Layback Cafe & Bar

Open Now

Now Closed

銅鑼灣高質cafe一定要數到Layback，Cafe環境同氣氛一如其名同樣都係好悠閒，約埋朋友Chill下食個靚dinner就啱晒LoveCraft Cold IPA $88Draught beer 做緊happy hour買一送一🍻 揀左IPA味道散發埋清新嘅果香，啱晒女士們飲伯爵茶黑朱古力咖啡 $72坊間比較少有嘅組合，一啖可以同時享受到三隻口味，earl grey嘅茶香、黑朱古力嘅可可香及咖啡嘅烘焙香，味道互相平衡，值得為呢杯飲品再黎❤️水牛芝士番茄沙律 $88蕃茄切得厚身，水牛芝士奶香味濃，蘸上黑醋同夾埋羅勒葉一齊食，味道清新🍅法式芥末子蜜糖烤羊架 $328羊架即叫即烤，熱辣辣咬開仲有肉汁，肉質軟腍，而且冇膻味🐏蘸上芥末子蜜糖醬汁令味道增添一層甜香，更加解膩👍🏻伴碟有沙律菜、小蕃茄同蘆筍，非常豐富北海道海膽帆立貝幼蛋麵 $198海膽鮮甜，帆立貝厚肉新鮮，麵條蛋香較濃，每條都蘸上鮮甜濃郁嘅醬汁，非常惹味開心果巴斯克 $78甜品都係餐廳必試item👍🏻 巴斯克蛋糕好大件，2個人share都綽綽有餘，巴斯克口感綿密順滑，開心果白朱古力醬再加開心果碎有多重口感

星期日晚上✨一定要食啲好西，治療下心靈💖，先可以迎接跟住落嚟一整個星期辛勞的工作💼😭♦️法式芥末籽蜜糖烤羊架♦️烤羊架好鮮嫩😍而且好多汁，而且有五大件，好正！搭配烤車厘茄，烤蘆筍，沙律，整體水準好高👍🏻♦️四川黑糖單骨雞翼♦️單骨雞翼炸得好香脆，花椒帶出麻麻辣辣的感覺，再用黑糖帶出甜味，整體好惹味！♦️大澳虎蝦配北海道帆立貝龍蝦汁意大利飯♦️帶子超鮮嫩，表面輕輕灸燒過，好香！兩大條大澳虎蝦乾，再加上個意大利粉入邊有好多切粒嘅蝦乾，整體真係好驚艷，好好食！♦️蘋果蜜桃鮮打綠茶♦️超好飲，完美地飲到佢蘋果同蜜桃帶出嚟嘅果香，綠茶底令到成件事好fresh😍♦️Sor berries ♦️入面有Strawberry, Blueberry, Raspberry同Banana，呢個組合就係好難唔好飲，推薦俾莓控的你❤️♦️紫薯麻糬巴斯克芝士蛋糕♦️香濃紫薯味，加上麻糬，面頭加上打得好幼密嘅泡泡，上面再灑上紫薯粉同玫瑰花瓣，視覺同味覺都好好👍🏻另外一讚，店員真係好好呀❤️又有禮貌，食甜品又會即刻幫我哋換碟！💖💖💖總括佢真係一間環境好舒服嘅CAFE ，食物高質的CAFE，值得一試🫶🏻

整日都會同朋友黎呢度食野，除咗嘢食好食之外，環境都好靚，好適合影相。生拆蟹粉拌北京拉麵一定要試下。拉麵淋上了蟹膏、蟹油、蟹肉，每啖都醇厚入味帶著蟹香，不會太鹹，鍾意食蟹噶一定唔可以錯過。蟹膏蟹肉卡邦尼，濃鬱的蟹膏和香甜的蟹肉加上卡邦尼原本的味道，非常美味！

百樂中心有好多高質素既餐廳，今日去食café! 環境好chill! 好多打卡位~ 炸黃金芝士伴蜜糖芥末醬芝士味好香濃，入面係流心既芝士，一咬就爆芝士出黎!蟹肉蟹膏卡邦尼一上台比佢個份量嚇親，勁大份!! 蟹肉蟹膏既份量都好多，每條意粉都有醬汁包住，而且每啖都食到蟹肉蟹膏。整體好creamy，醬汁好濃郁。韓式辣雞卡邦尼配五花肉原來呢個汁係平時食辣雞面個汁，估唔到配意粉都幾夾，而且調味岩岩好，唔會過咸，五花肉肥瘦分明。辣辣地既汁配埋五花肉，絕對係減少左油膩感。Matcha latte 呢個有驚喜，好常係出面飲到係會卡粉係喉嚨既抹茶，但呢到飲落好順滑，而且仲有好靚既拉花。蘋果啤梨鮮打綠茶好fresh既水果茶，飲落好消暑。黎到café一定要叫甜品，今日叫左紫薯麻糬巴斯克蛋糕，第一次試呢個配搭，原來都幾好食，巴斯克蛋糕入面有埋麻糬，好多口感。

