緣味小聚 (金百利廣場) (Closed)

星期天瞓醒同囡囡去飲茶，近近哋揀咗金百利廣場嘅緣味小聚。平時星期日，間間酒樓都人頭湧湧，但呢度就唔使等位。12點到，我哋係第一台，同囡囡坐喺卡位，幾舒服。呢度嘅環境幾寬敞，佈置唔似一般酒樓，桌椅色彩繽紛有公仔，好特別。呢度夜晚係食蒸海鮮，午市就可以食蒸飯同埋點心。叫咗一個一人午市套餐，包一個蒸飯同四款點心，每樣各一件，有古法馬拉糕，粉果，鮮蝦菜苗餃同燕麥糕。我就選擇咗龍躉蒸飯，龍躉超滑嫩，好好食。飯吸收咗魚嘅精華，好香。另外再加個燉湯同紅棗糕，燉湯係蟲草花雞腳燉豬肉，無味精，女女好鍾意飲，自己飲曬成。餐廳價錢大眾化，在銅鑼灣嚟講算抵食，下次可以約埋一家人嚟飲茶。

銅鑼灣搵食易,選擇多午市去食飯走上樓上鋪,免排隊之餘又多選擇金百利樓上幾層都係餐廳搵左一間午市有炒粉同點心既小店試下原來夜晚仲會有蒸氣火鍋套餐下次就一定試埋晚餐蒸海鮮 點左一個套餐,有油菜一碟炒粉炒麵一堆選擇選了醬皇炒河再配一客綜合點心(每款一隻)上菜略慢,午市係明白既不過食得出全部都係即點即做,起碼新鮮一些菜心夠甜,唔錯 醬皇,即辣既XO醬之類佢個辣味唔係勁辣,係慢慢滲辣有芽菜同蔥仲有豬頸肉份量都夠多,略為多油一點,但水準合格既 點心就做得唔錯幾推介牛肉球,蒸得剛好,水份夠,食起來口感豐富有蔥花,馬蹄粒,足三球套餐既點心拼盤有四款,蒸餃,粉果,2款蒸糕馬拉糕夠鬆軟,粉皮夠透餃夠大隻,餡多肉鮮對住得個價錢,而且食既時候仲係熱辣辣 蒸排骨夠油夠多肉肉都入曬味,略為少了一份香氣份量亦比得好足

今日系銅鑼灣搵好西，人地有鋒味，呢到有緣味。兩條友仔叫左個鮑魚餐系到刷擦拆。🔷星級大鮑魚海鮮蒸氣鍋套餐 💰238🔷6小時燉原盅絕無味精燉湯 💙80/100每人有一盅強調無味精既燉湯，卡比真系飲吾到有味精味之餘仲覺得個湯好夠味，入邊有瘦肉、排骨同雞腳等既湯渣，雞腳好淋一食啲骨就自動出哂黎啊。🔷星級海鮮八款 💙80/100(韓國大鮑魚、蘇格蘭蟶子皇、紐西蘭大貴妃蚌、愛爾蘭大刀貝、深海龍躉件、生奔大海蝦、青島大花蛤、鮮甜貝殼類)海鮮好新鮮，點解啊？因為個鮑魚上到枱佢仲系郁緊嫁，真系生猛過坐系卡比對面個朋友啊。蟶子皇大大隻又爽口又洗到好乾淨，蒸完之後卡比覺得餐廳系時間控制上邊做到岩岩好。邊食既時候其實都吾洗自己郁手去蒸，成程都系有餐廳既員工幫手蒸同分發海鮮，可以吾洗搶啊。🔷手切星級牛小排食完海鮮每人仲有幾塊牛小排食下，好滑兼且好易入口，吾煙韌啊。🔷豐盛八寶蒸飯 85/100(秘製雞軟骨肉餅、柱侯牛粒、豉汁排骨、香滑雞件、土魷絲、蒜香茄子、豆醬豆腐卜、沙嗲豬頸肉) 個蒸飯真系不得之鳥，卡比要系24款配料入邊揀8款出黎，真系揀到R哂頭，款款都好吸引，食完之後仲會回味無窮。個蒸飯大約都等左二十幾分鐘

見到都算幾多好評，加上係另1個訂枱apps到見有半價，放工諗著上去試下！特登等到8點有50%先去食！但原來上到去先知長期做緊特價 ！都有另有問過啲職員係咪跟返餐牌個價，無其他折扣！其實甘本就係寫高個價，之後放係到搵笨！咁自己晚飯時間上嚟食都得啦！都算喇！食物比返高質啲嘅我，我當你宣傳手法！但啲海鮮唔夠新鮮，蟶子重要有沙嘅！完全唔係佢寫原價$388嘅質素！其實$238都覺得俾多佢！海鮮好細隻，最後靠個飯先叫做有少少覺得飽！完全係將貨就價！一定唔會再去

