La Brezza Bistro (Closed)

唔經唔覺，同沙漠王子就一齊左四年，雖然沒甚麼大風大浪，但係平平安安咁過四年都唔係容易，所以當然要紀念下呢個淨係屬於我地兩個的特別日子今次係沙漠王子揀的，原因係呢間可以自帶酒水，前提係要order飲品～book左7:30，去到......一個人都無成晚得我地一張枱（居然無心咁包左場？），真係好有氣氛！Main course+$120就可以有4-course meal，所以點左兩set：Appetizer：鵝肝配蘋果：幾好味～青口：個汁好好味，之前用左黎點包～Soup：包包＋自家鵝肝醬：包即焗，很脆很好吃，醬有鵝肝醬，牛油同一隻不知名的酸醬，據說鵝肝醬係個日厨師首次試做，所以送俾我地試～鵝肝醬配多士一流！包可以無限添，因為Ｄ醬實在太好食，所以我地encore 左三次Truffles soup：好creamy，又夠truffles香，好正！Lobster Soup：似紅湯，都唔錯～Main Course：意大利雲吞：看上去份量小，但因為汁非常充足，非常食落都幾滯，但係好好味！ram rack：呢個真係細份，味道可以，不算特別Desserts：所有desserts都好吸引，係一番猶疑下，揀了－

呢幾日得閒, 寫番早幾weeks的餐廳經驗先~search過呢間口碑唔錯, 其實之前xmas見到介紹都想try, 但honey已book另一間~so 到今日先有機try, 感覺唔錯, 有少少春天黎遲左的feeling~ps: 呢柬野都幾多餐廳環境: 其實普普通, 夠濶law, 裝修唔係grand個d服務: 好有禮貌, 讚食物如下:頭盤: 鵝肝青蘋果鵝肝野味入口即溶, 番青蘋果口感幾得意, 但係同鵝肝夾唔夾就見人見智, 但我自己就幾like~主菜: 炭燒和牛拼虎蝦 / 咩咩長通粉:同honey分別叫左呢2味, 話係來自澳洲的，但食唔出, 又或者唔識分, 要6成熟, 又真係差唔多, 抵讚~但honey個咩咩長通粉佢話正常料, 唔突出又唔差...我試過一淡又ok, 串佢唔識食 hehe~甜品: 梳乎厘 / 焗蘋果配雪糕 最鍾意ice-cream, so焗蘋果雪糕讚讚讚~一粒粒蘋果係底，口感不俗~梳乎厘岩岩好, 奄尖大少都話味道一流, 呢味我就唔太好, honey鍾意就得, 佢話好食過cwb個間甜品好出色的餐廳喎~價錢: 呢個環境稍貴, 但食物方面, 係值得的, 可以再試 (forgot pr

同朋友慶祝生日..叫左以下食物appetizer: 1個smoked salmon casear salad, 1個係mashed potato w scallop -> 個沙律麻麻地....pacific coffee d cesear salad仲好味好多... soup:2個都係lobster-> 呢個超鹹,waitress收碟的時候我同佢講話d 湯太鹹,我expect佢會話會叫chef留意or at least 話noted..但係佢竟然冇應我...-> 同酒店的龍蝦湯有好大距離..main course:1個牛,1個豬-> 2個都幾好味dessert:1個心太軟,1個梳乎厘->個梳乎里擺明就係失敗左都竟然照serve客...完全扁晒..仲膿晒...->要我地request先話收返整過... 唔知係咪d waitress 太young接受唔到負面的意見呢...用埋openrice 8折coupon都過千... 我expect食物應該要好d囉...

早兩日同朋友經過,發現原來呢間餐廳是我們沒有去過的,就同三個朋友上去一試,我地四人就點左四個4 道菜的SET DINNER. 頭盤:法國黑松露菌配香煎加拿大帶子特色白酒煮藍貝香芒牛油梨蝦沙律露筍配蟹肉芝士忌廉汁 湯:龍蝦濃湯 X 2白露筍湯配黑松露菌法國野菌濃湯主菜:炭燒日本極黑豚配西梅汁炭燒澳洲Baby Lamb Rack配Rosemary香草汁澳洲和牛拼虎蝦配薰衣草汁意大利雲吞配黑松露菌芝士忌廉汁甜品:焗軟心朱古力配雲呢嗱雪糕 焗蘋果金寶配雲呢嗱雪糕意大利咖啡蛋糕法式奶凍我講唔出邊一樣特別好味,因為個個course都好好食,印象最深會係和牛同鵝肝, 入口即溶,令人回味無窮! 個湯係我飲過最好味,Dessert亦好好味,個Tiramisu係我係香港食過最正,最似我係意大利時食個隻味, 只不過是杯裝而不是CAKE,簡直係一絕...!雖然價錢不算很平, 差不多要$450一個人,但食物份量足又十分又有水準,必定是廚師誠意之作環境好舒適,服務員工很nice亦很細心,上枱時間及流程相當細緻~ 特別必須提及的就是佢地既咖啡,一定要試,好好飲,所以依個價錢我覺得物超所值!樓上樓下幾間我及朋友之前都

