京林屋 (Moved) New Location

一提起京林屋，好自然想起抹茶和甜品，原來佢地也有麵和烏冬供應，今次試了讚岐烏冬. 烏冬幾煙韌彈牙. 雖然配料好簡單，只是日式魚餅，但味道和口感也不錯. 另外也試了情人節特別限定 - 紅玫之戀. 賣相相當吸引，造型是玫瑰花，並配上雪糕. 切開玫瑰花，內裡的饀是紅桑子㚒心和朱古力海棉蛋糕. 朱古力慕絲夠香濃幼滑，甜度又適中，而中間以紅桑子為㚒心，帶酸酸地，幾醒胃. 來這裡當然要飲茶，試了玉露. 店員預先沖好一杯，味道甘甜. 另外，附上圖解，客人可以自己沖來飲. 水以熱瓶上檯，可保持熱度. 飲完後，可以混入柚子醬於茶葉，食埋茶葉，第一次食茶葉，感覺幾得意，但也不太習慣，試一次無防. 食完甜品，飲番杯茶，感覺舒服.

香港女孩特別多抹茶控，我也不例外，久不久便要到「京林屋」來一趟抹茶之旅，一解相思之苦。 讚岐烏冬 ($68) 吃甜品之前，先祭五臟廟。今天是入冬最冷的一天，我和朋友都不約而同點了這個熱湯烏冬。烏冬超滑，魚蛋彈牙，湯底夠濃，別忘了吃旁邊的酸蘿蔔，又酸又爽口，很開胃。 抹茶卷蛋 (套餐，$108) 差不多每次來到都會吃。卷蛋很鬆軟，抹茶忌廉香滑；抹茶雪糕味道香濃，夾著丸子和日式紅豆來吃，天作之合。 金磚蛋糕 (配葡萄煎茶，$88) 餐牌內有好幾款期間限定的食品，其中之一是金磚蛋糕，供應期為2至3月。相比起卷蛋，金磚蛋糕質感較實淨，面頭烤烤得微脆，糖分較高，嗜甜者可以一試。 煎茶 (跟餐) 分別是桃味和葡萄味，清香不苦澀，邊吃甜食邊嘆茶，能去甜膩，好舒服。 焙茶朱古力 ($46)同樣是期間限定品，感覺有點像奶茶，淡淡的朱古力味，焙茶味道反而更突出，不錯。

上次泥到希慎行街見到京林屋既時候已經好想試，因為聽聞呢間系京都既百年老店，以製作抹茶甜品而聞名。奈何上次已經訂左其他餐廳食晚飯而冇食到京林屋，今日終於拉左男朋友陪我泥試下啦😝呢到既環境幾舒適，採用日式設計，裝修簡單唔會太花巧。每張枱都幾大張，有足夠既空間同時放幾樣食物😋我地今次坐普通座，限時90分鐘，和座就限時60分鐘。個人覺得呢個安排都可以接受，始終呢到唔系cafe，客人長時間坐系到都幾影響生意。而且以90分鐘食甜品都有足夠既時間😄店員亦都好貼心，點完餐後店員主動問我地需唔需要先上冷面，其餘甜品等食完鹹點再上。呢個安排非常好，甘就唔怕芭菲類既甜品好快溶而盡快食曬去，亦都可以慢慢享受食物😆首先出場既系抹茶蕎麥冷麵，我自己好中意食冷面，但系坊間好少餐廳有得食，難得京林屋有得食仲系抹茶味，即刻叫左泥試下。呢個麵配有醃蘿蔔、甜菇、蘿蔔溶同埋冷麵醬汁。麵有淡淡既抹茶香，配上紫菜一齊食更食到紫菜既香味，唔錯既配搭。麵條厚身，沾上冷麵汁再食味道更加豐富。我地一直好爭扎試香港限定既芭菲好定系林屋芭菲，最後因為想試番傳統口味所以叫左林屋芭菲。芭菲配有小丸子、抹茶雪糕、紅豆蓉、抹茶啫喱同忌廉。抹茶雪糕茶

