蘭度小籠包 (Closed)

灣仔做完野 周圍搵食 見到新開無耐既上海菜 我地都幾鍾意食上海野 多選擇 咩都有得食🤣🥰正呀🥢雪菜肉絲炒年糕哩碟年糕夠晒煙韌 最鍾意食年糕無糧係中式定韓式❤️大愛雪菜肉絲份量適中 雪菜鹹鹹地配年糕岩岩好🥢小籠包食親上海野都會叫既一道菜湯汁鮮甜 一咬落去d汁留晒出黎小籠包夾既時候要非常小心 夾爛左就好sad🥢牛肉煎餅比我想像中細件 但外皮煎得脆牛肉汁適中 牛味濃 食既時候要小心入面既湯汁好熱🥢紅燒獅子球一路都未食過 今日想試下 紅燒汁味道適中 唔會好鹹 豬肉入面我以爲會有好多肥膏 點知有驚喜 朋友話出面好多都用好多肥膏搭救包你話好食 但哩到肉質okay 岩晒我地口味🥢豆漿我地超鍾意飲豆漿 哩到既豆漿唔算太甜 飲到豆味👍🏻

今日放左工係金鐘行左去灣仔蘭杜街，大約行10分鐘，都幾近。呢條係食街 好多餐廳選擇，以前係附近返工lunch time都好多人。揀左呢間新開既上海小店蘭度小籠包，8點先入坐唔洗等位。兩個人叫左4樣野。黎食上海野叫小籠包就梗係唔少得啦！皮好薄，要小心夾呀，好多湯汁，我唔小心夾穿左一隻😛😛湯汁鮮甜，唔錯！朋友鍾意食雞絲粉皮，所以又係二話不說就點左。呢個麻醬好花生醬，好厚身，好重濃，啱晒我地重口味😆之後叫咗個紅燒獅子頭 又係傳統上海菜之一上菜賣相都唔錯，食落口啖啖肉，食得出有醃製過，唔會淡茂茂，肉質都好嫩，可以叫個白飯黎送飯😎我哋仲叫咗一個XO醬炒粉皮😂冇錯，一晚食咗兩碟粉皮🤣因為我哋係粉皮愛好者，講笑咋，其實係見到無咩地方有炒粉皮，所以想試吓😂 原來又唔錯喎， 第一次食，覺得幾特別，XO醬有微辣，好惹味，而且又唔算好油，都ok! 整體來講，價錢又唔算貴嘢食質素都OK，坐得都幾舒服，如果黎開呢頭可以試吓！

小籠包（四粒）即使現在諗返起，都令人留口水。🤤佢完全做到作為一間上海菜餐廳的基本：整好小籠包。美味嘅程度拍得住係希慎頂樓啲餐廳。😋 皮是薄的，餡是足夠的。不花巧，但紮實。紅燒獅子頭一開始以為係純食肉，但仲有小棠菜，兩種顏色加埋好靚，算係幾健康咁（😂🤷🏻‍♂️自欺？）豬肉裡面有少少🤏馬蹄碎，有啲少少🤏口感上嘅surprise👍醉雞雖然份量比想像之中細，但味道都有保持水準。chicken dinner係貴嫁啦😂🤷🏻‍♂️ 花雕酒嘅味道自恰到好處，足夠調味之餘吾會太濃烈。（因為自己煮過有啲failz😐)豆漿正常，係粥鋪相若嘅甜度。涼拌茄子令人有surprise geh菜式。我覺得幾抵食，味道雖然醎左丁咁多，但都仲伂接受到嘅好味。不過就吾係太「涼拌」，入口係熱嘅，但裡面幾juicy 😋中意食茄子🍆嘅人要試！不過後來研究返，應該可能係炸過（？）服務店員好爽快，體貼埋其他客洗唔洗坐入d涼冷氣👍

嫩雞燴麵：湯底調味岩岩好，雞肉同菜既份量都好多，雞肉質地幾好，個麵底係好味既，不過略嫌淋左少少，爽口番少少就perfect！招牌小籠包：食得上海餐，必點既當然係小籠包啦。蘭度既小籠包絕對對得住上海菜既招牌；肉汁香濃，麵皮厚簿適中，入面既豬肉都非常好味，值得推介。小籠包迷不可錯過！紅燒獅子頭：聽就聽得多，但食都係第一次！獅子頭表面有少少焦脆，入面既肉又非常香軟，內軟外脫，配上香香甜甜既紅燒汁，一人一舊真係岩岩夠喉！讚～雞絲粉皮：正常發揮，欣賞依間餐廳俾既份量都好足，面頭雞絲滿滿，配芝麻醬真係正！豆漿：豆漿同小籠包一樣，都係每次食上海餐必點，依間豆漿不會太甜，亦飲到少少豆香味，算係唔錯啦！店員有禮又好客，期望下次去到灣仔會再光臨。

