李錦基越南餐廳 (Closed)

茶餐廳格局，但比起茶記乾淨企理得多，坐得舒服，好有印象有個特大水吧。服務很好，可能因為要收加一服務費。菜式種類很豐富，包羅所有越菜種類，順化既風味都有，越式三文治都有。越式三文治：包很脆，有不同餡料選擇。生牛肉牛根湯河：牛肉湯底很清香，牛肉很高質，有和牛味道，牛根有水準，軟度適中，不會漿住口黏住牙。河粉勁滑，但份量不夠。可惜芽菜九層塔等配菜不是跟越南一樣大量供應... 價錢少少貴既，但質素佳，可接受。

疫情期間出黎食午餐都要搵間安全的。最近都成日去李錦基，因為坐得闊落，十分安全。而且區內價位算稍貴少少，所以少人點，食得放心。野食就非常好，去親李錦基，梗係食咖哩。我最常叫係咖哩牛腩飯，今日就轉下食檬粉先～

今日來到深夜時段有賣廣告的李錦基食越南餐。夜晚六點幾，疫情緣故，食客不多，餐廳環境寬敞舒適，兩人點了燒豬頸肉撈檬($68)，燒香茅牛肉濱海($92)，香茅豬扒包($60)。一般越南餐廳比較少有濱海，是用生菜包着蒸米粉，配上燒肉和香菜的菜式。米粉同菜令這道菜特別清新，牛肉亦燒得惹味而不韌。另外，撈檬的檬粉同菜都份量十足，豬扒包外脆內軟亦有驚喜。總括來說，價錢不是非常便宜，但看得出這家的燒肉特別用心。份量十足，最後還要打包回去。

其實成日都路過，但每次都係覺得好貴無份過去食。今日心血來潮，到路過時就決定試一試。其實佢餐廳無所謂下午茶餐，全部野食都係跟餐牌正價點，我同朋友分別點左順化牛腩豬手辣湯檬同香茅豬扒飯，落完單一陣返轉頭話下午茶時間全送杯飲品，我地就是但叫左杯熱檸水。食物上枱時覺得都算對得起咁貴既價錢既，以份量來計，香茅豬扒飯D豬扒幾好食，肉質鬆軟又入味，順化牛腩豬手辣湯檬都好大碗，又另上一碟香草、青檸同魚露，牛腩大大件好淋好好味，但連骨豬手我夾開左最後先食，平時食開都係無骨，有骨既响街度食就算唔係淑女我都真係覺得好困難，而且食落又硬又無味，好似白灼豬手咁。最後埋單原來仲要收加一服務費，好耐係試過午餐或下午茶要收加一啦！咁樣就成7X一餐，呢碗檬唔值囉！

經常在電視上見到廣告，所以便來試試。店內寬敞，裝修略嫌簡單，沒什麼特式。菜式方面選擇不少，有多款選擇！越南餐當然要試一試越式生牛肉河粉～份量不少呢～湯頭亦濃郁，牛肉嫩滑，味道上算很不錯了！鹹檸七不錯，很足料，略嫌甜了一點，但又很鹹酸，倒覺得不錯，喜歡它的碎冰粒，特別冰涼。扎肉蒸粉卷賣相非常普通，但味道卻出奇好味！蝦香非常濃郁，沾上秘汁，味道更加可提升到另一層次。算是很不錯的一家越南餐廳了。服務方面也不錯。