平時都幾鍾意飲綠茶同食綠茶類既類品，嚴格黎講我都算係一個綠茶控。前幾日忽然間好想食綠茶雪糕，咁我就專登上網做下research揾下邊度有綠茶雪糕，係機緣巧合之下揾到間有得食綠茶類產品又可以食綠茶雪糕既食店，佢就係京林屋。去到既時候，外面已經有人排緊隊，好彩等左一陣就可以入。當打開本menu既時候，見到有好多茶類既食物揀，可以配合唔同愛茶者既需要。抹茶蕎麥麵：本身自己鍾意食冷麵，再加上又未試過食抹茶麵，所以就選擇左依個麵。蕎麥麵點上冷麵汁，鹹味剛剛好，而蕎麥麵仲有淡淡既抹茶香味，而且麵質軟硬適中，好味。讚歧烏冬（熱）：食完既凍既，就緊係食返熱野中和一下。烏冬上面放左兩舊墨魚餅，魚餅質感彈牙，同埋烏冬好爽口，而且個湯底好香濃添。甜品方面，分別選左焙茶類同綠茶類做甜品。焙茶芝士蛋糕配葡萄煎茶：芝士蛋糕有好香濃既茶味，而且芝士味重。另除左芝士蛋糕之外，旁邊仲有焙茶雪糕+紅豆+小丸子伴碟，雪糕茶味亦好香濃，一邊食芝士蛋糕、一邊食雪糕真係好夾。葡萄煎茶：第一啖飲落去，已經有陣陣既葡萄味擁出黎，感覺就好似食緊巨峰葡萄咁，好清新呀。食完甜品，依個茶絕對可以消濟。香港限定芭菲：見到綠茶而且係限定喎，緊係

近排食左好多日本直送的抹茶產品，又點可以放過京林屋呢！係希慎的6樓都幾方便，而且可以堂食，平日晚上7點多到，不用等位。日式的裝修很是休閒舒適，如置身於和室內應該很有privacy吧。店中的大枱大大提升了店的空間感，坐位都是圍在大枱的外圍，讓每位顧客都感受到很寬敞的環境。注意全店設有限時入座，和室為一小時，其他普通座為一小時半。食物選擇集中主要食甜點，主食只有蕎麥麵和烏冬。晚飯時間點都要食D澱粉質，冷抹茶蕎麥麵($78)，賣相不俗，先試麵，帶點淡淡的抹茶味，不夠濃郁，如再帶少許茶澀味就會perfect！冷麵汁加小菇和蘿蔔蓉也不錯，增加食物的層次感。附帶蘿蔔漬物，酸味味的，很醒胃。熱巑歧烏冬($68)值得一讚，非常純粹的熱烏冬，簡單的醬油湯底配上烏冬，十分美味，烏冬質感不錯，實淨彈牙，並附上魚餅兩塊和日式魚蛋。另order滿$250送日本直送醬油餅一客，都幾香脆。用透明玻璃碗盛載的焙茶啫喱雪糕 ($58)很吸引，雪糕不但焙茶味濃厚，亦十分幼滑，而啫喱都好Q彈。這是限定的，一星期只有數天可以食到。秘製抹茶厥餅($88)放在小半圓形tray上，富有和式風情，有如置身日本京林屋本店一樣。附上抹茶

我估我都算係京林屋的忠粉。黎咁多次，今次終於可以坐到「他他mi 」位了，心中不禁大叫一聲YES!!!!!!!   睇餐牌，甜品種類選擇真係有好多，有我最鍾意的蛋糕類，雪糕亦都好吸引，真係好難揀呀。最後我地研究左一段好長的時間，都係每人叫兩樣野食，好豐富呢個係朋友的稻庭麵 $68 ，煙軔有口感，有兩大塊炸魚餅，彈牙好味。抺茶蕎麥麵 ＄78 呢個都係熱食黎，面頭有大量的香菇，配上抺茶蕎麥麵夠晒清新。蕎麥麵有咬口，最後我連個湯都飲埋。特製林屋抹茶餡蜜＄98 ，好開心呀，呢款甜品每樣都有啲，小丸子有咬口，抺茶啫喱軟滑，仲有幾舊好似 蕨餅咁啲野，面頭舖上大量的抺茶粉末，而雪糕的味道偏甘，沒有大重的奶味，但都係好味的。多口問過，雪糕唔可以轉軟雪糕，有點失望。抺茶啫哩雪糕 ＄58 ，抺茶啫喱唔甜，味道甘甘地，好重抺茶味，質地非常軟滑，正好中和雪糕的甜味。難得係食甜品的地方熱食麵類都咁出色。所以差唔多一個月都會黎一次。