由於下列食評曾被此餐廳投訴有不實之處，而曾被open rice抽起，經本人投訴後，發現此餐廳所說的不實之處為 "豬仔飽" 字眼；本人在此致歉，"豬仔飽" 字眼只為比喻該餐飽的細小程度，並非表示此餐廳有提供 "豬仔飽"；其他內容絕對真實！而且，本人絕對相信open rice的公信力，以這個可能是全港最受歡迎的飲食資訊媒體來說，支持的網民眾多，我相信，open rice不會因為商業因素去隱瞞網民的真實經驗．本年11月6日晚，打算跟兩位朋友一起fine dining，由於到處都full booking，試打這間餐廳電話，經理說只剩一張枱的客人未double confirm，可以幫我check下對方是否cancel，當然最終經理回電說客人已cancel booking，可以將位置讓給我們． 於是，我們一行三個女人，就決定到這裡晚膳． 甫坐下，餐牌上所標價錢，並非便宜，一個main course由二百尾到三百尾，如要轉set，要另加$120或$160． 大肚婆朋友選擇黑豚肉，waitress說這豚肉是不會煮熟的，問她要幾成熟，由於大肚婆不能吃生，於是，我說跟她交換，叫她吃我想點的魚，誰知，我想點

在上環返工都有兩個月，同事介紹這間餐廳，環境是簡約幾舒服，試過十分滿意。兩女一男，點左3個晚餐share食，餐單評語如下:頭盤煎鵝肝配肉桂青蘋果 - 好特別，煎鵝肝就食得多，但係夾青蘋果都係第一次，鵝肝煎得外脆內軟入口即溶，而青蘋果的甜同肉桂汁的香配埋，反而令鵝肝無咁油膩好正。法式白酒煮藍貝- 藍貝的鮮甜加上超濃的海水味，我們還以為加入了大量的海鹽，一問之下才知道是完全沒有加鹽，藍貝非常新鮮肉質一點也不硬.帶子新薯伴荷蘭汁 - 帶子十分大隻，份量啱啱好一人一隻，荷蘭汁原來是egg benedit的汁，酸酸地十分醒胃。 主菜炭燒和牛拼虎蝦 - 雖然是澳洲的，但同日本的分別不大，終於感受到雜誌報紙所講的油花，肉質很嫩，而且要求要5成熟就真係5成，旁邊的薰衣草汁入口很香，估唔到同牛咁夾。意大利火腿卷安康魚扒 - 一個大碟內蔬菜最上面是魚。魚用意大利火腿製法焗過，外面脆而又能夠保持入面嫩，沒有過熟鞋口的程況出現。其實我覺得個汁至係靈魂所在，唔太酸很濃，同個魚很夾，很fresh，食得出廚師有用心機去諗同煮，唔同有ｄ蘇豪餐廳求其煎下舊魚加ｄ瓜菜就算。侍應當晚還推介"法國睡蟹" - 隻蟹有1.5kg

今個月生日, 老公原本打算上星期日帶我去慶祝, 點知無book枱, 明明寫星期日都開, 但點知唔開門, 令到我哋好失望。於是星期三又再去。因要留肚食甜品, 所以只點了一款前菜: 白汁清酒煮青口, 青口殼大但肉較細, 不過好滑亦鮮味, 配上麵包及焗原個蒜頭, 個焗蒜好特別, 第一次試, 麵包都好味。餐湯選了龍蝦湯及一個好似豆味的黑松露湯, 龍蝦湯做得很好, 味很濃, 但豆味黑松露湯味道很普通, 相對就不太好味!主菜選了侍應極力推介的頂級肉眼扒及黑豚肉, 2個主菜都很好味, 有肉味又很滑及多汁, 令人回味!甜品點了心太軟及梳乎里, 個梳乎里很好味, 但心太軟就心不軟, 內裡還有一粒凍的朱古力心, 通知侍應, 才發現個爐剛剛壞咗, 因為我哋都識自己做心太軟, 食得出用料不錯, 所以都無計較。最後埋單時才知道openrice有優惠可以7折, 個侍應又唔早啲講, 最後用信用咭都有8折! 主菜~$180 - $400 ; 加 前菜、湯 及甜品 + $160, ( 3選2加$120)

