老雪園 (Closed)

商務晚宴，安排了在「老雪園」大廂房聚餐。雖然位於地庫，但這更添神秘感。已內裡所有裝潢，書法、擺設都好雅緻，配上紅燈籠，有高貴老上海味道⋯ 一啲唔俗氣。冷盤以豬手最好味，啖啖彈牙骨膠原炸脆鱔脆卜卜，素鵝腐皮卷好香，鎮江肴肉層次分明晶瑩剔透骨膠原甜豆河蝦仁，清鮮嫩師父樟茶鴨未食過咁好味茶鴨，茶鴨烤過夠香，肉嫩不油蒸鰣魚難得鮮甜，金華火腿花菇都好鮮甜甜品：高力豆沙， 口感滿足！服務超nice , 好細心，我話冷氣大要披肩，即有

幾位滬籍和江浙籍老香港向我介紹過的家鄉菜心頭好，前北角城市花園「雪園飯店」班底開設，位於灣仔摩利臣山道南洋酒店地庫的「老雪園」，食物方面果然沒有令我們一班老友失望，脆鱔、馬蘭頭、清炒河蝦仁、油淋雞、賽螃蟹、小籠包和不屬於淮揚菜系列的水煮魚都是高水準之作。如果可以在樓面服務水平方面加些細緻和細心，此店定當可以更上一層樓！

北角雪園在灣仔重開改名為老雪園一直都想再去試試，今晚終於約了朋友一齊去食上海菜，餐廳位於南洋酒店的地庫裝潢格局時尚帶點中式品味。經典雪園生煎包包底煎得很香脆，面皮柔軟肉汁豐富不乾身，保持到水準。脆皮素鵝，外層炸到金黃色咬落口好香脆脆口內裡腐皮層次分明。外婆菜四季豆，用肉鬆欖菜和四季豆炒，火喉炒得啱啱好，四豆季爽口。津白肉絲炒年糕，色澤炒得均勻味道比較偏濃味，年糕口感煙煙韌韌，經典菜式。老字號餐廳都有番咁上下水準，都會再來幫襯的。

近兩個月已經光顧了兩次他們的午市，食物不錯的好地方。一個老品牌，從前位於北角，現於銅鑼灣重開。店舖處於地庫，樓底比較低，午市時間有點吵耳。不過生煎包令人一試難忘。* 花雕醉雞 *雞塊有酒的香味，酒的濃度頗高，較辛口，感覺不錯。* 無錫脆鱔 *鱔條炸得非常脆，很香口。配上薑絲是出奇地美味。值得推介。* 椒鹽小黃魚 *亦是另一香口之作。很喜歡那脆透的魚鰭，而且魚肉味濃。* 雪園生煎包 *金黃色的包底！咬下去軟熟和香脆的包，加上多汁的肉餡，大愛！難怪是他們的招牌菜！* 酒釀丸子 *

詳細閱讀咗佢個菜譜竟然會有廣東菜黃金蝦呢一樣嘢果然係陀地師傅傑作真係滋味拖油拖得唔靚會出水又整得啱啱好唔會過鹹其實應該上海舖頭一年四季都應該有蟹粉菜式我知唔係季節但係佢哋會儲起一樽蟹粉以前鷺鷺嘅嘢食佢都有我曾經講過佢根本就唔係地道嘅上海菜基本上佢都可以還原返上海菜嘅神韻以前嘅毛蟹炒年糕係用毛蟹做嘅食得比較方便亦都係用地道嘅上海汁煮嘅個醬汁會比較杰身同甜蟹汁混埋傳統上海醬汁加上年糕真係好知味呢度嘅蟹 味道走唔到去年糕上面建議拍碎啲蟹再炒蜜汁火方真係唔好食水流流咁漏曬落隻手到黐立立酒釀丸子連丸子都未熟就夠膽上枱反而松子魚就真係幾好食生果唔係罐頭貨海蜇頭煙韌有咬口醉乳鴿軟熟夠入味獅子頭都唔錯火腿津白片火腿真係一流半肥瘦可能真係要改一改食堂地方啦