約咗朋友食飯，佢喺灣仔返工，點知撞正OT，於是去咗灣仔接佢放工順便喺嗰頭食飯，行過蘭杜街見到呢間蘭度小籠包，就入咗去。由於好肚餓嘅關係，所以我哋兩個人都嗌咗好多嘢食。首先係上海粗炒，好鬼大碟，每條面都Jim滿汁，而且好夠鑊氣，yam埋豆瓣醬，勁惹味！然後必食嘅小籠包，一上菜店員已經話呢度嘅小籠包好正，講到咁勁就試吓啦，果然係皮又薄又滑，豬肉又Juicy又有肉味,湯汁亦都好鮮甜，唔使點醋都好好食！香口推介有牛肉餅，個包好香脆，唔會硬骨骨，牛肉質感亦都啱啱好，夠Juicy!再嚟係紅燒獅子頭，其實我食上海菜好少叫佢，因為好難整得好食，一係太實一係太散，但係朋友想試，所以叫咗，結果又出乎意料地好食，唔會太實唔會太散，個汁濃杰適中！最後叫咗個鹹肉津白，上湯本身已經好鮮甜，鹹肉令個味道更加有層次！食咗五樣嘢，每人只係$150 ，性價比極高，推介大家嚟試吓！

6點半到 餐廳未係太多人位置闊落 坐得舒服拍青瓜清甜好味牛肉餡餅唔易做 要個皮薄 但餡熟 而個皮包到湯唔裂 又唔燶香港最出名嗰兩間都唻自同一個家族可惜係藍 之後我就冇再食到牛肉餅蘭度係做得幾唔錯 符合哂上述要求 而且個餅爆到汁 我仲以為我從此同牛肉餅冇咗緣份獅子頭又係一樣我完全唔明嘅菜點解咁大個中式漢堡扒 西式要整扁身方便佢易熟 中式可以做到球狀但中心又熟哂外面又唔乾？（每次食都必須送一大碗飯）上海菜唻講真係算好有質素又平 環境又乾淨 我估如果唔係好似我咁痴線一個人食三餸一飯會再平啲

前幾日去左灣仔食上海野，覺得唔錯，特此記錄一下。餐廳裝修偏向港式，比較簡約。一入坐，店員會用酒精清潔枱面，衛生情況可以放心。我地叫左4樣野：紅燒獅子頭、上海小籠包、蝦仁炒飯同埋咸肉津白。先講紅燒獅子頭，個人覺得岀色嘅位係芡濃度啱啱好，唔會過稠過稀，真係做到一個醬汁應有嘅本份。小唐菜簡單灼過，保留左蔬菜嘅鮮味，獅子頭都份量十足，而且唔會一夾就散，唔錯唔錯！小籠包都幾有功架，皮薄涵靚，一咬開就有湯汁爆發岀黎，皮又唔會太薄，薄到至於一夾就穿，考驗師傅功。蝦仁炒飯味道較淡，重口味嘅朋友可能未必太識欣賞，不過其實偏埋咸肉津白啱啱好。咸肉津白落嘅調味幾重手，食個飯就中和返。整體黎講，味道幾好，美中不足嘅係無擔擔麵點，有d可惜。

係呢頭收工，見到呢條街真係成條街都係餐廳~ 見到呢間餐廳新開~ 就入去試下同其他鋪頭相比，呢間係比較中式的MOOD, 其他鋪全部都黑麻麻，係得呢間係光猛,哈哈!對於第一次行過既人.....係吸引...最小知道入面食咩樣,哈哈!首先叫左個小籠包~上台係好熱好熱~打開超多煙....樣見到皮都係薄...因為見到入面的湯汁，夾起又唔會即刻爆曬出黎，呢樣加分!咬開入面當然好熱，湯汁有肉味但又唔會好騷，舊肉亦係食到肉纖維...唔似我早幾日係第二間食既小籠包...真係肉渣...完全唔似食緊豬肉...呢個小籠包合格!!之後就到肴肉....呢個送就同平時出面冇咩分別~ 不過拿出黎個陣可以再凍小小就會更加好!當日仲叫左賽螃蟹!由於本人係好鐘意食蛋白~ 所以每次去親上海菜館都會叫賽螃蟹~呢間餐廳的賽螃蟹都可以既~ 出黎夠熱仲加左的瑤柱落去，所以都有鮮味~如果可以再好的~ 就係唔好炒咁熟~ 咁就PERFECT!!除左呢的仲叫左紅燒獅子頭!一上台都嚇一跳，咁大舊既.....食落好食既~ 雖然咁大舊，但又完全唔係一舊死肉...佢個皮包有小小口感~ 但係中間心係軟既!個汁唔會太甜又唔會太重味! 如果有飯就一流!!最