今晚黎到呢一間位於銅鑼灣的Layback Cafe食晚飯，餐廳環境幾好，窗邊望出去嘅景觀都好開揚。日本和牛粒配喜馬拉雅山岩鹽 $128作為小食黎講，佢份量都幾多，和牛粒好juicy，牛肉味都幾夠，點少少鹹鹽同黑椒嚟食，好食😋。香芒比目魚 $178有兩大舊比目魚，煎到個魚皮有啲脆口，魚肉好嫰滑，配上開胃的芒果醬，估唔到又幾夾。Tropical Sunrise $78有菠蘿，蜜桃，香蕉，芒果的Smoothie，全部都係我最喜愛的生果，入口感覺好Fresh，香蕉味好出。Matjito $78其實係抹茶版的lime soda，入口帶點回甘的抹茶味，幾特別。開心果巴斯克芝士蛋糕 $78呢個芝士味好濃，蛋糕上面個醬係開心果味，兩個味做到平衡。總括嚟講，呢度環境舒服，食物飲品質素都幾高，價錢又唔貴。

今日去開銅鑼灣, 終於有機會試呢間出名嘅打卡cafe, 食物質素都幾高, 會encore👍🏻Blue & Brie Cheese Platter首先appetizer點左芝士拼盤, 當中包括blue cheese同brie cheese, 其他配料有parma ham、無花果、nuts等都幾豐富, blue cheese味道比較濃烈可以配無花果, 而brie cheese mere啲就可以配parma ham 吊味, 整體離講好開胃Wagyu Japanese Beef Cube and Asparagus Linguine with White Wine SauceMain點左一份pasta堅果香蒜白酒露荀日本和牛粒燴扁意粉, 和牛粒全部都大大粒, 口感唔會太韌keep到juicy, 蒜味亦都好出, 呢個combination幾特別食落有啲似港式fusion菜😋BBQ Pulled Pork Burger另一款main試burger燒烤醬手撕豬肉漢堡, 手撕豬嘅份量超多, 肉質鮮嫩仲有濃郁嘅BBQ sauce非常惹味, 而包係有微微烘過好脆口, 值得一試👍🏻Kyoto Uji Mat

📍八爪魚配薯蓉八爪魚片帶好香嘅煙燻同黑椒味 肉質唔會太韌食落好爽口 薯蓉好Creamy 📍 油封鴨腿配窩夫鴨腿酥香皮脆 外皮擦咗少少蜜糖甜甜地入邊嘅肉質唔會乾柴柴 入邊嘅飲軟嫩 好似係個口度化開然後滿滿嘅鴨油香味 然後配埋甜甜嘅窩夫 咸甜咸甜嘅配搭係絕配📍韓式辣雞五花肉卡邦尼意粉卡邦尼就咁食會好臏 加入咗韓式辣醬 即刻中和返個油膩感 而且佢個辣都真係辣🤣會越食越上癮 仲配埋泡菜同五花肉 個份量超大份📍加勒比微風茶呢度好多款唔同嘅養生茶 每一款都寫咗佢嘅材料同埋唔同嘅功效飲落好天然 冇任何添加嘅糖分微微酸酸甜甜 開胃解膩📍麥子‘s 桂圓啤呢間樓上Cafe小店菜式同飲品有好多選擇而且味道賣相全部都好好！睇得出店主好有心思🫶🏻會再訪

燒烤醬手撕豬肉漢堡。這一款穩定發揮不失望。手撕豬肉綿柔，配上酸甜口燒烤醬，滿足。日本和牛粒配喜馬拉雅山岩鹽。和牛粒肉質新鮮，點蘸粉鹽，入口即化的肉質，還有在嘴裡絲絲滲透開的鹽感。連連贊嘆一個絕！生拆蟹粉拌北京拉麵。這絕對是在香港咖啡廳才會有的一道創意融合中式料理。生拆蟹粉量很足，厚厚覆蓋在北京拉麵上。上菜後，店家還用精美的香水瓶噴灑了料汁，說是可以中和蟹粉的寒涼。一整個視覺味覺嗅覺盛宴！紫薯麻薯巴斯克蛋糕。口感非常豐富，紫薯的清甜，麻薯的Q彈，還有cheese的奶香，融合在一起味道平衡有佳。但質感比以往吃的巴斯克蛋糕要濕軟，個人更喜歡正統巴斯克的厚實口感。Lung tea。第一次喝到這類型創意飲品。是一球開心果泥浮在椰青水上，特別留意店家都是用“if”牌椰青水，可見捨得下好料。先食特調開心果泥，再集中攪拌混勻在椰青水里，今晚的亮點之一。士多啤梨玫瑰手打紅茶。飲品用料新鮮，創意大膽。

