功德林上海素食 (北京道一號)

Open Now

Now Closed

間唔時，食素既淸腸胃又潔心靈，最近朋友介紹一間位於尖沙咀的上海素食館功德林。環境舒適，地方多，而最吸引就係能夠飽覽維港的風景7:30就已滿座，好在事先訂枱。朋友話餐前小食糖花生也很好食除了砂糖，仲加添海苔做調味，但對我而言就只是一般。開餐前就叫左倆個燉湯黎溫溫胃，分別係竹笙百合北蟲草燉湯北菇菜膽靈芝燉湯，雖然湯中無肉氣，但加入了蜜棗，味道清甜，入口解喝。豆腐餃子，刀功細膩，將豆腐扁成薄皮，再包入滿滿的腌，豆腐的滑增加了層次。香酥鯽魚，用芋蓉做成魚型再炸至酥脆，相當香口是一種我十分喜歡的素食素咕嚕肉，這度對我黎講素肉外層炸漿太厚，而又有種麻樹煙un的口感，可能師傅係想做成肥肉效果，但仿真度不高。最後這味油雞菌煲仔飯，味道很好，只要飯再乾身點就滿分。

問阿媽呢個禮拜日家庭樂想食乜，佢話呢排食得肉多想食清d，所以我地揀左食素，呢間上海素菜，酒樓格局，舒舒服服，對住維港食，阿媽表示好滿意每枱都有一碟甜花生，幾特別花菇菜膽靈芝燉湯 $58一入口就嚐到非常清甜，靈芝既甘香，好滋潤香酥鯽魚 $108即係芋頭魚，外面白脆，內裡係芋頭加入其他配料製成既芋泥，又香又綿羊肚菌扒鱈魚 $118原來係沾上粉漿去炸既清豆腐，豆味濃郁，質地非常嫩，外皮比較厚身蟹黃扒豆苖南瓜同紅蘿蔔加入各種調味製成偽蟹黃，食落酸酸地，加左d浙醋，由內到外都似足真蟹黃，而豆苖就鮮嫩翠綠

星期六有時間便跟家人一起出外食下素食，因為家人都有食素既習慣就揀左素食餐廳食午飯。豆腐餃子($98)豆腐餃子呢個菜色真係好考心機，一定要慢慢整先可以整得咁好，咬落口十分幼滑，加上湯汁是十分清淡的，給人一個十分清新既感覺。餃子同埋湯都十分夾，令人十分回味。粟米三絲炒飯($88)第一件事就是飯粒，粒粒分明而且十分大粒，亦有好足夠既飯香，炒飯最重要既係乾身，呢碟炒飯就做得好好，配料方面十分充足，啖啖都有好多配料，而家炒得均勻，鑊氣十分足夠。回鍋肉炒年糕($88)年糕係無咩味道既材料，但年糕有豐富既口感，用回鍋肉黎炒年糕就可以互相發揮到所長，吸收左不同材料既優點，濃味既回鍋肉加上有口感既年糕，配搭起上黎原來係咁好既，另外炒得亦十分出色，年糕都完全吸收左回鍋肉的味道。

放完一個悠長的假期 係時候食啲清淡的食物立即相約朋友見面 給日本手順 再食美味的素食午餐位置也很方便 就在世貿 地鐵站一出2分鐘便行到依嫁身份證有2同7就有27折呢到都有套餐但我個人認為單點可以配合自己既興趣竹笙百合北蟲草燉湯 $58非常清澈的湯 一條條的竹笙有妃子 飲落蟲草味突出但應該湯有少許味精辣湯羹 $48好酸 辣味不足 入邊有菇條 竹笙條 最驚喜的是有素蝦粒爽口 擔擔麵 $58麵質彈牙湯底冇平時的杰 比較希可能平時係肉碎 煮出來會杰啲味道微辣 較濃味上海炸餛飩（ 4件） $28不應叫炸餛飩 應該炸餃子因為入邊冇素蝦 只是蔬菜 外脆內軟 糖醋松子黃魚 $108魚頭魚尾用了冬菇整 魚身是芋頭做得精緻似魚食落酸酸甜甜幾特別金影餐包（ 3件） $32個包外脆內軟 素叉燒 食落同真既叉燒包差不多功德林麻婆豆腐 $82麻婆豆腐不太辣 有少少咸 撈飯一流我嘗試過撈在擔擔麵 幾特別 配搭很好豆腐花 $58豆腐花用木桶上桶 口感超滑 入口就滑落喉嚨到第一次嘗試配上桂花糖水好香桂花味 甜甜的 平時只用黃糖或糖水 食落口感一般 今次真係食到好特別既豆腐花高力豆沙加香蕉 送甜品高力豆沙內有紅豆蓉+香蕉