上星期與朋友慶祝生日，在Openrice看見很多不錯的評價又有優惠，便選了這裡。我們4人選了前菜，餐湯和主菜的配搭。法國麵包很熱很新鮮，第一次吃麵包塗原顆的焗蒜頭蓉，十分滋味，我們要求再添。前菜選了我最愛的香煎鵝肝，皮脆內軟，回味無窮。餐湯選了龍蝦湯，一樣鮮甜香濃。主菜的炭烤黑豚肉， 第一次吃，肉身爽嫩，烤得恰到好處，不俗不俗。環境清靜，店員親切有禮。下次會再來。

用這個標題都幾奇怪，但感覺就是這樣初次踏足柏廷坊午餐menu 選擇不多，其實都唔緊要o既要了那個fish steak 甚麼的standard 先來的麵包，的確不錯的了魚來喇~ 就是中式吃法始終唔會有呢種咁清爽甜美o既味覺享受。分量雖少(咁呢類菜係人都知係咁)，但味道應該才是重點薯塊少少濕，很好吃daily dessert 是不記得甚麼的cheese cake，好像是tofu甜味絕對不重，但又係有種refresh o既味道，少少酸整體上我都幾滿意喔，服務環境都符合呢個價錢水平

哩排因為生日關係都多左幾個飯局今日就同朋友去左食法國菜係佢係OPENRICE 見Ｄ人評價唔錯就話去試我當時見幾貴都話唔去架但佢話一年一次都去左係上環去到個陣都係７點鐘得一圍檯人安排左我地坐窗邊（但實際係睇唔到景既，間餐廳係私房菜感覺）佈置是幾優雅舒服燈光較暗，每個檯面有個紅色少少燭光坐低，有個女侍應拉凳及幚你鋪餐巾然後遞ＭＥＮＵ俾你之後就行開左因為我同朋友都唔知食咩好所以就叫左佢介紹個女侍應好細心同我地講解個餐牌同埋有咩推薦原來係要揀左個ＭＡＩＮＣＯＵＳＥ先之後加錢就可以轉ＳＥＴ我地就揀左：前菜：鵝肝： 煎得岩岩好，明日到咩叫做入口即溶，口中”ｌａｕ”油既滋味，佢份量不多，約３隻手指拼埋左右，以前菜來講都幾足夠，鵝肝下面墊住一片肉桂青蘋果，入口感覺清新香甜，配搭十分適宜。帶子黑松露芹菜： 帶子大粒且頗鮮甜，伴以薯蓉作底，ｐｒｅｆｅｃｔ，但味道較淡，所以偏好重口味的我就覺鵝肝較美味。餐湯：龍蝦湯：夠香及夠濃，但食多左就感覺味道有點咸，之前睇ｏｐｅｎｒｉｃｅ　都有人咁講，但就說是因全龍蝦煮，所以味道較濃郁，但總體滿意。白汁磨菇湯：細滑香濃，比市面其他餐廳的感覺較滑，但因本人只試左２小口，不

這麼近辦公室﹐當然立即就找個機會來試試。這店在7 樓﹐但與樓下兩間餐廳走的路線不同﹐是傳統fine dining感覺very good﹐是完全完整的高級西餐feel。可能是午餐關係﹐大部份客人都點套餐﹐抵食嘛。百多元有沙律吧+湯+主菜+甜品+咖啡/茶。說回食物吧﹗沙律吧離不開是湯和沙律的選擇﹐不過也算是有用過心思的。湯是南瓜忌廉湯﹐夠熱﹐最特別是夠熔﹐令整個原來普通的湯變得不平反。沙律是極新鮮的菜﹐另有義大利火腿。那些火腿的鹹香立即令平平無奇的一個沙律吧生色不少﹐而且是有很多片火腿及大約十多款不同的沙律選擇﹐一點都不吝惜。我要了炭燒法國鴨胸﹐三大件鴨胸﹐份量非常充足﹐肉質嫩滑﹐賣相特別。另外那個美國豬扒﹐只有一塊﹐像8 oz 左右吧﹐用料也不錯﹐肉很淋﹐肉味豐厚。午市套餐來說﹐收貨了。甜品﹐還以為是小小的心意﹐怎知來的卻是每人一件full size 的檸檬芝士蛋糕﹗味道是不錯的﹐很濃的檸檬香味﹐也不會太甜。咖啡最強﹐沒有苦澀﹐只有咖啡應有的香味。