Sor berries:好fruity,莓味好濃，有奶香，同好幼滑，味道口感唔錯Green giant :味道較清新，有菠蘿味，薄荷同牛油果，無冰粒，同樣好幼滑。八爪魚薯蓉：八爪魚微微烤過，有淡淡既烤味，味道突出，薯蓉亦打得好滑，加上少少香草作點綴，果然唔錯。海膽帶子蔬菜麵：海膽汁濃郁，帶子輕輕煎封過以鎖住鮮味，以翠玉瓜切成麵條狀，清新爽口，十分特別。燒羊扒：羊扒經過慢煮以做到全熟，但完全唔乾身，反而羊肉十分嫩滑，十分出色，亦無膻味。製作需要，雖然等得比較耐，但絕對值得一等。紫薯麻糬芝士蛋糕：麻糬口感軟糯，紫薯味道香醇，芝士蛋糕亦唔會太膩，恰到好處

銅鑼灣的layback café&bar 景觀很好,望到跑馬地。而且有很多不同的主食,小食,甜品和飲品可選擇。Whole Lobster Tail · Linguine $328原隻龍蝦尾上檯, 啖啖龍蝦肉,而龍蝦肉亦新鮮爽甜，個扁意粉吸收哂龍蝦汁食入口超惹味，而且好掛汁,一定要試烤法國春雞 $188烤春雞食入口肉質都保持到有肉汁,不會超級乾身。而雞皮烤完後都仲有少少香脆 Pistachio · Basque Cheesecake $78 開心果香味香濃,芝士蛋糕質感綿滑, 甜而不膩,很不錯Prince Ming Fries $98即時明太子薯條,薯條炸得很香脆,配上明太子醬食別有一番風味。Honey Lemon Ginger Earl Grey Tea $58這個飲品很好,蜜糖檸檬配上薑的Earl Grey Tea很特別Layback Cafe & Bar銅鑼灣耀華街3號百樂中心17樓1702-03號舖

📍銅鑼灣朋友想食西餐，上網睇到呢間幾好，今晚就食佢。嘩粒小食，喺我價錢同見佢係小食，以為好細份。點知超大份超誇張。唔多有成20粒牛粒。呢個價錢好抵食。而且仲配上咗海鹽同埋黑胡椒。海膽帆立貝蛋麵大家有冇睇到有幾多海膽？！呢個價錢食到真係超級抵，仲要賣相精緻，份量超足。海膽鮮甜會苦，每條麵都掛滿咗海膽醬汁，超滿足。帆立貝仲要煎香過，份量都唔少。比目魚配香芒醬第一次食比目魚配芒果汁。估唔到又係出奇地夾🥹比目魚兩塊都好大塊，而且係炸過。外脆內亂，兩個人食都爭啲食唔晒。而且仲有燒香嘅大蒜，大蘆筍。紫薯麻糬巴斯克蛋好少何見到有麻糬嘅巴斯克蛋糕，點可以唔試。巴斯克蛋糕芝士味好香，另外仲有紫薯，好有口感。仲有我最愛嘅麻糬，三重口感，超好食。士多啤梨玫瑰紅茶低糖水果茶，感覺勁健康。甜甜地，散發着士多啤梨味，仲有紅茶嘅轉運。唔會覺得鹹，甜度啱啱好。另外仲order咗杯Cocktail，睇個配搭都好新奇，喺出邊好少何飲到。一入口已經俾佢個口感同埋味道驚喜咗。係好香好甘嘅抹茶味，帶有一陣陣嘅奶香。入口好順滑，餘韻有玫瑰味。酒味余韻比較重，啱晒啲鍾意飲酒嘅人。

