Mamaday Studio (Closed)

Mamaday依個名已經係無人唔知~ 除咗食到玩味正餐嘅銅鑼灣同尖沙咀分店之外，原來係油麻地近佐敦嘅位置有佢哋嘅Cafe version! 零限時提供一個地方比你地傾計做野之外，呢度嘅裝修犀利到我覺得簡直係一個地標！ 遠距離已經見到門口，因為出面嘅牆柱都印咗港式潮語(°▽°) 就咁入去門口已經覺得好靚！估唔到成幢樓都係Studio，而且每一個樓梯位都係獨一無二嘅打卡位！如果係特登來影相，相信你鋪幾個星期都post唔晒啲相(^O^)打卡friendly(*ﾟ∀ﾟ*) Food /Dessert : 📸📸📸.5 /5Environment :📸📸📸📸📸/5 Price 💰73.5％ 朱古力 —— $42 我發現我對朱古力嘅要求係嚴格啲(ﾟ∀ﾟ) 記得飲之前一定要搞一搞，因為個底有好多未溶嘅朱古力，所以飲得出唔係用朱古力粉沖嘅~ 而且佢嘅可可味係重過甜味~本身我係想叫佢嘅樽裝但係冇諗過咁大樽，我自己飲完杯裝都好滿足，所以建議大家如果買樽裝就同朋友分享~豆腐豆腐咖啡 —— $48大推薦！ 好重嘅豆腐味但係同時間又唔會蓋過咖啡嘅香味，而且豆腐雪糕甜味都唔重，成杯嘢飲飲落好天然好fresh ~ 而

Mamaday studio 呢度佈置得好靚好特別，啱晒打卡！ 有個小露台可以喺出面或者入面飲嘢食嘢傾計，小露台都幾光猛😍，不過遇著對面街裝修所以有啲嘈 73.5% dark chocolate $3873.5% 黑朱古力 $38熱黑朱古力味好濃沃，但係又唔會過甜，所以我都飲晒成杯 😆😈🥰 個杯好得意鬼馬,朋友好鍾意攞嚟打卡🤣 Homemade special 期間限定 $55 🍰今日佢哋嘅期間限定蛋糕係士多啤cheesecake同芒果cheesecake！ 我揀咗芒果cheesecake!  蛋糕賣相精緻，都幾吸引！ 食落唔會太甜， 甜度剛剛好！  一個人都食曬一件cheesecake，唔會太漏！😋😋😋 Black truffle cream cheese Sundried tomato homemade bagel🥯 $56黑松露蕃茄乾貝果圈 $56Bagel 份量正常， 蕃茄味bagel 幾特別！ 估唔到配埋黑松露cream cheese 都好夾！ 黑松露味幾濃郁，cream cheese好香滑 😍😍😍

喺油麻地嘅Mamaday Studio裝潢型格，係潮人必到之處！周圍都係打卡位，喺度嘆杯咖啡一邊同朋友吹下水，hea下hea下又一日～🥰是是鬼鬼但但咖啡溝柚子都係第一次飲，原來咁樣mix & match出黎嘅效果係咁好飲！朋友就嗌左杯熱拿鐵☕️。個拉花好靚～😍奶同咖啡嘅比例恰到好處，啡香奶滑。點了藍莓蕃茄乾貝果🥯，用藍莓同蕃茄乾整嘅貝果好健康呀～隨貝果附上類似車打芝士嘅醬汁。搽埋一齊食更滋味😋！

在白加士街離遠看到古靈精怪的裝修和標語便認得出是Mamaday了。「庸脂俗粉」英文是「You’re mamaday」真的笑翻了。也不知道它們開設了一間專門賣咖啡及甜品的Café。直接跟Barista下單，也可看到製作的過程。店內置放很多懷舊的小擺設。後來店員告知樓上有堂食的座位，原來穿過小巷有條很夢幻的樓梯，有足足兩層空間。這餐相當划算，單是打卡也可是坐大半天。73.5%朱古力(Bottle) - $78Barista即場特調的招牌熱朱古力，升級使用充滿藝術美感的玻璃瓶盛載，另上冰塊及紙杯約可沖出三杯份量。高達70%以上的朱古力已經屬於黑朱古力，可可豆的香氣及味道自然特別濃郁醇厚，沒有一般朱古力的油膩感，但相對帶點苦澀，喝起來也很滑順。布朗尼 Best Brownie In Town - $42Brownie的質感很特別，表皮酥脆而內層軟黏，一咬即碎又充滿嚼勁，同樣有著濃醇的朱古力味。頂端有整顆合桃之餘，裡面又有數粒果仁碎，增添多分堅果類的香味，口感更豐富。

個日我weekend 去， 地方唔難搵，當日去人唔係好多， coffee shop 只有輕食， 裡面每一處地方都有打卡位， 睇得出店住好有心思。叫左朱古力同豆腐coffee, 好味， 一邊飲野，，一邊傾計打卡， 好 chill.二樓仲有兩隻好得意既貓貓， 可惜疫情關係無開放。值得去多次既地方☺️

