Lúa (Closed)

銅鑼灣東角道大家經過一定見到，呢間充滿燈籠嘅餐廳🍴人人行過都會影張相打卡😍😍我今日直情入埋去食嘢!估唔到連食物都相當之有特色由越南人親自主理，係新派嘅越南菜🤩小墨魚春撈檬：好濃嘅海鮮味，加上少少酸甜汁撈埋檬粉，鍾意食海鮮味嘅朋友可以一試黃姜雞胸茴香葉撈檬：黃姜味+撈檬呢個配搭好新穎，以前未食過，味道好夾，而且用雞胸，成個感覺好清新同健康😍自選小食拼盤：蒸粉皮好獨特，有啲似炸兩，但係內餡一絲絲，好有咬口。 炸越南春卷，有素菜餡同肉餡，兩款都好好味😋內餡仲好爽口斑蘭布甸法包+椰子雪糕：呢個係餐廳必食！🤩🤩大家一定要食！斑蘭布甸漿流心+滿瀉🤩即叫即整熱辣辣😋唔食一定後悔😂❤️總結：菜單好特別好新穎，有別於傳統嘅越南餐廳，加上燈籠佈置得好靚，打卡又得，嘆美食又得❤️👍🏻

呢間越南餐廳有2層樓高🔥，上層好多有七彩顏色嘅燈籠🏮，食物選擇好多，宜家仲出左新嘅斑斕味甜品，同埋cocktail買一送一：-1️⃣「甘蔗豬肉串配生菜🐖🥬($95)」豬肉串好香香茅味！🤤~Juicy pork in sugarcane skewers & lettuce👍🏻-2️⃣「越式香茅豬肉飯伴特色蛋餅🐖🍳($128)」不得不講個香茅豬扒肉真心掂！香口到不得了，肥瘦適中，個飯仲伴有太陽蛋同埋蛋餅~ Lemongrass pork slices with rice & omelette👍🏻-3️⃣ 「酥炸魚柳雞塊撈檬🐟🐔🍜($128)」魚同雞有d偏鹹，但都幾香口惹味，檬粉份量好夠，撈埋佢俾嘅汁食好惹味～crispy fish and chicken fillets vermicelli bowl -4️⃣「斑斕窩夫配椰汁雪糕🧇🥥($138)」🆕窩夫有斑斕香味而且夠香脆，窩夫鋪滿椰汁同忌廉，仲有椰子雪糕🍦~Pandan waffle 👍🏻

🍭Lúa🍭餐廳裝修特別, 樓高兩層, 掛上各色燈籠極搶眼奪目🏮今次就同朋友來打打卡, 食下綠色食物😝🌿生牛肉雜錦湯河 ($119)越南餐廳必點一定係牛肉湯河🐮湯底清甜, 唔太夠牛味, 好彩有芫荽, 即刻香十倍🤣可惜河粉煮得太熟, 一夾就散😅🌿潘切直送小墨魚春撈檬 ($168)而個撈檬應該唔係個個接受到🙈小墨魚食落去口感比較黏黏地, 有d食刺身既感覺🦑撈檬本身已經撈左汁, 酸酸甜甜, 開頭食都幾開胃,食食下就會夾雜住小墨魚既墨汁同魚春, 有dd腥既感覺, 個人就覺得一般般🙈🙈🙈🌿酸甜蒜香茄子粒 ($148)茄子外皮煎炒得香口, 肉質軟腍, 而且入曬味🍆酸酸甜甜, 仲有勁多蒜粒, 超香口超開胃😋🌿原隻椰青沙冰 ($118)個沙冰勁高, 份量好足, 打卡一流😂椰子味好濃且清甜, 都唔錯, 不過就貴左少少🙈🙈🙈🌿拉椰糕配手作蛋白餅 ($78)拉椰糕煙煙韌韌, 仲好香斑蘭味☺️自家製既蛋白餅好脆, 配埋拉椰糕一齊食, 口感豐富🥰環境的確係唔錯既, 不過價錢偏貴, 性價比唔太高如果for打卡既話, 可以試一次既~評分: 🍀🍀🍀