首先覺得好奇怪,其實呢篇食評我之前已經post 過三次但都出唔到,係咪有咩問題呢?得知 La Brezza食品有水準, 服務更有一流享受, 第一次吃, 結果真係冇令我們失望.. 如果再有特別慶祝或者間中想食番餐好, 我一定會再黎食! 因為佢地服務好好及所有菜式真係好味道.7點到, 哇...包場!!! 我們沒有訂位, 經理給我們VIP房, 還跟我們說大廳已經沒位了, 所以才給VIP房我們, 是次沒額外收費的! 真係好啦~ 環境不會太迫也算清靜, 之後陸陸續續都有人來, 最後full左好唔講咁多，打開menu, 中英文也有，自問唔係唔識英文，但係平日都只係用D返工terms,食物同配料既英文當然係搞佢唔掂. 即刻請waitress講解,個waitress好有禮貌,逐一講解都用左幾分鐘. 我們9人一心來試食, 所以order了每款不同的食品, 一於大試一番, 不過我們女士比較多, 所以9個人, 只order左7個餐, 哈哈!水, 是要order的, $28一支, 是Italy的Acqua Panna, 仲係一公升裝, 平時我去蘭貴坊order一支細水, 都要$40至$50啦. 我本人就覺得o

今日師傅(老師)系呢間餐廳攪講座FUNCTION, 全部同學都有黎(連同其他老師,一共68人),老師選呢間餐廳, 可能是```因為這裡服務真的一流, 侍應好細心, 而所有食物都好好味呢, 最記得就系佢地D羊扒,肉質真系我咁大個女第1次食到咁正...................... 但可能我地人數太多, 有D逼逼地, 我估如果55人會無咁逼!最衰OPENRICE無得放"短片"上去啦, 我又唔識點放上YouTobe...............

8月19日（星期三）晚，終於到了考試的日期了！今次我和女友也豁出了，所以就算很失敗也沒有特別的感覺！捱了個半鐘，狠心地離場，因為考試場地在上環，考完試就立刻打俾女友，女友就即刻收工來找我。女友很細心，一早想好來這裡吃，幸好我亦也有OR優惠卷。約八點左右來到，祇得兩、三檯客。這裡除了散叫外，如果點套餐的話，是決定3 course or 4 course，其實是包頭盤、湯和主菜，3 course or 4 course的分別是決定要不要甜品而已。因為怕吃不完，我和女友都要了 3 course，而且這裡飲水每枝要收$25，女友就點了杯 Shirley Temple，而我就要杯紅酒。Escargot（焗蘑菇田螺）：田螺頗鮮味，蘑菇亦新鮮，薯蓉香綿幼滑，整體味道不錯，盛器也很精美；Asparagus（蟹肉露筍）：三條露筍很新鮮，翠綠爽甜，蟹肉也頗鮮味，芡汁也很清淡；White Asparagus Soup（白露筍忌廉湯）：湯底清淡，忌廉味不重，味道不錯；Lobster Soup（龍蝦湯）：落單時男經理曾叮囑我此湯味道很濃甚至很咸，我喝時龍蝦味果然比坊間的異常濃郁，是用真材實料，但沒有想像中那麼咸

朋友有心而設的晚飯，不好推卻，最後三人來了這裡。柏廷坊七樓，環境不錯，以黃及白作主調，是自己最喜歡的顏色組合，主要由女侍應負責招呼，醒目有禮，耳朵尤為靈敏。頭盤、湯、主菜連甜品一氣呵成。走的是專業西餐扒房模式，不花巧，主要是考對原材料掌握，心機見於醬料配搭，當然精緻賣相亦看多得出廚師心機。分別要了煎帶子伴芹菜頭沙律配黑松露菌．白酒煮蜆．焗露筍配蜜糖蛋黃沙律醬，侍應奉來一套碟方便細分，稱心。烤煎帶子，鮮嫩，味道簡單直接，墊底芹菜頭沙律，賣相美觀而有著濃郁黑松露菌香，滋味。白酒煮蜆，選菜方面大家意向蠻一致的，配料味道豐富大蜆亦夠厚身，口感一流，獨特的白酒也不錯，若下多點香草味道可能會更好，做得不錯。至於焗露筍，用料認真，重點卻落在蜜糖蛋黃沙律醬，軟滑帶微微蜜甜，微微蛋香做得精緻，用來配菜類食物真的美味得緊要。餐湯分別是龍蝦湯及磨菇忌廉湯，前者夠香夠濃稠，是帶微粒的版本，brandy出貨前已調好，論味道，合格了。後者磨菇下得很重手，香濃得緊，下了小小忌廉卻夠細滑，論用料，已吃得出誠意了。之後三道主菜分別是西班牙鹽焗魚．烤1st grade美國頂級安格斯肉眼．pommery 芥末肉汁及手造意大