六両三

Open Now

Now Closed

這間台式小店位於尖沙咀宜昌街, 老闆來自台灣, 店舖裝修平實有親切感, 食物地道又有誠意。紅燒牛肉麵湯底鮮味, 沒有添加味精, 麵條粗身彈牙, 牛肉腍滑鮮味。滷肉伴麵和葱油伴麵都唔錯, 幼麵煙韌彈牙, 葱油秘製醬汁幾惹味, 滷肉香滑得嚟不肥膩。涼伴小黃瓜嫩綠又爽脆, 鹹鹹甜甜夠香口。甜不辣魚蛋般嘅口感, 鹹中帶甜。百頁豆腐加上甜甜地嘅醬汁, 吃起來很滋味。麻辣鴨血豆腐大大嚿好滑溜, 香辣惹味。麻辣牛腱頭辣度啱啱好, 牛腱頭爽脆有嚼口。甜點桂蜜躺雪山是軟綿紅豆芋圓配雪糕和清甜桂花蜜, 荔液滿峰是荔枝蜜配荔枝芋圓雪糕, 加上冬瓜茶清清甜甜, 清熱又消暑。

想試呢間有名嘅台灣牛肉麵店好耐，今日專登抽到時間陪男友嚟一嘗台灣嘅古早味牛肉麵，的確好傳統嘅味道，食落就知湯底冇添加，好有地道嘅感覺。半筋半肉麵牛肉麵湯底十分濃厚但唔咸，飲落冇味精添加，唔怕有負擔。牛筋炆得好軟腍，不過食落都有咬口，份量都好足，牛肉方面用了牛展，頗正宗，跟番台灣當地用料部分。牛打牛筋丸麵 牛筋丸選用選用澳洲和牛，台灣製造直送嚟香港店，名符其實牛肉味好突出，比一般其他專食牛肉麵店的牛丸更爽彈，而且牛脂慢慢從丸內滲出，越食越香，個人認為可以話係本店招牌之作，十分推薦👍👍👍涼拌麻辣牛展頭麻辣味道幾突出，唔似平日食到的川味麻辣，傾向台灣風格嘅麻香，牛展頭咬落有啲韌而偏爽，幾得意嘅小食。滷蘭花乾睇圖幾有趣似香口炸物，原來係近似大塊狀豆卜的豆類製品，配上調製好的醬汁，食落香而有口感。燙青菜+滷肉油麥菜配上滷肉粒簡直一絕，滷肉粉係帶皮個種，十分正宗，而且炆得好香，男友食完話想追加碗滷肉飯🤣麻辣鴨血豆腐選用真鴨血，值得一讚👍因為一般其他餐廳會偷偷用雞血/豬血代替，而口感亦軟滑，若可以調製得更入味會更好。百頁豆腐豆腐口感結實而有咬口，好有豆香味。涼拌小黃瓜偏向酸性，啱哂作為夏天開胃小菜

Lunch去左尖沙咀六両三到食裝修得好台灣feel 有一刻諗起去左九份咁😳店員超親切🩷皮蛋豆腐冷❄️凍豆花 口感嫩滑，皮蛋味道香濃上面有啲木魚絲🫶🏻蕃茄湯底牛肉麵 必食🌟🌟🌟🌟🌟台灣特色美食，湯底酸甜可口，牛肉煮得非常嫩，麵條很有彈性 0味精 飲埋湯底都唔口渴加左溏心蛋 好大粒 流心嫁😳紅燒手打牛筋丸湯 必食🌟🌟🌟🌟🌟牛味香濃 好彈牙 好多粒牛丸 下面好多菜tim 檸檬冬瓜茶夏天飲好正 口感清新，微酸微甜，非常開胃荔枝烏龍 好清新唔太甜涼拌小黃瓜🥒口感爽脆，調味適中，非常開胃麻辣亁拌麵彈牙有嚼勁，醬汁辣味十足 好鬼麻🌶️🌶️桂蜜躺雪山冰淇淋口感滑順，配料豐富，芋圓好好食 😋

行完海港城，想去返啲小店食，所以去返地鐵站L5出口見到有一間地舖台灣嘢，就試吓。入面好像置身在台灣一樣，非常之有氣氛。最鍾意佢呢度啲台灣麵可以自訂，我平時覺得牛肉麵比較辣，這裏有得選擇淡口味的牛肉麵，非常適合我。呢度仲有得叫青菜，食落去很清甜，非常新鮮，非常之健康。如果細食的人，其實一個滷肉飯已經很夠，滷肉很香滑，醬汁調校得剛剛好。滷水蛋亦都非常之入味。半斤半肉牛肉麵真係要叫，因為牛腱非常單眼，牛筋非常爽滑，麵條亦都很掛汁。隻糖心蛋都非常之入味。跟餐仲可以叫甜不辣，非常之開胃的小食，真的一點也不辣涼拌麻辣牛腱非常之過癮，雖然真的很辣，但是細細粒細細粒很過癮。冬瓜檸檬茶跟餐只不過係加$10 ，可以解除麻辣之餘，又非常之適合夏天。嚟得呢度食，就一定要叫佢個仙草雪糕芋圓，食落去真的非常之新鮮，食得出芋圓是即日製造，很Q彈。而且帶任何湯麵，都只不過係加$28 ，喺出邊糖水舖點會食到淨係$28嘅芋圓甜品。