佐敦復古feel Cafe打卡好地方😝😝😝 眼見細細間以為無咩位坐，原來入去之後先係重點🤩🤩裝飾得好有藝術feel，由樓梯到露台都係滿滿既打卡🎨坐左一陣差d以為自己真係藝術家🤣🤣🤣咖啡d味道都唔錯幾創新🤣🤣🤣可以一試！💕💕💕💕💕💕💕💕💕💕💕💕💕美中不足既係要自己係樓下落單，然後再行樓梯攞返上樓🤣有小小麻煩🤣🤣🤣如果有得送餐就更加好啦😆😆😆

之前一直都已經想黎，見到勁多人嚟呢度打卡，環境都幾優雅。間舖頭由佐敦地鐵站行過去會比較近。我自己就覺得呢度最好飲嘅係豆腐咖啡，佢呢杯咖啡唔會有好重嘅咖啡苦味，飲落去嘅時候，口內會充斥着好香嘅豆腐味，少少甜，亦都幾滑，而且佢底下面亦都係有真·豆腐。另外就係叫咗呢度嘅藍苺芝士蛋糕🍰，配上呢個咖啡嘅話我覺得係非常夾，濃烈嘅芝士，每一啖都非常有口感。再之後就係，朋友試咗呢度嘅花茶，呢度嘅花茶真係好出色，佢唔係我哋以前飲過酒，得少少花，然後勁多水，然之後非常淡；反而佢成杯都係花果，所以勁有果香，茶味亦都香濃，兩者配合埋一齊我覺得係非常好。之後亦都叫咗呢度嘅Bagel，配埋Cream Cheese。

之前食過銅鑼灣Mamaday都知佢係玩味十足既cafe，今次黎到佢既佐敦新店，繼續睇下佢有幾搞鬼位於佐敦唐樓，樓高3層，店內用上唔同既顏色卑有種活力既感覺，加埋d抵死又正既slogan, 果然繼續延續搞鬼本色Flat white奶泡綿密，咖啡帶有煙草味既味道柚子熱情果蛋糕自家製期間限定蛋糕，熱情果味道清香，仲食到d柚子皮，成件蛋糕清新唔膩呢d玩味放鬆方式真係好岩生活咁壓迫既香港人，只要有創意，我愛蔡一智🤣🤣，黎呢度放鬆下啦香港人

放假去左果欄買生果，一場出到來就順便揾下有咩特式餐廳，見到油麻地白加士街有間mamaday stuido一於去試下~坐低抖下食個afternoon tea~飲品當然要叫最愛的凍古力🍫啦，個樽好得意好像香水樽咁~另外就叫左杯hot cappuccino! ☕💜試左個因為被紫色所吸引的芝士紫薯蛋糕🧀🍰🍠香濃芝士味配埋紫薯，兩者味道幾夾唔錯另外就叫左個bagel 配芝士醬!🥯🧀平時好少會食bagel ~試落都幾特別

之前試過銅鑼灣Mamaday cafe 食物質素唔錯（要book!），經過佐敦於是試下佢d咖啡☕️望落鋪面好細，但原來有樓上‼️樓上有室外同室內座位😆壁畫同d裝飾好適合打卡🤣studio無service，買完咖啡要自己攞上去，可能係唔夠人手，但叫多幾樣野一個人會扲唔曬🙈🙈如果有細嘅餐盤會方便啲😆叫左海鹽焦糖咖啡同americano☕️佢有幾款特別嘅咖啡，聽落都好吸引😗 海鹽焦糖咖啡係唔錯😚比較少有🤤 americano就正常🤣呢度環境真係幾特別，去開油尖旺可以一試😋

Mamaday不嬲都係行開玩味既路線，之前同朋友去過尖沙咀店。今次就同好閨密黎到油麻地店，三層的唐樓，每一個位置設計到好適合打卡，我明點解叫Studio喔😎可以係度影半日😂係自肋形式，係樓下買定飲品同caĸe就行樓梯上去，有2層的，我剩係去左2樓呢層，露台位置就有2張枱，去到嘅時候有人坐緊所以食飽之後行去影相📷🔸 73.5% Dark Chocolate $42我係朱古力控🍫呢杯73.5% Dark chocolate 好香濃呀！雖然係73.5%但唔係太苦，味道戴點點微甜💛飲到幸福嘅味道啊😍🔸Latte $40Latte 畫上了拉花，喜歡這圖案好靚呀～首先聞一聞先，味道好甘香☕️🔸布朗尼$42呢個Brownie有手掌咁大呀🖐🏽聽店員介紹嘅時候先知道原來係佢哋自家製㗎！外面烤得幾脆，會有啲鬆軟香濃朱古力味但唔太甜，仲有啲堅果係入面店員仲附送左佢哋新研發嘅”布朗尼曲奇”，質感就扎實脆口啲。🔸 薯仔撻 $68薯仔撻🥔整得好精緻，薯蓉食得出放咗啲忌廉入去一齊打蓉，薯蓉還有薯仔粒😬

