LA FAMILLE

Open Now

Now Closed

La Famille出咗聖誕限定版蛋糕😍有Snow Christmas, Joy Christmas 同埋Christmas Cheese 🥰而且仲有15cm/17cm/20cm選擇！1️⃣Snow Christmas ❄️ $398 15 cm嘅白雪聖誕戚風蛋糕雪白無瑕😍來自迎接白色聖誕❄️就最適合不過啦！成個蛋糕充斥着馬達加斯加雲呢拿清甜嘅味道。內層嘅蛋糕鋪滿左靜岡縣嘅士多啤梨🍓同埋北海道鮮忌廉，酸酸甜甜好開胃🤣蛋糕嘅底部更用咗比利時白朱古力碎，而且蛋糕嘅濕潤度啱啱好。🙆🏻‍♀️美味指數:7.22/10💡整體來講，La Famille出品嘅蛋糕🎂真係好高質，讓我過一個甜甜蜜蜜嘅聖誕🎄仲可以比自己一個藉口食甜品添😬！La Famille 地址🐾:中環港景街1號國際金融中心商場3樓3098B號舖

依間cake shop見唔少foodie都介紹過，想試好耐🤤 今次咁啱同事請食散水餅，當然要影張相介紹埋比大家啦！每個蛋糕嘅size係1-2人份量，唔洗下下都要驚食唔哂😚 而且造型💯，特別得嚟唔會浮誇~ 採用左低糖配方，迎合香港人口味。價錢相宜，係平價聖誕蛋糕之選😋-法國玫瑰🌹($54) 睇落滿滿嘅少女味~ 蛋糕中間係忌廉。 聽聞用上日本忌廉，成本較高之餘，食落更順滑。蛋糕裏頭會見到唔少玫瑰花瓣碎，味道天然唔會假🥰 淡淡花香加上raspberry ，清新淡雅。*意式香草奶凍($54) 面層放左個香草奶凍，裏頭會有唔少雲呢拿籽😍 加上藍莓點綴，造型簡約卻不失大雅~*日本白桃($60) 白桃清香多汁，蛋糕鬆軟綿密，回彈效果十分不錯，配埋忌廉唔會過甜。係味道稍微單調左啲🤭*北海道秋三色($60) 三種顏色加埋真係幾有秋意🍂 三色分別係紫薯，粟子同南瓜，味道豐富，以紫薯味最為得出。*北海道南瓜可可($60) 係最近新出嘅款式。外形同樣充滿秋天嘅感覺🍁 南瓜用上日本南瓜，面層係南瓜蓉忌廉，配上朱古力味道意外哋夾。

之前出差出左三個禮拜左右，都無機會同老豆慶祝生日，返黎之後拿拿臨同佢補祝返😳以前都已經買過好多次呢間既蛋糕，貪佢細細地一人可以清一個，每次可以按人頭數買唔同口味既黎試，而且質感鬆軟得黎又唔會話乾身😌▪️ 盛莓藍蝶（7/10）💲54面頭有藍莓、紅莓、士多啤梨粒，蛋糕身以陣陣香濃既藍莓味為主，唔會話係人工藥水味嗰種，酸酸甜甜比預期出色😎▪️ 皇牌士多啤梨（7/10）💲54顧名思義係士多啤梨蛋糕，味道就無藍莓既咁濃，會係偏向走清幽路線🍓▪️ 日本白桃（6.5/10）💲60白桃同埋忌廉佈滿蛋糕面，不過味道略為淡左啲，個人覺得有少少寡咁👉🏻👈🏻▪️ 雙重朱古力（7.5/10）💲54呢個係我每次買都必定會返兜既口味之一，面頭有朱古力粒粒同埋輕盈既朱古力忌廉，入面當然唔少得半溶既朱古力粒，入口似朱古力醬咁，感覺唔會過份甜膩🍫▪️ 西瓜玫瑰Bavarois（7.5/10）💲49店員另外介紹左Bavarois，見到賣相好靚忍唔住試一個😍麵面頭類似啫喱果凍咁，包裹住可食用既花瓣同埋水果粒，底下係西瓜玫瑰慕絲，都幾有驚喜可以一戰😛🔎 整體評分（7/10）