六兩三位於尖沙咀宜昌街3號地下可以由地鐵L5出口或由isquare出發,步行時間約二至三分鐘路程就會看到一個木製長椅六兩三有三間分店, 尖沙咀分店係總店餐廳用木檯木椅，有二人檯同四人檯廚房以半開放或設計，掛滿燈籠，燈籠上寫的是招牌菜, 夠晒心思類似日本的屋台 餐廳主打牛肉，有牛根，有牛筋肉等等職員推薦我食牛根，除外亦提供必食和牛牛丸以澳洲和牛，台灣製造澳洲出產的和牛脂肪平均、肉汁豐富，製成牛丸後每粒更為爽口彈牙。

呢間餐廳嘅店主嚟自台灣，主打牛肉麵、乾拌麵、滷水等🇹🇼💗川味紅燒牛肉麵 ($77)川味紅燒湯用上牛筒骨、蔬菜、香料藥材熬煮，湯頭濃郁帶微辣，配搭Q彈掛湯嘅粗麵條🍜選用美國牛𦟌片，肉質軟腍嫩滑🐂💗阿宏蔥油拌麵+溏心蛋 ($54)幼麵煙韌勁道十足，每條麵都掛滿蔥油同祕製醬汁，表面超多蔥，超香口但完全唔會油膩🎋配埋隻半熟滷水溏心蛋非常滿足🥚💗紅燒手打牛筋丸湯 ($62)用上澳洲和牛牛筋丸，爽彈爆汁，牛筋粒粒超有口感🐮💗皮蛋豆腐 ($37)豆腐清涼嫩滑，皮蛋Q彈甘香，加上秘製醬汁、蔥花同木魚絲，非常開胃🥙💗滷肉燙青菜 ($28)燙油麥菜加上滷肉汁，肉粒有脂肪同瘦肉兩層，肉香軟滑，食落唔會油膩🥬💗荔枝烏龍 (+$12)

開耐無食台灣牛肉麵，要食緊係搵間台灣人主理既餐廳去食架啦🤣上網睇先知原來已經係香港開左7年咁耐，而且開業咁耐仲有有幾間分店，緊係要支持下啦！環境好似台式小店，木系的裝修風格配合埋燈籠🏮好似去左老街咁，仲有🤣入到去餐廳已經聞到好香牛肉湯味✨滷肉伴麵 $52 (+$12 溏心蛋)滷汁入味，肥瘦比例剛好，麵條彈牙有嚼勁，幼麵好岩我地，搭配滷肉的香氣，口感豐富。依個價錢尖沙咀黎講都真係勁抵食，仲可以加錢揀小食，揀左涼拌麻辣牛腱頭，另外溏心蛋都對版，流心的，都入味。✨涼拌麻辣牛腱頭 (半份) +$18鐘意食辣但唔能夠食太辣既我黎講，依種辣度岩岩好，口感爽脆，麻辣香口，作為前菜超開胃。✨百頁豆腐 (半份) +$8醬汁甜甜地，百頁豆腐感覺有少少似食緊軟腍既魚蛋咁，好過癮，抵食！✨牛筋牛肋條麵 $90 (+$12 溏心蛋)雖然價錢唔平，不過牛肋條都有兩大條、牛筋都有三大舊🤤牛筋軟腍得又彈牙，牛肋條夠哂大條牛味夠香啖啖肉，而紅燒湯底飲落唔辣微甜，濃濃的藥材香味，味道較清的確係無添加任何味精👍🏻，而麵質偏粗大好似上海粗麵，整體足料大碗好食。✨皮蛋豆腐 $38整體感覺好清新，豆腐一大磚，質感滑嫩，皮蛋醇香，