過年過節食飯，通常會和家人食上海菜，懷緬一下外婆的手勢，閑話家常、想當年呀甚麼的。 今年中秋，當然也不例外。由於母親一邊是上海人，我從小就吃婆外婆煮的上海菜長大的。 灣仔的「老雪園」，位置前身是「上海鷺鷺」飯店，班底很多都來自北角「雪園」，是以前相當出名吃上海菜的老店。 吃慣上海菜，有相熟的舖頭，有些伙計都能認到，「老雪園」侍應有從「上海鷺鷺」做起。 這晚我遲到，家人已開動食緊。頭盤「豆干馬蘭頭」$88，「蒽油海蜇頭」$118 豆干馬蘭頭是上海老幫們必點前菜，馬蘭頭是種野菜，切成小粒，再撈麻油凍食。這個略嫌不夠麻油。 海蜇頭比較好吃，外型圓碌碌，口感是滑那種。特別在點芥辣同吃，因為平時都是點麻油豉油，芥辣不是太辛，帶甜味，特別。 「師父樟茶鴨」半隻 $190 做得非常出色！值得重點推介。雖則偏細碟，它好在外面酥脆，不油膩，茶味香濃， 鴨有肉汁，側邊有小饅頭可以夾着吃，呢味堅得。 「砂窩粉皮魚頭」$320，又是一道上海常見菜 : 我婆婆以前都有在家煮，用大魚魚頭，湯底弄得黑漆漆，上海菜都是濃油赤醬，加上粉皮，有湯有汁，可扒成碗飯。 我嫌這個湯汁的辣豆瓣醬味

諗左好耐寫唔寫好，真係太谷氣，唔寫唔得。 我係一個由老雪園未正式開業已經幫襯嘅客，全家上海人以往想靜靜地食個拆骨魚頭的話多數去中環間xx同x會。老雪園開左覺得坐得幾舒服就成日去，基本上每兩星期一次。 以前服務好好嘅，有個X生又送客又盛真係覺得會返去幫襯。自從兩星期前同屋企人聚餐，有家人回港就揀老雪園啦，以我地狂風掃落葉的食野速度仲要比人催走就真係覺得服務好差！真心嘅！呢次食物唔差，但係以佢嘅價錢亦唔算好好,講真一碟蜜汁火方近$300嘅價錢，我哎5個餸好幾碟前菜同甜品，真係唔算平，但我地食得快無人仲慢慢咬緊野食係唔代表值得比你催促離開。我上有長輩，有海外親友，難得見面有無可能一家10口食左只係1個鐘就催我地走話有好多人等緊。喂！如果要分兩輪食的話，第一我唔會揀老雪園，第二有好多人等緊係佢地安排訂座嘅問題，我食得快就懲罰我地？ 都算！隔左兩星期同朋友有個飯局 ， 咁啱朋友個個都係中西區人，就約呢間。差嘅服務又嚟！今次以為終於唔洗比人催走因為成間店好多吉檯，妄想啦！我地一行5人，佢比左張8-10人檯我地其實已經好奇怪，因為咁大張點傾偈？我有朋友唔食得快，所以慢慢食，傾下偈咁，食到最後一道豆腐

星期四中午 我和同事共6 位帶有期望，來呢間食個上海菜。坐落我們 不想點套餐 因擔心 套餐份量少，男同事食唔飽。於是我地散叫 小食 主菜 和甜品小食 我認為 可以介紹俾大家既係糖醋脆鱔，最令我欣賞的是鱔片炸得啱啱好，另外有啲上海餐廳，炸得過 "窿" 有 喼 味。主菜 我地要左 障茶鴨 同上海 炒年糕障茶鴨 做得唔錯 皮脆 肉嫩 不過份量 少左啲，我地6人，五位靚女，一位男士，每人只有兩件鴨片仔，其他搭半個鴨頭同骨俾你，但我結賬的價錢 足可以出面買到一隻鴨， 建議份量可以大方啲既。炒年糕一般。甜品 試左以下三款，我個人最中意 蘿蔔絲酥， 脆脆酥皮，内裡是熱熱哋既蘿蔔餡