店名Lua喺越南文中有「稻米」之意，皆因「米」喺越南飲食文化中有舉足輕重嘅地位，而店內超過八成食材都係由越南直送架，用以製作地道嘅越南會安菜。上次黎食過午餐今次黎試晚餐，竟然有live music聽，多款飲品包括cocktail、手工啤仲有happy hour買一送一優惠！𖦹 斑蘭布甸法包配自家製椰子雪糕 $128見佢要整45分鐘咁大牌即管試下，拎到上黎其貌不揚，面頭啲醬仲要係螢光綠色，唔通又中伏？原本呢道甜品靈感嚟自近年大熱嘅麵包布甸，只要將熱辣辣、仲冒緊煙嘅法包切開，斑蘭內餡隨即緩緩流出。法包非常香脆，一定要放埋椰子雪糕入去一齊食，冷熱交融，實在太好味太出色，於是首次將甜品放喺第一項介紹。𖦹 綠糯米炸鵪鶉蛋配熱情果醬 $48熱情果醬意外地香濃，果味突出；綠糯米食落好似coco pops咁脆，同鵪鶉蛋幾夾，係一道別具特色既小食。𖦹 潘切直送小墨魚春撈檬 $ 168小墨魚原條上，有成隻手指咁長，新鮮爽口；撈檬嘅海鮮汁已經係碗入面，味道帶微酸，可惜檬粉黏得比較實，要花啲時間先撈得均勻。𖦹 三色椒檸檬葉金菇焗鮮蠔 $ 168每隻蠔新鮮飽滿，非常鮮甜；值得一讚嘅係醬汁酸酸甜甜，很惹味，仲有索

人氣越南餐廳LUA一開幕就成為城中熱點：漫天七彩燈籠真係好打卡，好似一秒飛到峴港會安，夠曬浪漫！△ ▽ △ ▽ △ ▽ △ ▽ △ ▽ △ ▽△ ▽ △ ▽ △ ▽ 🔹◉西北燜羊肉通菜鍋$368性價比高！羊肉份量夠曬多，燜得軟腍，完全不羶，肥瘦分明，越式羊肉鍋的湯汁濃稠，原來都唔錯！而且加入通菜，份量頗多，吸收醬汁精華！而配埋法包一齊食，脆口亦唔怕唔夠飽！🔹◉潘切直送小墨魚春撈檬 $168份量同樣唔少，約四、五小墨魚，小墨魚味道幾特別，有鮮味又彈牙！特製甜酸醬汁拌檬粉尤其開胃！▽ △ ▽ △ ▽ △ ▽ △ ▽ △ ▽△ ▽ △ ▽

每次經過都俾佢嘅燈籠裝飾吸引住🏮露台嘅裝飾好有越南風味，鍾意打卡嘅可以直接book埋佢嘅露台位～會係最靚嘅位置💌‣ 越南三味 ⋆ $180拼盤有三款越南小食，每款有兩件。分別係牛肉卷、蝦串同豬肉串，個人比較鍾意蝦串，幾彈牙，另外兩款就唔太特別‣ 香煎大頭蝦配秘製海鮮汁檬粉 ⋆ $198呢個大頭蝦好巨型，蝦頭仲有少少蝦膏味道好甘香，蝦身多肉爽口。下面仲有檬粉薦底，檬粉加咗佢嘅秘製海鮮汁，濃味但又唔膩，唔錯❕❕‣ 三色椒檸檬葉金菇焗蠔⋆ $168焗蠔用錫紙包住，上枱之後會有火焰再燒多次。打開之後入面有四隻蠔每隻都脹卜卜，因為加咗檸檬葉癖走咗蠔既鐵鏽味，就算半熟都一啲都唔腥👍🏻而且呢個香草仲好有越南風味

