萬豪中菜廳

Open Now

Now Closed

晏晝同朋友去天際萬豪中菜廳飲茶，都算多人，有一半滿我哋一行16人，叫咗啲點心同小食，有啲好有驚喜呢度出名係x燒，佢用熱石上，一上枱淋蜜汁，喳喳聲幾得意，x燒入口幾淋幾好食，美中不足唔係熱辣辣，係暖暖哋Xo醬腸粉都幾惹味，辣辣地，唔會太油同一pat pat蒸魚（唔記得係咩魚😂） 係用籠仔上，魚幾滑，如果有蒸魚豉油會仲好味仲有其他點心如虾餃、蟹肉虾餃（有細細塊蟹肉同蟹子喺面，入面舊虾都大粒）、鳳爪（同平時酒樓差不多）、羅白糕（嘛嘛哋，煎得唔夠透同多粉）小食炸軟殼蟹、炸蠔、炸牛柳粒都好食，唔會太厚漿，炸黃金南瓜都好好食！咸蛋味香之餘食到南瓜甜味黃金虾球，隻虾好大隻成個波咁，沾滿咸蛋黃醬，咸蛋黃醬都唔會話勁咸，好好食乳豬反而上碟個樣好唔吸引，雖然食落都ok 卜卜脆甜品食左楊支金露，幾好食👍🏼 朋友食燉雪梨，原隻上幾得意，佢話幾好食，個汁好甜，仲有杏仁茶、紅豆沙、紅豆糕，都不錯整體成餐都ok，有會員卡有6折，有得泊車，唯一唔好嘅係冷氣唔係好夠，可能多人，如果涼啲會更舒服，下次再去試其他嘢食

 相信大家都和筆者一樣已有幾個月不能飛，對機場又或是博覽館看演唱總是會有點懷念，與其是心思思，不如行動最實際，一於到天際萬豪酒店吧！ 熱辣辣的蒸飯，令人一再回味。因為中菜廳推出了一個「點點心思」點心午餐放題足有超過 25 款即蒸點心、蒸飯、粥品及麵類，其中蜜味叉燒包、水晶鮮蝦餃和 X.O.醬炒腸粉等，都是深受食客喜愛的經典之選，同時亦有一系列融入創意巧思的滋味美點，令人一再回味。 入口脆卜卜，內裡軟滑的豆腐。現只需二人或以上同行，並經酒店 社交平台專頁的網上商店訂購，即可以高達七五折任點任食精選點心，俾你食足兩個半小時，一星期七天都適用，如此優惠真是前所未有，換句話說即是現在只需$238，還有75折，由於名額有限，先到先得，額滿即止，大家記住快快訂位呀。 天際萬豪酒店「點點心思」點心午餐放題 供應時間：每日中午 12 時至下午 3 時 原價：每位港幣 238 元*查詢：3969 2888

間間酒店都出特惠點心放題，編編就好勇地選了機場天際萬豪酒店，真心越食越驚，對面是亞博館，隔離枱是機場附近的工作人員，shuttle bus 是剛下機的機組人員，是太勇敢了吧？除去以上隱憂及個人眼闊肚窄的問題，整體是十分推介的。食物全是正常份量，一籠蝦餃、燒賣、素餃各四大粒，小吃之人食一轉「先單」，已不能「後單」，如你「好拆得」，真是超值。預先網上選購75折，$202.3一位包茶芥，（原價茶介是$22一位）。免費接駁巴士由東涌來回酒店，邊吃邊嘆海景2.5小時，算是地點遠的吸引力吧！

唔少餐廳都做緊點心放題位於東涌嘅天際萬豪都唔例外佢做75折優惠 兩個人只係$357 三個人$535.5 如果加埋一 包哂茶芥平均都係$200位咋可能你覺得價錢同好多間做點心放題嘅餐廳差唔多點解要揀天際萬豪一 好多餐廳做一至五 就算有weekend都會貴啲佢優惠係一至日都有 仲日日同價二大部分餐廳都係俾個半鐘你 因為想做多一輪但呢度佢係12:00-14:30齋做一輪 俾你坐夠兩個半鐘當然90分鐘都夠你食 但就冇時間俾你hea 又可能佢地點遠費事你咁遠黎到 食完就要即刻走三頭先講到遠嘅問題 係就係唔方便啦但如果你揸車就正啦消費滿$300已經免費泊車3小時咁即係泊車錢都慳番位於東涌 餐廳望到嘅景都係海景就咁坐兩個半鐘都已經好舒服四一路都未講到食物點心選擇同佢本身a la carte點心menu差唔多唔係少左好多items 而且份量冇減過味道就正常酒店中菜廳嘅水準推介有金沙南瓜XO醬炒腸粉安蝦咸水角

