兩合海鮮火鍋飯店

Open Now

Now Closed

有人話食街市係「蔗渣價錢燒鵝味道」，我就絕對讚同嘅，所以就同班朋友去咗呢間兩合食小菜，成班人聚舊打住牙絞咁食餸，d 兄弟情呀佬味呀簡直係大爆發咁！典型嘅街市餐廳 layout ，簡單裝修但無損氣氛！我哋有成 8 個人所以叫咗 8 樣餸，但今次就重點推介以下嘅兩款菜式！豬扒夠入味之餘，d 醬都好惹味，差d 就想嗌多碟嚟食！鯪魚肉夠爽口，feel 到應該都幾新鮮，完全無痴牙嘅感覺！成班人食飯圍起都係 6-70蚊左右就滿載而歸，正！

同朋友係紅磡打完羽毛球, 之後我地就去左附近既紅磡熟食中心果到食啦! 而且佢送既花生, 菜莆同鹹酸菜小食都好好食!鹵水拼盤 – 有墨魚, 紅腸, 生腸, 豬腸, 鵝腸, 豬頭肉等等整體都好好味, 但其實都好難整得唔好食, 不過不失啦而且份量都足夠.沙嗲金菇肥牛粉絲煲 – 好野味送飯一流, 而且肥牛亦唔會過老!椒鹽豬扒 – 豬扒唔會太乾, 份量都好多哈! 差D食唔哂.XO醬雞球煲 – 食唔到有XO醬味, 而且煮得過老!蒜蓉炒白菜 – 明顯唔夠蒜蓉變左做清炒白菜但味道都可以.

兩合海鮮火鍋飯店今晚團契飯聚，大家想食羊腩煲。參考過or後，選了這裡，結果沒讓大家失望。既然一心要吃羊腩煲，便來兩個打頭陣。羊肉有咬口，肉羶味不算濃，不過不失。隨煲送上一籃生菜，可能是我們全晚唯一的菜類。見其他食評推介鵝腸，也來一碟。果然鮮味，好此道者必點。三鮮炆骨髓，炒得鮮甜，是晚少數較清淡的菜式。菜膽雞，全晚最失敗的一道菜，賣相看似新鮮，夾起一件放入口，便知道中伏了。不是沒雞味，而是毫無味道，而且明顯吃得出解凍不足。更甚者雞根本未熟透，中心明顯是生的，咬了一口便放下了因為根本不能吃。整道菜除了為這多肉少菜的一餐貢獻幾條菜心(同樣無味)，可以用一無是處來總結。這碟菜膽雞簡直是全晚的污點，亦叫負責點菜的我倍感內疚。吃過不堪入口的菜膽雞後，幸而接下來的菜式回復正常水準。煙肉釀百花(右)組合頗特色，煙肉味道上能配合蝦膠，若然煙肉做得脆身則口感上更佳。椒鹽墨魚咀(左)炸得香脆，墨魚咀有咬口，沾上沙律醬一流，忍不住吃了兩件。滷水鵝不會太肥，夠入味，沒點錯的一味。最後點了三道海鮮，皆沒讓大家失望。豉椒聖子送飯一流。椒鹽瀨尿蝦份量足，一人一只還有多，蝦肉入味亦不韌。最驚喜的還是燘斑尾，挑海鮮的時候

呢日同屋企人去完澳門, 見史生喺FB話想打邊邊同食羊腩煲, 之前史生話呢度羊腩煲好食, 所以番嚟香港就同史生嚟試吓.每次嚟都必有o既前菜三寶-花生、菜脯同鹹酸菜, 花生香脆, 菜脯爽口不太鹹, 鹹酸菜帶甜, 呢三寶做啤酒小食一流!主角出場啦! 我哋叫咗個細煲, 但兩個人食都已經好多, 因為有好多羊腩同支竹, 羊腩汁非常濃郁, 羊腩炆得入味, 肉質唔會過韌, 肉味香濃, 而且唔會好多骨, 絶對超值, 正呀! 唯一可以改善係如果可以加埋冬菇同筍就一流啦!因為個煲足料, 所以我哋只多點芋絲同鮮支竹加入煲, 再加埋飲咗幾支大啤, 已經好飽啦!呢晚我同史生各執己見, 令場面僵化, 但最後放下自己, 唔執著自己, 最終和好, 其實可以同枱食飯係一種緣份, 何必為圍護自己面子而言語間互相傷害呢? 放下自在, 道理就係咁簡單囉!