今晚去食蒸鍋，選了鮑魚餐。餐前有湯飲，味道普通，今期送每人半隻燒乳鴿，雖然細細隻但味道不錯。期間職員為我們準備好套餐中各種海鮮，送到枱邊時表示今天沒有大鮑魚，會以每人多一隻替代一隻大，另外沒有大刀貝，會以雙份聖子代替。當時我們都欣然接受。不過，在吃鮑魚期間，突然有另一員工無聲無息拿走我們的雙份聖子，之後換回每人一隻放上蒸爐。我心想，可能佢認為餐中既然有聖子，打算換另一款海鮮給我們呢？但等了一會都未有換上其他，於是我問另一職員，為何先前有職員話給我們雙份聖子，之後又有職員拿走？哪你們打算現在換什麼替代那沒有的大刀貝？他了解過後拿出一碟花蛤給我們說換這個給你們。但我們表示餐中已有花蛤，而我們對花蛤興趣不大，問可否換回聖子或選其他？職員輕聲說，剛才拿走聖子的人是老闆。那很明顯是老闆認為給我們雙份聖子會賠本，所以不發一聲就收回。我們指出是早前有職員明言會以聖子代替，怎可以不發一聲就反口？就在爭論期間，職員同時亦正在分剛蒸好的聖子到各人碟中。不知是有心或無意，將聖子夾到我的碟上時，聖子傾斜了，還熱騰騰的汁液都流到我的手背及衣服上，手背即時燙紅了，我亦不禁叫了一聲。但職員當時完全若無其事，只是說那

21/10/2019今日放工之後，約左舊同事食飯，天氣開始轉涼，大家都係食啲暖胃又唔熱氣既野，於是揀左呢間餐廳試下～～我地揀左👉🏾星級大鮑魚海鮮蒸氣火鍋套餐👈🏾佢包括左一盅6小時燉原盅絕無味精燉湯、8款星級海鮮、3片手切星級牛小排、同埋一碟八寶蒸飯😊燉湯方面，係蟲草花雞湯，飲落去好清甜，宜女係無味精味！而家湯料十足！！👍🏾鍾意食湯渣既我地緊係會食埋啲雞啦😂雖然同黎燉過湯，但係啲雞一啲都唔鞋口😋仲好有雞既鮮味～～另外，海鮮方面，除左經常會食到既蝦同埋貝殼類之外，亦都有鮑魚、貴妃蚌、聖子皇，仲有龍躉！😋而職員亦都會為每一枱客人親自放上食物入蒸籠入面，並且會較好時間，鬧鐘一響就可以開蓋食～～唔洗擔心會因為蒸過龍而令到肉質變得唔夠鮮嫩🤩🤩🤩讚啊👍🏾👍🏾職員會將海鮮分批放入蒸籠入面，分批黎蒸，避免一次過蒸晒，搞到食唔切而令到海鮮既鮮甜味變得唔突出，岩岩我地呢啲進食速度慢既人👍🏾👍🏾👍🏾而每次放海鮮入蒸籠入面嘅時候，職員都會加入一啲蔬菜一齊蒸，令到成餐飯變得好豐富！！有均衡嘅營養🥰🥰🥰八寶飯方面，客人係可以自由選擇八款餸嘅材料，我哋就揀咗以下呢八款：蝦醬豬腩肉、秘製雞軟骨肉餅、銀魚仔、海鮮菇、鮮淮

前幾日放工，就約咗朋友去食蒸海鮮鍋啦，見呢間緣味小聚比較平嘅套餐都只係$238，所以就揀咗去試啦🙈🙈🙈一坐低店員就為我地送上老火靚湯，好好飲之餘，仲飲得出冇落過任何味精，就好似飲緊媽媽煲嘅老火湯咁👍🏻👍🏻👍🏻之後所有嘅蒸海鮮都算係不過不失，每一款蒸海鮮都會配上一款蔬菜，另外終於可以係出街食飯嘅日子食多啲蔬菜啦🙈🙈🙈最後個八寶飯都係我第一次見，係可以揀選自己八款鍾意嘅食材，啲精華同埋食材嘅味道，都能夠滲透晒落蒸飯度，有驚喜👍🏻👍🏻👍🏻

