軍記海鮮菜館 (Closed)

昨晚在此飯店吃飯，海鮮牌上奄仔蟹的收費是HK$168/只，我們叫了2只，做鹽焗奄仔蟹，當然還有叫其他小菜。到埋單時，發現奄仔蟹是HK$198/只，於是問店家，他們才説：鹽焗是要加收HK$30/只。其實要收這附加費，是應該要清楚寫在海鮮牌上的，明碼實價。落單時，店員也没有講要收這費用，到埋單時，你發現了問到才説，這就讓人覺得收費唔清唔楚了。況且，奄仔蟹用鹽焗的做法，也是很普遍的吧。所以大家下次到這飯店吃飯時，請注意收費細節

偶爾經過，入去了，環境有點濟逼，但食物非常好，尤其是雞蛋焗魚腸，必吃！少有地完全沒有腥味，又有魚油香味，超水準！蒜蓉粉絲蒸元貝、風沙雞、蠔餅都好好食！下次和朋友會再去試其他野！

这家饭店的口碑不错，一直都想试试。虽然门面不是很标致，甚至有点旧，但是经常见到不少食客在內，周末期间更是满座。餐牌上的东西就是一般小菜，坦白说不觉得很特别，较为吸引的是价钱不贵，以地点而论，是便宜之选。随便选了几个小菜，吃完真是有点惊喜。其中较印象深刻的是白饭鱼煎蛋和煎蠔饼。 前者近年已经很少吃，吃时味道是鲜甜，配上煎蛋的香味，是很好的下饭菜。至于煎蠔饼，蠔和粉酱的配搭刚好，煎炸完上桌时卜卜脆，喝啤酒一流。这种菜馆以品质取胜，虽然店内装修不怎么样，但值得一试。

約左好朋友聚舊, 朋友提議食大排檔式小炒, 香港地大排檔真係越來越少, 多數都上哂舖, 難得仲可以搵到以前大排檔既味道, 而且價錢平民化, 當然唔可以同餐廳酒樓去比較, 叫做係坐得唔差, 衛生可以接受啦 ! 當然最主要都係食物, 可能自己比較喜歡食雞, 呢度既炸子雞皮脆肉滑夠味同 juicy, 有機會再去試下 !  一般三五知己, 又喜歡吹下水, 又可以大聲講大聲笑, 飲下啤酒既,  點都係呢 D 食肆先可以咁暢快 ! 

好朋友聚會，要歡暢地談天，總覺得，去地踎式的麻甩中菜館是最爽最開心的。而最重要的原因，是冇時限。仲有，香口小炒，平價啤酒，也是引導我去選擇食中餐聊天的主要原因。上次的老友聚會，就是因為想傾耐D，我們就選中佐敦的《軍記海鮮酒家》，一於炒幾味同啤啤佢。《軍記》，貴為一間老牌中菜館，環境方面，就很老很地踎了。我更可以說，這是一間入左舖的大排檔。所以，入到來，人人作點的食物，都是香口能令大家飲多幾杯的好東西。我們其中的一個美食，就是脆皮燒雞。非常出色的燒雞，由皮到肉都香味十足。入口，雞肉嫩滑，而且有濃香的雞油味。一件雞，一口啤酒，爽快過神仙啊。椒鹽九肚魚，又是一個典型的香口港式美食。香脆，香口，連魚骨也是脆的。直頭是脆入口的感覺。沒有啤酒去陪襯這一個美食，不行。來到這些老牌中菜館飲食，炸大腸幾乎是一個必點的東西。這兒的大腸夠肥美，外層的腸皮香脆，內心又肥又香又煙韌。又要加一口啤酒了，飲完，把口中的回香一併吞入肚，爽。在這類型的海鮮菜館，叫返一兩味海鮮是必然的。其中一樣是蒜蓉蒸蟶子，一行4人，我們一於每人一隻。大蟶子同蒜蓉粉絲去蒸就是最可口的。肉積爽口，蒜蓉加上豉油，是十分的香，香味加上鮮味，再

