京都勝牛 (AIRSIDE)

Open Now

Now Closed

AS商場較多食肆，諗住試試，生日隨便食翻餐，點左三個set餐，堅好一般，咁嘅價錢唔值，收銀位及其他人嘅對客服務OK，but其他客都有杯水，我地一杯都無上，幫我地點餐嘅侍應，係一個男人，戴眼鏡嘅，上左年紀嘅，個晚佢戴個黑口罩，睇單寫著似態度唔掂，唔願意為客服務，無耐性，我即刻咩心情都無曬，我當時已經即刻好唔開心，仲要帶屋企人嚟食，佢地都唔係咁滿意呢度，點解會遇到感嘅情況，我都唔明，你地試下就知道啦！

慕名而來，失望而回。重點：牛肉唔靚，唔會再食。因為呢間野最出名係吉列牛，我叫左經典元祖牛御膳，吉列個炸皮炸得唔錯，脆，易咬，肉軟，但係！！但係！！個吉列牛完全無牛既香味甜味油脂味，甚至唔好話牛味，直程咩味都無。唔話我知係牛我都唔知我係咪真係食緊牛肉，我只能夠食出佢係肉，飯反而幾靚，麵鼓湯都唔錯，係有少少鹹，沙律配芝麻醬都好食，個個店員服務都好好…就係間舖主打既牛唔得囉，牛肉本身唔靚，唔係好值呢個價位。呢間野中伏一次都嫌多。

叫出黎既份量同menu上睇既野好大分別.一個女仔食完都唔覺得飽，賣單仲要$196，唔怪得之深圳咁受歡迎食物質素可以但唔係話超好食個啲服務都好但為左價錢望上去吸引啲而減少份量唔會再黎

行吓Airside，食”京都勝牛”。想當年剛剛有吉列牛的時候，價錢相當高，千千聲。現在已經接近平民美食，百多元就有一個set，而且飯菜湯任加。可以額外request燒板自己整熟多少少。而意外地，翼板牛比西冷好吃不少。

京勝豚・牛二味御膳（$178）貪心的我今次有少少奶嘢，呢款雙併老實講真係好普通。先講炸衣，偏硬唔鬆脆，口感死死實實；豚肉質感較實，唔夠軟嫩，丁丁嚡；牛肉（翼板牛）三至五成熟（可要求鐵板加熱，但我偏好生少少所以無要），肉質不錯，有少少牛味。豚及牛各五細件，份量比預期中少（亦比餐牌相片中細）。熟成厚切豚・柚子胡椒御膳（$148）呢款似番啲樣，炸衣終於鬆脆少少；豚肉厚切有口感，肉質尚算軟腍，邊位肥膏爽口唔油膩，份量合理。御膳包椰菜絲、麵豉湯、白飯，而且可以續加。真心講，試過一次就可以了。PS：另收加一服務費。

行新商場見有得book位就試下主要食炸嘢同火鍋晚市去都幾多人早左5分鐘到店員就話一定係跟你訂位時間搭正先入得結果係訂位時間再多10分鐘先有枱叫左一個壽喜燒 一個大拼 兩杯細啤酒壽喜燒 正正常常 我一個女仔夠飽既 本身鍋入面既餸就唔夠入味呢個拼盤套餐 只可以講同日本差好遠 個炸粉好易甩 炸得脆 但唔係香脆 口感同普通平價吉列牛差唔多翼板牛有少少咬唔開 有無汁都唔太大分別不過呢度沙律菜同白飯都係可以加反而最普通既沙律醬撈菜 就好啱我🤣價錢偏貴 好間中先會食一次

今日同阿女去airside既playhouse 玩，好自然會食埋飯先返屋企。原本諗住打邊爐嘅，但係好似得一間，仲要係辣嘅，應該唔係太啱呀女，所以就轉食京都勝牛啦（好明顯係掛住日本）我哋今次叫咗相盛和牛御膳，經典元祖牛御膳，半份西冷同免治雞肉串。其實我同我老公都可以食到好生，奈何今次係同阿女出嚟食。咁生點算呢？原來佢哋會提供pan 俾你煎熟啲，好細心喎。個和牛同埋免治雞肉串，真係好好食。至於個半分西冷，我覺得煮得太熟。麻麻

