兩合海鮮火鍋飯店

Open Now

Now Closed

想試佢個椒鹽九肚魚同焗魚腸好耐喇, 撞啱朋友生日就去食, 我們一到就有座位了, 上菜都算係快, 但落單既叔叔就串左啲, 好似有少少脾氣, 唔好理了. 反正我來都係食野啫, 來得街市食都知道唔會咁高要求, 好了, 主菜到了, 椒鹽九肚個碟底有水, 啲魚濕左三分一, 一來好影響口感, 二來感覺唔係好衛生. 同叔叔講, 叔叔又叫佢老闆出來, 竟然話我地食左兩條唔肯換好彩我地未飲醉, 否則... 個魚腸正常, 講真未去到一個好高水準, 再食埋水炒王, 調味咸左啲.... 是晚好冇引座左一陣走左, 轉場出尖沙咀再食過, 以後都不會再去! 

好耐都冇嚟紅磡街市食晚飯，好懷念街市的味道。夥計介紹老火湯，話冇味精，一於試吓飲落又真係冇味精喎，而且足料！滷水拼盤唔會過分鹹，霸王雞味道剛剛好！椒絲腐乳通菜，食到鑊氣夠！估下我食咗啲乜，自己食完都睇唔明！

經濟實惠，海鮮非常新鮮，小菜又好味，只係坐得逼少少，我覺得食物既質素足以彌補真心好過好多大酒家，所以家人朋友都非常喜歡來兩合，生炒排骨，肥鵝腸都好正掛住食好多冇影相，下次去再影多D😂

公司食飯，揀左黎紅磡街市上面哩間大排擋兩合叫左好多個餸，有椒鹽賴尿蝦，鼓椒炒蜆，蒸聖子，薑蔥桶蠔，椒鹽鮮魷，肉蟹等等碟碟都好大碟，夠曬鑊氣，桶蠔收曬水入曬味，大大隻啖啖肉

食過其實已經第三次，今次特登帶老婆撐台腳。叫左條筍殼，外脆內滑，推介！雖然冇哂細條賣，叫左－條大小小的，兩個人都食得哂！另外叫左瀨尿蝦，好正！仲有炒聖子都好入味！

之前聽朋友介紹呢間小菜館， 所以特登過嚟試試， 我們3個人點了四款小菜第一道小菜: 小炒王~冇乜鑊氣味道較淡第二道小菜: 鹵水大腸拼墨魚欠缺色水 鹵水味清淡，第三道小菜: 豉椒炒蜆豉椒汁個芡很杰， 唔知點解好多蔥, 沒有辣味第四道小菜: 椒鹽九肚魚外脆內軟, 送酒一流

今晚一行3人，同其中一個老友慶生，知道佢鐘意食鑊氣野，就揀左呢間好耐冇去，位於紅磡街市樓上既大排檔。約好左壽星仔八點，不過佢通常遲一個鐘，但今日佢竟然八點準時到達，上到去已經全場爆滿，等左15分鐘就有位，一坐底即刻叫左支啤酒先再揀菜，朋友鐘意飲西湖牛肉羹，但姐姐話今日衹有老火湯~粉葛鯪魚，冇湯羹，所以我地冇點到。鹵水拼盤:有大腸，紅腸，豬耳，墨魚……味道普普通通，冇乜鹵水香味。紅燒乳鴿:皮脆肉嫩，炸得啱啱好，不會太油膩。辣子雞:朋友推介必食，少少辣，好惹味，雞件炸得香脆。通菜炒牛肉:個樣好得，好夠鑊氣，點知原來得個樣，菜同牛肉都超咸。手撕雞:以前食過，好掛住，但今次有D唔同，加左豆辦醬去撈，味道反而冇以前咁好-3個人食左5個菜，飽到上心口了。食完吹多陣就散水了。今次重來，感覺菜式味道退步了。