我地叫左個Set ($218)風沙雞🐓呢個係呢度其中一道signature 既菜, 食落唔會覺得過分調味, 雞既皮簿得黎又脆卜卜, 好正, 雞肉嫩滑, 都幾juciy💦 面頭仲舖滿左炸蒜🧄 雖然得半隻, 但係都幾大份👍🏽豉汁蒸黃立䱽🐟我成日都覺得啲扁身既魚蒸出黎會唔好食, 不過呢條魚蒸出黎唔腥不特止仲幾鮮嫩, 配上滾油同埋豆豉, 好惹味上湯浸時菜🥬普普通通, 冇咩特別, 味精偏重另外仲叫左一份南乳蒜香骨🐷($72)呢份骨份量適中, 總共有8條, 每條都有大大舊肉痴住, 南乳味香濃得黎唔會太鹹, 仲有大量炸蒜配搭, 撈飯一流🤤 呢度既氣氛好正, 好有大排檔既感覺, 啲餸菜夠鑊氣, 呢度會收茶芥每位$9, 大家黎開佐敦不妨一試

到油麻地吃飯遥了軍記菜館,這是ㄧ所感覺仢室内大排檔。价格都好大衆化,但海鮮就略高小小。但有4款套餐都不錯但要收茶費。其它都不用收茶費及加一。蝦仁炒蛋蝦是很大大隻的,風沙雞都很不錯。

早兩日lunch去左「軍記海鮮菜館」叫左個菠蘿生炒骨飯，佢會有碗湯送，今日係菜乾豬骨湯(好飲又足料)！菠蘿生炒骨唔係一早煮好擺晒係度個種，真係即炒有鑊氣喎！個汁絕對可以令我食到兩碗飯呀!!呢度係舊時細個既味道！而店內既對話充斥住老江湖大排檔feel！午飯時間仲勁多工程既叔叔係度食飯！個感覺好鬼死正！過多兩日，又再去食多次！第二次揀左食豆腐炆班腩飯，好好食喎！個汁又係舊時食過個種味，班腩既肉好滑而且外面炸得岩岩好！推介！夠鑊氣又咁平既午餐，值得支持！有機會既話，要試下呢度既晚飯先得！

呢個年頭要約老友出黎食飯真係要早2星期約，仲要就大家地點，好彩最尾都搵到個大家都就腳又好食既小菜館。係佐敦白加士街。小菜館，環境裝修唔洗講野，一定係唔掂溝女就唔好黎。入正題，食評。滷水3併，正常，$58對得住價錢，賣相係零. 套餐如圖，4餸，我地4個另外叫多1小食，1個金銀波菜，1個椒鹽魷魚，全部合格。重點係多寶魚，滑到爆，味道適中，夠大條。沙薑雞一般，唔夠滑。牛柳都夠淋，唔太咸。啤酒有sonderberg森堡啤酒捷成洋行自家啤酒品牌，味清易入口，我平時唔飲酒都覺得ok. 埋單7xx, 每人2舊有找。老友吹水之選！

泊底部電單車係佐敦, 先留意到軍記存在, 於是乎幫個客睇完風水就落去軍記醫肚.炒蜆賣哂, 轉咗炒蟶子, 另外點咗個咖哩牛筋腩.伙記極力推介蒜香風沙雞, okay 點咗半隻.先講講軍記D服務態度, 有D就好好搵埋位做帶位, 有D就掉底塊枱布就閃, 所以扣咗D分.蟶子炒得鮮嫩無過火, 合格.牛筋炆得夠冧夠入味, 牛腩就過火鳥, 所以韌咗D, 咖哩又辣咗D, 食到我成頭汗.蒜香風沙雞其實即係炸子雞鋪上炸蒜粒, 炸蒜粒份量感覺不足, 風沙雞皮脆肉嫩多汁,滿意.冷氣只可以講一般.而且環境唔算闊落有D窄.