HK而家食素既地方真係愈來愈小.....而有心機去做既就更加小之有小 ! 要搵一間有心思既素食店真係咁難嗎?幾年前已經同朋友黎食過, 不過TST既種類太多....黎得TST都好小會食素食, 反而係沙田果間比較小人等位, 我比較喜歡去果到不過...TST呢間環境好好多, 坐既位都比其他食店空間感大好多, 好舒適今次同屋企人一齊黎...更加開心~ 其實一坐低, 有一位好有善既叔叔 (Waiter) 就介紹左個4人餐比我, 而家好似做緊promotion , 原價$888, 而家$688, 其實係超多野食同好抵食的 !! 不過呀妹想飲湯...而又唔係個餐入面, 所以我地今次都係散叫的多眼亂, 所以我地分別叫左幾款唔同既湯1) 竹笙百合北蟲草燉湯 2) 北菇菜膽靈芝燉湯2個湯都好夠火侯 ! 所以味道都好濃郁, 湯料都有好多, 睇得出係真材實料 ! 而令我最印象深刻既係北菇菜膽靈芝燉湯, 超級極之甜, 超級極之好飲 !! 因為有成大粒蜜棗係到, 簡直甜到好似糖水咁, 本人極度喜歡 !!!! 前菜方面, 我地叫左個小既拼盤...well ...其實size一d都唔小 !! 其中脆鱔真係做得好出色,

廚師推介羊肚菌竹笙百合湯！我媽媽話羊肚菌味好重，好足料，料多過湯！有dd 中藥味feel. 竹生百合蟲草花，磨姑味重！蟲草味香。滋潤杞子蜜！甜度適中，勁好飲，本人極度推介脆膳！好誇張，無論樣同味，完全試唔出係齋！媽媽話係冬菇...但我食唔到冬菇味😆就真係覺得係脆膳味！雞絲粉皮，麻醬夠，好開胃好好味。烤夫有dd咸素鵝唔夠脆素雞憫栗子，豆腐味好重。栗子夠淋，好野味三鮮窩巴，窩巴勁脆勁好味，可惜三鮮湯較淡。芋頭魚，一向都係咁好食！外面鬆脆，入面芋頭口感軟棉棉。無敵海境個湯丸....冇豬油都可以做到勁流心！食完都唔覺有罪惡感😆

有啲咩幸福個過媽媽接自己放學依一日媽媽接完放學之後我地就一齊去咗尖沙咀食齋望住維港食齋歎一個下午豆腐餃子 薄薄豆腐包住齋火腿、雪菜夾落都唔容易散餃子上面的兩粒菇煮得好稔餃子上有炸過既薑絲連埋餃子一齊食多一分惹味歡喜南瓜包上面的葉係用椰汁糕做的雖然睇落似南瓜，其實食落入面係紅豆蓉餡紅豆蓉餡入面仲放左松子食落增加口感三色蝴蝶餃餃子賣相好靚餃子上面既紅黃綠分別係蘿蔔蓉、粟米蓉、青豆蓉雖然係素餃，但係食落會食到有陣肉味，犀利芙蓉木耳豆苗 用上湯煮個個豆苗，唔油膩加埋蛋白同木耳，增加口感豆苗一啲草青味都無，食落甜甜地桂花八寶飯 糯米飯入面加左紫米、蓮子更加有口感，入面有紅豆蓉整體食落都唔太甜配埋桂花糖，有種好清新感覺

周六約了朋友嘆茶, 少食素菜的我, 本以為素左味淡不吸引, 但原來素菜都很變化多多, 不但外觀吸引, 上海素菜味濃而不油膩.友人介紹的功德林, 由於近尖沙咀海旁, 加上有落地大玻璃窗, 景觀開揚, 嘆茶食飯都令人身心舒暢.鐵觀音茶色清香, 小食微甜花生.看到點心MENU 有幾款外形可愛的小點心, 忍不住點了三款, 再加了獅子頭和冷麵, 份量頗多, 很滿足.最後還點了甜品.上海冷麵 $98, 有七款醬的拌冷麵, 自由決定醬的份量, 味道很有上海風味.有醬油, 辣油, 黑醋, 腰果碎, 甜醬, 麻醬, 南乳醬等等, 配料有芽菜及青椒絲, 還有黑色的應該是欖角.拌勻冷麵後, 味道很豐富, 有甜, 咸, 酸, 辣.....味道夾到, 而且仲有麻醬同腰果的香味, 帶有微微酒香的南乳味.這個份量超多, 四人分享也夠食,砂窩獅子頭 $118有兩件獅子頭, 冬菇, 菜及筍等等, 用砂窩上菜, 食到最尾都保持溫熱, 而且醬汁味道濃郁, 沒有肉類所以一點也不油膩.素菜都做到獅子頭的肉感, 質感鬆化又帶點咬口, 內有豆乾所以有肉的咬口, 還有冬菇碎好香又濕潤.三色蝴蝶餃 $35, 外觀很精緻, 由甘筍粒,