今日我嚟到嘅呢間台灣料理餐廳，真係要同大家介紹下啦，響tst既小行中，出面人來人往！由於我係個愛吃牛肉嘅人，所以我當然唔會錯過呢個機會啦！佢嘅紅燒牛肉麵真係一級棒啊！牛肉同牛筋軟腍有嚼勁，煮得好滑嫩，湯汁又香又濃郁，有陣淡淡既香料味， 而湯底一d都唔油喔！佢哋既粗麵咬落有彈性咬口適當咁吸咗牛肉湯嘅鮮味。除咗紅燒牛肉麵之外，和牛丸麵都吸引我視線，呢個牛丸真係好彈牙，好似食神舊瀨尿牛丸咁。一咬開就爆出香濃嘅和牛肉汁真係令我好驚喜！ 一開頭諗和牛丸會好肥好漏，呢間肉同肥既比例恰到好處，一碗仲要有六粒好抵食。加錢要咗個糖心蛋，浸得好入味，糖心程度岩岩好。難得有滷肉飯食，梗係要嗌啦。滷肉肥瘦適中，滷肉汁香甜亦比足夠份量我撈飯。如果唔係嗌咗兩碗面，我會嗌多兩三碗食🤭如果你哋鍾意辣嘅話，咁就要試下麻辣牛腱同麻辣鴨血啦！我就跟餐嗌半份嘅，麻辣牛腱嘅肉質實在太好啦，加上辣味嘅調味，真係好夠味！麻辣鴨血嘅話，啲鴨血好滑嫩入味同埋冇渣，都真係幾高質！第一次食甜不辣，口感煙煙韌韌亦都有魚香，個汁好惹味，好想嗌多份。 最後，嚟到台灣料理當然唔少得啲甜品啦！我試咗佢哋嘅桂花味雪糕涼粉紅豆芋圓，真係好涼爽，啲芋圓又

今次去咗位於尖沙咀嘅六兩三台灣牛肉麵，試咗幾款招牌菜式。首先係半筋半肉麵（$98），麵條煮得夠彈牙，配上滑嫩嘅牛肉同筋，湯底香濃唔膩口。另一款阿宏蔥油伴麵（$46），麵條同樣彈牙，油蔥味道香濃，非常開胃。燙青菜+滷肉（$28）份量唔少，滷肉鮮香多汁，配上簡單嘅燙青菜，平衡咗整餐食物嘅味道。最引人注目嘅當然係牛三寶併盤（$98），包括牛展，牛筋，牛肋條。牛展肉質鬆軟，牛筋有啲Q彈，而牛肋條肉質細嫩，三款肉味道都好鮮美，配上微辣嘅醬汁，好開胃整體黎講，呢間餐廳嘅牛肉麵同埋其他菜式都好出色，價錢亦都合理。如果你係牛肉麵愛好者，就一定要嚟試下啦！

When you enter, you are given a receipt with a QR code to scan and order. There is free wifi if you need it for this. The menu is available in both English and Chinese. I decided to get the 牛肉麵 (braised beef noodles), which they are most known for. The meat was very tender, and the broth flavorful. I would highly recommend it. I came on a Sunday evening at around 6 PM, and the restaurant was nearly empty, which I was a bit surprised about. After ordering, the food came very quickly. The service

由台灣基隆人老闆主理, 主打地道無味精台灣菜、台灣牛肉麵及小食, 餐廳裝修門面十分搶眼, 掛上燈籠🏮的裝飾, 特式又有風味我們點了牛肉麵選了川味紅燒, 中濃度湯底, 川味牛肉麵是台牛肉麵經典之一, 湯底味道濃厚,以牛筒骨、蔬果、醬料及獨家秘製的紅燒作湯頭, 建議先品嘗一下台灣風味的湯底, 牛腱肉肉質燜得軟滑三寶牛肉麵選了麻辣濃湯口味, 三寶配料豐富, 有牛腱、牛筋、牛肋條, 一次過可以品嘗三款不同牛肉口感, 牛腱肉的筋紋分布均勻, 入味肉質軟嫩、牛筋透亮油香夠彈牙、牛肋條牛味濃郁, 非常有咬口, 完全能吸濃湯的味道, 必食推介😍小食百頁豆腐 - 半份顏色呈金黃色, 古早的味道滷甜不辣 - 半份是台灣地道小食, 帶甜甜鹹鹹, 外層夠香脆又不油膩涼拌小黃瓜🥒切成小塊鮮綠爽脆, 酸酸甜甜非常爽口又開胃甜品荔液滿白峰荔枝味爆珠、芋圓、仙草凍、雲呢拿雪糕芋頭、番薯及紫薯煙韌ǫ彈, 配上仙草凍每啖都很滿足、甜度適中, 有驚喜, 甜品之選😍飲品檸檬可樂冬瓜檸檬茶冬瓜清爽口感、又有檸檬的酸甜味道, 非常清新解渴小店環境企理舒適, 食物新鮮熱辣, 服務親切有禮, 主動收碟、上菜有效率, ᴄᴘ值高,整體不