想吃小菜我會想起這一間😊😊😊這裡有好像室內大排擋的感覺👈🏻👈🏻👈🏻一共四人去吃 點了幾款菜式😜😜😜🔸金銀蛋浸娃娃菜咸蛋皮蛋切成薄片同浸湯嘅娃娃菜食👍🏻🔸沙拉骨這裡的沙拉骨有點不同不是炸的 而是類似京都骨 外面再加上沙拉醬😂很入味 味道不錯🔸炸蠔👍🏻👍🏻一筒有6隻 即使炸完 不會變細隻咗炸起來 外表香脆 熱熱的 很好吃🔸椒鹽九肚魚但吃起來椒鹽味道略嫌不夠 不過魚身也香脆每人配一碗白飯簡單又滿足💕💕💕

今晚3個人揾食搵到黎佐敦，席間有人提議食附近一間小菜叫軍記。環境衛生感覺好一般，如果有潔癖既朋友就真係唔好考慮。佢哋有分套餐、散叫小菜，我地叫左個套餐A，有風沙雞半隻、蒜蓉粉絲蒸元貝、上湯浸時蔬，另外我地再叫左個椒鹽九肚魚、乳鴿。風沙雞夠味既，不過上枱時係凍。上湯浸時蔬就正正常常分量較少。最好食算係個蒜蓉粉絲蒸元貝。乳鴿size唔大所以唔算多肉食。椒鹽九肚魚如果佢上左粉炸完再加椒鹽炸蒜一齊落炒下可能會仲正。

今日帶左個歐洲朋友去尖沙咀佐敦一帶遊覽，講開香港咁近海，海鮮一定好好食，所以就去左軍記海鮮。啲蛋黃超香！漏晒油，真係諗起都想食多幾隻 😋 唯一美中不足既係冇挑蝦腸，睇到有少少唔開胃。呢個係我招牌餸，每次叫餸食飯都一定會食，但其實只要落重調味料，都好難整得唔好食😂 洋蔥唔夠林，魚有啲太林，但overall都係正常水平。Cheers 🍻 !6點鬆啲黎到都冇乜人。一到7點就爆晒👍🏻 街坊十分支持！雖然鋪頭唔大，但枱同枱都唔算痴得太埋，唔會聽晒隔離講咩。 btw相中有一枱日本人，自己出去揀海鮮食，龍蝦一上碟，個個都哇哇聲 🤣🤣兩個餸一個飯一枝大啤，$315埋單，平均一人$160，本人覺得唔算抵，但好少食同區同類型，所以冇得比，俾大家參考下啦 😊

三個人聚餐，食咩好？一於試下呢間算得上近地鐵站既餐廳，方便各人返屋企麻。佐敦地鐵寶靈街出口兩分鐘倒到喇。望住個餐牌，太多款野想食喇，但一見到豉汁蒸鱔，二話不說「叫」！真係好味，鮮味，個汁整得好好味，要嚟餸飯，我地用粉絲點個汁，好正囉！跟住...豉油皇蝦蝦，好夠味！跟住炸子雞半隻，少脆皮，炸蒜，味夠。然後就係一人一隻蒜蓉粉絲蒸扇貝，新鮮！除左海鮮，叫左椒鹽豆腐，脆口。最後點都要叫碟菜既，上湯白菜仔，份量多返少少就完美喇。

蠔餅的整體口感係唔錯，炸得比較見脆口，但亦有人覺得炸得乾身左啲，但我個人喜歡脆口，所以我就覺得唔錯。用的蠔量合理，唔乾身，但體積較小。調味沒有太重，還有點魚露的水位。如果十分滿分，我會比佢7分。至於水煮牛肉方面，牛肉係入味既，而且唔係淨係得芽菜塞得滿滿。呢方面我覺得幾好，因為有啲餐廳會為求減低成本，濫竽充數以芽菜配料代替牛肉。呢個水煮牛肉辣度的定位適中，麻辣兼備。牛肉腍身，易入口。而且我幾鍾意佢啲汁，我仲有攞啲汁來撈飯添。我們還叫了一個沙拉豬扒，個豬扒冇乜特別。同埋我唔係咁鍾意佢本身用嘅叉燒醬醃左，再加沙律醬上去煮,我覺得味道太複雜，而且唔係純粹一個沙拉豬扒。