行希慎成日都係食飽飯至經過呢度，今次決定入去試試非甜品類唔多，要咗個抹茶蕎麥麵同烏冬抹茶蕎麥麵 $78清清地醬油湯，上面有d紫菜、蘿蔔蓉，抹茶麵爽口讚岐烏冬 $68湯底差唔多，烏冬ok 滑同彈牙，多抹茶蕎麥麵兩塊魚餅焙茶牛奶 $46奶味香濃～重點黎啦，甜品！！！【冬日限定】甘栗抹茶紅豆白玉甜湯 配 焙茶朝熏 $88甜湯好濃抹茶味，無想像中咁甜～好清新！ 裡面有白玉、栗子、紅豆，食落好有溫暖感覺，唔怪得係冬日限定～ d甜湯好好飲～飲曬～焙茶朝熏佢哋會預先泡好一杯茶俾你，然後就跟指示自己沖多杯茶茶香撲鼻～ 去膩一流～香港限定芭菲 $98成餐最期待ge甜品～～～ 超鍾意食抹茶雪糕！抹茶雪糕 + 白玉+ 抹茶蕨餅+ 紅豆等等擺埋一齊，賣相已經令人流晒口水抹茶雪糕茶味好香濃，但又唔會濃到有苦澀味～味道剛剛好！ 唔會太甜搶晒d抹茶味白玉溝埋甜甜ge紅豆，sweet~ 抹茶蕨餅夠煙靱，抹茶迷必食推介！價錢係貴一般抹茶店少少，不過坐得舒服啲

今次可以坐好日系風格既小室享受甜品，感覺好幸福喔先叫一杯「培茶牛奶忌廉熱飲$ 48/杯」焙茶跟熱牛奶泡的熱飲很清香，非常好喝。京尖林屋抹茶芭菲$88/set紅絲絨蛋糕+玫瑰蘋果煎茶套餐$ 88酒紅色的蛋糕是亮點，質感綿密濕潤唔會乾，三層厚度適中的蛋糕中間夾著好fresh的忌廉芝士，忌廉芝士好滑好濃郁芝味配搭紅絲絨蛋糕十分好吃，令女生又愛又恨=法式聖馬克抹茶蛋糕set$108/set=呢件聖馬代綠茶蛋糕要比滿分每層有不同味道和口感濃密，最正係頂層焦糖口感同Creamy Cheese 果層，整體唔會太甜甘栗甜湯set配培荼朝熏$88這綠茶味道清清的像綠茶味熱湯，是傳統、有許多湯料（其中有一大顆甘栗、紅豆茸和好多大顆的丸子飲到一陣日本古老的風味呢⋯⋯但未飲過咸味的綠茶，感覺有一點怪怪的

今日和朋友往京林屋食抹茶蕎麥面, 焙茶芝士蛋糕配玫瑰蘋果煎茶、抹茶卷蛋配玄米茶、抹茶餡蜜和焙茶沙冰雪糕。抹茶蕎麥面職員教我們三種食法, 一是蕎麥面浸在湯汁內, 食落去味道味道較情, 有濃香抹茶味；二是將面放碗內, 倒少少湯汁, 將湯汁喝掉, 食落味道剛剛好, 有少少鹹味之餘有抹茶香味, 味道好開胃；三是將面放入碗內, 將剩餘湯, 配菜白蘿蔔和菇加入,感覺很特別, 又熱又凍, 面好爽口, 白蘿蔔和菇好爽口, 清甜, 令整個蕎麥面口感好豐富；焙茶芝士蛋糕是餐廳限定甜品, 焙茶芝士蛋糕濃而不膩, 口感香滑；焙茶雪糕茶味好香焙茶香味, 配上紅荳令雪糕食落去更有層次；抹茶卷蛋餐配玄米茶, 蛋糕好軟綿,綠茶和忌廉好滑, 兩者好夾；綠茶雪糕茶味香濃,甜度適中, 美味；玄米茶好有茶香, 茶味有回甘；抹茶餡蜜有厥餅和綠茶糕, 厥餅甜度適中, 口感好滑味道不錯；淨食綠茶糕, 綠茶粉有點苦, 但連紅荳一起食才是絕配, 總結餐廳綠茶食物美味, 焙茶芝士蛋糕好香熔茶美味, 好有驚喜,雪糕和焙茶味道配合得恰到好處。