兩合的名字, 總是感覺怪怪, 不是餐店的店名, 一定要找機會問一問老闆,Carlsberg Beer, 大支裝, 夠凍, 只一人飲, 有餘了, 水鵝是必食之物, 是日肥瘦適中, 可連皮一起吃下, 滷水汁清而味濃, 唯骨多肉少, 合喜愛咬骨的老友歡心, 我比較喜歡少骨多肉, 可蘸辣椒油, 夠辣, 也可選蒜醋, 略甜不太酸, 生炒骨, 不是豬排, 而是用真排骨, 加入青椒 紅辣椒和菠蘿, 紅椒有微辣, 三者都炒得爽口, 味道甜酸咸味調配得宜, 唯排骨外表炸得不夠鬆脆, 肉質略梗而欠軟熟, 三鮮骨髓, 骨髓本身無味, 質感嫩口, 些少膠質口味, 頗多材料一起炒, 有黑木耳, 大塊兼爽口, 蝦仁, 中形大小, 蝦背有刀切痕, 應該不是雪貨, 但也不是新鮮味道, 鵝掌, 已拆骨, 爽口但略梗, 鮮魷, 厚身兼彈牙, 還有白菜, 紅蘿蔔和珍珠, 絕無欺場, 交足功課, 可惜生粉水打獻, 微微落多了, 火喉也微微差一點, 吃到最下, 獻醬有些少黐起一堆, 白飯, 碗本身不大, 但裝得十分滿, 高出碗面一大半, 超值!

差不多晚上十時半, 還要排隊等位, 勁呀! 先來一支已中國化的日本啤ASAHI, 清清地, 好似飲水咁, 勝在夠凍, 免費小吃, 不是大酒樓, 唔收錢, 盡情吃吧, 花生, 菜甫和酸菜, 花生唔太脆, 無得投訴, 老闆好惡, 一碟鹵水鵝, 鹵水汁香, 肥膏略多, 瘦肉部份呈淡啡紅色, 肉質少少緊實但尚算嫩滑富彈性, 再一碟豉油皇炒麵, 麵條幼身但非最幼品種, 加蔥, 韮王和洋蔥炒成, 奇怪是加了幾件蛋碎, 炒得入味, 少油, 但不夠乾身, 顏色略欠光彩, 無所謂, 樣貌其次, 最緊要好味

為左幫喜愛食乳鴒的朋友慶祝生日我地幾個朋友仔就一齊走過黎食估唔到街市入面有咁多間大排檔，仲要有冷氣一去到有好多不同既員工會叫你去佢地o個檔不過我地一早就鎖定目標，員工們好好，突登比左張睇到電視既台比我地仲主動幫我地雪住個蛋糕，仲好風趣快快趣趣叫左隻乳鴿食，個個都食到咀lamlam佢地一共分左7-8舊，所以我地幾個都唔駛爭我個人就唔係好食得辣，我就覺得幾辣，但好惹味而且冇乜吉殼，都幾多肉下送飯一流，粉絲爽肥牛又唔un，好味呢個係凍食，都幾大碟，用黎墊底既酸菜都好好味唯一美中不足既係...食食下食到一大粒冰最後埋單都係$$310，真係又平又好食去得第一次必定有下次!!期待中~~

今日,小妹做東,請班同事食飯,因小妹本身超鍾意食海鮮,而且已上了'開飯啦'做功課,因此就去............"兩合"啦!真係無令大家失望.仲有滷水拼盤,賣相一般.椒絲腐乳通菜...正常.總括而言,今餐各同事都好滿意,話下次要再嚟食過,而且價錢合理,今餐$1567.00,10個菜色,小妹覺得合理(仲有啤酒及汽水).