放工後走到何文田「李錦基」的越南餐廳食個下午茶，雖然沒有下午茶餐，但是點任何正價食品可以贈送熱飲（,包括熱檸檬茶、好立克等.....凍飲就要加$3，而越南飲品就加$5。在約530pm,我最後點了一碗斬雞湯河粉（有骨）$68,餐飲叫杯凍檸檬茶（另加$3），雞肉大件厚肉，肉質都嫩滑，河粉份量十足，啖啖都好滑溜，嚼中滲出陣陣雞肉香，再加添青檸汁、紅辣椒及九層塔香葉，吃起來十分不錯，再嘆杯冰涼可口的凍檸檬茶，真是太美好，食物雖好，可是限時用餐開聲趕客走，坐了2小時已經話下午茶過咗，坐了兩小時什么都夠啦？（重覆向我講三次）,如果你們聽到都覺得沒有服務可言??(已經都冇招呼又收加一，水都不會主動給你)，我5:30pm入來，食完個下午茶就滑手機,全晚餐廳又晤忙客又晤多，我又沒有說過現在埋單或晤不再點野食，現在只是7:30pm，我又話晤食晚飯咩？(個老板好似睇不起你來食下午茶，你地餐廳的下午茶都冇套餐，我都是散點!!你們只是送了杯熱飲!!)我問:「你現在要打烊趕我走?」個男老板不斷說下午茶時間過了(一共又重覆三、四次)，我想:「難道你是否覺得我冇錢吃晤起晚飯?」在晚市會趕客，老板說:「如果你晚飯可以俾

今日約左朋友食晚餐，便去了座落何文田的李錦基越南餐廳。晚餐時間全店滿座，等了5分鐘就有位。我們點了越式炸春卷（豬肉）$68、生牛肉湯河$55及香茅煎豬扒湯河$63，另收加一服務費。越式炸春卷（豬肉）：炸至金黃酥脆，配上醬汁，引人食指大動，另有一籃生菜🥬可包住春卷食，別有一番風味。生牛肉湯河：幾片牛肉浸在湯中慢慢變熟，河粉幾滑溜，湯底唔錯香茅煎豬扒湯河：豬扒有兩塊，煎到金黃色，肉汁豐盛，河粉幾滑溜、湯底唔錯另有，香草🌿及辣椒🌶️可放入湯底，增加湯底既濃度。

一間越南餐廳，牛肉河係一個最基本亦不可以難食的一道菜。 湯底亦係一碗牛肉河的靈魂。本人order左個生牛肉牛筋湯河， 當送到我面前，第一時間試吓個湯先。啖湯淡而無味， 牛肉得3片，牛筋係最過份，只係食得出雪味。 一生人真係未食過咁難食既湯粉。重點係價錢並不便宜，盛惠65蚊及加一。餐廳本身並不供應水。飲品價錢

家人很喜歡這兒的蔥油豬扒飯, 因為豬扒十分大塊, 很多時會有兩大塊或一塊半的, 視乎豬扒的 size!早幾日再來, 豬扒依然大塊,蔥油很香, 單單葱油撈飯已經係家人的最愛, 豬扒反而成了配角, 可有可無。其實豬扒不鞋, 肉質 ok 的。輪到我的燒豬頸肉飯, 燒得很香, 肉質鬆化, 油脂也不多, 不錯。有一碟炒菜但忘了影相。想試其他但已很飽, 唯有下次再試吧。望見隔離枱的咖哩也很不錯, 蒜蓉包跟咖哩汁一流啊, 但要人多才可以試多幾樣。兩個人只能碟頭飯或湯河, 但生牛肉湯河只有三數片牛肉, 之前試過一次就算了。最後叫左兩杯椰汁綠豆蓉 (忘了全名) 越式飲品, 椰汁很香, 綠豆蓉充滿了滿滿的一杯, 非常足料, 也不甜, 要推介!

