濃至令人可怕.....兩個人怎樣也要有點飯下肚的，所以一味排骨飯是走不了。飯是用一個淺身煲上，飯粒算軟熟的；排骨亦不嚡口夠滑嘟嘟，肉味就稍為弱了些。淋點甜豉油來食，是還吃得過的....棉花雞出奇地很有水準，雞件是大大件既滑溜亦醃得夠入味；魚肚厚身

Thanks to 功夫 for Chinese New Year pudding.There is also a Chinese white radish cake too which I reviewed earlier.After slicing and shallow frying it, the pudding was ready to eat.You can either shallow fry it directly or dip the cake in egg before frying.The pudding was similar to mochi but the texture was much denser and stickier and not too sweet with a hint of cococnut milk.

Got these from Kung Fu Dim Sum.Tried the White radish cake immediately.I liked the chunky white radish pieces in the middle with the dried shrimp and preserved wax sausages on top.It was not too salty which was great and I look forward to trying the coconut milk CNY pudding because I need to pan fried it before eating.

「使出真功夫，方為大師傅。」這兩句話，記憶中是電視廣告中那位經常口不擇言，語無論次的大明星所講的說話。但這兩句雖然出自他口，但不是由他度出來的說話，卻甚有道理。論武功，雖然花拳繡腿可以騙人一時，但缺乏扎實的武學根柢，始終會被人識破原來只是虛有其表，並無真材實料。講到飲食，同樣地，一間食肆假如只靠宣傳技倆，又或是精美包裝，也只可以騙人於一時，始終會被人知道食物水準不過爾爾，徒具虛名，使客人慢慢流失。這間由電視藝人王俊棠與友人所開的「功夫點心」，名字特別，把兩樣風馬牛不相及的東西串連在一起，實在教自己感到有點好奇，究竟功夫與點心怎麼會拉上關係？這間名叫「功夫點心」的店子的點心，又是否有真功夫呢？這一天來到的時候，已是晚上六時左右，但位於中港城平台上的這間「功夫點心」，店內仍然只得一兩張枱有客人在座，明顯地生意顯得比中港城商場內的其他食店冷清。不過這對我來說可是件好事，因為我這次之所以會稚幫襯，無非也是貪它位置偏僻，不會太多客人幫襯，不用我等位吧了。其實這間點心店在設計上明顯地是下了點心思的，別的不說，就以它的點心紙為例，把數頁的點心紙摺疊起來，加上適當的設計，便變成了一本好像武學秘笈一般的