每次去銅鑼灣shopping都會被Lua的漫天燈籠吸引住，bookmark左甘耐終於可以去打卡啦! 餐廳主打越南菜，兩層的用餐區佈置都好靚，特別係樓上有戶外位，彩色既燈籠令你置身係越南會安古鎮一樣，打卡一流!中部大頭蝦菠蘿酸湯配檬粉 （6隻）$368大頭蝦賣相好吸引! 有個明火爐上枱，一路食都係熱辣辣好正! 有6隻去左殼既大頭蝦，好爽口彈牙。湯底有菠蘿，入口酸酸甜甜好開胃，落埋檬粉好夾! 三色椒金菇焗鮮蠔 $168上枱既時候會用錫紙包住，跟住店員會點火，打開錫紙就會聞到陣陣酒的香味! 鮮蠔好新鮮又大隻，肥美又飽滿，面頭舖滿金菇和三色椒，入口鮮甜惹味!街頭小食滋味拼盤 $208小食拼盤好豐富，有豬肉春卷、秘製柑桔汁雞翼、自家製甘蔗蝦、甘蔗豬串各兩串、魚扎肉三款口味和迷你春卷。最愛甘蔗蝦，蝦肉香酥彈牙，配埋酸甜梅醬超好食!柑桔汁雞翼炸得好香脆，肉質嫩滑，最特別係用柑桔汁，酸酸甜甜好解膩。其他都係越南傳統的街頭小食，款款都好出色，食得好滋味!

超好味！坐喺閣樓一流！地方超級舒適，仲要有現場live聽歌！佢哋嘅主打食物前菜同埋甜品都超級好食！地方位置又好！地鐵站出去，唔使行5分鐘就已經到達！不過人就比較多，所以記住要打電話去book枱，仲有佢哋嘅服務都非常一流，總是一個字講晒，正！我嗰日仲見到有人喺嗰度搞生日派對，餐廳裏邊絕對夠空間可以搞派對，或者係任何形式嘅會議！我嗰日同朋友一齊去，之後我再去多一次，終於試晒佢哋嘅菜式！真係太好食啦！正！

呢間之前食過一次 覺得唔錯 所以又再encore 唔知水準有冇下降呢😚👅斑蘭布甸法包配自家製椰子雪糕 $128呢個好推薦大家一試‼️佢嘅法包有啲似係嘉多娜食到嗰種 食嘅時候啱啱出爐 斑蘭醬仲有少少流心😋味道幾突出 又唔會太甜 好正🤤👅潘切直送小墨魚撈檬 $168呢個食落幾特別 調味酸酸地 墨魚都唔錯🥰👅雜錦牛湯河 $119呢個都幾豐富 有炒鮮牛肉 牛扎肉 牛肉丸 牛肋骨 牛皮 鮮牛肉幾軟淋 牛骨湯都唔錯😛👅三色椒檸檬葉金菇焗金蠔 $168職員會喺我哋面前將紙包蠔點火 令到啲味更加滲入金蠔裏面🤩食落有啲泰式風味 蠔都幾肥美😍總括嚟講 呢間嘅食物唔錯 環境幾靚 有好多燈籠 服務都幾好 大家要嚟呢度一試啦🙈😋 好味：8.02/10🤑 價錢：7.76/10🤗 服務：7.89/10😝 環境：7.98/10😚 衞生：7.67/10🤩 整體：7.89/10

