Macaroni Dessert Bar (Closed)

2019年2月22日星期五星期五收工等你老婆去拍拖啦，雖然聽日都要返工。今日會去紅磡同老婆睇戲所以順便喺附近搵咗間西餐廳食六點鐘嚟食嘢所以冇咩人，環境幾舒服晚餐價錢幾優惠，啱晒我呢啲平民一族。 可惜冇我想食嘅嘢Main course 全部部好吸引。我想食牛老婆想食羊。滿足到晒我哋嘅要求美國1855黑安格斯西令。叫咗medium rare.煎得啱啱好好香牛肉味。配菜grilled potato 有驚喜，十分香口。老婆叫咗個羊架。佢好滿意羊扒都係揀咗五成熟，薄荷香草汁配羊一流

住左喺紅磡都有兩年，得閒都會試吓屋企附近嘅小店，最近就發現開咗一間西式餐廳😳。裝修簡單得嚟令人覺得好舒服，適合任何人數來用餐～可能我地係平日嚟嘅關係，所以食客唔算太多，我哋亦都唔需要等位。👍🏼以下就同大家逐一介紹我哋點嘅食物啦跟餐嘅是日餐湯係南瓜湯，飲得出係用新鮮南瓜打磨而成，夠濃但係唔會太鹹，好開胃啊。前菜亦有一個沙律，蔬菜新鮮，拼上煙三文魚，好食！小食我哋叫咗一份雞翼，份量很多，性價比很高。雖然係炸有啲熱氣，但間唔時食下啲香口野都冇咩所謂啦😝軟殼蟹芝麻醬意粉— 醬汁的配搭很新穎， 好有新鮮感，軟殼蟹的份量十足，很值得試。西冷牛扒，我哋叫的是五成熟，少有地廚房真係做到五成熟嘅效果，牛扒絕對不是平價貨，從牛排的味道和肉質都可以吃得出牛扒的處理和烹調餐廳是很有誠意做的。最後還附送了甜品，甜度和份量都適中，為晚餐畫上了完美句號。整體來說質素絕對對得住價錢，人均消費200有找有這種質素十分難得，希望多啲人支持冇選擇喺旺區開舖嘅小店，因為可以用平啲嘅價錢提供高質素嘅食物啊～😆

✴Macaroni | #紅磡 .平價小店 創意西餐料理 🦀Happy fri相約在何文田工作的朋友 在佢公司附近食西餐 小店不在大街 人流較少 但晚餐時段都有一半以上滿座 🚶🏻.食物種類幾多 特別係甜品有十款左右 可能小店關係食物都係大份 由於我食了下午茶 所以決定叫1個前菜 1個main 1個甜品 同2杯飲料🥤🔸煙三文魚沙拉前菜方面 種類很多 我們就選擇左煙三文魚沙律🥗 三文魚大約有4 至5片 大大片 仲有新鮮的生菜🥬 芝士有數大片於沙律上 麵包是焗過的 但上枱時已經冷掉 所以沒有脆口感🔸麻醬軟殼蟹意粉🍴不想食肉的關係 點了一個幾特別意粉 軟殻蟹麻醬🦀未試過麻醬熱食 味道和金字芝麻醬相似 不會太咸 🍝 麵質不錯有咬口 撘配大量菇菌 和原隻軟殻蟹 👍🏻 想試下意粉不同的感覺 就非這不可了🔸鮮果拿破侖 $62最後上的甜品 選擇了雜果拿破侖 有分2人同4人分別 係即時新鮮焗起的千層餅再加2層cream 分量足夠2人果腹 再配有數粒新鮮水果 士多啤梨 藍莓玫瑰花🌹令到香氣撲鼻 口感提升 令人不知不覺就吃光了 話說每次吃拿破侖都會苦惱一番要點食哈哈

