Mana Thai Kitchen (Closed)

呢間店比我嘅感覺係地方好大,坐得好舒服🤣另外店員大部分都好似係泰國人,嘢食就唔使講都一定好正宗啦☺️椰汁白酒焗青口 [$118]白酒煮青口食得多,加椰汁煮真系第一次☝🏻食落椰汁味好重好香,平時剩係會食青口嘅我今次連湯都飲埋🥰而且青口大大隻好飽滿!馬拉盞炒通菜 [$82]每次食泰國野都一定要叫呢個!用多種配料炒出黎嘅醬黎炒通菜,味道好濃郁而且別具風味!菠蘿海鮮炒飯🍍 [$128]雖然佢冇好似平時餐廳咁用菠蘿撞住個飯,但係佢起飯隔離擺左一條烤菠蘿,對於我呢d鍾情於菠蘿嘅人黎講真係好正!另外都叫左個鳳爪小食同兩杯嘢飲!鳳爪多到出乎意料😂兩個人食極都食唔完,酸酸甜甜而且好入味!而嘢飲都唔錯而且擺設都好靚🥰大家行過灣仔就去試下啦！

晚上去灣仔利東街影下相，影完不太肚餓但又想找個地方歇腳，所以就在附近找找餐廳。在灣仔酒吧街附近見到有間泰式餐廳，就一於上去坐坐食點東西，比起去嘈吵的酒吧好得多。餐廳環境不錯又不會限時，可以慢慢傾計。餐廳都是主打泰式食物，不太肚餓的我們就叫少少嘢食，飲下特飲，休息一下。➭ 1. 蟹肉炒飯叫個炒飯share 。Mana Thai 的蟹肉炒飯炒得非常惹味，飯身乾爽，鹹香得來不會帶死實實的鹽鹹味。想食炒飯的話必推蟹肉炒飯。➭ 2. 雞肉蝦米紙卷想嚐嚐泰式的特別小食，另外再點了份雞肉蝦米紙卷。米紙卷的外皮果然像紙一樣，非常薄身，入面卻包裹着雞肉、蝦仁和些青瓜，沾上餐廳調的特製醬汁，味道甜甜的作為小食一流。➭ 3. 青檸梳打飲一口青檸梳打，酸酸甜甜的非常醒神，愈飲愈開胃，用剛才的小食和炒飯佐這杯飲品就剛好不過。➭ 4. 泰式奶茶泰式奶茶茶味香濃，比起港式的更甜更香，可以算是加強版的奶茶。➭ 5. 甜品Like 餐廳的社交平台就可以獲得一人一份泰式小甜點，我們今天就有椰汁糕，大家千其唔好走寶。想找個地方傾傾計，食點東西，Mana Thai 在灣仔區亦是一個好選擇。

算是家泰菜新店，餐廳的門面裝修不錯這家新的樓上舖裝潢不俗，頗有時尚感服務很好！泰藉侍應非常友善，又笑容滿面，值得推介蟹肉炒飯$118意想不到這個是最好吃的主菜，飯粒分有嚼勁，蟹肉乾身，蒽蛋炒得剛好熟，吃下去非常惹味！泰式海南雞半隻$95份量頗大，肉量夠多，配以肉質彈牙的雞皮，口感出色。再加上泰式酸辣汁，好吃！雞肉蝦米紙卷$75以米漿組成的外皮煙韌有勁，裏面的生菜、紫蘇葉、雞肉、蝦肉各司其職，加點店家特製甜醬汁，非常好吃清新的前菜！青檸梳打酸酸甜甜的味道清新，非常解膩！