7點去到已經好多人, 所以等咗20分鐘先有位坐. 本來老公諗住同我嚟兩合打邊邊, 但係我之前食過呢度啲小菜一定好食過邊爐, 所以決定都係食小菜啦. 一路等時一路睇吓人家食啲咩, 見到鵝腸好似好好味咁, 老公鐘意食瀨尿蝦, 我鐘意食辣酒煮花螺, 所以一坐低就叫咗呢幾味餸啦!老闆寫啲字我真係唔明, 但問佢啲員工, 佢哋又識睇喎! 呢啲咪合作無間囉!鵝腸真係好肥美, 灼得啱啱好, 唔會太熟, 正!花螺新鮮, 但酒味太濃.椒鹽瀨尿蝦好味通菜大碟入味, 不過油咗啲.叫咗3支大啤, 兩公婆撐吓枱腳傾吓偈, 食吓飲吓真係好開心架!總括水準不變, 一貫好味, 必再幫襯!

呢度係小弟嘅晚飯食堂，味道好兼街坊價，雖然無環境及嘈喧巴閉，但無所謂啦，底食又好食咪得囉嚟親都係食嗰幾味餸，百吃不厭嘛。嗱首推白灼鵝腸，鵝腸新鮮肥美無臊味，夠肥夠甘香，好食到隨時「安歌」多碟再推沙嗲炒菜心苗 / 芥蘭苗，沙嗲夠香夠味，每次啲菜都炒得油嫩，必食蝦仁炒旦，蝦夠大隻無雪藏味，旦炒得滑且富旦汁，餸飯之選土魷 / 咸旦蒸肉餅，不過不失勝在啖啖肉；亦好餸飯啫咕嚕肉，新鮮即炸，啱啱每舊都掛汁，你話點會唔掂呢；好食過好多飯店其他餸都好平均，食咗幾年都無話邊味餸唔掂嘅，雖然佢無點加價，但碟頭就縮哂水囉...

久違的晚飯 , 從我老婆轉工後 , 都好小去兩合食野lu , 難得今晚約埋佢兩個舊同事一齊去開餐 .... 坐左一陣我地先開始叫野食 , 兩合d員工落單係十分專業十分快 , 係落單既同時 , 佢仲可以介紹下d餸俾我地 , 落單同聆聽既速度令人佩服 開飯喇 !老闆今日推介鹵水鵝腸 , 可惜我唔食呢個餸 , 但見到佢地食得好似好滋味咁囉 , 應該好食掛 哈 ! 老婆真係有我心 , 知我鍾意食油麥菜 , 好味 鹵水鵝片 , 鹵水完全浸入鵝片 , 正 !朋友特別推介既胡椒蟹 , 超正 ! 超得 ! 下次再食都要encore 老闆推介既流沙蝦 , 味道幾好架 , 不過賣相就比起之前四樣差左小小 成個晚飯都令人太回味 , 鑊氣夠 , 味道好 ......... 正 ! 最重要老闆 & 伙計都會同你老實 , 記得上一次去食 , 果次係星期六黎架 , 我地想食蠔餅 , 伙計先生就直言話:::"""今日d蠔餅唔得,食第二樣吧啦! ''''' , 淨係呢點已經like x 10 , 食飽就已經期待緊幾時有得再去

我為食總司令又係時候出動喇，今次我地黎到九龍區以東0既一個市政大樓0既熟市中心，由於佢同1-2樓0既街市係相連0既，所以每日0既蔬菜同漁獲都係特別新鮮咖。由於我細個0既時候已經成日幫襯四眼仔叔叔，咁食乜就等佢發把喇。佢幫我地揀左薑蔥爆生蠔、炒白菜、蒜蓉開邊蝦等........我0係度特別想提一提個蠔....一般生曬0既蠔屎都需要曬半年至一年先完全曬好....而四眼仔只需要十分鐘就可以將生蠔變成蠔屎，但特別就特別在蠔屎仍然是好juicy，唔似得一般市面上係完全冇晒汁咖。咁整體上黎講呢都係有3.5分。ok咖!!