呀媽話得閒陪佢食素菜，難得終於有假放，當然要搵個機會搵間食素嘅餐廳一齊食啦。內裡環境一流，而且仲可以望到維港景色。估唔到素菜亦有咁多選擇。一坐底就有驚喜，前菜花生加了一些苔菜令味道更加豐富。豆腐餃子一個好考大廚功夫嘅菜式，就係用豆腐做餃子皮再將蔬菜釀入當中，每一啖隨左有著豆腐與蔬菜仲感受到大廚嘅心機。三色蝴蝶餃餃皮簿滑，內裡包著不少素翅，表面配以三色蔬菜點綴，食落去口感爽彈。紅燜牛肝菌豆腐估唔到素菜可以做到咁惹味，而且豆腐非常滑溜。苔菜松子炒飯一個好特別嘅炒飯，原來海苔炒飯可以咁香而且加上松子一齊食真係好有益。芝麻湯圓湯圓外形精緻，而且表面彈牙，流沙芝麻唔會過甜真係好好食。

小時候一家人間中會到素食館吃飯, 不過都是到五芳齋, 普光齋等廣東菜素食館光顧.  功德林是上海菜素食館, 光顧還是第一次. 內裡裝修清雅, 枱與枱空間十足.餐廳標榜是健康食肆, 少油少鹽冇味精.三拼盤 ($148): 不想吃太多小食, 簡單的只點了三款涼菜.脆膳: 炸得非常香口, 加上甜甜的蜜糖外層, 令人吃不停.素鵝: 不夠鬆脆.上海烤夫: 煮得夠入味, 加上毛豆, 不錯.豆腐餃子 ($98): 是刀工菜, 將豆腐切片, 用來做餃子皮, 一碟有六隻.咬開後, 入面包滿了雪菜,  整體味道偏向清淡, 作為其他味濃素菜的調劑也不錯.香酥鯽魚 ($108): 即炸芋頭魚,  外皮夠薄夠香脆, 芋頭味道濃滑.油雞菌雜菇煲仔飯 ($108): 上枱時熱辣辣, 香噴噴! 煲仔飯上鋪滿了油雞菌(又稱雞樅菌), 味道芳香濃郁, 加上豉油拌勻, 味道雖然濃郁, 但不蓋油雞菌的清香菌味.南瓜錦鯉糕 ($36): 一碟兩小件凍糕, 可加入三花淡奶同吃. 錦鯉糕有南瓜和西米, 如果南瓜味濃一點會更好.素菜館位於樓上海旁, 維港景色盡收眼底. 餐廳27週年, 如身份証有2 和7 字, 可享全單72折呢! 

踏入媽媽嘅生日月 總有好多飯局今餐㨂左北京道1號嘅功德林 貪佢有景主打上海素食 坐底有甜花生 好特別我地4個人 唔洗諗即叫4人餐魚翅盅 熱辣辣 有最愛嘅竹笙拼盤中間係炸蟮 脆卜卜帶點酸酸的素鵝外皮層層分明 重有粉皮 茄子餐廳至出名嘅咕嚕肉 果然名不虛傳相對下比較清淡嘅百合五仁 苔菜飯 好香海苔味 不過食落無味好彩有大量松子 增加口感蟹粉扒翡翠苗 入口真係好似真蟹粉用南瓜同薯仔蓉做成 再加入少少醋所以入口有點酸 翡翠苗超爽甜最後係紅豆沙鍋餅 略嫌皮有點厚不過紅豆蓉唔太甜 同埋熱辣辣 正重點係可以望住維港食飯 超爽的

最近，電視台推出了一個有關『無肉』的飲食節目，因為此節目，喚起 BeautySearch 的警覺，說實話，我真的差不多每天、每餐也吃肉，早年實行的『Green Monday』，自從沒有同事相伴，不知不覺間，已忘卻了呢！ 上星期一，BeautySearch 突然心血來潮，與蝦子餅再次投入『Green Monday』，這次，我倆來到久別重逢的《功德林上海素食》。 雖然不是第一次來《功德林上海素食》，卻是第一次來尖沙咀分店，不過，這裡貫徹《功德林》分店的特色，不以氣派作招徠，而是以青綠色、木系及簡約為主，感覺舒適，吃得自在。 MENU 也是以青綠色、簡約為主，雖然是素食，其實選擇也不少，而且，連飲品也有不少健康特式飲品。 BeautySearch 當晚就選擇了「西芹蘋果汁」 HK$38，坦白說，平常我是不吃西芹的，不過，西芹搭配蘋果的果汁，多了幾分鮮甜，對我而言，較易入口，味道蠻不錯，最重要是維生素高，又具有降血壓丐。 最先上桌的，是「芙蓉木耳豆苗」HK$92，木耳有助降膽固醇，絕對是 BeautySearch 必吃的素菜。 這道「素仁鬆」 HK$108，蝦子餅就最喜歡，食客可選擇搭配

