Lounge Hakuba

Open Now

Now Closed

近著銅鑼灣站D出口，商業大廈Tower 535的低層有數間高質餐廳，其中這間CAFE位於三樓大堂，主打健康的日式輕食，環境寬敞樓底高，白天是Cafe，而晚上則搖身一變成酒吧，裝修以簡約日式木材為主，有充滿民族色彩的布藝梳化，打卡感十足。Bento Board - $118主食一款、前菜、漬物及日本蛋共兩款、肉及海鮮共兩款和風雙色沙律以椰菜及紫椰菜絲為主，加上昆布絲和車厘茄，伴柚子醋，酸酸甜甜好清爽開胃；蟹籽牛油果 +$10三塊牛油果切件，質感綿密新鮮，有一粒粒爽脆的蟹籽。三文魚籽炒滑蛋滑溜的日式滑蛋富蛋香和奶香，爽脆的三文魚籽更有爆汁。吉列鹿兒島豬扒 +$18鹿兒島的豚肉肉質緊緻又多汁，吉列的炸漿好薄脆，入口清爽不黏膩。蒲燒鰻魚 +$18塗滿惹味醬油的鰻魚，外皮略帶焦香，咬開綿密的魚肉肥美又柔軟，更有少少紫菜絲。日本珍珠飯粒粒分明又飽滿，還有少少飯素。Flat White +$34平日正價飲品可享減$8加配。

銅鑼灣有棟幾新嘅商廈，入面有間裝修得幾靚嘅日式餐廳cafe，lunchtime主要係食便當，所以我同朋友一人揀咗一個自選便當試下我揀咗個便當有秋葵醬油漬、三文魚籽炒滑蛋、日式叉燒、櫻花蝦手打墨魚餅配日本珍珠飯，仲跟個昆布豚骨湯日式叉燒肥瘦均勻，燒得幾好，肥肉位置入口即溶，瘦嘅位置都淋，而手打墨魚餅幾有墨魚嘅鮮味兼且彈牙，其他幾樣餸都唔錯朋友揀咗雞軟骨棒，呢個我覺得係必食，因為咬落去啖啖雞軟骨，好爽脆，佢仲揀咗蒲燒鰻魚，份量都唔少，都係唔錯嘅選擇野飲方面我揀咗宇治小山園Matcha Latte，我覺得比平時其他地方飲到嘅香，朋友就飲Dirty，佢都覺得唔錯除咗食物同野飲出色，餐廳啲座位都好舒適同寬敞，所以幾啱同朋友黎食飯傾下計

同阿女齊齊出關後，阿女話公司有一日假期比quarantine完嘅員工relax吓，於是我哋就出去走走食過休閒午餐！呢間餐廳位於世貿隔離新商廈3樓，第一次幫襯，門面已經吸引住我，而且室內開陽，感覺閒適。食嘅係日本料理，自選食物，味道可以而且價錢尚可接受。但令人有啲失望嘅就係有啲食物餐牌有嘅都話冇得order 🥺不過好喜歡嗰度嘅環境，人又吾多，聽住細細聲嘅音樂，輕輕鬆鬆，休休閑閑咁食個午餐總算吾錯！

銅鑼灣呢間餐廳好啱行到攰一攰嚟坐 環境好靚之餘亦都好休閒平日呢度有便當套餐選擇非常多而且賣相好吸引所以就叫咗呢個一個套餐有六個配菜Set 1日本昆布湯手打鳥冬和風雙色沙律香草烤南瓜三文魚籽炒滑蛋（日本蛋）雞軟骨棒蒲燒鰻魚 +$18.0Set 2曰本珍珠飯豚骨湯秋葵醬油潰三文魚子炒滑蛋（日本蛋）曰式叉燒櫻花蝦手打墨魚餅+$18咁樣嘅套餐食落好清新健康最鍾意就係鰻魚同埋雞軟骨棒口感非常好另外嘢飲仲叫咗杯抹茶同dirty都好唔錯 👍整體來講呢度好啱舒服坐一坐嘅地方，而且嘢食味道都幾好味😋

見到呢間餐廳裝修幾靚嘢食好似都算吸引，就入咗去試吓weekend嘅menu無得叫自選便當setMenu選擇唔算多最後揀咗兩樣嘢食⬇️三文魚他他賣相幾靚，都係常用嘅正常材料蕃茄洋蔥牛油果，再配搭烘過嘅麵包正正常常無咩特別他他份量都算多，如果比多兩塊麵包就更好⬇️豚肉掛包豚肉食落似叉燒，有少少un夾埋少少蔥花同芽菜食感覺清新啲，個醬汁都係似叉燒嘅醬雖然食物質素一般，勝在餐廳環境夠舒服如果想靜靜地同朋友飲杯咖啡傾兩句就唔錯嘅