最近去銅鑼灣食飯後，與抹茶友走去京林屋食甜品，預計晚上一定會人頭踴躍，所以每次都夾岩時間，縮短每次等位的時間，感覺上更抵食。 和座限時60分鐘，坐在裡面與友人邊食邊傾。烏冬和麵食都有一小碟的嘖醃蘿蔔，酸酸地幾開胃。紫菜和兩塊魚餅整齊地鋪在麵上，混湯食更有魚香。讚岐烏冬 $68 烏冬彈牙有嚼勁，朋友連湯底都飲光，滿有日式風情。稻庭麵 $68 幼麵條有口感又煙軔主食過後，到了例牌的甜品時間。這個是冬日限定的紅絲絨蛋糕，配一杯熱抹茶牛奶，跟餐 $118，定價進取。紅絲絨蛋糕不會過份甜膩，與忌廉芝士都幾夾，三層蛋糕口感軟綿綿，配兩層忌廉，味道更突出。旁邊有抹茶雪糕、丸子和軟腍的紅豆蓉。抹茶味香濃，但略嫌不夠滑身和軟。香港限定芭菲 $98 杯頂的抹茶雪糕與紅絲絨蛋糕跟餐那球的不一樣的！限定芭菲那球抹茶雪糕好濃郁奶滑，味道夠正宗，是因為配搭的關係嗎？可能芭菲配軟身雪糕比較夾。配料份量十足，裡面層層都滿載驚喜，最愛蕨餅、紅豆蓉的組合，啫喱入口冰凍細膩，配上濃密紅豆蓉，口感更豐富和滿足！唯一美中不足是最底的士多啤梨有點酸，希望下次食會保持到水準。焙茶沙冰雪糕 $58 這杯焙茶沙冰沒有想像中的苦澀味，帶

在銅鑼灣吃過晚飯後, 就到了京林屋來個飯後甜品,京林屋一直享負盛名以抹茶聞名, 今天終於試了,果然名不虛傳。 店舖門面裝修清淡高雅,洋溢著濃厚和風, 裡面設有和座及普通座, 和座有半垂簾幕,感覺私隱度較高。 我們點了一個情人節限定的紅玫之戀配焙茶朝熏以及抹茶冰沙雪糕。 紅玫之戀賣相很吸引,玫瑰花形狀的海綿蛋糕, 高貴迷人,。最外層是朱古力慕絲蛋糕,內層是朱古力海綿蛋糕夾著一點紅桑子吃下去時整個感覺都是甜絲絲的,再配以香濃幼滑的雪糕,視為錦上添花。焙茶是其中一種日本茶的代表作,一上桌就感到茶香濃馥,喝下去口感很特別, 而且焙茶能去膩,飯後喝最合適不過。 第一泡由店方沖泡, 之後就自己用店家提供的熱水沖泡,水量足夠多泡三杯,不過到第三杯味道就大不如前了。 店家還很貼心的提供了30秒的沙漏以免泡過時。 抹茶冰沙雪糕也很值得推薦, 相比其他甜品,這個價錢比較相宜,五十多元有冰沙又有清香抹茶味的雪糕可吃,喝著喝著,雪糕開始融化,抹茶味飄散於口鼻間,更覺濃厚, 抹茶控必定不能錯過。 京林屋的甜品為我們的晚餐畫上完美的句號,下次在附近用膳也會再來品嚐其他甜品。