今日去尖沙咀shopping，同朋友傾傾下計發覺好幾年無去過台灣。疫情前成日去台灣既我突然「思鄉」病發作，就去左食台灣菜。見到舖面就已經好吸引，就選擇食依一間便我既「解藥」。餐廳裝修都好台味，好似真係去左台灣食野咁。餐牌唔洗講，全部都係台灣食物。有咁多種野食，我選擇果時都簡左好多，真正既眼花撩亂。飲品選擇又多，完全岩哂我胃口。着先叫左兩杯台式飲品白桃烏龍茶同蜂蜜咸金橘。淺嚐友人點既白桃烏龍夠香濃，又夠解渴。而我點既蜂蜜咸金橘，比例調配得好好，唔會過咸同甜，十分清涼。主食叫左麻辣乾拌麵同滷肉飯。拌麵麻香味道好令人開胃，而且麵條彈牙爽口。滷肉飯夠香，入味。如果唔係叫太多食物好想再食多一碗。小食就選擇左甜不辣同皮蛋豆腐。甜不辣同台灣食既味道一樣，又夠入味。而皮蛋豆腐，皮蛋香，豆腐又鮮。兩道食物作為小菜一流。今餐台灣之旅舒緩左我對台灣既思鄉情懷，食物都好地道同好食。如果下次再想食台灣菜，我會再來。

收工係公司樓下撞到朋友(其實冇乜出奇，我哋同一棟大廈返工🤣既然大家都冇飯食，就不如一齊去搵嘢食好耐都冇去食六両三，好掛住佢牛肉麵🤤各式各樣既台式料理同小吃都有朋友一坐低就嘈住話一定要食佢個麻辣鴨血豆腐🤣好啦好啦我喉嚨痛都陪你食啦無獨有偶我地都只飲冬瓜檸檬茶，雖然呢度嘅冬瓜檸檬茶冇得揀甜度，但係味道都唔算太甜，加咗鮮檸檬味道好清爽麻辣鴨血有三大舊，好嫩滑而且入邊好Juicy，百頁豆腐索曬湯汁，真係好辣好刺激店員大推佢哋嘅牛筋丸，作為一個牛丸嘅fans，點會唔試下🤟🏻喉嚨痛嘅我就食唔到麻辣湯啦，剛剛好見到有蕃茄牛筋丸麵，啱曬我有成六粒牛筋丸咁多😳而家唔係細size牛筋丸好彈牙，而且牛味都幾濃，唔知有冇得單買返屋企打邊爐呢😛麵好有驚喜，係好有韌道麵質😍朋友堅持每次都要食佢嘅半筋半牛麵🤣佢話自己夠專一wor牛筋份量超多😳cover咗大半碗麵，口感唔會太軟爛，係Q彈既牛筋口感牛腱薄身腍滑有牛味，湯頭偏甜有藥材味，有種肉骨茶嘅感覺，忍唔住偷飲咗佢幾啖湯😛最近新推出咗套餐可以加$28有芋圓甜品，雖然我哋冇叫套餐，但都想試吓個甜品😍甜品有兩款，我哋就揀咗第二款嘅荔液滿白峰荔枝味爆珠配上雲呢拿味雪糕又幾

🍜🥢🥣主打台灣牛肉麵小店▫️QR code落單🆗 三寶牛肉麵 （川味紅燒湯底）- $95呢碗價錢較貴，但有齊晒牛腱、牛肋條、牛筋，全部都煮得好淋，好易咬，份量都算多，每款都有三件。唯湯底較淡，有少少藥材味。同埋麵條好似烏冬甘粗，卻冇烏冬咁彈牙，可能台灣麵係咁。湯底裏面嘅油麥菜就幾好食，新鮮翠綠，而且爽口。🆗麻辣鴨血豆腐 - $48 + 冬粉及紅燒湯 $15鴨血有4大件，都幾滑，而豆腐係好索汁嘅蜂巢豆腐，呢個辣度是固定的，真係好辣，食到譚仔三小辣以上嘅人先好試。冬粉就好似粉絲咁，好索汁。🆗百頁豆腐（半份）-$8半份有2件，少少彈牙似魚腐，嗰醬好似甜醬。☑️ 白桃烏龍茶 - $10幾好飲，入面有個茶包，應該冷泡左一段時間，所以濃味，白桃及烏龍味都出。

紅燒牛肉麵湯底有3種濃度，今次揀咗中等，味道啱啱好， 唔會太鹹 ，間舖主打無味精 食得出好香紅燒味，但湯底無咩甜味，所以鐘意食甜啲湯底嘅就唔啱你啦～麵條有彈性，其他地方食唔到，亦都好吸湯～牛𦟌有6塊，軟得嚟好入味～