今晚咁啱同老公一齊係紅磡附近收工大家都唔想煮飯 於是決定係周邊搵食 比我地發現一間西餐廳 距離東鐵站大概8分鐘上網睇過口碑都唔差 一於去試下佢 我地就試晚市套餐 可以任選一款主菜然後加60蚊就可以有齊沙律 餐湯 甜品 茶飲每款都有兩個選擇 性價比非常之高沙律我地揀咗意大利巴馬火腿沙律火腿豬味濃夾雜油香 肥瘦均勻沙律用上火箭菜 羽衣甘藍等配黑醋作為頭盤之選餐湯就係粟米蓉忌廉湯跟黑松露芝士法包 粟米蓉幼滑 與一道忌廉混和 達致濃香細嫩口感厚層黑松露芝士鋪滿鬆脆法包上 配合湯飲 令味蕾享受更豐富嘅層次至於主菜就係蜜汁黑椒烤豬手 終於輪到大大隻豬手上檯 表皮層佈滿黑椒而增添微辣 蜜糖甜香切開豬皮時閃閃發亮嘅蜜汁流入肉層外皮被烤香少脆 保留到豬皮嘅骨膠原肉質粉嫩軟腍與皮下脂肪層一同享用 雙重口感呢隻應該係我暫時食過最滿意嘅烤豬手另外 我地又單點咗一客飯同小食半熟刺身帶子黑松露意大利飯煎香帶子至半熟狀態 整體保持柔滑鮮甜黑松露香氣加上削至片狀芝士於飯中 將色香味推至最高點 意大利飯有嚼勁 濕潤度符合水準小食就揀咗蜜糖芥末黑醋雞翼 雞翼炸至脆香 金黃色嘅雞皮沾上芥末同黑醋兩款醬汁平衡炸物嘅油膩感 雞

我平時好少黎何文田，但朋友係何文田個邊收工，所以就順便係附近揾dinner 食。結果我地就去左地鐵站附近間macaroni dessert bar 度食 牆上面既畫用色好靚同埋每幅圖都好有特色 電子menu 感覺係趨勢 haha xd因為我同朋友都好肚餓 所以要左兩個set dinner 一齊share 黎食 xd前菜係煙三文魚沙津煙三文魚好大片 而已沙津個sauce 真係好合我口味，因為我好怕個d 食到好膩既醬，但呢個一點都唔膩。面包好脆 我建議大家一開始可以唔配湯食左少少先，後尾再配湯一齊食，層次會豐富好多。是日餐湯係蒜蓉忌廉湯焗柚子三文魚扒我真係從未食過用柚子配三文魚，所以我同fd 叫左呢個試試，估唔到除左沙津醬之外，原來酸酸既柚子醬同三文魚都甘夾同甘好食。 必叫！！半熟刺身帶子黑松露意大利飯甜品係tiramisu一直都好怕好甜既甜品，但呢個tiramisu甜品既甜度岩岩好。 凍檸水 & 凍檸茶

有一天媽媽看到這家餐廳說想試，便和她來試試了。點了個Set dinner。前菜選了意大利巴馬火腿沙律，西蘭花忌廉湯。沙律夠清新開胃，而湯的味道亦夠濃，裏面是有西蘭花顆粒的。特別推介她的麵包，烘得暖暖後再塗上黑松露芝士，好吃！美國1855黑安格斯西冷 $198 +$60西冷份量都大呢！一整碟都是牛肉，而且煎得十分香，側邊的已煎至脆邊，肉質鮮嫩，好香。另外還散叫了碟卡邦尼意粉 $78看似份量很小，但其實有忌廉通常都會比較易飽，我們總是眼闊肚窄呢。還有小食- 香煎牛脷 $48煎得十分香脆，略嫌過燶了一點，但也可接受的。最後跟餐的餐甜品是意大利芝士餅。味道和裝飾也不馬虎！