近期如果想在灣仔區食泰菜，有兩間必選，其中一間就是它， 泰國人煮理，味道正宗，食物質保持到。不過曾經星期六想去食，去到才知原來是休息日子，有點奇怪🤔。平日的午飯時間一定爆滿，set lunch也不貴，又有甜品送👍🏻😋！晚上時間稍為寕靜，四人晚餐點了：冬蔭公湯、燒牛肉沙律、炒金邊粉、生蝦、大蝦粉絲煲、炒通菜、泰啤🍺，最後來個芒果糯米飯作句號😋，樣樣都好食，份量正常！不過比預期中貴咗少少，可能點了大蝦煲和生蝦吧☺️

今日朋友帶我去位於灣仔的Mana Thai Kitchen 嘆住吃泰國🥰🥰 Mana Thai Kitchen 是由真正泰國人主理，裝修很有泰國風味，木系為主，環境優雅，而且店員很nice 🤗泰式烤豬頸肉，烤得很香，肥瘦適中，肉汁豐富，個汁很惹味🙊🙊泰式炒金邊粉，大大碟🙈有三隻大蝦，很爽口鮮甜；花生粒是粗粒又夠多，咬感豐富；辣椒粉另伴碟，自行調整辣度夠貼❤️🤗泰式炒通菜，份量一樣很足🤪通菜很新鮮，炒很很香很惹味。椰汁糕，椰汁味夠濃，很香很滑！

Mana Thai Kitchen (灣仔)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•咖哩蟹肉包•泰式炒芥蘭•雞肉蝦米紙卷•青檸梳打•菠蘿沙冰••••••••••••••••••••••••••••••♥️食評：呢間算係一間坐得好舒服嘅泰國菜餐廳，枱同枱之間嘅距離幾遠，而且好闊落，仲有一啲比較私隱度高嘅位，環境幾舒適。食泰國菜一定要食咖喱！每一間餐廳嘅咖喱味道都唔一樣，呢到咖喱味道都唔錯，因為佢都幾多配料，有幾多青椒紅椒洋蔥，所以食落比較重配料嘅味道。但更值得讚嘅係佢嘅蟹肉份量真係幾多！係食到最尾都仲有好多，唔會只係放少少喺面頭就算，呢點幾滿意。而且麵包都好味，包幾香，夠軟淋但又唔會吸晒咖喱後濕淰淰，仲有幾塊烤香咗嘅放係旁邊，脆脆哋，同一舊包但有兩款唔一樣嘅食法。前菜嘅紙卷都幾特別，呢種菜唔係每個地方都有，紙卷塊皮嘅質地好得意，煙煙韌韌，卷住雞肉、蝦米同大量沙律菜，配埋甜甜辣辣嘅汁確實幾開胃。炒芥蘭都幾好味，唔會太咸或者太油，芥蘭本身唔會

今日喺灣仔做完野，約朋友食晚飯，佢話有間泰國菜都唔錯，所以就決定去試吓，佢地個門口裝修得好有泰式風情，以植物做主題。入到去座位都好闊落，唔會迫，坐得好舒服。泰式無骨鳳爪沙律，個沙律酸度適中，唔會太酸，食落好開胃，而d鳳爪係無骨，所以食落都好方便，雖然係小食，但份量都唔少。泰式烤豬頸肉，燒到有焦焦香香嘅感覺，但又唔會燒到好乾而冇晒水份，d肉仲好juicy，點埋佢嘅秘製醬汁，少少辣辣地，好惹味。泰式炒芥蘭，d菜炒得好爽口，唔會過淋，而且佢嘅味道都唔錯。蟹肉炒飯，d飯炒得唔太濕，好乾爽，好香蛋味，仲有好多蟹肉，幾好味。泰式奶茶，勁香濃嘅茶味，d奶都好香滑，唔太甜啱啱好。青檸梳打，d青檸夠酸，飲落好醒神又解渴。