呢排真係好少出街，好難約朋友。時隔三個月，先約齊人食蒸鍋。我地係行咗一陣街，掃下啲秋冬衫先。等兩手攞滿戰利品，胃已經空空……我地一行四人，三個都係無食過蒸鍋嘅，食過果個就話我地out，要同佢一齊跟住飲食潮流……我地都叫咗星級大鮑魚蒸鍋套餐，套餐分為四個部分，第一就係飲完燉湯先，其後就開始蒸海鮮，跟住就係蒸牛肉片，最後就有豐富嘅八寶蒸飯。全部都係蒸嘅，感覺好健康，有時食得重口味，食下蒸鍋覺得清清地，感覺唔錯。但有個朋友就覺得太清，又叫咗隻紅燒乳鴿嚟食，一人食一邊，幾惹味。

難得今日幾個同事一齊收工，一於去搵好西，因為有點夜，大家也不想食太多澱粉質，同事提議去食之前食過嘅海鮮蒸氣鍋先黎一盅已燉了6小時的靚湯，果然係無味精，啖一口清潤，內有雞腳瘦肉，材料十足韓國大鮑魚，蘇格蘭蟶子皇，鮮帶子，每款都大大隻，新鮮彈牙開邊海蝦，雖然細細隻，蝦味濃，龍躉件，非一般雪藏貨，味甜紐西蘭大貴妃蚌，大花甲，二者都又鮮又甜自選八款不同材料的豐盛八寶飯，都有三十款選擇，我哋就揀咗榨菜，柱候牛粒，蓮藕，蒜香茄子，豆醬豆腐卜，南瓜，臘腸同蝦醬豬腩肉，令蒸飯更香口，必點之選原來仲有好多大優惠，埋單都係200多元真係好鬼抵食

餐廳位於銅鑼灣sogo對面嘅金百利 地點方便就腳 非常易找 主要係食海鮮蒸氣鍋 餐廳有不同價錢嘅套餐提供選擇 今日揀咗星級大鮑魚套餐 每位$238未開餐之前 先享用 六小時原盅中絕無味精燉湯 燉湯完全冇味精但係好夠味 湯底非常清澈 入面材料豐富 有雞 又瘦肉 仲有菌類 蒸氣海鮮鍋套餐(星級大鮑魚) 開心價$238位茶芥及醬料費每位廿蚊 套餐包咗海蝦，龍躉，扇貝，鮑魚，馬刀貝，海蜆，蟶子皇， 手切牛小排，時菜，最後仲有個八寶蒸飯 款式夠多 份量夠足 保證吃到飽全程有專人服侍 拿捏蒸海鮮嘅時間啱啱好 完全沒有過火 扇貝非常鮮嫩 而且鮮甜 好大粒肉鮑魚又厚又大隻 肉質爽口又彈牙 職員會幫忙 起內藏 非常細心 服務態度值得一讚蟶子皇清洗得非常乾淨完全冇花 啖啖肉非常鮮甜 帶有點點海水味 絕對新鮮手切牛小排色澤紅潤 油脂分佈非常細緻 是上盛的肉 清蒸牛肉原來係咁好味 肉味香濃完全冇雪藏味最後仲有八寶蒸飯 在餐紙上點選八款材料 選擇非常多樣化 真是讓我有點眼花繚亂蝦醬豬腩肉，柱侯牛粒，蓮藕，臘腸，蒜香茄子，南瓜榨菜絲，豆漿豆腐卜…… 蒸完出嚟個飯香噴噴 全部材料嘅精華都落在米飯之中 臘腸嘅油香

係CWB附近參加完比賽，就同個朋友係附近行街街想買對新波鞋朋友就話肚餓，想食完野先再行，咁就搵下附近有咩好野食啦行行下見到個易拉架廣告，見到價錢都幾抵，我地又好耐無食過海鮮，就一於中上去睇下先上到都見到幾多人食緊，D海鮮望落都有我咁靚仔，都唔諗咁多啦~就試下有無伏先我地就叫左有龍蝦個款套餐，價錢$288，加一就另計有湯有海鮮有牛頸脊同埋八寶飯，男仔黎講都夠飽燉湯唔錯，無咩味精海鮮好似有8款，全部都好新鮮同鮮甜，拍得住我係三聖村食個D，但呢度平成半有多特別係龍蝦同帶子，龍蝦真係啖啖肉，而帶子就好鮮好甜個牛頸脊都好好味，如果可以每人俾多幾塊就好八寶蒸飯呢都幾大份量~可以揀8種配料，我地揀左有5款都係肉類黎既~HAHA蒸出黎又幾好食~足夠填飽我個胃估唔到亂咁行都搵到好野食，下次帶埋女友同屋企人再擦多次先!