從小就愛上一盅兩件，曾經試過癲到走上廣州飲茶，上下九路幾間著名茶樓都走遍，但服務及味道都是香港的好。更加上近日的酒店點心減價優惠停不了，就更加應該留港消費。早前光顧了好幾間酒店中間菜，既有好當然也有伏，容後再談，但今次就真係大滿足。 由於毗鄰機場，所以酒店設有專車出入東涌及機場，而且只要是東涌居民或機場員工，一律都有折扣。酒店推出「點點心思」點心午餐放題，只須二人同行，並透過（按此訂座），便可用75折優惠享用原價 $238 / 位的任點任食20多款點心 / 2.5小時，真是「食力」的大考驗。就算是中午，依然有湯飲真幸福，一盅花旗參燉瘦肉，喝罷有舌底生津的感覺真好。先來涼拌秋葵及油燜箭筍兩款風味截然不同的前菜，秋葵冰鎮後清爽而健康；箭筍甜美爽口，足以令人吃不停口。再來一系列的蒸點，真係考驗大家食力。晶瑩鮮蝦餃餃皮搓得不錯，隱約透出蝦肉色，但摺紋能再多幾下會更好，餡料亦清爽，蝦肉彈牙，有水準。當然少不了肉質鮮嫩的蟹籽乾蒸燒賣、陣陣幽香的松露上素餃，與及蒜蓉香芋蒸排骨。至於蜜味叉燒包及崧子馬拉糕，兩款糕點都質地鬆軟，一口包，呷一口茶，最佳享受。而韭黃鮮蝦粉腸及蜜味叉燒腸，腸粉拉得不錯，幾滑

呢段時期，任食點心已成為了大勢所趨，不論是高級餐館，抑或是五星級酒店中菜廳，也推出有今生無來世的超筍價點心放題。今次我要介紹既，係天際萬豪酒店的任食點心，地點是隔涉了一點，但$238食到你嘔，上網訂仲有七五折，遠一些也無妨吧~這類飲茶任點任食，其實除了點心，仲會有些小食供應的。一口氣來幾份，爽口的秋葵，冰鎮做法從來合適，尤其是炎炎天氣，受用無比。油炆筍也是我喜愛的東西，但這醬汁稍甜了一點。黃金脆豆腐一啖一口，令鍾意食香口嘢既我停不了口。接著是數之不盡的點心，由蒸點先說吧。蝦餃燒賣是必備項目，至少我要吃過這些才覺得像是飲茶。呢度既蝦餃漲卜卜好足料，燒賣飽滿企身，松露上素餃清新而不致過份淡口，喜歡的話配些XO醬仲正。還有山竹牛肉球，都唔知幾耐無食過。包點類有蜜汁叉燒包，包身軟熟，餡料香甜可口，始終要這類『裂開』的傳統款式，才是我的心水。腸粉叫左兩款，蝦腸及叉燒腸，我覺得皮太厚了，可以更好。煎腸粉就好好多，夠香口，沾上辣醬當然更惹味。另外的煎蘿蔔糕都係喇，有辣椒醬當堂好食十倍。其餘幾款煎炸嘢都做得幾好，春卷和腐皮卷香口可口，前者更加是沙嗲雞絲餡，十分特別。煙煙韌韌的咸水角，我也吞下了一整件。

這天終於解破4人限聚令一行7人到Hong Kong SkyCity Marriott Hotel嘆茶，已有一段時間沒到過萬豪中菜廳吃點點心思放題點心了，這天恃著人多終於可以大快朵頤喇！ 酒店正推出𝐅𝐥𝐚𝐬𝐡 𝐒𝐚𝐥𝐞由即日起至2020年5月24日可以低至6折購買酒店體驗和現金禮卷，真的十分優惠喔我這街坊必買呀，電子禮券有效期更由5月25日至11月30日可用，如果買不到禮卷也不用愁呀只需二人同行惠顧點點心思放題點心，便可用75折優惠價享用任點任食20多款點心2.5小時(原價＄238/位)。 有人豪氣傾說包底所以決定將任食餐單全點兼X2(大部份點心一客4件)，先上檯的是涼浸浸的開胃前菜包括有清涼又健康的日式涼拌秋葵和甜美的油燜箭筍。 另外我們額外散點了花旗蔘湯清潤一番！看到好足料喝下亦甘甜非常正斗。 之後是一輪香口炸點心當中最驚為天人必數那金沙南瓜，甘香的鹹蛋黃包裹著軟甜的南瓜件，那鹹甜交錯的滋味十分吸引要吃夠兩件才能滿足耶！ 而金磚豆腐粒也弄得外脆內嫩一口一粒十分過癮！ 另外還有沙嗲雞絲春卷和野菌腐皮卷也是好物推介，硬要二選一我就喜歡前者多點，皆