今晚放工同朋友去左食越南菜一黎就比餐廳滿滿燈籠既裝飾所吸引好有身處越南會安既感覺首先嗌左個素春卷做小食炸得好香脆，蘸埋醬汁食好夾主食揀左芽莊紅燒雞扒飯雞扒燒得好Juicy食落雞扒皮脆肉嫩然後係黃薑雞胸茴香葉撈檬食落有少少似咖哩實質係黃薑，食落幾惹味另外嗌左個酸甜蒜香茄子粒味道有驚喜，估唔到酸甜同茄子咁夾餐廳做緊Cocktail買一送一仲可以揀唔同款，會Free返平啲果杯Autumn in Hanoi用紅茶式為主，飲落有少少桃味Sugarcane Mojito Chill酒味比較重，感覺好Fresh最後嗌左個斑蘭拉椰糕做甜品食落仲係暖笠笠，口感煙韌軟糯整體食物水準唔錯餐廳環境充滿越南格調，值得一試

一轉再轉🤣週末跟好友走西試越南菜🇻🇳！餐廳係銅鑼灣 分2層 ʙᴏᴏᴋ咗ʟᴜɴᴄʜ ᴡᴀʟʟ ɪɴ都有好多位不過2樓的露台雅座只有3枱 可以碰碰運氣喔🍀室內裝潢都好有越南風情 ǫʀ ᴄᴏᴅᴇ下單 兩女生點咗1人餐x1 + 主食x1 · ┈┈┈┈┈┈ · ꕥ · ┈┈┈┈┈┈ · / 小食 / ✿ 粉包炸兩小食 (3件)：入面包裹住脆脆肉碎 小吃多滋味 ✿ 蕉花絲涼拌𝐁𝐁蝦配蝦片：爽口開胃小吃 / 主食 / ✿ 生牛肉雜錦湯河 $𝟐𝟓𝟓：上餐時店員溫提牛皮好有骨膠原🐒雜錦材料都豐富 有牛肉片 牛扎肉 牛肋骨 牛丸 牛肉 牛皮就小試咗一小口 好彈牙似食緊啫喱 河粉口感韌身✿ 黃薑雞胸茴香撈檬 $𝟏𝟏𝟗：以為係檬粉 原來係米線 未煮散 一大撮乾真真😅反而雞胸肉就好入味 有好多舊 食完個一人餐每人食咗幾啖食唔落了 / 飲品 / ✿ 雞蛋熱咖啡☕️ $𝟓𝟐：雞蛋.煉奶.咖啡.白酒的組合 未攪勻之前飲到蛋香 攪完之後白酒味就慢慢上來了 同時變得好甜 過甜😅 ✿ 凍班蘭香茅咖啡 +$𝟏𝟎：好友點的 底部係斑斕呈綠色 ᴄᴏᴍᴍᴇɴᴛ係飲唔到斑斕味 · ┈┈┈┈┈┈ · ꕥ · ┈┈┈┈┈┈ · 食完出露台

一入到嚟啲職員好友善reception哥哥好好笑容 好nice😚餐廳環境好靚 裝修好精緻再加埋live music 好有feel其實有少少似酒吧嘅vibe 好chill好舒服一坐低都有職員好熱心咁樣同我哋介紹餐牌嘅菜式至於食物方面黃薑雞胸茴香葉撈檬 $119個汁好香黃薑味 雞有啲鞋但因為黃薑汁同平時撈檬嗰啲甜酸汁唔一樣 會冇咁稀 所以檬粉有少少黐埋一舊一pat嘢咁南瓜花炒鮮牛肉片 $168呢個係職員推介嘅 佢話係越南特別嘅菜南瓜花食落好似芥蘭咁，好嫩好好食嘅牛肉稍微鹹左少少，但係菜式整體上都好好食但係要用咁嘅價錢食芥蘭炒牛肉就都算幾貴😂經典越南法包 $98佢呢個係有豬肝醬嘅法包🥖個豬肝唔會好腥都幾好食個包好脆 唔會硬到咬唔開配料好足入邊仲有芫荽扎肉魚片仲有啲菜［酒精飲品買一送一優惠］Tropical Passion Sunrise $88身為酒鬼嘅我見到佢有個stong字即刻想試😂不過本身都鍾意啲fruity啲嘅酒果然真係幾strong係rum同vodka有用到熱情果肉不錯越式X西式Pale Ale $72佢係越南嘅手工啤聞落有淡淡柑橘味 飲落有麥芽味但唔會太重所以非常易入口整體嚟講佢

