燒烤堂 (Moved) New Location

人均消費$281.5，食得夠飽，食物質素亦都好好，但位置就難揾咗啲，離地鐵站有啲遠，但都好值得過嚟，我食過嘅串燒嚟講佢都有頭兩名😝 一定要食嘅有💁🏻‍♀️72.焦糖青蘋果鵝肝多士 $78 - 完全唔Hea，好有水準😋 青蘋果🍏減低個油膩感，絕對係必食😝 18.惹味爽口雞腎 $20 - 超級爽口，好食22.厚切鹽燒牛舌腩 $48 - 一啲都唔Un，好有牛味😋 青檸菠蘿梳打 $28 真係好好飲👍🏻👍🏻 青檸同菠蘿🍍好夾，嗰底仲有好多新鮮波蘿🥰其他都好食😋 但未到必食嘅水準😚13.鹽燒雞軟骨 $16 - 爽口51.鹽燒白鱔 $48 - 相對較低分，做唔到皮脆效果89.牛油蒜蓉焗金菇 $32 - 正常水平，無太大驚喜92.孜然燒蒜蓉茄子 $36 - 正常水平，無太大驚喜106.黑糖燒菠蘿 $20 - 可以再燒耐啲107.日本芝士年糕 $38 - 好食，但性價比唔夠高温馨提示，星期一至四7點半左右都已經開始多人，所以早少少嚟😚 同埋佢嗰招牌係係側面😂 正面得英文😆Kushi by skewer kitchen 😂

#中環 相約閨密放工後談心🥰! 熱愛試新店的我倆又發現好嘢, 九如坊新開的串燒店! 🐥汁燒免治雞肉軟骨棒付月見 ~ 讚! 雞肉嫩滑, 食到脆口軟骨, 口感豐富! 個蛋好出色, 明顯係靚蛋, 蛋味好香濃, 將雞肉棒提升到另一層次! 🐖福岡味噌松板豬 ~ 呢個好讚, 味增味香濃, 豬肉爽口, 兩者原來係絶配!! 🥑牛油果豚肉卷 ~ 第一次見咁樣嘅配搭, 牛油果軟滑, 豚肉爽口, 層次豐富! 🥚海苔黑豚肉鵪鶉蛋 ~ 被鵪鶉蛋嘅味道搶咗黑豚肉嘅風頭! 🐟鹽燒喜之次 ~ 雖然唔係好大條, 但肉身好厚, 肉質鮮嫩, 燒得相當不錯! 🦪蒜蓉燒廣島蠔/2隻 ~ 好厚肉, 好鮮味! 搭配香蒜, 又一出色之作! 🐟雞泡魚干 ~ 讚! 好少燒得咁 Juicy, 外層燒得香脆, 內裡仍感受到軟軟的! 🥒鹽燒美國露筍 ~ 無渣, 夠爽身! 🥔日本一口甜薯 ~ 好甜, 好軟滑, 薯味重!🦀蟹膏燒飯團 ~ 滿滿的蟹膏, 唔腥, 燒團燒得到位! 紫菜由自己包, 幾時食都保持爽脆! 🍍黑糖燒菠蘿 ~ 最愛! 👯‍♀️2個人食咁多嘢, 每人只係 $200…好抵食! 🤤

燒烤堂插旗上環九如坊，店面寬闊，裝修清新。今晚過黎刷番餐，發現呢度食物種類繁多，今次試左以下：鹽墝A4宮崎和牛 $58，係名貴嘅A4和牛，但對我黎講都係比較油膩，每咬一啖都爆油咁。鹽燒牛小排 $38，呢款反而有番平衡，牛味重之餘，口感亦係比較實在一啲，唔會好油。汁燒橫隔理肌 $28，呢個汁燒係眼前一亮，甜甜地嘅味道，加上軟糯嘅肉感。麻辣豚肉韭花卷 $22，係經典嘅串燒。麻辣燒白鱔 $48，呢串就稍微乾身，無左白鱔嗰種油感。雞皮墨魚滑 $38，第一見，個概念應該有啲似雞軟骨月見棒，不過用左墨魚滑，面頭仲上脆身嘅雞皮。手釣墨魚鬚 $22，呢個切開穿成一串，感覺可以再燒多一陣。牛油果野菜沙律 $58，超大盤，沙律爽口，而黑松露醬亦好特別！燒萵筍伴蟹膏 $26 ，呢個第一次見，幾得意。牛油蒜蓉焗雜菇 $38，雜菇爽口，牛油加上蒜蓉亦令味道非常豐富。日本芝士年糕 $38 ，呢個有驚喜，中間流心，外面煙韌，仲可以點煉奶。食串燒又點可以唔飲啤酒，今次揀左Sapporo $48，花香嘅啤酒最啱我。今日埋單$508。