• 日本柚子 | 皇牌士多啤梨 | 雙重朱古力 | 北海道秋三色🇯🇵•-La Famille既戚風蛋糕岀左名鬆軟好食！今次終於有機會一試佢幾款比人讚不絕口既口味😍佢地既外層蛋糕鬆軟濕潤，好似海綿咁一啲都唔乾身，而咁多款口味入面我最鐘意日本柚子同雙重朱古力，柚子嗰個味道好清新，中間既忌廉甜度恰到好處，食完都唔會覺得膩！而雙重朱古力既朱古力味真係好濃郁，面頭既朱古力脆脆同入面幼滑creamy既忌廉令到食落既口感非常豐富❤️期間限定既秋三色其實都好特別，其實係齊集北海道紫薯、栗子同南瓜既口味於一身，面頭既紫薯蓉綿密幼滑，鐘意紫薯既就唔好錯過喇🤩

之前嚐過好多次La famille 既戚風蛋糕🍰，賣相精緻又口味繁多，是但一款都可以滿足到你，而咁多口味入面我對柚子味情有獨鍾😍而今次要慶祝同事生日🎂，決定買一個生日蛋糕🎂慶祝一下。早早上網睇食Research 🤣 三日之前致電去訂，發現近派有新既口味： 日本🇯🇵柚子芝士梳芙厘 🥳因為係早早訂咗，朱古力生日牌子可以提供埋，付款時仲會比埋一把膠🔪同蠟燭🕯️，仲好貼心咁提供埋靚靚保溫袋。😎日本柚子芝士梳芙厘 （HKD 398) 15 cm :賣相精緻高級，頂層有大量草莓🍓藍莓同覆盤子，賣相精美絕倫。再來面層有滿滿來自日本🇯🇵的柚子醬，食落帶來清新感，甜而不膩。用料上乘，口感鬆軟濕潤，最神奇係La famille 蛋糕🎂永遠都保持到蛋糕既濕潤度，再一次見識都大為震驚。加入忌廉芝士的蛋糕更帶有陣陣芝士的香味，梳芙厘部分好好輕盈，味道香甜，帶有淡淡的芝士香味，而且不會太膩，蛋糕外圍係一層好滑既忌廉，百分百日本🇯🇵用料，好滿足。日本柚子既酸甜清新，配上香而不烈既芝士，真係可以自己獨食。😂下次會再買其他口味試下。

La Famille 既戚風蛋糕好靚又多口味趁住媽媽11月生日就試吓買四款唔同嘅口味俾佢試吓（當然有私心俾個藉口自己都有得食）可能好多人都係咁做所以佢哋設計嘅蛋糕盒係直立式亦都好細心係底板放上膠紙痴實個盒蛋糕keep 到好完整．10cm 既chiffon cake的的骰骰好可愛我買左雙重朱古力、法國玫瑰、英國伯爵茶（各$54）同北海道秋三色（$60）最中意雙重朱古力夠濃厚仲有多層朱古力層口感面頭既chocolate brownie同入面軟滑既cream好夾甜得黎食哂都唔覺得膩另一款推介既係英國伯爵茶茶香味重絕對係高水準既發揮．佢哋嘅蛋糕全部質感軟綿綿又鬆化中間部份都係滿滿嘅輕盈既忌廉令到每一啖蛋糕嘅口感唔乾身而食落亦冇負擔而且每一個蛋糕都有獨特嘅裝飾好特別下次慶祝生日都可以學我呢個方法買多幾款試多幾種口味

平時行街或者網上都有見過呢間la famille，今日就決定買番幾款同屋企人品嚐一下。店員推薦最近新出既款式，我所以都揀左日本白桃（$60）、北海道秋三色（$60）、北海道南瓜可可（$60）。另外我係個茶控，所以揀埋英國伯爵茶（$54）。翻到屋企每件試左啲。切開每件都係中間有忌廉，其餘全件都係鬆軟又濕潤既蛋糕。單單蛋糕，味道唔算太濃，因為呢間餅店係主張低糖低油，啱曬注重健康既人士。所以需要配搭旁邊既忌廉同水果一齊食先剛好。最近香印青提當造，咁岩最後一件戚風蛋糕賣曬，就揀左香印青提巴伐利亞（$49）。好特別啊係啫喱狀，青提味幾重，入面仲有士多啤梨同花瓣，味道豐富。最後買多左件玫瑰瑪德蓮（$18），有一角沾滿檸檬醬同玫瑰，我就選擇留到最後。餅店既包裝都幾用心，用膠紙將餅同盒固定好，唔會行行下周圍郁而變形。