今日同媽咪黎左何文田呢間bar，餐廳臨近地鐵站，可謂非常方便。餐廳采用了電子化餐牌，方便又環保。我地點了一個套餐，另加一個主食。前菜有「煙三文魚沙律」，煙三文魚好香好大塊，而且沙律菜新鮮爽口。餐湯係「粟米茸忌廉湯」，忌廉湯濃厚。「美國1855黑安格斯牛扒」件牛扒都幾大塊，不過就唔算太厚。牛肉香濃，食落肉汁慢慢浸出，脂味濃又唔會膩。媽咪就好鐘意食啦。當中嘅配菜都好新鮮，而薯仔就炸得岩岩好啦。推薦 「半熟刺身帶子黑松露意大利飯」呢款菜式非常好味。小妹同媽咪都一致推薦。刺身級嘅帶子經慢煎後更能帶出本身既香甜。而黑松露分量唔少配以口感煙韌有咬口。不錯！最後就係甜品。甜品既配料水果好新鮮，而且擺盤好靚，賣相一流。Tiramisu 味道岩岩好。

朋友相約放工後一同吃飯，這次朋友安排了一家位於土瓜灣及紅磡附近的西餐廳， 餐廳地點還算方便 ，距離最近的地鐵站何文田站只需要短短的五分鐘路程， 餐廳裝潢方面已黑色為主調，配合簡單佈置及燈光，環境還算不錯，沒想到店舖細細， 但五臟俱全。餐廳使用電子菜單，夠環保， 更為地球出一分力，值得支持。我們點了蜜糖芥末黑醋雞翼， 雞翼油炸，外皮香脆，內裏肉汁豐富，吃起來有點像麥叔叔的雞翼，蜜糖，芥末，黑醋，三種不同嘅味道混埋一齊，景有意想不到的口味。煙三文魚沙律為前菜， 沙律菜洗得夠乾淨，已經值得推薦。是日餐湯為洋蔥湯配黑松露芝士法包， 味道還不錯，熱辣辣，新鮮可口。飛禪和牛漢堡配薯條， 這是我們點的主菜， 性價比還不錯，和牛漢堡肉味豐富，肉汁咁多，最重要漢堡一口吃不下，已經值回票價。熱檸茶作為終結，簡簡單單的一餐已經完成。下次有機會也會再來，食下其他食物。

朋友介紹紅磡蕪湖街Macaroni 扒質素不錯，所以今日就與太太專程過來食。餐廳裝修優雅，裝修有特色。美國1855黑安格斯西冷$198美國1855黑安格斯西冷牛扒配有薯仔粒，紅蘿蔔，西蘭花，及沙律菜，跟配黑椒野菌汁。配菜薯仔炸得外表不脆，入口軟腍，紅蘿蔔及西蘭花都很清新的口味。安格斯西冷牛扒上枱已聞到香味，入口帶煎香，牛肉味很香，五成熟肉汁豐富，加上少少黑椒碎，更為美味，推薦之選。蜜汁黑椒烤豬手$148豬手配有酸椰菜，薯條及沙律菜。粉紅色的酸椰菜酸酸甜甜，太太最喜愛食，配豬手最適合，可以解食豬手的滯。豬手非常大隻，配有一個黑椒野菌汁，蜜汁令豬手咸中帶少少甜味，燒得皮脆肉嫩，太太更喜愛用豬手㸃上茄醬，佢話帶多少少甜的燒豬手味道更佳。

當日黎到人唔多，環境好舒服不過位置就唔太就腳但都算方便，可以由何文田或者黃埔地鐵站行過去都得叫了2個Dinner Set, 包既野都好多，而且食物的擺碟都有誠意 煙三文魚沙律／意大利巴馬火腿沙律有2款沙律可以揀，唔會好Hea 沙律的醬汁都幾特喇，分別有黑醋同芝麻醬，沙律菜好新鮮，味道唔錯粟米茸忌廉湯呢個粟米茸打到好爛好容易入口，不過粟米茸味道唔係好濃是日餐湯 － 紫薯湯紫薯湯好特別，出面坊間都少有不過味道同樣唔濃，食唔出紫薯味焗柚子三文魚扒主菜好有特色，呢個三文魚扒有2大件，喜出望外！加埋柚子醬酸酸甜甜，好開胃，唔會膩。三文魚焗得岩岩好，食落有魚油香，唔錯唔錯蜜汁黑椒烤豬手呢隻豬手好大好大好大隻，同以前其他餐廳食既size更大而且外皮仍然帶脆不是硬的，好欣賞個豬手入面味道唔會咸同埋外皮加埋蜜汁將層次昇華甜品個甜品擺碟好靚，簡單一件蛋糕加左咁有少女味既花瓣個擺碟，心花怒放總括，小妹覺得餐廳的造菜誠意十足有心思，雖然地點唔算好方便但大心機的餐廳係要大力支持