只有兩小片牛肉(1.5cm x 2.5 cm)，兩件牛腩( 正常size)，兩絲牛柏葉(吃了也不知道），一件牛筋，一粒牛丸開2⃣️。最正是只有一大啖河粉。真係要飲埋D湯先飽。李老闆，你真係想窮都難。

方便在附近活動，因此來了這邊，第一次進入這間李錦基，之前在油麻地以及屯門都見過這間李錦基，一直沒有試過。首先那來的是友人的生牛肉湯檬，湯底夠熱，熱辣辣，檬粉份量不多，不會過於軟林，亦是保留少許咬口，湯底的牛肉味鮮甜，味道不錯。看看有什麼吸引，但是看見撈檬粉都不太便宜，倒不如要個咖哩😏，亦都可以配麵包，又可以嚐嚐咖喱的味道。點了一個咖喱牛腩拼麵包，麵包是長法包那一種，長長的形狀，但不算太硬，正合我意，因為太硬我不喜歡，咬不開。這個軟硬就剛剛好，不會太過硬，有少許嚼勁，亦都非常吸咖喱汁。牛腩的份量還算不少，起碼有五、六件，見見都大大件，有些還要是長長的完整的成條牛腩，上下可能比較瘦，但是中間亦都有筋，不會過於痴牙啊。另外點了一份牛油雞翼，牛油雞翼，上次在九龍城吃過，味道很甜美。這次再試一試，外皮亦是厚厚的，但是溫度夠熱，不會顯得太過油膩或者厚皮，外皮亦是輕微甜味，但沒有上次那麼甜，味道不錯，內裏雞肉亦都保持鮮嫩，有點兒汁，還有輕微出煙、熱燙燙的模樣。看到餐牌上面，飲料其實有些昂貴，例如冰的咖啡，單點冰的咖啡，竟然都售價$40 ，連一杯冰水都要收費$5 ，這當然是打那些吃了辣東西、又勉強要點

熱天吃東西要簡單。一般午餐選不太滯的湯河米線之類是不錯之選這店晚上有廣告跟其他小餐廳不同， 或者有信心才花這些錢多次經過幫襯一下就越南火車頭可以試多種料來得頗快又熱氣騰騰的湯幾好偏淡河粉不差跟左青檸紅椒芽菜不多無跟九層塔是否北越做法不知道了桌上沒有放魚露見到支是拉差同我向來見到的不似生牛肉普通牛根算可以牛腩唔太腍牛丸質感可以但全沒有太多味道 如果咸些會較佳整間店九成人在吃飯或者下次試下碗粉價73，加一80元揀平既應55元整體一般無特出處順便可以吃

My old school friends and I came here for a final reunion dinner. The staff were excellent in their service, the food was delicious, and the place very clean.Everything we had was delicious - rice paper spring rolls, fried spring rolls, deep fried chicken wings with lemongrass, lemongrass beef/ chicken, tung choi, chicken curry, potato curry, fried prawn with pepper and salt, fresh young coconut to drink, salted lemon sodaConveniently located on Waterloo Road, on multiple bus routes, and walking

今晚上完堂放學得返自己食晚飯，所以去了何文田李錦基試下越南嘢，其實整體服務，環境，衛生都好滿意，不過依碗生牛湯河都不及無跟餐而單叫的凍咸檸七出色。送到黎已經拆了肉所以都不需用匙自己動手，個生牛肉湯河內的牛肉同麵份量都偏小。相比如銅鑼灣金百利樓上，奧海城二期商場兩間～金百利樓上平而份量其實一樣。奧海城二期個間～價錢差不多，不過二期真係足料。要飲曬的湯底先飽飽，我都係去返永利食即叫即炒會滿足點不過附近還有好多選擇等我放學去試一試。

今天和同事在外面做事，午餐時間在窩打老道附近，記得每次看電視“李錦基”都有賣廣告，於是便試試看。進了店，發現它的午餐都是散叫的，只是叫飲品有半價。我們叫了咖喱香茅豬排金邊粉和咖喱牛腩配法包。咖喱香茅豬排金邊粉的湯底不是很濃，金邊粉的份量也不是很多，要$60我覺得有點貴，香茅豬排就還可以。咖喱牛腩法包法包也不是很特別，我覺得和普通茶餐廳不是突出很多，要$85好像性價比偏低吧。其實午餐也不是很多人，如果在勝利街做不到位食飯可以來這裡也是一個不錯的主意。