好友茹素多年, 今次輪到替我慶生, 帶我到相熟餐廳晚飯. 功德林尖沙咀店位於北京道, 可遠眺對岸海景, 內裡裝修清雅, 枱與枱空間十足.菜式由好友發板. 小食紫菜花生比平日炸花生多一份紫菜香味.小拼盤有五款涼菜, 脆膳素鵝香脆鬆化, 沒有好油膩感覺, 上海烤夫軟諗入味, 雞絲粉皮用上素火腿, 素火腿份量不多, 全靠芝麻醬調味, 茄子鮮嫩軟滑.好友叫上秋日特飲羅漢果圓肉杞子, 清熱潤肺補肝明目, 真的太體貼啦! 三種中藥本身已帶有甜味, 無須再加糖調味.豆腐餃子用豆腐做餃子皮包著切碎雪菜, 豆腐外皮難得沒有任何破損, 是一道比較清淡菜式.油雞菌雜菇煲仔飯, 油雞菌仍珍貴食用菌, 香味獨特濃郁, 唔落豉油都唔會太淡口. 煲仔飯可分六至七碗, 熱辣辣適合秋冬食用.蜜汁紫菜火腿卷內裡再包著青瓜, 既惹味又清爽.餐廳向好友推介試新甜品木桶豆腐花, 自己動手分豆腐花感覺很有趣, 豆腐花嫩滑隔渣好清.多謝好友款待. 臨走時見到紫菜花生有得外賣, 二十五蚊一樽.

素食一向比較少人去選擇，因為覺得自己平時都無食開素，唔會某某然去食素，所以周不時素食係長輩既飯堂，但其實而家都開始年輕化，覺得食得健康都未尙唔係一件好事，我間唔中都會約朋友食素，今日同友人就去左依間都幾有名氣既素食中菜館店內簡單不華麗，但比我感覺都幾靜，可以同朋友暢談一番<<無錫脆鱔、脆皮素鵝>>脆膳剛炸好熱辣辣，滿滿既蜜糖係面頭，口感香脆，味道甜中帶香炸味素鵝賣相似炸鮮竹卷咁，中間夾左菇菌同素肉，沾香醋一口食落酥脆帶酸，幾開胃<<酥炸三絲雞卷>>依款炸卷係咁多道菜最鍾意，外皮係油炸鬼皮，入面釀左蘿蔔絲、芹菜、素火腿、豆腐，沾少許甜醬料一齊食，皮酥內軟，唔覺得好油膩，味道適中唔會太淡，食個時腦海叮左一聲，真係好好食到我成碟清哂<<竹笙扒豆苗>>竹笙芡汁淋係豆苗上，豆苗食得出好新鮮爽脆，竹笙芡汁調得剛好，配豆苗一齊食感覺清新可口<<油雞菌雜錦煲仔飯>>好多菇菌鋪滿係飯面，菇菌本身有少許醬汁，另再倒煲仔飯頭油撈埋食，味道香濃惹味同食到菇菌既香味，口感爽軟，好好食&

今日初一，同屋企人一齊去食齋，今次係第二次幫襯，貪佢有海景同食物水準唔差，點知食物雖然冇變，不過態度就唔同了！兩點幾去到唔full，當然想坐近海嗰邊，但嗰侍應話要set枱，唔坐得，咁都算la, 反正地方咁大，周圍都望到海。嘢食水準唔錯，因為未齊人，侍應都有問駛唔駛遲少少上菜，不過就冇人提有discount !跟住仲見到有人坐我哋原本想坐ge枱，頭先又話要set枱ge!? （其實咩叫set枱，我真係唔知咩意思）到俾錢嗰陣， 都冇人提我哋原來身分証或旅行証有2/7就有27%discount, 搭lift 去到lobby, 先見到有，即刻上返去問la(心知冇ga la),嗰員工話我哋唔好意思check 人客身分証，所以唔會主動同人客講有優惠，聽完真係一肚氣，都唔知究竟係公司政策定員工問題，由落單到俾錢，冇員工提過，無la la俾多$180，真係勁唔抵，下次唔會再去lor, 一肚氣，激鬼死！！！