之前同朋友gathering 試過呢間餐廳，覺得串燒相當高質，今日encore款類超多！有分日、泰、港、川、新疆、台同自家，好多款都特別叫左熱門既款汁燒免治雞肉軟骨棒（付月見）免治雞肉串好juicy,跟蛋漿超好味👏🏻鹽燒豚肉荔枝卷同海苔黑豚肉鵪鶉蛋同呢款係我上次食已經好鐘意，估唔到燒肉同荔枝係咁夾，荔枝超香甜，去除左燒肉既油膩，令到個串燒味道好fresh好特別💞另一款好有驚喜既配搭，估唔到黑豚肉跟鵪鶉蛋都好夾🥰鹽燒A四宮崎和牛超好味，肉質勁柔軟同juicy🤤厚切鹽燒牛舌腩呢款都係必點，牛舌勁鬆軟🤩焦糖青蘋果鵝肝多士多士烤得夠香脆，鵝肝夠厚食落juicy，同埋鵝香好濃郁甜品叫蜜糖燒菠蘿同芝士年糕最後梗係唔少得啤酒同燒酒

放假跟閨蜜到中環行日本超市，找到這間在附近的串燒店飲番杯，傾下計。餐廳裝修簡約，木枱木凳，有點似日式食堂，氣氛輕鬆自在，串燒選項寫滿密密麻麻的2版紙，有辣有唔辣，超多選擇。店員推介而家啤酒做緊買一送一優惠，生啤易入口，用來送串燒，正正！🔸桂花蜜糖本地冷蕃茄 $28蕃茄配合桂花蜜糖，口感甜甜酸酸，食完滿口桂花香氣，很適合當前菜。🔸孜然豚肉韭菜花卷 $22薄豬肉包住爽嫩韭菜，再掃上日式燒汁，灑上孜然粉，多汁美味，但略鹹。🔸孜然豚肉芫茜卷 $22芫荽味道特出，永遠都係愈簡單愈美味呢。🔸孜然豚肉蒜芯卷 $22豬肉香甜，加上蒜心，甜上加甜。🔸海苔黑豚肉鵪鶉蛋 $28外層包滿紫菜，賣相幾靚，蛋+豚肉+紫菜+燒汁，口感好豐富。🔸椒鹽燒鴨舌 $28鴨舌燒得香口入味，辣辣地，食完好想再食一串。🔸惹味爽口雞腎 $20用黑椒燒，入口又香又脆又爽。🔸鹽燒阿波尾七里香 $22鹽燒日本走地雞patpat,好入味，香脆。🔸汁燒橫隔理肌 $28超水準，牛肉香軟嫩滑，平靚正之選！🔸鹽燒白鱔 $48鰻魚夠新鮮，肉質結實，黑胡椒調味，趁熱食皮脆肉嫩。🔸焦糖鰻魚芝士玉子燒 $28玉子面層有焦糖脆口效果，中間夾住芝士同鰻魚，好

喺上環見完客，約舊同事聚下，中上環地膽又帶我試新嘢～ 餐廳地點喺九如坊，門外有細細個霓虹燈招牌，餐廳內走型格工業風，座位濶落舒適，超高樓底空間感十足。menu主打串燒，種類都幾多而且價錢親民，喺呢區揀直性價比高！！我地點左嘅串燒有： 🍢鹽燒喜之次🐟$118  一上檯就聞倒陣陣魚香鮮味！燒得剛好剛剛熟，用筷子夾開仲有魚汁流出，魚肉鮮美，魚皮燒到脆卜卜，只係落左鹽燒都好好食！完全唔駛點醬！必點之選👍👍👍🍢免治雞肉軟骨棒（付月見） 🐓 $38 香濃嘅蛋黃，配搭軟嫩嘅雞肉加上雞軟骨，食落口感豐富仲好juicy！🍢牛油果豚肉卷🥑🐷$28新鮮嘅牛油果配上豚肉嘅肉味同香口嘅油脂！相當美味！🍢海苔黑豚肉鵪鶉蛋 🥚$28食極都唔厭嘅鵪鶉蛋，加埋勁多海苔同黑豚肉更添美味！🍢日本一口甜薯🍠 $16 無得彈嘅小甜薯 ，燒到軟綿綿啱啱好 ！🍢福岡味噌松板豬🐷$28 肉質厚實嘅松板豬，肉味香濃，配埋濃濃嘅味噌相當好味！推介👍👍👍 🍢鹽燒美國蘆筍 🥬$24  鹽燒嘅蘆筍鮮味又爽口！🍢蒜蓉燒廣島蠔 $44 漲卜卜嘅廣島蠔超級新鮮！蒜味唔會搶左蠔嘅鮮味！一個字讚！👍👍👍🍢黑糖燒菠蘿🍍$20  串燒點少得燒菠蘿，黑糖燒特