Mamaday大家都應該唔會陌生，幾個月前佢哋仲擴充左分店添但今次就唔係咪主推而係推輕食🤪特別係有埋三層咁高，空間感充足裝修又走玩味風格幾啱路過同朋友歇腳休息一下========================▪️蕃茄乾貝果 $38去cafe其中一樣唔少人好鍾意點嘅一定係Bagel，而呢一度自家製嘅就有藍莓同埋蕃茄乾，蕃茄乾口味內夾雜細碎嘅蕃茄乾，味道微略酸甜，翻熱後外脆內亦有點韌度，搭上原味Creamcheese係唔錯輕食之選🥯▫️紫薯慕絲蛋糕 $48鹹食之外就選擇左一款佢哋放櫥櫃內嘅蛋糕，mousse做到軟滑嘅口感，可惜紫薯嘅味道並唔出眾只以淡淡甜味為主▪️73.5%朱古力 $38其中一個店員大力推薦嘅signature飲料，有別於其他朱古力飲料都會加入牛奶溝淡朱古力味，佢嘅朱古力香真係意外地濃郁亦唔唔甜膩，口感濃稠厚身，朱古力fan表示會encore!========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻👧🏻======================

外牆佈置七彩顏色，每層設計行型格路線，每一個位置營造出打卡位，每一張餐椅別有用心陪襯，好似家嘅感覺✨73.5%朱古力挑選左73.5%嘅朱古力特濃，味道層次高唔會太甜，朱古力牛奶香滑，鍾意朱古力嘅朋友，必試✨CappuccinoOrder cappuccino嘅時同職員要求不加糖，咖啡師調配屬於我既cappuccino鮮奶打造泡沫更加香滑軟綿綿， 牛奶🥛味香濃💯咖啡甘香無苦澀味❤️ perfect✨番茄乾貝果🥯手工bagel柔彈帶嚼勁麵包質感，搭配番茄乾帶少少酸甜，塗滿Creamcheese增加口感更加香✨柚子檸檬芝士蛋糕🍰自家製嘅有子檸檬芝士感覺非常清新柚子味突出熱檸檬味酸，芝士香滑，甜而不膩

從來未發現原來香港有一間本地風格濃厚別具特色嘅Cafe！唔講以為自己置身於時代博物館，相信Cafe嘅老闆係一班非常喜愛香港本地文化特色嘅一班年輕人，而且一定對藝術有一定嘅追求。喺counter落完order之後要自己拎食物上一層樓梯，餐廳環境非常舒適，仲設有outdoor座位！露台位置擺放咗各式各樣嘅花草植物，得閒同朋友過嚟飲杯咖啡食件蛋糕chill下真係一大樂事！欣賞咗間cafe咁耐，終於可以開餐喇！我地點左抹茶牛奶同埋招牌豆腐咖啡。抹茶牛奶嘅綠茶味好香濃；但講到特別，一定係呢個唔係每個地方都飲到嘅豆腐咖啡！冰凍嘅咖啡內加入左一粒粒口感類似布甸嘅豆腐粒粒，仲有一大球大有清香豆腐味嘅雪糕，雪糕嘅甜味岩岩好中和左咖啡嘅苦味。呢個Bagel內有一粒粒煙肉，用焗爐焗過之後口感香軟，再配上軟滑嘅cream cheese，好好味😋！伯爵茶蘋果蛋糕，味道偏甜，但伯爵茶味都幾香濃！作為下午茶小點份量啱啱好。

餐廳：Mamaday Studio (油麻地)地址：油麻地白加士街105號地舖邊個話香港人撐唔起黃色經濟圈💛？之前去過Mamaday呢間藝術風味濃、諷刺指數高，而且夠晒黃嘅餐廳，佢地嘅尖沙咀同銅鑼灣店都有試過，今次終於去咗佢地新開嘅油麻地新店，唔再係主打多國菜西式菜，而係主打西式輕食同甜品🍰，當然唔少得咖啡啦☕️一入到餐廳就已經比佢周圍嘅佈置吸引住，我可以形容每一個corner都係打卡位📸，可惜今次係自己一個人嚟，無帶到攝影師😂，如果唔係我相信已經成為咗餐廳嘅model🤪(講笑姐洗咩咁認真)叫咗個期間限定嘅伯爵茶蛋糕($55)同一杯熱Latte($38)，嘢食要自己拎上去樓上，我手震震一個唔覺意打瀉咗少少latte😭，所以ruin咗個拉花sad🙈，好彩拎上去前都影咗一兩張相。伯爵茶蛋糕係脆皮底，中間有一層果凍，而面頭就係伯爵茶慕絲，三種唔同質感一次過放入口都幾特別，食落有陣陣伯爵茶香，不過個人嫌佢唔夠香濃，如果可以再濃啲就好喇🤩Mamaday仲養咗兩隻貓貓🐈，一邊食嘢影相果陣佢地就不停係我身邊走來走去，仲好鍾意鏡頭😂，點可以唔幫佢地影幾張相呢😻