朋友在金鐘那邊返工，所以比較熟識果頭既餐廳食肆，佢最近介紹左一間上海菜小店俾我，因為佢經常lunch hour時候到此店幫襯，試過好食所以介紹俾我。小店名叫做蘭度，只聽個店名其實並唔知道係食咩菜，不過今晚決定跟老公二人前去幫襯下先😇在金鐘港鐵站出口F，步行過去數分鐘就到架啦！唔算太難搵！一進店內，店員即時上前招呼，今晚二人被安排坐在四人卡枱，舒適闊落。店員跟我講個餐牌三日前更新過先黎前菜-雞絲粉皮，雞肉好嫩滑，麻醬好香😍熱辣辣小籠包，粒粒形狀大小一樣，豐富肉汁😋紅燒獅子頭 - 賣相不錯，兩大舊肉球，份量充足！三鮮湯年糕， 內裏有好多配料，湯底非常鮮甜，年糕煮到囗感岩岩好！介紹一下，佢地提供既辣椒油好香好夠辣！送年糕一流。最後，埋單原來不用加一😲

The good - Xiao long bao was superb! Very juicy and thin skinned. Quite easy to break the skin so need to be super careful picking them up. Mapo tofu is normal. Food was delivered quick so good for quick lunch in and out. The bad - the waitress that served me is very inexperienced. The lunch menu is not too extensive but I had to repeat 3 times because she can only write one item in Chinese before starting next line. I think they can consider using numbers to codify the menu, I.e. item 1,

🔖小籠包 (4隻)​💰45​小籠包每粒大細差唔多....皮夠薄，但係夾起嘅時候唔易穿😍入面有滿滿嘅湯汁😋點埋少少醋食，鮮味🆙🆙🆙​​🔖紅燒獅子頭​💰88​兩大個豬肉球，食完夠哂飽😂獅子頭肥瘦比例啱啱好，肉質鬆軟，醬汁濃稠，味道口感都唔錯😚​​🔖雞絲粉皮​💰48​粉皮夠薄而且口感爽口~上面舖滿哂雞絲，麻醬同花生醬，夠哂惹味🤩加上有清爽嘅青瓜絲🥒可以平衡翻成個前菜嘅感覺~不過朋友覺得整體味道偏濃咗少少，睇個人口味啦🙈​​🔖上海粗炒​💰68​大大碟嘅上海麵，炒得夠火候之餘，味道都好好😇醬油份量適中，每一條麵條都沾滿咗醬油，但唔會過咸👍🏼麵條煙韌，加埋肉絲同菜一齊食....值得試下🤓​🔖酒釀小丸子💰35超足料嘅酒釀小丸子😍有滿滿嘅甜酒釀、桂花、煙韌小丸子，仲有蛋花添☺️一入口酒味都幾香，加埋桂花同蛋花，味道再提升😋如果酒釀小丸子煮得唔好嘅話，好容易會帶有酸味，但係呢到嘅係完全無呢個問題😇-​温馨提示​👉🏼上菜速度好快，可以等齊哂人先落單都ok🙌🏼咁就唔洗擔心啲嘢食會凍哂~​

經歷左成日高壓既工作後 最期待就係收工後去捐窿捐罅搵野食放鬆下 係Openrice搵到依間蘭度小籠包 平時最中龍食小籠包既我緊係要去試試依間餐廳位於灣仔同金鐘既中間 由兩邊地鐵站行過去都有啲遠 大約十五分中到 不過為左食好野係值得既餐廳入面既防疫衛生措施都有做足 所以大家可以放心用餐Menu雖然只係簡單兩面 但已有足夠多既菜式選擇上海粗炒好入味 不過略嫌有少少太油同菜太少依味紅燒獅子頭成個拳頭咁大好足料 值得推薦比大家牛肉餅好juicy 奉勸大家食個陣要小心 因為好食到噴汁最後當然唔少得叫依間餐廳既主角 小籠包 一籠有4個 六個字可以形容晒：皮簿 汁多 餡足 所以大家夾黎食個陣要小心啲啦 因為好易穿 啲汁會漏晒出黎兩個人食埋單都係$249 平均一個人$125 都算抵食