京都勝牛來自日本主打高溫油炸60秒炸牛排，風味突出之餘亦能完全殺菌可安心食用。餐廳亦可提供桌上鐵板供食客調整理想熟度好體貼!! 🥩- 牛翼板．鰻魚御膳 HK$198 🥩🐟牛同鰻魚一樣出色!!牛翼板油花分佈均勻，肉味濃厚肉質嫩滑有彈性，但頭尾兩端較難咬開。牛肉炸至三成熟，外層粉漿厚度適中顆粒幼細，口感香脆但不會掩蓋牛肉嫩滑口感，非常細心!!鰻魚大約有半條，粉漿薄身剛好包住鰻魚，外脆內嫩，口感柔軟，鰻魚油脂香氣十足，味道不輸主打牛肉!!配菜椰菜絲切得幼細，可搭配日式芝麻醬或甘柚沙律汁。個人非常推薦甘柚沙律汁!!沙律汁帶有柚子微酸和甘筍甜味，味道層次豐富，可中和食肉的油膩感!!- 藍柑荔枝有汽特飲 HK$22 🍊🍹香甜清新配炸物一流!!微酸藍柑及香甜荔枝，氣泡爽口非常清新!!

吉列豬食得多，吉列牛真係未試過，咁見AIRSIDE開咗間日本過江龍的吉列牛，咁就試一試😋都好彩十二點就衝入去，一到十二點半就勁多人。和牛忌廉牛肉餅·二味牛御膳 $168吉列牛扒係翼板牛，上枱時仲有埋個小煎pan，枱面亦有個沙漏，沙漏煮明一分鐘。因為唔想食太生的牛，所以煎pan預熱好就煎一煎牛扒，每面一分鐘。吉列牛煎一煎更啱我口味😍牛肉肉質好鬆軟，唔柴唔韌，好易咬開，亦無乜筋。牛肉本身味道好濃郁，煎一煎味道更突出。好欣賞佢有幾款蘸醬跟埋，咖喱好香，牛排醬好惹味，鰹魚昆布汁好傳統，山椒鹽最啱我口味，各有特色。和牛忌廉牛肉餅外皮好酥脆，督下都有聲，清楚見到有和牛的牛肉粒，忌廉食落好creamy，蘸茄汁食好正，不過食完喉嚨有d乾，勁熱氣🤣前菜係柚子蘿蔔漬，蘿蔔好爽脆，食落甜甜哋，唔錯👍🏻椰菜絲無限re-fill，配芝麻醬係基本，但意外地配鰹魚昆布汁都好夾，都好好食。味噌湯鹹咗少少，飯正常發揮。京都勝牛 (AIRSIDE) (九龍城)九龍城啟德協調道2號AIRSIDE B1樓B129號舖*上述文章只供參考及以當時價格為準

特選海產套餐中嘅海產各類炸物，外表金黃鬆脆，而內裏嘅肉質鮮嫩，完美地突出咗口感嘅層次，讓人齒頰留香，對於愛好海鮮嘅食客來說，絕對係一個不容錯過嘅選擇。日本蜜白桃番茄沙律則以其精選嘅日本新鮮食材而著稱，柑和桃嘅绵蜜幽香，蕃茄嘅酸甜可口，再加上生菜嘅爽脆清新，共同創造出一道前菜必備嘅一流沙律，不僅味道出色，更在視覺同味覺上提供了一次獨特嘅享受。芒果奇異果特飲嘅配搭得宜，將香甜味美發揮到極致，為整餐添上一抹清新甜美嘅色彩，是一款在味道同口感上都相當討喜嘅飲品。清酒莫吉托以其清新開胃嘅特質，成為餐前佳釀，為接下來嘅用餐打下了一個美妙嘅開始。至於日本清酒豆腐雪糕，則是一個創意十足嘅選擇。味道清甜中帶點酒味，展示出對於甜品創新同融合傳統元素嘅嘗試，為整餐畫上一個完美嘅句號。