打卡越南料理：必食斑蘭布丁法包Lúa （銅鑼灣）～～～～～～～～～～～～～～～～～～～經過銅鑼灣發現呢一間兩層既越南餐廳，裝修很特別，二樓天花佈滿燈籠，影相打卡一流～小編今次order了自家製魚扎肉三味漢堡（$198），Lua 招牌素粉包炸兩6件（$48），自家製牛肉丸湯（$46），生牛肉雜錦湯河（$119），班蘭布甸法包配自家製椰子雪糕（$128）。特別推介班蘭粉絲必食班蘭法包，班蘭布丁流心，味道香濃，法包焗得很香脆，再配上自家製椰子雪糕，雙重口感！！（即叫即整，整作需時40分鐘，所以建議一開始先下單）

黎到新開既越南餐廳🍴外牆同佈置都好有特色•豬肉春卷賣相炸至金黃色咬落外皮好脆入面仲保持到原有肉汁•雜錦牛肉湯河入面超多料 有佢地既自家製牛札肉 牛肉丸 炒鮮牛肉 牛肋骨 牛皮超豐富 味道亦相當唔錯 鍾意食牛既鐵粉絕對要試•豬湯濛又係成碗都好豐富自家製豬札肉 豬耳札肉 炸豬札肉 豬肉丸 豬肋骨 豬肉碎味道一樣有水準 而且湯底清甜 唔錯唔錯•綠糯米炸鵪春蛋配熱情果醬睇個名都夠哂特色賣相靚 外層脆卜卜 再以綠糯米炸起再配埋甜甜酸酸既熱情果醬咬落脆口 出奇地同鵪鶉蛋夾•鮮青檸沙冰又點會少得佢酸酸甜甜既青檸沙冰 清新又解渴呢間都值得一食既餐廳🍽️

📌Lúa銅鑼灣高人氣的越式餐廳✨餐廳樓高兩層，樓上有室外位，掛上色彩繽紛的燈籠🏮啱晒打卡，裝修方面花過心思🧡由越南廚師主理，食到地道越南風味✴️豬肉春卷 $42網面的春卷皮炸得酥，裡面材料多而且非常飽滿，食落脆卜卜😚鍾意以生菜包住食🥬多一種爽脆口感✴️酸甜蒜香茄子粒 ＄148酸、甜、蒜香都做得足🍆茄子肉軟腍入味又索汁，味道少少辣，惹味開胃🧄✴️經典越南法包 $98法包🥖比想像中大件😚 外層烤得香脆，包住滿滿餡料好足料🌯裡面有扎肉、酸蘿蔔、青瓜、芫荽等材料，配上特別嘅豬肝醬，味道更昇華✨✴️黃薑雞胸茴香葉撈檬 $119醬汁的黃薑同椰香味突出，檬粉較粗身，有啲似米線，所以特別索汁，伴碟的生菜、花生碎亦增加口感✨雞胸肉厚切成粒粒，口感紮實唔會乾✴️斑蘭布甸法包配自家製椰子雪糕 $128推介必點❣️法包外面香脆，內裡帶點煙韌，連埋流心嘅斑蘭布甸，趁熱食真心正🥹斑蘭布甸做到流心效果，香味濃郁，加上椰絲更加係畫龍點睛😚椰子雪糕帶點淡淡嘅椰子清香，灑上花生碎更有口感✴️拉椰糕配手作蛋白餅 $78拉椰糕口感煙韌，甜度剛剛好，配上椰奶更滋味，手作蛋白餅香脆鬆化，同拉椰糕一軟一硬帶嚟兩種唔同口感