喺附近做完嘢，嚟到呢間日系cafe～見到佢嘅便當組合幾吸引，五款小食加主食，全部都可以自己選擇的。主食有珍珠飯，多士，同埋烏冬選擇。小食有漬物，肉類，海鮮，蛋，同埋湯或者沙律；每款有大約四至八個不同嘅選擇。大部份都係日系小食我今次揀咗和風沙律，山葵山藥職，三文魚子炒滑蛋，照燒雞，雞軟骨棒依間嘅咖啡都唔錯，FlatWhite（便當組合減$8）銅鑼灣食lunch都比較油，茶餐廳比較多。呢度都係一個當你唔知喺銅鑼灣食咩好嘅時候好選擇

朋友介紹嚟到呢間cafe，原來佢offer手工咖啡同日系fusion輕食。今次我哋嗌咗pasta, 意粉煙韌，醬汁味道不錯！而牛肉三文治就食得出係鮮嫩多汁，份量都幾大。下午茶時間頗多人係到，幾受歡迎

休閒日式咖啡店, 旺中帶靜, 仲有戶外地方.〔 bento board弁当ボード 〕 $128 .便當用六格小盒子擺盤, 而每一格都有不同的選擇自己鍾意嘅菜式.我哋三個人叫咗珍珠飯/日式昆布豬骨湯/三文魚子籽炒滑蛋/明太子薯蓉/口燒牛舌心/梅醬煥鯖魚/味噌五花肉/辣味噌大根/柚子蜜糖鹽麴手羽/燒鰻魚/秋葵醬油漬/辣味噌蛋花湯除左燒牛舌心比較難咬,所有都有水準, 好好送飯.(好味指數: 9/10)

🍵 matcha dango set $168menu寫係limited supply…就叫黎試試！成個set 包6樣小點心～ 全部都好精緻… 抹茶火鍋有個蠟燭仔熱住…由於個人唔係抹茶控，覺得略苦，唔係太夾個🍡同生果… 反而個年輪蛋糕連買個醬一齊食就中和左蛋糕個甜膩…總體普通而且性價比唔高…唔建議🥲🍋 yuzu honey croffle $88牛角酥窩夫好邪惡🧡 個酥皮酥脆有陣陣ge牛油香味…食落去軟糯有口感…上面中夾住一大球雲呢拿雪糕…再淋埋柚子醬…簡直perfect match😍 下午茶必叫Tower 535 雖然係商廈…但成個環境好休閒，木系簡約裝修，有時OL 落黎買返杯咖啡嘆個tea 都唔錯😂 如果想食鹹點tea 就要早d，個日16:00 到已經冇曬🫢

呢間位於銅鑼灣Tower 535既日系咖啡店，係Lounge Hakuba既副線，室內以木系為主調，亦都設有戶外座位，以camping 為主題，白天為cafe，夜晚為酒吧既概念，環境舒適又別緻明太子蟹肉烏冬黎到見佢個樣好似好膩咁，點知食落又唔會喎，烏冬煙煙韌韌，忌廉加上明太子既咸香，再有少少蟹肉同大蔥碎，又夾又好食，如果多d蟹肉就好了Uji Matcha Latte 用了宇治小山園既抹茶粉，抹茶味道香濃，轉了燕麥奶味道都好夾Latte雖然拉花線條唔算好實，但奶泡打得唔錯，口感順滑，帶nutty既味道抹茶紅豆CroffleCroffle好似係近排cafe既大熱甜品，Croffle 烘至香脆，牛油味都幾濃，配上一球抹茶雪糕、紅豆、糯米糍，呢個配搭和風得黎又好味雖然枱與枱之間都放得都密，但勝在樓底夠高，唔會覺得好嘈，放假黎呢度chill下都係一個幾好既選擇

平日經常係銅鑼灣覓食, 但真係好少上去Tower 535, 印象覺得喱到係商業大廈既成份比較多~~今日朋友介紹左一間好Chill既餐廳--The ALP @ Lounge Hakuba , 係門外位置已經可以見到裡面係裝修係我最鐘意既木系風格入到黎感覺都唔錯, 位置闊落, 台之間亦有一定距離, 成個環境感覺悠閒, 好適合朋友相聚, 唔洗成日搵CAFE~黎到食物同飲品既正題, 食物方面由於我係下午茶時間黎到, 叫左小食﹑飲品同埋甜品, 如果比較肚餓都可以叫喱到係便當SET, 睇落都吸引架~不過今日我就冇試冇得評價下啦食面方面叫左鹽麴雞翼同埋一個甜品yuzu honey croffle, honey croffle 一定要大大力推介!!一開始以為喱個只係窩夫口感加上蜜糖, 但係出奇地超級超級好味道!!外面係脆脆係口感, 但入面非常軟糯, 有一種麻薯口感, 加上焦糖脆脆粒同埋柚子蜜糖, 係勁新奇同好味既配搭!!!我同朋友兩個食完都不約而同睇返MENU上既甜品名XD學識左原來croffle係croissant(牛角酥)+waffle(窩夫), 下次黎一定會encore喱個甜品!!!由於甜品太好