銅鑼灣百樂中心呢間cafe環境舒適，用咗好多懷舊唱片、月球燈同動物做裝飾擺設，仲有一張大枱係塌塌米蜜糖牛油蒜香單骨雞翼 $98個糖漿係採用加拿大既楓糖漿所以唔會太甜，炸至外脆內軟嘅雞翼，juice得嚟味道豐富北海道海膽帆立貝幼蛋麵 $198睇落好豪華!麵條係金黃色，比較淋身，有蛋香味，個sauce又好creamy配合海膽同帆立貝嘅新鮮甜味🍝 香芒醬比目魚 $178清新香芒醬汁配上金黃色香煎比目魚，顏色襯托得好靚，魚塊面頭加上海鹽調味，魚肉嫩滑開心果巴斯克芝士蛋糕 $78餐廳自家甜品表面鋪滿開心果碎及食用花，好打卡，入口即溶，濃郁芝士同開心果味😙桂花薑蜜牛奶咖啡 $68奶味濃郁仲有拉花添伯爵茶黑朱古力咖啡 $72用上黑朱古力甜度比輕特別喜歡🎈Layback Cafe & Bar🎈銅鑼灣耀華街3號百樂中心17樓1702-03號舖

銅鑼灣嘅樓上Cafe & Bar Layback，食物出品保持高質穩定，實屬難得，必需大力推薦！LoveCraft Cold IPA $88本地品牌嘅手工啤，帶果香同埋米香，入口清爽，消暑一流！Signature Deluxe Chocolate Smoothie w/Strawberry $78濃郁嘅士多啤梨朱古力Smoothie，大人細路都鍾意！全日早餐 $168香脆嘅薯餅、落咗少少楓糖漿嘅牛角窩夫、滑溜嘅炒蛋、綿滑嘅牛油果、香煎嘅車厘茄等，加埋優質嘅煙三文魚同埋西班牙風乾火腿，呢份All Day真係無得彈！香芒醬比目魚 $178比目魚煎至金黃，魚肉仍保持水嫩，可見廚師功力深厚！榛子棉花糖牛角酥窩夫 $68榛子醬＋棉花糖＋朱古力醬，做出類似石板街口味嘅牛角酥窩夫，甜度啱啱好，超正！order兩款會有discount！開心果巴斯克芝士蛋糕 $78切8份之1，勁大件！半溶嘅口感，加咗好多分！

Layback Cafe & Bar地址: 銅鑼灣耀華街3號百樂中心17樓02-03號舖銅鑼灣好多cafe ,不論你是喜歡喝coffee 吃下甜品，或是去影相打卡扮文青，或者是去享受同朋友/男女朋友食野的快樂時光意粉同risotto 都好出名，keto carbonara 轉了zucchini noodle ,翠魂瓜麵，個白汁連同煙肉，bacon 油香與白汁完美交織honey butter and garlic half cut chicken wings 帶蜜糖甜好好食甜品pistachio cheesecakes,開心果令到cheesecake 成淡淡綠色。花茶要阻杯美白suites paris 是紅茶底加玫瑰，杏仁、仙人掌花同雲呢拿 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodg

作為Cafeholic，一直都不斷試唔同嘅Café。仲記得第一次見到佢嘅Menu有蟹粉料理覺得超神奇，就帶埋平時唔係好去Café嘅屋企人一齊試吓。屋企人食完都大讚個蟹粉拌麵出色，都未食完就同我講話下次要嚟試吓個漢堡，賣相好靚。‣ 生拆蟹粉拌北京拉麵 $298幼麵煮得啱啱好，係我鍾意較為軟淋嘅口感。每一啖你都食到蟹粉嘅鮮甜，仲有蟹肉嘅香，滿滿嘅一大碟真係唔係講笑。金黃色嘅蟹粉同白色嘅蟹肉真係相映成趣，視覺同味覺都帶嚟享受，真係不得了。極度推薦大家嚟試，超級有誠意嘅一道菜。‣ 龍蝦扁意粉 $328扁意粉煮得啱啱好，彈牙有嚼勁。龍蝦肉鮮甜彈牙，而本身醬汁都夠晒濃郁香滑，同意粉真係完美結合。隔離伴碟嘅車厘茄酸酸甜甜，解膩一流，同時又令整體味道更加豐富。雖然扁意粉已經好出色，但係我覺得另一個主菜更加驚喜。‣ 日本和牛粒配喜馬拉雅山岩鹽 $128佢啲肉多到我覺得佢真係成塊牛扒嘅份量嚟，對我嚟講真係可以話係第三個主菜。和牛粒嘅肉質都幾唔錯，幾香牛味。搭配岩鹽一粒粒嘅口感，都真係好滿足。‣ 開心果Dirty $78飲第一啖嘅時候覺得咖啡好香濃，相當容易入口，而圍邊嘅開心果同朱古力醬啱啱好可以中和到浸苦