weekend 約左朋友去灣仔飲杯野，飲野之前又想食小小野。見到呢間泰菜正評咁多，門面又ok，上去試試佢先。原來係一間樓上鋪，樓上空間好闊落，樓下就係成條酒吧街，叫幾款小食打下底，順便等下朋友。先叫個泰式小食，泰式無骨鳳爪。前上個冷盤，辣同鳳爪不嬲都係港人至愛，呢個泰式小食就剛好滿足晒我地既願望，夠辣之餘又夠爽。鳳爪每隻都無骨，配上配菜，幾好既餐前小食。天氣都開始轉涼，第一時間諗到既梗係冬陰功湯。呢度既冬陰公用左大量香料配菜，又有火爐仔一直助熱，冬天黎食既必叫之選。大蝦彈牙、湯底味濃郁、配料夠香夠辛，冬天飲完超級暖胃，一上台就即刻清晒！泰式炒雜菜，雜菜種類好多，亦配上幾款菇菌類、木耳等，味道剛好，唔同一般既馬拉盞通菜咁重口味，呢款比較舒適既炒菜在食完一輪口味偏濃既食物後格外舒服😌。最後都係要叫個炒飯頂頂肚。侍應推介蟹肉炒飯，好一於就試下佢。黎到既朋友不彷試下佢地既炒飯。鍋氣夠！味道足！炒飯粒粒分明又唔太油，幾高分既炒飯！蟹肉又多，蛋花又香，飲野前黎食真係十分唔錯。

［Mana Thai Kitchen (灣仔)］惹味泰菜🔥 酸辣度剛剛好地址： 灣仔盧押道20號其康大廈地下3號舖及閣樓泰國人主理嘅餐廳，今晚過下泰國風情Relaxe 一下Blue Monday 💆🏻‍♀️泰式無骨鳳爪沙律（$80）鳳爪無論係起骨手勢同調味酸辣度都控制得非常好，又可以食到雞軟骨同鳳爪入面啲根唔係得層皮泰式椰汁雞湯🥥 （細$98）超香濃椰子雞湯，少少酸辣非常開胃，雞肉出奇地彈牙，有成四五碗分量泰式炒金邊粉🍤 （$118）酸酸甜甜，加埋啲花生碎好香口，除咗大蝦好彈牙之外，金邊粉亦都炒到得到好處。特別一提嘅係蝦亦都挑咗腸，金邊粉入面亦都有啲類似菜脯，脆脆地好爽口嘅嘢，亦都有啲吸味嘅豆腐乾芒果沙冰，青檸沙冰 （各$52）好有生果未，解辣一流，枱面仲有私家支水，唔使成日係咁叫人添水，都幾細心推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：9⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：8⭐️

成年幾兩年無去過泰國，心理同身理都好掛住泰國，所以特登搵左間係香港但泰國人主理既泰國菜試下🥰——————🐽 䄂子鮮蝦沙律黎到先食個頭盤，䄂子好新鮮，粒粒多汁，醬汁甜甜辣辣好開胃，沙律上面既蝦好大粒肉好爽！🐽 黃咖哩雞咖哩好香濃既椰香，相對之下無泰國local食到既咖哩甘辣，雞肉亦都好多，同埋附送既naan bread 點黎食好正🤣🐽 泰式炒芥蘭芥蘭只選用最嫩嘅部位，利用泰式黃豆醬一齊炒令到味道更豐富，香味更加突出🐽 泰式炒金邊粉金邊粉上枱嘅擺盤好靚，一大塊嘅裝飾葉上鋪滿唔同嘅佐料，辣椒粉花生碎以及生豆芽，加埋檸檬汁一齊撈嚟食味道好香，配料都好足💪🏻

環境舒服既樓上餐廳，由樓面到大廚都係泰國人，好正宗～又好味道既既泰國菜🥳下次一定會再去試下其他野食！！❤黃咖哩雞配薄餅 睇落聞落好似好香好辣，但食辣只係bb 辣，好香咖哩味，雞肉好滑嫩，配薄餅食正rrr🧡泰式炒金邊粉 大蝦炒金邊粉，加埋花生碎碎好香，味道甜甜地，夠晒大碟，好好味又唔油膩💛柚子鮮蝦沙津 酸酸甜甜少少辣，非常開胃，仲有好多隻蝦，好足料～💚泰式奶茶 比起一般泰式奶茶茶味濃d 冇咁甜，好滑滑💙龍眼冰 好多粒新鮮龍眼，好甜好蜜