見到九如坊新開左間串燒，覺得價錢幾合理就入去試下。串燒種類好多，調味方法都會因應食材而改變，下面係我覺得比較出色既串燒鹽燒原塊雞皮 ($22)香脆，咬落去成口雞油香，鹽份量啱啱好惹味爽口雞腎 ($20) 爽彈微辣雞皮墨魚滑 ($38)雞皮燒得香脆，雞油完全滲哂入墨魚滑，墨魚滑爽口彈牙，加埋雞油食超正，好有驚喜😍牛油蜜糖日本蕃薯條 ($38)蕃薯條質素唔錯，香口脆身，同牛油一齊食好邪惡😝秘制燒羊架 ($48)羊味濃，調味同火喉啱啱好，肉係粉紅色，嫩滑多汁🤤焦糖青蘋果鵝肝多士 ($78)鵝肝肥美，煎得好香，香脆多士索哂鵝肝油香，加埋蘋果配搭幾特別，食落冇咁膩😋麻辣豬大腸 ($24)唔係脆皮差咁啲，勝在好惹味麻辣燒赤雞心($22)爽口小麻小辣孜然燒蒜蓉茄子 ($36)外皮焦香，入面多汁，蒜蓉唔會太咸同埋鋪滿成條茄子🤤牛油蒜蓉焗金菇 ($32)金菇份量好多，牛油同蒜蓉都鋪滿哂菇咁濟😂麻辣西班牙黑毛五花腩 ($28)豬肉肥瘦均勻，好有油香，用黑毛豬所以肉味特別濃😍麻辣程度比較小中切鹽燒牛舌芯 ($28)嫩滑彈牙汁燒雞肉免治軟骨棒 ($38)有蛋黃配埋，有蛋香，配埋雞肉食幾正鹽燒A4宮崎和牛 ($

超級高質串燒❣️燒烤樂園🥰朋友高燒烤堂平時都要預約先食到但係佢係公司附近發現左新開一間燒烤堂！所以我接完佢放工就一齊去食啦食親燒烤都不拘小節咁拎住張餐牌不停take take take✅🤭我地首先睇左熱賣系列先，見到有十大人氣產品同埋十大必食推介！我地係必食推介內揀左雞皮墨魚滑，鹽燒原塊雞皮，焦糖青蘋果鵝肝多士，鹽燒A4宮崎和牛，燒汁免治雞肉軟骨釀冬菇，秘製燒羊架！-雞皮墨魚滑，真心超級超級好味 個雞皮燒到好香包住個墨魚溝外脆內彈牙 口感一流-鹽燒原塊雞皮個雞皮真係燒到超級香脆😍必食-焦糖青蘋果鵝肝多士個鵝肝配埋青蘋果真係一流 一咬落去啲油脂流出嚟，標晒入口配埋青蘋果中和左個油膩感！-鹽燒A4宮崎和牛入口即溶完全係享受嘅口感😍-秘製燒羊架燒得超香完全冇咩羊蘇味😎好正而十大人氣產品我地叫左雞泡魚干，孜然燒蒜蓉茄子，燒汁免治雞肉軟骨棒（付月見），日本芝士年糕試下～-雞泡魚干個人認為可以燒得更加透～ 其實不過不失都ok ga-孜然燒蒜蓉茄子真心燒得好香好好味-免汁免治雞肉軟骨棒（付月見）月見就係小小的蛋黃～ 建議先用雞肉軟骨棒混合好咗個個蛋黃先食，因為咁樣香口好多，好似有兩種口感一齊放落口個口