之前生日朋友買過依間既蛋糕比我慶祝, 個陣都係第一次食覺得好靚之餘又好食, 今晚去朋友屋企聚下食個飯, 想買d甜品上去大家開心share, 就去La Famille揀幾個蛋糕蛋糕櫃個個蛋糕都好靚好吸引, 每個蛋糕都蓋上一個玻璃罩, 感覺更衛生之餘又美觀! 而且味道選擇真係幾多, 選擇困難症既我企係度望住個櫃足足10分鐘, 就揀左4個小蛋糕, 8個人食岩岩好呀蛋糕盒係直立式, 幾特別,  而且店員入盒既時候會將每個蛋糕底板痴實個盒, 所以沿途拎住既時候非常方便, 唔洗就住就住驚撞爛個蛋糕, 拎到番屋企仍然係好靚好完整, 哩一點十分之欣賞呀DOUBLE CHOCOLATE雙重朱古力面頭鋪左一層cream, 朱古力味濃厚, 入面廉又軟滑, 加埋朱古力脆脆, 好多層次。 JANPANESE YUZU日本柚子柚子味慢慢散發出泥, 清甜之餘一d都唔覺得膩。EARL GREY TEA英國伯爵茶依個係我自己好中意EARL GREY既味, 所以一見到有就想試佢啦, 食落真係好濃既茶香, 中意EARL GREY既人一定要試下~SETOUCHI LEMON & HONEY瀨戶內檸檬蜂蜜清新之選, 食落會先嚐

我其實唔係好好甜點，但唯獨喜歡食蛋糕，而且係冇乜cream但又要好軟熟，唔太甜嘅果種蛋糕。今日心血來潮，突然想食啲甜嘅令自己開心下，但又唔想幫襯果啲會俾人裝修嘅西餅店，所以上網搵左呢間戚風蛋糕專門店。見到佢啲蛋糕個個都好靚，獨立一個個玻璃罩罩住，令我諗起美女與野獸果朵玫瑰花，而最重要係唔會有厚厚嘅cream喺面，所以買左幾個返屋企食。佢個packing好用心，因為佢會喺蛋糕底癡膠紙，令佢哋唔會走位。首先我揀左「盛莓藍蝶」，佢係以紅莓桑莓藍莓士多啤梨為主，蛋糕本身都有淡淡野莓香甜。切開中間先會有cream，但啲cream唔會好重奶油，唔會好膩。然後就係「日本柚子」，柚子嘅香味充斥着整個蛋糕， 因為蛋糕有少少柚子肉，清甜之餘帶點酸味，令你個感覺唔會好膩。最後就係「三色和茶」，我自己本身唔太喜歡抹茶，因為我覺得抹茶太苦。但點解我會揀呢一個蛋糕？因為我覺得佢搵埋三隻顏色好靚，同埋咁樣做應該比較考功夫。而當我食第一啖嘅時候，面頭嘅嗰一層抹茶竟然冇令我卻步，因為佢呢個係偏甜嘅抹茶cream，而因為佢係以茶為主，所以呢一個蛋糕比之前兩個會比較清。三個蛋糕都好好食，最主要係因為佢個蛋糕整到好軟熟，而且

上次試完蛋糕 對佢念念不忘所以又要再去買😆日本白桃 ($60)新出架！要即刻試下！好清新 上面仲有白桃果肉!但要記得唔好食完朱古力先食佢 如果唔係會無咩味😂-香濃開心果 ($65)好少見到蛋糕有開心果味 所以即刻試左 好好味呀😍本來以為蛋糕就係純戚風蛋糕 入面咩都無 但每個蛋糕入面都有唔同既cream 襯返個款蛋糕既口味！-雙重朱古力 ($54)上次食完覺得太好食 要再食過！好好香濃既朱古力味呀! 仲食到有D酒味 加埋上面D脆脆, 好正🥰 同屋企人係咁爭食D脆脆😂 係第一個清哂既蛋糕!-玫瑰紅桑梅荔枝 ($60)呢個係la familie 既推介 好香!! 😍好岩女仔afternoon tea食既野 haha 男仔就未必岩喇🥺但平時D玫瑰蛋糕都好少做得咁香！

每次嚟到中環都忍唔住買我心愛嘅蛋糕返去同屋企人分享，呢間蛋糕店嘅蛋糕係無添加任何化學香料及色素, 非常健康，而且佢哋嘅戚風蛋糕蓬鬆柔軟, 好鍾意呢個口感, 佢哋大部份嘅食材都係由日本直送, 例如用咗北海道嘅鮮忌廉，麵粉等等, 好有日本地道嘅風味🥰🥰香芒熱情果👍🏼👍🏼呢款係我最愛嘅口味, 因為本身都係一個芒果控, 用芒果再加熱情果, 可以相互提升味道雙重朱古力😍😍呢款絕對係人氣嘅蛋糕，小朋友就特別鍾意食, 除咗朱古力味濃郁之外, 上面仲有一啲朱古力嘅脆脆, 好有口感香印青提😋😋呢款係新嘅蛋糕，相信應該係季節性嘅產品，咁梗係試吓啦，味道出奇地清新，配上香印提子獨有嘅香甜, 原來提子做蛋糕係咁配合