去紅磡又點止淨係去睇演唱會丫，睇concert前襯早想去遠小小搵野食，無他...因為紅館附近嘅食肆通常都爆曬棚有排等位。搵到呢間係蕪湖街嘅西餐，地鐵何文田站行5分鐘左右就到，都幾方便！一坐低店員就俾咗部tablet我哋點餐，所有Menu都喺晒部機裏面一目了然！主菜加$60就可以變做Set dinner😎 我哋叫咗個客煙三文魚沙律，由於驚太多醬汁，所以專登叫左汁另上，自己按個人喜好將沙律菜撈蜜糖芥茉汁一齊食，又fresh又夠健康👍🏻西蘭花忌廉湯都好夠香濃，用上西蘭花令整體感覺冇咁漏！安格斯肉眼叫左5成熟🥩廚師烹調嘅火候控制得啱啱好，半生熟咬落去肉質豐盈之餘，亦食到香濃嘅牛味，配埋黑椒汁食，零舍滋味😋炸魚薯條都有驚喜👻因為我本身好怕炸魚嘅炸漿太厚，呢度食落似用麵包糠黎做炸醬，咬落脆口之餘亦唔會有太多發粉嘅感覺。魚肉意外地炸完都依然咁嫩滑，而且新鮮熱辣即叫即炸，好食到停唔到口🤟🏻香辣蒜蓉炒蜆都好值得推介👍🏻首先係食曬全碟都無咬到有沙，證明餐廳處理得好仔細。隻隻都大粒飽滿，經過大廚嘅烹調，更突出到蜆肉嘅鮮味🤤個set dinner仲有甜品送，加咗$5要杯柚子蜜，大擦一頓後呷一口柚子蜜中和下，P

去紅磡探朋友,佢話有間好好食,環境又好舒服既西餐廳,就帶我去試下,係何文田B2出口3分鐘就到,好就腳.餐廳裝修好有格調,加上枱與枱之間相隔好遠,唔會逼,好有空間感,播住輕快既音樂,牆上掛住好有特色既狗狗畫,成個人即刻放鬆曬.餐牌係用平板電腦Display,好高級,好環保.特別推介Dinner Set,Main Dinner加HK$60就有齊前菜,湯,法包,主食,Drink,好超值.我地叫左煙三文魚沙律,粟米茸忌廉湯+黑松露芝士法包,香煎羊扒配薄荷燒汁,北海道Oreo芝士千層蛋糕,柚子蜜.另外加個雙重芝士夏威夷千島Pizza.煙三文魚沙律, 三文魚卷成玫瑰花形狀,周圍有好多沙律菜,蕃茄仔,賣相超靚,三文魚既煙燻效果做得好好,魚質仲好嫩滑,沙律菜好爽脆,點上沙律醬,好好味.粟米茸忌廉湯+黑松露芝士法包, 粟米茸打得好細緻,口感好Creamy, 忌廉又唔會蓋左粟米既香甜,好夾.法包超有驚喜,外脆內軟,加左黑松露.芝士同黑松露既配合原來咁好味,變得高級好多.香煎羊扒配薄荷燒汁,有3大件羊扒,有好多配菜,西蘭花,沙律菜,烤薯仔,紅蘿蔔,好健康.我地叫左8成熟,羊扒煎得好香,切開見到色澤好均勻,仲