係Openrice見到呢嗰6格仔定食，一直都好想嚟打嗰卡🤪 相機食先😎主食可以揀飯/厚多士/烏冬，不過大食嘅小朋友我會建議你食返珍珠飯😳 咪未必夠飽😂前菜可以揀沙律🥗/湯/布甸(+15)，本身想加布甸，但無得加🥲 飲咗豬骨湯😝漬物同御菜揀兩個，我就揀咗蟹肉凍豆腐同明太子薯蓉🤪 如果就咁嗌明太子薯蓉沙律要$68‼️估唔到一個格仔佢都俾到咁大球我😍肉/海鮮我揀味噌五花肉同一口牛(+28) - 配搭飯食會更好😚總括嚟講，如果係附近返工/過開嚟Sogo行街，想坐低傾下偈，休息下，呢度絕對係不錯嘅選擇！環境真係好舒服😙

係Sogo行街行到累，係Openrice發現呢間舖頭😝 估唔到呢類型嘅餐廳會做到呢個效果🙈 通常係Office下面嘅coffee Shop 都有好多限制🚫 但佢呢度好似無俾嘢限制到佢咁😋 環境好，傾偈/坐低輕鬆下真係好chill😆啲食物亦唔會只圍繞包類為主嘅🤤 係真係有主食🥹 有炒飯，有烏冬，仲有甜品😆 我叫咗明太子蟹肉烏冬$138🤪 好失策唔記得影相🥲 不過不得不讚下佢😳 真係估唔到佢整到呢個水準俾我🙈 真係好好食🙌🙌 佢嗰醬汁做得啱啱好，唔會做得太濃搶咗其他食材嘅分😎 嗌咗杯朱古力，仲以為我可以見下棉花糖人，原來係冬天限定架🥹

呢間餐廳位於銅鑼灣商廈Tower 535入面，直上兩條電梯大堂位置就會見到，外型設計得好似日本滑雪場嘅木屋咁⛷️室內外都擺放了唔少梳化同咕𠱸🛋️感覺漫暖舒適，上班族忙裏偷閑嚟呢到用餐，感受下日本氣氛都唔錯架🤣呢到主打午市日式便當料理，而鋪滿草地嘅室外座位都可以chill下添～🍱便當午餐 ($118)呢個便當最吸引嘅地方，就係除咗主食同Side dish之外，仲可以揀4款便當菜式😍俾客人可以自由組合呢六格便當，豐儉由人，真係相當吸引☺️🔸主食厚多士 - 多士烘得幾香脆🙈🔸Side dish日式昆布豬骨湯🔸4款便當1️⃣三文魚籽炒滑蛋呢款就咁食比較普通，擺上多士食幾夾2️⃣蟹肉凍豆腐豆腐超嫩滑，食到一絲絲嘅蟹肉，配搭柚子醋好清新開胃😍3️⃣味噌五花肉五花肉肥瘦相間，大片之餘味道唔會太鹹👍🏻4️⃣燒鰻魚 (+$18) 鰻魚肉質係彈牙嗰種，個人比較中意soft啲、軟稔嘅質感🙈🍵Ice Uji Matcha Latte (跟餐+$49)抹茶都幾香濃滑身，飲落唔會覺得太甜，不過略嫌細杯咗小小🤣大杯啲就perfect😍☕️Hot Hojicha Latte ($52)呢杯熱飲有驚喜😍拉花圖案幾靚🙈炭焙味道好香濃，值得一試！

係IG見到D post好正，好似幾靚，同之前有改變，一直好想再試！今天特登约埋幾個friends試吓！個日本便當box set好有驚喜，樣樣都想試，有選擇困難添！😋！但是今日個apps落唔到4個單，最终人手落單！食物都似預期咁好味，淮山豆腐，牛舌，比目魚，蟹子薯蓉，手打烏冬，.....最驚喜連Set drinks 菠蘿ginger soda 都好好味！另加多個手羽就不嬲都有準！不過我個昆布豬骨湯就好濃，咸咗少少！從無期待個多士正，心諗反正只係麵包， 點知好好味喎，軟熟又有香料味！但是有少少失望今天無飯供應！下次一定要試鰻魚飯！P.S.4個sets嘅相好靚吓