今日約左媽媽去行街食飯，黎到灣仔附近搵食，比我地發現左呢間餐廳，就入去試下啦，呢間係泰國餐廳，十分有特色。首先我地叫左個冬陰功湯，味道酸酸辣辣咁，非常地道，重有兩隻大蝦經過高溫處理而成既湯十分新鮮，辣度都可以接受。小食方面我地叫左個泰式肉碎生菜包，生菜非常新鮮，用生菜包上肉碎食一啲都唔會油膩，肉碎肥瘦適中，生菜同肉碎配合得好好。主食方面有蟹肉炒飯，係用上等米炒既，乾身粒粒金香，份量都好多，4人食都夠食，味道配料都十分好。跟住叫多個泰式烤豬頸肉，呢個賣相一流，點咪啲醬汁食十分野味，肥瘦適中，容易入口，世界級值得一試。最後叫多個雞肉蝦米紙卷，呢個都係配咪醬汁，點黎食配合得好好，味道清新可口。都係唔錯既選擇。野飲方面叫左杯凍奶茶，非常之有奶香味，而且唔會好甜，女士們都好合適。

灣仔酒吧街除左酒吧多樓上鋪都有唔少今日帶住兩老酒吧唔啱食 選左佢地最鍾意食既泰國菜泰式紙米卷作為前菜紙米卷包住沙拉菜 紅蘿蔔 薄菏葉食起來好清新醬汁甜甜的易入口泰式豬頸肉燒的江點都唔乾今次的醬汁係咸咸的泰式生菜包豬肉碎辣辣地好過癮！蟹肉炒飯炒得好香粒粒分明 蟹肉很鮮甜加埋清檸汁好開胃冬陰功湯有兩隻大蝦 香茅 菇 入哂味湯底一點都唔辣酸酸地 正！龍眼特飲甜甜的個人鍾意香茅特飲 清香 健康 推薦大家！樓上鋪唔顯眼但食飯味道滿分💯

平凡的一個晚上，因為放工時間港鐵壞車引致交通大混亂，還好仍能到達灣仔，今晚和朋友約好食泰國菜。幸好朋友先點菜，而餐廳上菜也快，我們可以追回一點進度。泰色生蝦刺身前菜先吃生蝦刺身，一隻隻生蝦放在小杯裡，滿有心思的，有生蒜和醬料調味，很有泰風情。泰式烤雞半隻烤雞二人吃，份量也很多，送上桌香噴噴，雞肉嫩滑多汁，啖啖肉很滋味。還附有一些醃瓜菜酸酸的解去吃肉的膩。蟹肉炒飯很有鑊氣的炒飯，炒到乾身粒粒分明，光吃蛋蔥炒飯已是享受，再加上帶鮮味的蟹肉，更加討人喜愛。泰式奶茶 - 少甜，但對我們來說，稍為不夠濃。青檸梳打 - 清新好渴，和泰菜很夾！

喺灣仔開完會，同友人試咗間新開嘅泰國菜～人流唔算多 但貌似幾正宗☺️燒牛肉沙律值得一讚係非常多燒牛肉！配埋好多泰式香料 勁開胃！但對於我來講辣咗少少😂泰式海南雞都算大份！雞皮唔會好肥 雞肉又嫩滑 點少少醬汁連埋青瓜一齊食好好味綠咖哩雞炒飯超惹味～淡淡的綠咖哩加蛋香味，加入雞肉一齊炒，少少辣之餘又夠香！一啖接一啖咁食😋芒果沙冰幾清新 芒果味唔算好突出，甜度適中 但非常解渴整體來講嘢食算唔錯，人流唔算多，幾適合聚會