北角雪園係我小時候屋企嘅飯堂，冇營業之後，我屋企已經轉左去銅鑼灣嘅雪園多年。得悉重開，特登帶爹哋媽咪去試吓。早一晚訂咗位，12點半到嘅時候見到人唔係好多，相信就算即場都會有位。我哋四個人，叫啲普通野試吓先。點左小籠包，擔擔面，砂鍋雲吞雞，醉乳鴿，酸辣湯、雪園炒飯。小籠包夠水準，個皮好薄；擔擔面只香不辣，唔合格；砂鍋雲吞雞水準一般；醉乳鴿做得唔錯；個炒飯中規中矩；至於個酸辣湯....簡直係失敗之作，絕對有理由懷疑師傅落多咗幾倍胡椒粉。乜而家啲廚師煮野唔試味㗎咩？！係呢個時候我發現啲職員不停係我身邊走來走去，set 枱搬傢俬，如果瞌埋眼嘅話會以為自己去咗茶餐廳 - 因為d職員係我身邊set 枱，我只係聽到啲玻璃匙羹碗碟聲，仲要成個紅色膠兜攞出黎望下隻錶原來只係1:45pm，職員係咪趕落場？有冇諗過仲有客人喺度食緊野？？？定係我地食咗超過一個鐘食得太耐阻住佢哋收工？？？見仲有少少肚餓、有職員行過，就諗住叫個高力豆沙。點知個職員完全冇意思行過嚟， 只係企係兩米以外問我想食乜我唯有對住空氣點菜高力豆沙味道ok，食物整體上都勉強算中規中矩，但服務絕對有待改善⋯⋯我冇期望過五星級服務，但都未至於咁樣

又一個生日飯局，諗左好耐決定食上海野，當然要搵間坐得舒服啦！空間感正嘅。。唔好太迫太嘈，最後我發現最嘈係我地果檯（爆）首先黎個前菜小碟口水雞，雞肉好嫩好滑，個汁微辣又好香蒜味，值得叫吖。素鵝好出色，炸得好酥脆但唔覺油膩，入面嘅餡料好足，就算唔點喼汁都覺得好好味。芝麻大餅好多人話好食，但我覺得普通，雖然好多芝麻但又唔覺得十分香，亦唔覺得蔥味特別濃，食一件有點漏添，但我朋友好欣賞，所以口味嘅野人人唔同吖（笑）全晚我嘅至愛黃金蝦，每隻蝦都包滿左咸蛋黃，咸香得黎又唔會蓋過蝦嘅鮮味，蝦肉爽口彈牙，我都忍唔住食左2粒，必吃之選。。yummy 咸肉津白呢。。。個咸肉真係好咸，重口味嘅我當然冇問題啦！但怕咸嘅可加碗白飯 （笑）不得不提呢個蜜汁火方，睇樣已經知道內容豐富啦，金華火腿、紫薯、南瓜 。。睇見都流口水實不相瞞，我好中意中式包。。即係白色呢啲，冇餡我都好中意食，將以上夾餡料在中間，嘩。。不得了，口感豐富到呢～桂花蜜嘅汁中和左火腿咸味，又咸又甜好得我心，而且絕對唔肥膩，推薦 。。。正吖 最後出場椒鹽小黃魚，喺屋企唔會開爐炸野，出街食最好，炸得好乾身唔油膩，但保持魚肉鮮嫩，好滑身，加埋面頭嘅椒鹽。。

公司一年一度聚餐，我地訂左一圍12人套餐。有以下食物：(1)炸脆鱔，(2)醉雞，(3)海哲頭，(4) 薰鴨，(5) 馬蘭頭，(6) 白肉粉皮，(7) 鎮江餚肉，(8) 糖心薰蛋，(9) 甜辣蝦仁，(10) 炒青豆，(11) 冬瓜火腿燉湯，(12) 炆元蹄，(13) 糖醋魚，(14) 花雕醉蟹，(15) 生煎包，(16) 煎素餃，(17) 上湯津白，(18) 雪糕高力。後加一瓶花雕酒……超掂！我地最欣賞食物：第1位係……花雕醉蟹，酒味濃，而且非常入味，蟹肉有酒香，食完係又好想再食架。第2位係……炆元蹄，肉炆得夠林又入味，一點都不肥利。第3位係……生煎包，包煎得非常脆口，又香又熱，本身諗住飽唔食，但一試嘩非常好食。