在熟食中心樓上的人氣打冷小炒店，坐下先來一瓶結冰透心涼的大嘉士伯。前菜有炒花生米、鹹酸菜和菜莆。 沙拉骨肉質很鬆軟，該也下了點梳打粉，味道尚算不錯，不過沙拉醬也實在太多，我也盡量撥走那些沙拉醬免得太膩。 點了一鍋小號蠔仔粥，份量可真十足...五個人每人分了一大碗，蠔仔雖體積細小，但冬菜、芹菜粒和蠔仔混合很配合冶味。 菜膽雞，雞肉滑但肉質鬆散，而且我不愛那莫名其妙稠身的芡汁。 蒜茸蒸中蝦很不錯，一斤蝦份量也沒欺人太甚，蝦肉新鮮，我覺得比「愛文生」的更對我的口味（「愛文生」的蒜茸和醬汁偏鹹）。 雞蛋焗魚腸上檯時還不停的冒泡（看砵的右邊），面炸的過火，幸好內裡的魚腸帶甘香而沒苦澀味。 再來一瓶大朝日，朝日啤酒味道清甜我蠻喜歡。 也該吃點蔬菜，來一客啫啫通菜罷，這店上菜很快，雖快但每碟上菜都很熱燙有鑊氣，很有大牌檔風味。 椒鹽鮮魷，炸漿不厚身又酥脆，入口不覺油膩，很有水準的炸物。我覺得這店的小菜比很多有名但水準下滑的同類型名店如「東寶」、「銖記」、「鏛記」更美味更便宜抵食。這晚五個人吃的飽足才 $100 一位。這店還收信用卡呢（最低消費 $500）。 不過這兒也有一般熟食中心的弊病 — 人客不

同Honey兩個人又再去兩合食晚飯，今次反而晏過上次去，不過好彩唔駛等位。雖然唔駛等位，但係都依然好多人幫襯。 薑蔥炒黑柏葉($45) --- 以前食親都係白灼，今次見兩合有薑蔥炒，所以決定叫嚟一試。 可能好耐冇食過黑柏葉，所以我覺得好好味，原來用薑蔥炒仲香添。好正... 椒鹽鮮魷($45) --- 呢個係Honey指定要食嘅。好彩炸得唔太燶，啱啱好，如果唔係個喉嚨會好辛苦囉。GooD... 乾炒牛河($30) --- 呢個上回嚟都有食，今次當然係走唔甩啦！ Xo醬炒時蔬($42) --- 我地揀咗炒芥蘭苗。個Xo醬好好味，而且啲蝦乾仔仲好惹味添，呢碟餸大半碟都係由我包辦嘅... 哈哈 是夜我倆坐近出餸位，眼見最多人叫鵝腸，其次係椒鹽鮮魷同埋椒鹽九肚魚食，下次一定要叫個鵝腸嚟食至得。

同事介紹呢問食店話個羊腩煲好好食，價錢合理，叫我有機會一定要試下，好啦就試一試，當然大熱天時就梗係唔食'羊腩煲'啦!菜式：1. 鹵水雜錦（小） - 雖然色水不太夠偏淡，但食落都幾夠味及不錯，但內臟都不少，所以都係間唔中吃下好啦！2. 腐乳通菜 - 勁大碟，我哋3個人食都食唔哂，自問係一個食草怪，絕不浪費的，但真係食唔哂，同埋炒得幾香唔會油浸菜咁樣。 3. 椒鹽九肚魚 - 香脆好味唔停得口，最好就係淺金黃色，唔係用萬年油炸的貨色。4. 豉椒聖子 - 新鮮但有少許沙，同埋個茨汁几杰！ 此店我發覺一特點就是等位不須派飛or籌而係大家排成一行一個接一個係度等非常有秩序同埋真係几平，4個餸，1支啤酒，3碗潮洲粥都係208元。