今晚好想食上海菜，知道朋友公司附近有間上海菜小店<蘭度小籠包>，晚餐時間又吾洗迫，試下新野，詁吾到有驚喜吖!!~<生煎包>生煎包脹卜卜，非常新鮮熱辣，係剛剛煎出來的。服務員細心地提示我哋，生煎包入面嘅肉汁非常燙口，要小心食用。我地先細啖甘咬開個生煎包，果然勁多肉汁，而且肉汁味道好甜，包底亦煎得夠香脆好食，yummy !!~<小籠包>主角小籠包出場啦!!～小籠包既皮一d都吾厚，夾起時要好小心，因為好易會穿。小籠包非常晶瑩剔透，咬下去又係爆曬肉汁，而且入面嘅豬肉餡料吾多肥肉，入口好鮮味，抵讚吖!!<紅燒獅子頭>獅子頭係好大個豬肉球，外面既秘製燒汁惹味濃郁，豬肉肉質入口又綿又腍又多汁，而且沒有多餘的肥肉，配埋小棠菜，水準很高，係必食之選!!~<上海炒年糕>年糕質地非常煙韌彈牙，炒得不算很油膩，味道不算很濃，但咸度是剛好的，仲有肉絲同菜一齊炒，味道不錯。<嫩雞燴麵>嫩雞燴麵的雞湯湯底很濃，入面有雞肉和配菜，雞肉夠嫩滑，幼身上海麵條軟身，吸收曬湯底精華，味道不錯。小店地方不算很大，但亦設有卡位雅座，晚

朋友想食上海菜，但得兩個人點唔到幾多款，所以打消左去老派上海菜館嘅念頭，咁岩蘭杜街有間蘭度小籠包新開冇冇耐，餐牌簡而精，常見上海菜式都有，價錢亦都合理，就食佢啦。🍴小籠包（4隻） HK$45小龍包外皮皺褶尚算工整，厚薄適中，晶瑩剔透，夾起尖端唔易穿，肉餡鮮甜但偏細，湯汁夠熱唔油膩，加少少醋同薑絲可以提鮮。🍴紅燒獅子頭 HK$88細個第一次食獅子頭，以為真係獅子肉，原來係豬肉。獅子頭咬落雖然未到入口即化嘅境界，但尚算軟綿，肥瘦比例適中，肥而不膩，冇豬臊味，紅燒汁迎合香港人口味，唔會過鹹。🍴牛肉絲雙麵黃 HK$62正宗兩面黃應該外脆內軟，而呢碟睇落同茶記牛柳絲炒麵好似，做法亦都算港式，整個麵餅炸脆。雖然唔正宗，但夠脆口乾身，芡汁唔會太鹹同油膩，牛肉份量多過麵，不過醃得腍左啲，如果可以，我寧願麵多過牛肉，麵先係主角。🍴豆漿 HK$10豆味不錯，唔會太稀同太甜。📍蘭度小籠包灣仔蘭杜街2號麗都大廈地下3號舖

成條街都好多人排隊，唯獨呢間冇人排，因為灣仔真係好多人番工，所以lunch time好少食肆係唔洗排隊，於是入去試下，探究下呢間嘢係唔係伏，果然真係有d伏，怪唔得之無人去排隊嗱….. 佢應該係同隔離梅之味一齊，所以一間係滿座，一間8成滿，兩間響灣仔都唔算多人，呢間食京滬菜，梅之味係食台灣嘢….佢lunch有set得7個簡，簡簡下得番5個，其實係好事，因為種類少可以預先準備好，節省時間，但係整定都可以出事，真心無眼睇佢一個set起步價60蚊-78蚊，包主食+飲品，之後再追加小龍包(18/2)OR生煎包(20/2)，呢個價響灣仔唔係好算貴，又唔係平民價，甘如果追加埋都around 80蚊，就有DD貴，因為D嘢食之後就覺得價錢≠食物質素我地叫咗3個set 分別係：2👉嫩雞煨麵＋小龍包＋紙包檸檬茶（陽光）、6 👉上海粗炒 ＋生煎包＋豆槳（外賣凍飲個隻杯）7👉豬扒菜飯＋小龍包＋豆漿我逐個set講下，由於非常擠逼嘅關係未能影相🤣 首先講過嫩雞燴麵，我覺得似濃湯燴飯，講句衰啲似漿糊，味淡，色淡；上海粗炒，唔講畀人聽仲以為係濕炒粗麵，個底濕笠笠， 冇鑊氣，味道偏淡，偏油， 至於個豬扒上海菜飯我覺得係三