食個快閃午餐所以嗌既野唔多 兩樣都係所謂既招牌菜 午市中菜而言選擇都叫多👍🏿叉燒中間有熱石 上菜個陣侍應會淋少少水令佢冒煙 影相就靚但食落好普通 肉質偏硬 而且太瘦😫片皮鴨鴨肉唔錯 有專人係隔離切 有肥有瘦 但皮略嫌太厚 個人喜歡薄少少🤭位置雖然偏僻 不過環境闊落 坐得好舒服 而且環境清靜 家人、朋友聚會既話呢到係好選擇：  ) 

年近歲晚，多謝身邊朋友邀約團年飯，祝願大家身邊健健康康，病毒快點消失。為了方便朋友，用餐點就在上班地方附近。餐單由朋友安排，真好。撈起魚生Salmon sashimi with assorted vegetables近年興起既意頭菜，各家有不同演繹，今次係「年年有魚」版，因為有三文魚刺身、青瓜、甘筍、漬蘿蔔、芝麻及薄脆，撈起時講下祝福語又好有新春氣息。鮮鮑魚菜膽燉烏雞Double-boiled silky fowl soup with fresh abalone and vegetables湯色清澈甜美，菜膽燉至半溶，鮑魚柔韌可口，真係好滋潤。蝦子燴柚皮海參Braised sea cucumber with dried pomelo peels in shrimp roe全晚最鍾意的菜色，海參爽滑彈牙，處理得相當好，柚子完全無渣，灑上蝦籽，帶來陣陣幽香，好滿意。蜜椒香煎蠔豉Pan-fried dried oyster in glazed honey蠔豉邊位有點脆，煎得毫不過火，置底是小片鍋巴及生菜，吃起來多了層之餘，更有絲絲清新，平衡了口感。賞心蝦球Wok-fried spicy ti

沒有特別訂位，就隨便找附近中菜作為二人團年飯。前菜 - 海蜇雲耳，油炆笋海蜇算爽口，但沒太入味。油炆笋調味偏甜。兩款前菜還可以。湯品 - 海參酸辣湯，竹笙菜膽燉湯 海參酸辣湯偏，本身已經嗜辣，如果平時不吃辣的話，會感到很辣。海參就找不到。竹笙菜膽燉湯普普通通。帶點竹笙清香味道主菜 - 釀蟹蓋 ， 油浸筍殼魚，川汁炒雜菜釀蟹蓋不是第一次食，上次食時蟹蓋內的釀料是凍的。今次食時都特別試試是否凍的，今次熱度還可以，蟹肉多，蟹䒧是炸的，但不是太油。油浸荀殻魚火喉控制好好，外脆內嫩。魚也得新鮮。豉油汁調教恰到好處。 讚👍🏻川汁炒雜菜一碟普通辣椒醬炒雜菜，嘗不到有什麼川汁。甜品 - 陳皮紅豆沙，洛神花燉雪梨，蛋散陳皮紅豆沙 - 有很香的陳皮味，甜到剛剛好洛神花燉雪梨- 第二次食，雪梨質感剛剛淋，好味道。蛋散 - 非常好，糖漿配上椰絲，炸蛋散很鬆脆，非常好吃總結： 價錢略較高，但水準常常不穩定。今餐水準算是不錯。環境舒適，服務還可以。

可能你會奇怪為什麼金鐘的萬豪中菜廳未食過但竟然會吃過東涌的萬豪幾次。東涌就是有個情意結你會久不久就想來到，行下街，買下野，感受下那市區沒有的寧靜。東涌食肆由平到貴也有，當然好多人都喜歡地道的推薦，不過萬豪中菜廳這個地方，不得不說，值得要來，上次下午來飲個茶後，一直也想試試晚飯，特別近來的社會事件，東涌應該更靜吧，那樣就入去食下飯吧，訂位應該不難，至少易過金鐘吧。來東涌的原因仲有一個新point，就是那個新開的東涌outlet新翼，以這個原因入來萬豪食飯，又多個藉口吧。 不過最正嘅地方係餐廳空間感很大，和東涌這可愛小島一樣，基本上地方寬敞，而且幽靜，比起金鐘的中菜廳更添舒適。萬豪的精選拼盤，絕對適合任何人，完全是怡人的組合，蜜餞火方，玉帶梨香，雲耳海蜇花都是平易近人的作品，蜜餞火方的甘甜，連軟綿綿的麵包，可口。玉帶梨香是最推薦，用雪梨，帶子和蝦膠夾成一件，口感複雜得來又可愛。雲耳海蜇花，不用多說都只知是一個可口的前菜吧。蜜餞叉燒王可以說是這裏的極品之作，同金鐘基本上完全沒有分別，上次飲茶吃過的質素和晚上一樣，蜜汁，豉油和那熱石營造的氣勢可以話係最精彩，叉燒嘅厚切直迫梅頭，我想起同樣好吃應