星級大鮑魚海鮮蒸鍋 原盅無味精燉湯 豐盛八寶飯今晚約左兩個好姊妹齊齊去左銅鑼灣「緣味小聚」 食蒸氣鍋，食店特別用左北歐復古嘅座位同本身裝修形成對比，打卡影照都特別靚。我地揀左星級大鮑魚套餐，套餐有燉湯、八款海鮮和手切牛小排。這裡侍應招呼貼心周到，會將材料放上鍋，調校好時間，夠時了就會逐一將食物夾到每一位碟前，專人服侍，乖乖地等食就可以了。等食途中先奉上6小時原盅燉湯，湯料十足非常清甜零味精首先蒸好嘅係韓國大鮑魚同愛爾蘭大刀貝，鮑魚半隻手掌咁大，口感彈牙，不用沾醬食，鮑魚鮮味洋溢口中。大刀貝大大隻啖啖肉，鮮味十足。之後到蘇格蘭聖子皇，大過我手掌，肥美鮮味又無沙，配上青瓜食口感清新輪到海蝦同深海龍躉，海蝦肉質爽口彈牙，龍躉無骨，肉質非常滑嫩之後到花蛤同蜆，入口無沙，鮮味無窮手切牛小排薄切，用蒸鍋鎖住肉汁，肉味濃郁最後出場自選足料八寶蒸飯，我地揀左蝦醬豬腩肉、茄子、 榨菜絲、柱侯牛粒、豆卜、臘腸、蓮藕、南瓜呢八種配料，蒸嘅時候已經聞到香噴噴嘅飯香，米飯吸收配料精華味道特別濃郁，每一啖都好豐富好滿足。

Went out with my aunt for a dim sum lunch. This restaurant looked modern comparing to other traditional dim sum restaurants. The seating area was nice and comfortable.   It got a small menu but the prices are reasonable and the portion are decent.Some of the best finds were the steamed chicken feet in bean sauce and steamed spare ribs with black bean sauce. Both had some extremely strong flavours on them and I loved that. BBQ pork buns, spring rolls and chicken wings were excellent as well.The f

從來未見過一間食肆會提供咁唔新鮮既大蝦！本身一個人行完街，想好好享受下一個人嘅時間，諗住搵個地方食好野，見到呢間野於是想試下。但呢間野實在ruin my day!破壞左我全日的興致。我點左大蝦蒸飯，點知完全同相片不符。啲蝦又發黑又唔新鮮，食落又梅又爛，冇海鮮應有嘅鮮味之餘仲有啲雪藏味。冇色冇香冇味！本身諗住搵到間好食嘅海鮮仲打算帶埋成班朋友去食，但係呢一間我真係嚴重black list!最後我食咗幾隻蝦之後就實在食唔落去，食咗兩啖飯就走...一間食肆最重要就係佢食物嘅質素，無論服務態度又或者裝修係點，當佢嘅主角都唔掂唔好食唔新鮮嘅時候，又何況其他食物呢？

。等咗好耐終於出文啦🤪最近小編病左，出文速度慢小小，吾好介意🙏🏻..早前係銅鑼灣食哩間緣味小聚食海鮮套餐，點咗個 海鮮蒸氣鍋，最低只需要$238就可以食到鮑魚同其他新鮮海產😝。-燉湯係6小時等完中絕無味精燉湯😆，入面眼見有豬肉雞肉同埋啲菇燉成。個湯唔會見到有油漬，飲落好濃味好鮮甜，飲完仲想飲👍🏻。-海鮮有蟶子皇海蝦大中細3款Size既花甲同鮑魚😍。每款都好鮮甜好有海水味，肉身厚實，好有韌勁，而且無論花甲定蟶子都好用心洗得好乾淨，完全冇沙 😋。-另外仲有手切肥牛，好特別既食法😗，食肥牛竟然唔係放落水入面淥，而係隔水蒸熟，煮法新穎得嚟食落又唔差喎👍🏻。 -最後仲有八寶蒸飯，自選8款菜蒸20分鐘就可以食，有勁多選擇，有臘腸排骨牛肉榨菜冬菇粒等😂。今餐好滿足呀，去到最後，甘大食既小編我都食唔曬，頂住個大肚腩返屋企😝。-味道⭐⭐⭐⭐⭐價錢⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐-緣味小聚銅鑼灣記利佐治街1號金百利廣場7樓R4號舖#hkfood#hkfoodie#hkfoodbloggger#hkfoodblog#hkrestaurant#foodphotography#openri