呢間餅店嘅戚風蛋糕一向好受歡迎，今次同事生日所以有機會試左佢哋嘅bavarios ring! 之前上網見過有餅店一早就有，但就未試過。真係超靚，入面有花有水果，見到心情都好啲！千祈唔好以為好睇唔好食，其實味道都好唔錯，一啲都唔甜食落好清新。如果要買生日蛋糕想食light啲，絕對係一個好選擇。啫喱部份食落唔會覺得好假，以咁嘅size咁嘅賣相，絕對對得起呢個價錢，性價比算好高。暫時我都未食過佢哋嘅戚風蛋糕，我一定會試吓。

想幫個女仔friend慶祝生日，想買個細細地既生日蛋糕兩個人食，發現出面有賣小蛋糕既bakery選擇唔多，有d又好貴！朋友推介呢間La Famille 既蛋糕好唔錯，話專賣d迷你蛋糕，賣相精緻又多款式揀，一於試試佢！去到門市，見到有好多唔同味道揀，好多都好吸引！有選擇困難症既我，揀左好耐終於揀左日本柚子口味。另外，蛋糕店亦有提供生日牌($20)可以購買，好貼心！嘻嘻 蛋糕好軟熟，忌廉好香滑，朋友非常喜歡呢個生日surprise🥰

下午茶時間梗係食蛋糕🍰先滿足，選擇太多，件件蛋糕都好想試，最後一口氣買咗4仵🙈1️⃣和茶三色 $54我嘅最愛💕，因為佢係抹茶🍵同焙茶嘅結合版!抹茶醬茶味香濃，甜度適中😋唔使怕甜得濟，焙茶味淡淡地，蛋糕🍰入口鬆軟，唔會好乾身。上面嘅紅桑莓酸酸甜甜好開胃，仲有一黑一白嘅朱古力作為點綴添🥰🙆🏻‍♀️美味指數:8.88/102️⃣玫瑰紅桑莓荔枝 $60清香嘅法國🇫🇷玫瑰🌹味配上淡淡嘅荔枝味出奇地夾，中間果層北海道忌廉好細滑。上面有紅桑莓，玫瑰🌹花瓣同草莓🍓裝飾，超少女心。🙆🏻‍♀️美味指數:8.22/103️⃣日本白桃🍑 $60有五粒大大嘅白桃🍑內外兩層都有細滑嘅北海道忌廉，外層仲整成一個個可愛嘅波波添，白桃🍑好鮮甜🥰🙆🏻‍♀️美味指數:7.73/104️⃣香濃開心果 $65每一啖都咬到開心果碎，加上鬆軟嘅蛋糕🍰，加上鮮甜嘅草莓🍓口感好有層次，而且肚肚表示好幸福🙆🏻‍♀️美味指數:8/10💡整體來講，我自己就最鍾意和茶三色啦，因為茶味比較香濃，罪惡感😈都好似少啲。La Famille地址🐾:香港港景街1號國際金融中心3樓3098B號舖

完成左個大Project，同事們決定鬆一鬆，tea time食件cake開心吓~ 其中一位甜品達人就提議不如試吓La Famille既戚風蛋糕，皆因佢外型好可愛又的骰，做下午茶一流咁話~我地買左幾隻味一齊分享，點知爭崩頭，因為真係好似一口雲朵咁鬆軟，食落好輕盈，連忌廉都好light，一啲都唔膩，一個女仔食大半個都不為過。意式香草奶凍 $54奶凍非常滑溜，蛋糕亦有濃香蛋味，最愛佢既地方係一切落去係會回彈既，空氣感做得非常好。和茶三色 $54和茶三色甜度相對較低，好啱我心意，因我愛食唔係「甜到漏」既輕甜品。上面仲點綴左幾粒紅桑子，酸酸甜甜好開胃。雙重朱古力 $54雙重朱古力蛋糕上有薄片脆脆好好味，夾心既朱古力忌廉冰冰凍凍食落好舒服同好軟滑。朱古力味亦夠濃厚。日本完熟蜜瓜 $60蜜瓜當造香甜多汁，果肉清香撲鼻，不時不食既野真係要好好把握呀~另外仲買左兩個瑪德蓮蛋糕(抹茶及朱古力) $18@蛋糕既口感比戚風實啲啲，有少少鬆散，同樣都係主題味道夠突出而且唔會過油或過甜。整體黎講佢呢度既蛋糕水準高得黎好平均，每隻味都貼題，口味選擇又多，物有所值。