今晚同k太食生日飯，幾個星期前k太已選定嚟呢間食，今晚我地有四個大人加兩個小朋友……大家睇睇餐牌，隨口已諗咗叫啲乜，我叫了糖醋排骨……其他佢哋諗……因為小朋友肚餓，首先叫了豬扒湯麵及擔擔麵來share，我試了豬扒湯麵，湯麵滑滑，但鹹咗啲，豬扒ok……之後等齊人，點了炸鱔（糖醋汁），似炸魚皮感覺，味道ok，幾香脆……糖醋排骨~這個大家都很失望，食開小南國、王家沙那些都不是這樣，這裡的似中式豬扒、中式牛柳般樣子，沒有甜甜酸酸的味道，我心目中的是一件件排骨用鎮江醋煮的……難道這裡的才是正宗的糖醋排骨？鍋巴~我第一次食，脆脆的似米通糖醋魚~樣子似油雞，個汁都是怪怪，魚很多骨酸辣湯~佢地覺得ok，夠酸，但我覺得麻麻地，雖然材料足，但梗係同我在出面食開的差少少……銀絲卷~我食咗件蒸的，都很軟熟，不錯小籠飽~皮薄多湯，但肉我覺得一般鍋貼~一般上海粗炒~我覺得是整餐比較好的一碟，味道ok雪糕高力、香蕉高力豆沙~一般，雪糕高力內裡是雪米糍嚟八寶飯~第一次食，係香脆的，但是油膩的……佢地話別家是蒸的，不是煎的……整體來說，這裡比我地預期中失望，有啲菜式跟我地食開的做法不一樣，不知道那些才是正宗，但以味道嚟

蟹季約埋兩位朋友來到酒店的「老雪園」食上海菜，老雪園的環境時尚雅緻，帶有老上海感覺的裝潢之外，食物方面保留地道濃香上海風味 ，適逢是食蟹的季節，當然特來享用蟹粉小籠包啦!!冷盤先來一份拚盤，分別有手撕烤夫、酒糟鴨舌、上海燻魚、鎮江肴肉，烤夫其實是生麵筋以作食材，用手撕的烤夫非常入味且鮮美，貌似像海綿狀，都有軟身彈口且有嚼頭，烤麩的醬油味道夾雜重香甜的味道，真是美味。這道上海燻魚是冷食的，魚肉外表皮脆，內裡嫩而柔軟，吃來更酥硬口感鹹鮮入味。鎮江肴肉賣相是半紅半白，層次分明，好似平時食西餐的肉凍般， 豬皮凍的部份晶瑩剔透，入口有少少煙韌，半溶狀有即化口感，肉質鮮嫩而不膩，冰涼爽嫩，再蘸上香醋伴食，倍添滋味。踏入了中秋後，必要品嚐下太湖的大閘蟹之餘，來到老雪園必食時令招牌蟹粉小籠包，端上來時熱辣辣霧出煙霞， 一籠6粒圓渾的小籠包每個都是大小均一，夾起也沒有穿皮，皮薄餡多，輕輕咬開餃皮已湧出豐盈的肉汁，湯汁也滲入蟹粉鮮味甘香，豬肉饀味道濃郁而不膩口，滿嘴已經沽上蟹油，齒頰留香，讓人吃到豎指一讚。台灣旅遊時都有食過三杯雞，今日在此餐廳都可以品嚐到，台式的三杯雞肉味道都會特別甜膩，而且肉質都是較乾

Highly recommended...Food is absolutely delicious and cooked with passion.We have tried the set lunch on Friday. The appetizer and main dishes are in good portion....of very good value for money..I would suggest to extend the set menu for dinner on weekdays. I would come back with family for dinner...

訂咗枱confirm 咗枱，冇mark到。仲要話call 唔到冇留。真係唔好得囉如果一間餐廳所謂經理都係咁，食物好與壞都不會感動D客人。作為一間食市，如果只考慮自己運作而不懂靈活變通，能否係香港商業世界生存真係一個懷疑問題。