同友人行完誠品,之前見到呢到都幾多人排隊,就決定搵到呢度填肚.抹茶蕎麥麵先食醃蘿蔔,微酸又爽口,開胃飯前小食.蕎麥麵細幼彃牙,撈上紫菜,蘿蔔蓉同本菇,加上唔太濃嘅醬油湯底,真係食到"索索"聲.讚岐烏冬都有醃蘿蔔做開胃小食.烏冬厚實煙韌,搭有有咬感魚餅,紫菜,日式魚蛋.配上清甜湯底,好好飲.平時出去食面,都唔會飲湯底,因為多味精.但今次我差唔多飲左一半.抹茶卷蛋揀左個唔太漏嘅抹茶卷蛋,好重抹茶味,唔太甜鬆化,發的幾好.再配上抹茶雪糕,紅豆蓉同糯米小丸子,幾種味道交織,又係另一種滋味抹茶芭菲份量好大,足夠俾2個人食.抹茶味特別濃.有抹茶CREAM,抹茶涼粉,抹茶雪糕,抹茶沙冰.抹茶控一定要試哂唔同口感

農曆新年後，要收拾心情準備來年的工作挑戰。雖然在公司逗留了幾句鐘，但是既開心又興奮的。離開公司後，就到銅鑼灣閒逛一會兒，累了就休息一下。早前已到訪過有二百多年歷史的京林屋，留給在下印象頗深，而且當中芭菲亦具深刻，今天再次到訪，可再嚐其芭菲及其他食材。打開餐薄，固然有抹茶芭菲，亦有蕨餅和卷蛋供應，亦不乏有烏冬和麥麵等供應。但時間上接近晚飯時段，故不宜吃得太飽吧！故重點放在主要想食的食品吧。香港限定芭菲，故在香港店獨有的芭菲，內裡除了有抹茶雪糕外，還有白玉、蕨餅、十勝紅豆等在內。把匙羹一舀多項食材，滋味一擁而來，雪糕和紅豆的軟腍，白玉的煙靱，加上其他食材，令口感豐富，甜味與抹茶味道交融，層次分明。選擇了焙茶卷蛋，作為今次小食。卷蛋除了有鬆軟口感外，亦具有焙茶香濃的味道，仿如在喝焙茶般的。而旁邊則癰雪糕紅豆及白玉配襯，除了有焙蘑味覺之餘，亦可帶來甜味。最後點來桃味焙茶，焙茶有著濃厚焙茶香味，加上桃的清新的味道，令焙茶更多層次，令口腔不會有剩餘甜甜。在休息過後，可繼續餘下的行程。

今日聽講係最凍既一日 而人唔知點解 成日都好鐘意自我挑戰 去食啲更凍既野 去證明人係可以戰勝寒流嘅😂我就係一個咁嘅挑戰者今日係平日 所以都唔算太多人 唔洗等就有位嚕 坐落 最少一人點一個餐點 其實香港人咁鬼為食 點會食唔到🙈綠茶蕎麥麵以麵黎講 的確做得幾有韌度 蕎麥味都幾香 不過綠色味就唔會太多 個人鐘意放芥末去啲麵度 再點沾麵汁 真係好好食 同場既酸蘿蔔都好正 一啲都唔馬虎 每次食一舊都可以refresh 到口腔香港限定芭菲綠茶軟雪糕真係好鬼正！ 又香綠茶味 又唔太甜 又軟 旁邊仲有脆米 加埋一齊食 口感又軟又脆 仲有白玉 啫喱 食落qq彈彈的 good!今日寒流下挑戰綠茶成功 仲食到非一般既體驗🙈

呢幾日終於有冬天嘅感覺, 想食吓熱食抹茶甜品, 去開銅鑼灣到京林屋食甜品.因為未食午餐, 所以同友人每人叫咗一個麵食.抹茶蕎麥冷麵有冷麵汁、青芥末、蘿蔔蓉調味, 爽滑冰凍攻鼻中有點點抹茶蕎麥味, 淨食都唔會單調, 況且仲有醃蘿蔔本菇仔伴食.讚岐烏冬有兩塊魚餅, 友人俾咗一塊我食. 魚餅味道有少少魚味, 伴食也不錯.甜品叫上抹茶蕨餅, 抹茶蕨餅新鮮即製, 售完即止. 蕨餅口感煙韌, 似食糯米滋, 食落有清新抹茶味, 加上抹茶粉更能帶出抹茶的甘香.甘栗抹茶紅豆白玉甜湯有很多紅豆蓉, 要慢慢攬拌溶入抹茶甜湯中. 紅豆蓉抹茶甜湯味道很夾, 有少少似食紅豆綠豆沙, 甘栗很甜糖份很集中, 白玉煙韌, 整個甜品味道配搭令人驚喜.