上次同媽媽這裏住了一晚為左接爸爸機，感覺不錯，所有酒店配套都很好，對這間酒店都有幾深刻的印象。第一次晚飯，放棄了外邊東涌都薈城的餐廳，就留在酒店裏面食，全因萬豪的名字。上次吃過念念不忘的叉燒，說過一定會再來吃， 想不到今次又可以過來食一餐晚飯，再可以吃到。今晚最深刻係個前菜，前菜有三個，這個雲耳海蜇花， 好靚好開胃，蜜餞火腿甜甜地，火腿的鹹香又一流，玉帶梨香是最出色，手功多，外邊少見。叉燒皇，一枱一刻已經看到流口水，之前人哋話萬豪叉燒好食我都唔信，吃過一次，那又厚又彈牙口感的美，我會好好記住。香芒蝦丸非常大件，如果女士像我一樣不是特別大食，應該都會好飽，蝦丸好爽，流出的芒汁，正。主菜係紅燒湯鮑伴白玉海鮮盞，呢個高貴得很，鮑魚八頭，紅燒火喉夠，白玉海鮮盞清新怡人，做左個大對比。最後係勁誘人嘅酒香東坡肉，雖然呢個菜式真係好肥，但係好自然你唔會忍得住一定要食 肥美的腩位配勁甜的醬汁，你只能叫自己不要吃太多。最後的燩雪梨就好適合大熱天食，下火滋補，我和朋友都覺得呢個甜品非常特宜。總括來說今次再訪的感覺比上次更好，就算要特地過來東涌食都適合，冇金鐘咁繁忙，而且剛巧這裏的outlet剛剛開第二期，

位於機場旁邊的SkyCity Marriott Hotel，雖然感覺有點偏遠，而事實上正好方便了附近的上班族。而且中菜廳的點心非常出色，香檳蝦餃及天鵝酥真係諗起都想食。今次朋友想食新菜，當然要奉陪。酒店方面有穿梭巴士提供，往來酒店與機場及東涌，而且聽說東涌居民有折扣優惠。萬豪精選拼盤 Appetizer Combination 蜜俊火方,玉帶梨香,雲耳海蜇花 Steamed buns with sliced Yunnan ham and honey glaze, Deep-fried fresh pear with scallop and shrimp paste, Marinated jellyfish with cloud ear fungus 火方是迷你版，正好一口一件，火腿片用蜜糖燴過，咸香中帶甜味，個人覺得荷花包可以厚身些少。雲耳同海蜇清新爽朗，正好清清味蕾。玉帶梨香是傳統菜色，已很少師傅會做，帶子軟熟，以蝦膠及梨肉上下夾實，甜香可口。蜜錢叉燒皇 Man Ho barbecued pork loin with glazed honey 多年來水

近排很有遇見大廚的機會，今回是「香港天際萬豪酒店萬豪中菜廳」的行政總廚 - 梁杰民師傅。梁師傅入廚近年，精通中菜，非常友善沒架子。和他一見面，他即滿臉笑容地說：「好耐無見你喇！」對上一次來該是2015年，而第一次認識他則是在2013年。找回以下舊照片，他那時還搞鬼地替我個甜品，令我樂透，六年前後，大家都係咁後生：今次來，除了和好友劉總慶祝生日外，也品嚐梁師傅的各新舊出品。頭盤先有酸咪咪、脆卜卜的「雲耳海蜇花」「蜜餞火方」一小件軟熟的蝴蝶包，包著爽脆青瓜，和用蜜糖燴透的金華火腿片，吃後完全不覺膩：每次入來必吃的「萬豪叉燒皇」用半肥瘦梅頭位，燒至香軟腍身，上桌時淋上叉燒汁，在熱石助攻下，「咋」一聲煙霧瀰漫，香氣繚繞：肉的焦香突出，蜜味重而不過火。又要再講呢句，真係無得輸：「炸原隻蟹蓋」用本地鮮拆蟹肉，釀在蓋上再炸透：感覺上每份有一隻半肉蟹的份量，啖啖肉，沒有多餘的配料和那令人討厭的蟹殻碎 (重點！) 加些醋同吃，更好提鮮。「玉帶梨香」$168師傅先在梨片上鋪上蝦膠和原隻帶子，再裹粉漿酥炸。精巧外型，外層金黃香脆，內裡層次分明，口感豐富略帶芳甜，可替夏天開開胃口：它還巧妙地配上紅酒小啤梨，作