講到去街市食飯，其實未必人人喜歡，因為衛生程度好參次。有一次我在大埔街市食過麵後真的又痾又嘔…Anyway，來紅磡街市這間兩合我倒是十分放心，來了超過十次了，每次晚飯都會令我吃得大滿足。今晚難得有多2 pair 朋友難得來我家附近食飯，我就諗起大家不如去食下風味晚餐。所以我特別早兩日打來留枱 (係，街市都有得訂枱）亦都好彩有咁做咋，我地約了8點半，我都早少少上來攞枱，只見在場內有一條人龍等緊位，真係好多人排架! 大家見到人龍咁長都好對這裡的小菜感到有興趣，見到鄰枱的羊腩煲好似好吸引，所以就叫了~難得夠人多，我們還點了椒鹽鮮魷、金銀蛋白菜仔、炸雞同蠔仔粥。當然唔少得要啤一啤啦一來的鮮魷和炸子雞都香噴噴，蠔仔粥都好多料，不過好快會凍，所以要快D食。鮮魷的肉非常香軟、外層脆卜卜~不過我朋友就覺得不夠椒鹽，我就覺得還好啦，可能我本身喜歡淡味少少。主角羊腩煲出場了，雖然唔係好大煲，但你真的不要睇少，因為入面好多羊肉!! 而我就不吃羊的，但見其他朋友都食得好滋味，個個都不禁大讚唔騷、但好香! 個羊腩汗佢地都好想飲埋，而我食的枝竹和馬蹄也很新鮮、索了腩汗的確好惹味。說說環境，我覺得以街市來說兩合也很

於熟食街市長大的我，最鍾情地道港式大排檔！（爸爸朋友在其他熟食街市開店，基本上任何家庭聚會，都會在該店進餐！）這次來到聞名已久的兩合！（前一段日子曾來拜訪，但正直新年，正在休市！）一來到，看到食客枱上的食物和滿足的表情！對這一頓飯充滿期待！最令我放心的！是看到店內的魚缸，清潔，各樣海鮮亦很生猛，價錢合理！（利申：本人出身於水上人家庭，對海鮮有一定的要求！）侍應是典型的大排檔風格，有速度，亦爽快！等了一會枱後，被安排在一小圓桌，欣賞小店不嗇色！讓我們二人坐下，亦不安排搭枱！打開餐牌，花多眼亂的！最後選了胡椒蝦、薑蔥鮑魚、豉汁蒸白膳！首先，蝦新鮮，亦彈牙爽口！胡椒惹味！薑蔥鮑魚，略嫌鹹了一點！但鮑魚新鮮、彈牙，亦軟淋！最後，白膳則較遜色！但可能椒汁不夠惹味，白膳亦較「硬、靭」（利申：本人對白膳的觀應一般！可能其他喜愛白膳的人會比較喜歡！）總括來說，是值得推薦的食店！期待日後和其他朋友再來，再品嚐其他菜式！

因為男友好想食呢度既鵝腸，今晚晚餐又黎呢度食喇～之前都黎過食好幾次，都覺得呢度出品唔錯，男友超鍾意呢度既鵝腸，我都覺得好正，鵝腸有d脂肪痴住，爽口得黎又油香，灼得岩岩好咁，再點埋辣豉油吊起個味，係掂既推介必食炸乳鴿呢度都好好味，鬆化入味，而且都幾大隻添～色澤靚皮又脆✨蝦仁炒蛋加埋韮黃一齊炒，味道真係好夾架，口感更加豐富。蛋炒得滑，味道淡d,但岩我😗清清地咁幾好。而蝦唔係冰鮮蝦，真係新鮮剝出尼開邊個d黎架。所以有蝦既鮮味，比較大隻d，同埋都彈牙。我地仲叫左個節瓜魚雲湯，滿足下愛飲湯既我😁無咩多餘油份係面，湯料好多，食湯料都食飽我🤤除左魚雲同節瓜外，仲有豆腐同草菇。奶白既魚湯鮮甜唔腥，豆腐索左d魚湯好正，食左勁多～超飽的說整體食左幾次水準都係keep到，都仍然咁好食，會繼續支持💪🏼💪🏼