今日經開何文田，經過門口見到呢間餐廳環境都幾好，而且價錢都唔算貴，所以就決定入去試下啦😋😋焗柚子三文魚柳$138🐟🐟🐟呢個魚柳一上枱已經令我有驚喜，足足有成兩大舊三文魚柳😋😋通常西餐只有一舊，但呢碟野竟然份量咁多，好抵食😍😍加左柚子既魚柳酸酸甜甜好開胃，而我就另外加左啲啲枱上面既海鹽，加完之後鮮味更加出👍🏻👍🏻蜜糖燒豬肋骨$168🐷🐷 轉做dinner set加$60 頭盤就叫左意大利巴馬火腿沙律🥗呢個沙律既汁係用左黑醋汁，但佢用既係甜甜地個陣，所以更加突出沙律菜既甜味🤤🤤湯就叫左是日餐湯西蘭花湯🥦呢個餐湯做到好creamy，而且仲有好多細細粒既西蘭花碎，飲落口感好正🤤🤤再配上好creamy既黑松露芝士法包，真係好滿足😋😋而主菜蜜糖燒豬肋骨份量都係勁大，切完有成6條骨，其實係大到可以同幾個朋友share😂😂而呢度嘅豬肋骨係全部即焗，雖然落單個陣話就話要等30min,但其實慢慢食完頭盤同飲完湯，時間都差多👍🏻👍🏻豬肋骨本身加左啲蜜糖汁，甜甜地既味道好夾🤤🤤而且另外再onside左個小小辣既燒烤汁，加埋落去個人覺得更惹味😋😋而且呢份豬肋骨既配菜都係超級多，有大量炒過既薯粒、西蘭花同紅蘿白粒

紅磡咁多好嘢食，今次來試吓間靜靜地嘅西餐廳先雞翼炸得好脆！個醬汁mix 得好夾，蜜糖同芥末味啱啱好，新鮮炸出嚟好夠熱，仲有沙律菜喺側邊，清清哋fresh 吓個口半熟帶子黑松露意大利飯好大碟 ！仲有兩大粒帶子！啲飯煮得唔錯唔會太硬同生，但好得意 呢度啲意大利飯比起出面嘅餐廳細粒雖然黑松露味唔夠出， 但係有好重芝士味 仲有一片片芝士係上面㗎帶子幾彈牙，唔痴牙，好滑，半熟煎得幾好胡麻醬軟殼蟹意粉望到成隻蟹 好大隻意粉好乾身，軟硬適中個汁的胡麻醬不會太重，配落意粉食都係第一次 好得意😎法國燒春雞個皮好脆好薄！忍唔住食曬～個脾好嫩滑，側邊配菜好多 好好食，特叩係薯仔，煮得好淋心太軟100分好香濃朱古力味，雪糕仲要係冧酒提子味！好有誠意！仲灑左啲花瓣同側邊有生果 賣相都很好

常常覺得紅磡呢一帶已經發展左好耐，唐樓多，年長人士亦多，雖然大部分人口都係長者，但呢帶都有好多受年輕人歡迎的食肆，從從前在紅磡上大學，就經常行入呢區覓食，而何文田站同黃埔站開通之後，相信會為呢區食肆帶黎更多人潮。〉耳聞Macaroni 係呢區唔錯嘅西餐，當晚我地八點多到，店內都只餘下兩張枱，都幾受歡迎，而且多是一家四口年輕夫婦帶小朋友食，我倆點了兩個set dinner，係main course 加60蚊配餐湯，沙律，餐飲及甜品。Main 方面叫左個焗柚子三文魚扒，平日係屋企煎三文魚常常會因為唔夠油而痴晒底，係迫魚油出黎之前已經要落好多額外嘅食油！餐廳方面用焗嘅方法，可以鎖住肉汁，而且魚肉保持嫩滑，唔會好柴。加上柚子蜜醬汁，成件事好清新，消去三文魚嘅油脂。另一個主菜係黑安格斯西冷，點了medium，切開後入面都仲帶紅，剛剛好！配上嘅薯仔似用避風塘方法煮，很惹味。值得一讚的還有餐湯部分，我們點了一個薯茸湯及一個粟米茸忌廉湯！薯茸濃稠而粟米茸creamy，配上黑松露芝士法包很夾。沙律亦跟湯一樣有兩款選擇，配選唔同嘅沙律菜及醬汁，一點也不馬虎！最後甜品方面，既然係甜品bar，梗係唔可以只嗌是