連加一「服務費」$185食個餐不算太便宜，可惜食牛冇牛味，侍應介紹醬汁似急口令，最好食竟然係碗飯同味噌醬。未夠9點非常趕住埋數五分鐘行過嚟摧兩次埋單。一定不會再幫襯第二次。

之前喺日本食過好食嘅吉列牛一隻都想去香港食返呢種味道行過啟德新商場就決定去試吓啦呢間餐廳雖然係日本東京引入但係香港呢間質素真係完全令人失望首先啦星期六 六點左右係唔需要排隊嘅可能因為唔好食，所以都冇乜客人掛？叫咗經典元祖牛御膳餐 $168首先份量同日本相比真係唔多 另外完全冇牛味個飯係凍嘅 咁多種醬汁得芝麻醬係正常之外，其他都唔好食餐廳俾你無限任添白飯同椰菜都冇用因為根本唔會有人再嗌.牛西冷•青唐辛子味噌御膳 $168個唐辛子味噌醬更加難食完全接受唔到不過公道啲講 牛西冷嘅肉質係好過元祖牛但係食過一次就唔會再嚟囉唔怪之得呢間餐廳執完一間又一間銅鑼灣嗰間都執埋

First restaurant that I have been to that refuses to give you warm or hot water to a customer and tells you that they only serve room temperature water. After a couple of rounds of discussion, in the end, the waiter said if I really had a need they could give me hot water? I said yes, I have a need, why else would I ask if I didn’t? Ordered the pork cutlet meal set lunch for $98. The pork cutlet meal soaked and soggy in egg sauce that tastes more like a soup than a sauce. Can’t even spoon it up

夜晚同朋友經過，見到呢間日式餐廳，裏便好多人，便去試一試。整體味道不錯，食材都幾好，幾新鮮。服務真係好好，值得推介。吉列牛肉會比較生，所以會另外準備一個煎pan自己煎，所以都幾好玩。食材都算OK，煎蛋牛肉唔錯。最後個甜品賣相都幾好，抹茶流心蛋糕，味道都不錯，值得推介。但最想讚嘅都係佢哋啲服務，個個都好有，你俾佢一個眼神，佢就會過嚟問你想要啲乜。呢樣嘢我覺得超乎我嘅想像。同埋我有不停問佢加湯，佢都會好樂意幫我哋加湯，所以係加咗兩次。完全冇唔耐煩。

𓈊 𓈊 𓈊過江龍京都勝牛正式進駐 AIRSIDE！新店以日本傳統紙傘、洋溢和風色彩的壁畫為裝飾，打造質樸的日式居酒屋風格。菜單備有招牌御膳及暖心鍋膳。同樣主打以招牌秘方炮製鮮嫩的吉列牛，令每件牛肉外皮金黃酥脆，內裏肉汁滿滿，入口即化。𓏖 四品牛魔御膳 $328必點推介！一次過品嚐四款吉列牛！包括油花均勻的翼板牛、肉質柔嫩的西冷、肉味香濃的菲力牛和惹味可口的醬味薄牛。餐桌同時配備小烤盤，讓客人可按自己的喜好，決定牛肉的生熟程度。店家還特別調配九款蘸料，包括日本溫泉玉子、山葵、京咖哩蘸醬、唐辛子味噌、特製牛排醬、山椒、和風醬油、甘柚沙律汁和大根柚子醋，讓客人可以品嚐到多變的牛肉風味。𓏖 勝牛壽喜燒鍋膳 $188冬天暖笠笠推介！壽喜燒湯底清甜，更能帶出牛肉的鮮味。店子選用來自日本的長野縣秋田小町米，所以米飯粒粒飽滿軟糯。不論鍋膳還是御膳，都可無限續加白飯、京椰菜和味噌湯，非常抵食！ 𓏖 雞蛋玉子布甸 $58以日本雞蛋自家製作的沖繩黑糖雞蛋布丁，蛋香十足，絲滑香甜，作為飯後甜點甜而不膩。𓏖 特濃抹茶小豆流心蛋糕 $52 抹茶控必點！抹茶蛋糕的熱騰騰流心餡，香濃熱暖。再配上 Vanilla Ge