來到中環附近，突然想食日式串燒，又想不到那裡有餐廳，最後當然在網上面找，發現曾光顧過的燒烤堂在九如坊開了新分店，於是便直接過去位置（7/10）：位置較偏，不懂路的確難找，但其實不算很遠，附近有元創坊，由德輔道中及上環 A2/E2出口步行約需10分鐘環境（8/10）：餐廳用上簡約裝修，灰色及藍色牆身配合木枱銅柄座椅，枱與枱的空間感十足，環境也挺舒適服務（8/10）：侍應有禮貌，下單上菜也算快，同時主動幫忙收拾。餐廳正在做啤酒買一送一優惠，侍應也有推薦食物（8/10）：餐廳主打日式串燒，燒得夠香夠惹味，當然也有其他小食及主食，麻辣是屬於中辣水平，但來到又怎能不試呢既然特意前來，自然要多吃幾串不同的串燒：桂花蜜糖本地冷蕃茄 $28先點了用桂花及蜜糖浸過的冷蕃茄，散發陣陣桂花香，亦有蜜糖的香甜，新鮮蕃茄變得更甜美焦糖青蘋果鵝肝 $78與一般鵝肝多士不同，加入了青蘋果及焦糖，令煎香的鵝肝沾上果香及甜味，當然還需配合多士減低油膩感汁燒橫隔理肌 $28第一款是牛橫隔理肌，肉質相當嫩滑，醬汁鮮味能帶出肉香焦糖鰻魚芝士玉子燒 $28玉子燒中間放入鰻魚，同時有焦糖和芝士，味道豐富鮮甜，雞蛋新鮮而鰻魚軟滑多

食串燒飲啤酒係小編最愛之一🤤之前已經食過好幾次 宜加中環開左分店 環境幾舒適 坐位闊落 食物高質💕串燒種類非常多選擇同創新 宜家生啤買一送一🍻以下係小編食過既一部分😛厚切鹽燒牛舌腩$48鹽燒prime牛小排$38雞皮墨魚滑$38焦糖青蘋果鵝肝多士$78麻辣豚肉韭菜花卷$22手釣墨魚鬚$22燒萵筍半蟹膏$26蟹膏燒飯團$38川燒活元貝$48芝士燒活元貝$48鹽燒阿波尾七里香$22汁燒免治雞肉軟骨棒(付月見)$38牛油果豚肉卷$28鹽燒雞軟骨$16鹽燒原塊雞皮$22日本芝士年糕$38蜜糖燒菠蘿$18小編最愛係雞皮墨魚滑🤤外層薄薄雞皮包住墨魚滑好好食必點👍🏻鹽燒牛舌腩都係必點🤤超級啖啖肉 肉質有彈性 調味恰到好處 正❕鵝肝多士超級脆口滿滿焦糖味 多士入面仲有芝士粒粒 加埋鵝肝d油脂好邪惡好好食🤤特別私心以上三款💕食左好幾次質素都穩定！今次試左d之前未食過嘅 牛小排有驚喜 牛味好濃😋仲有原塊雞皮都好正 平時食開串好一串嘅 呢個原塊雞皮薄薄一塊 好脆口好邪惡🤭鹽燒七里香係雞patpat肉 肉質好嫩滑😳墨魚鬚都好驚喜 係好爽+好彈👍🏻蟹膏燒飯團製作會耐少少 d飯粒真係燒到脆卜卜👍🏻紫菜仲獨立包裝

🔥秋天最適合就係食串燒，呢間新開喺九如坊嘅串燒店全部即叫即燒，推介呢度嘅肉類，鹽燒A4宮崎和牛串($58)同厚切鹽燒牛舌腩（$48）燒得啱啱好，尤其係牛舌腩，大大嚿而且超軟熟。另外月見汁燒免治雞肉軟骨棒（$38）亦同樣出色，佢個汁好好食而且軟骨份量啱啱好～蔬菜方面茄子、翠玉瓜同埋尖椒都燒得恰到好處，尤其係茄子大大條孜然味好重，仲有蜜糖燒菠蘿簡直就係必點，又甜又多汁🍍人均約$300就已經食到好飽！

晚上同男友閒逛發現呢一間餐廳早前喺筲箕灣已經好想試但無奈果一間太多人所以我哋等唔到位今次見到中環呢間新開，梗係即刻去試吓啦我哋叫咗十幾樣嘢，有啲仲係店長哥哥介紹俾我哋最深印象係個鹹蛋黃豬大腸，本身覺得呢兩樣嘢好唔夾，但係店長哥哥介紹，咁咪試吓囉～點知一咬落去，啲鹹蛋黃係個豬大腸入面湧出來，超級特別又野味😍鍾意鹹蛋黃嘅人一定必嗌！仲有個腐皮餃子，食落好香口，配埋個泰式酸辣醬，好開胃！仲有個黑糖菠蘿！佢哋呢度有兩款燒菠蘿，一款係蜜糖，一款係黑糖～蜜糖嗰款對比下冇咁甜，但黑糖嗰款外面有一層脆嘅焦糖😍入面爆啲汁出嚟，酸酸甜甜真係超好味唔好講咁多睇吓相先😂