幫襯左兩合幾次!每次都人山人海!好彩今日早黎到食到頭輪,因為坐低無耐就見到條人龍開始出現啦！😎.同行人不多所以叫4個餸剛好!等野食到個陣係到傾呢度氣氛其實幾好🤡成班吹水傾計飲下酒幾自在！始終類似大牌檔ғeel係唔錯👍🏻等左陣就係打頭陣既羊腩煲到左我地叫左 (大份的) 因為知道實清得晒！呢樣野食係到都算出名😛成個煲份量很足之餘都非常多肉件😋入面既炸枝竹好多亦都係最快清晒,口感好好呢烚左好耐都沒有糊掉👍🏻馬蹄都好爽口,羊肉不用說腍身得黎沒有太鹹,各個食材都非常入味😍真心高質其次陸陸續續都到啦！竹笙扒雙蔬,竹笙份量都唔少又爽口而菜唔油又清甜！食飯最緊要有點菜嘛碟三鮮炆骨髓炒得鮮甜，係出面好少食到呢款！都算係清淡的菜式但都勝在夠鑊氣😆最後緊係食個炸既食物！椒鹽豆腐🤭豆腐外脆內滑，勁香口！😭😭大件夾抵食我覺得呢度食物水準一路都保持到先可以吸引到咁多食客!втw佢全部野食都好新鮮就真既🤓

星期天冷冷的，去了工展會吹風淋雨後，應親戚提議去了兩合吃羊腩煲暖身，竟發現了快將絕跡的菜色——椒鹽百花茄子！雖然有點炸過頭，但經油炸的茄子沾足油份很是滑口，夾在中間的蝦膠也非常彈牙。外表的炸漿剛剛好，也不會太厚，咬一口酥脆可口。配上香味十足的椒鹽，叫人一試難忘。另一個亮點是雞蛋焗魚腸。魚腸十分足料，芫荽滿滿，蛋味濃郁，蛋漿一點也不像滲過水。唯一美中不足的是，魚腸連帶的魚肝那難以去除的點點苦澀。羊腩煲我們叫的是大份的。份量很足，我們六人密密吃最後還是剩了兩塊羊肉，兩塊馬蹄和一堆枝竹。炸枝竹很多，口感很好，沒有糊掉。味道方面，各個食材均非常入味，卻沒有太鹹。除了以上的菜，我們還點了韭菜豬紅，京蔥駝鳥肉和蒜蓉油麥菜，每樣質量都很不錯。我們已經盤算着哪天再去吃一遍。

幫襯兩合已經差10幾年了，每逢星期五六日晚去，都會人山人海。今次係星期五晚7:45pm到，要等30分鐘，才可入坐，可想而知因為佢的食物水準一路都保持到，先可以吸引到甘多食客。今次叫了3樣餸:星洲炒米-因為朋友話中午想食到依家，所以我地無叫飯，叫呢個食，不過，真的唔錯，微辣，而且香口，無油的感覺，蝦同食材都好新鮮。金銀蛋豆苗-菜十分新鮮，無渣，而且唔咸，皮蛋同咸蛋配合得好。對於嗜菜份子，全碟清了沙爹牛肉粉絲煲-呢個係我同朋友每次都想叫的餸，有少少辣，但我朋友唔食得辣都會一齊食晒佢，因為真係好好味，牛肉熟得剛剛好，滑嫰，唔“鞋”，唔咸，粉絲索晒沙爹汁好好味，如果有叫飯就好了，配合飯一齊食，一流

去到紅磡街市有好多間食小菜既鋪頭，呢間係最受歡迎既，唯一一間要排隊等位先食到。不過我哋四個人都唔算等左好耐，等左十幾分鐘就有位俾我哋坐低。我哋總共叫咗四個小菜同埋四碗白飯，人均消費都係＄80，晚餐來講絕對係抵食！！！👅食完之後仲可以坐低慢慢傾吓計，唔會趕住要你走，係同舊朋友、舊同學聚會嘅好地方😋不過係衛生方面，可能因為始終都係街市嘅關係，有時會見到有老鼠出現，着重衛生嘅朋友就要好好考慮呢個地方🙈🙈🙈

周末去食風味大排檔白灼豬腸稍硬，中間有幾口苦味，唔知係未跟飲汽水有關椒鹽鴨舌未食過用椒鹽方式整鴨舌，香口，正清蒸蚌清甜好味油鹽浸筍殼魚用油炸過，魚肉鮮滑椒鹽瀨尿蝦椒鹽味香，2隻瀨尿蝦肉爽，可能太耐冇食過呢個餸，份外好味椒鹽豆腐外脆內滑，椒鹽菜式，多數好味薑蔥鮑魚煲一上枱薑蔥味濃，6隻鮑魚非常爽滑