緣味小聚 (LADDER Dundas)

Open Now

Now Closed

我朋友經kk day買了couple，於是我們一行4人滿懐希望去食了一頓恐怖午餐！一去到。。地面非常滑！因為我係傷殘人士，所以對員工反映。怎知員工告訴我，我著了波鞋，一定滑；要著防滑鞋來才可以！首先來了海鲜，沒有龍蝦也沒有凡立貝。首先來蒸蠔，好多沙石，肉是梅的。。接着是蜆，苦的！連提供的蒜頭也是變味的！ 鲍魚是沒有洗的， 黑色邊的！唯一可以食的海鮮是蝦。其他全很恐怖！我們於是放棄蒸海鲜！打邊爐也是同樣恐怖！湯底是芫荽皮旦，味道如白開水，也沒有清湯加。所有肉類，我們只叫了一次，沒有再追加，顏色太可怕了！像死了超過一年！小食口水雞可以，魚皮，青瓜也可以，其他打邊爐沒有太多可以建議進食！每次需order3-4次才會來兩件！最後我們叫你一些蒸糕，他們沒有也不作聲，给你別的算了！總括來說我，只用能四個字來形容。。恐怖！我的經歷，信不信由你！沒有拍照，因為太恐怖！

聽朋友介紹，第一次黎試海鮮蒸鍋放題，因為第一次食唔識點整，妮間員工好好，會幫你整埋，一坐低問你食咩餐，我地係選佐龍蝦餐，之後上佐海鮮盤，睇到D鮑魚仲係到育緊，龍蝦雖然對半開佐，個肉都仲係到抽蓄緊，勁新鮮，員工會幫你整龍蝦先，食完龍蝦食蠔同鮑魚，鮑魚係原隻連殼，拒會幫你起埋，龍蝦鮮甜，如果中意食海鮮溉朋友可以試下

今日晏就，去咗6樓食 生蠔任食，去到坐底落單先知無蟶子BB，入席前無通知，伏。去到得兩個waiter，個女仔就要包全場做野，執枱送單call 電話，第二個男仔就送餐。跟住，佢地十次有九次係送錯餐，服務態度好馬虎。要嗌幾次落單，佢地先接單，寧願埋頭執枱都唔接單先= =。野食，第一次食蒸火鍋，生蠔熟咗好細隻，得一節手指長，啲蝦沒解好凍，同都細隻。好才，啲海鮮都算鮮甜。肥牛好肥，唔好食，過肥，有碟肉甚至變壞，食落酸咗。==

今日去旺角油麻地食海鮮蒸汽鍋放題，餐廳叫做緣味小聚，今次食法國生蠔任食套餐，套餐非常豐富，仲有手工點心，火鍋放題，飲品都有好多，任飲任食，非常吸引。.🍚 蒸生蠔生蠔本身非常新鮮，蒸左過後味道鮮美、清甜，帶有海水的鹹味和蠔肉的鮮香，口感鮮嫩多汁，令人回味無窮。.🍚 蒸鮑魚鮑魚亦都好新鮮，有好幾隻仲係郁嘅，蒸鮑魚的味道豐富、鮮美，肉質鮮嫩，口感豐富圓潤，帶有淡淡的海洋香氣和鮮美的海鮮味。獨特的韌度和口感，食得非常滿足。.🍚 小籠包小籠包味道鮮美、鮮甜，皮薄餡多，入口即化。外皮滑嫩，內餡鮮汁四溢，肉質鮮嫩多汁，帶有淡淡的醬油和薑汁香氣。小籠包的湯汁清甜，口感濃郁。.🍚 流沙包流沙包香甜、鮮美，皮薄餡多，內餡酥軟黃沙，入口即化，帶有濃郁的奶香和甜味，讓人忍不住一口接一口。

朋友介紹，即管一試。勁伏。我哋兩位，坐喺豆膶咁細張枱，即係13 號枱。張枱擺咗個蒸爐，已經唔夠位擺個蓋。唔好講啲嘢食上菜時，一個人要攞住個蓋，另一個人擺嘢食上去。上左三樣野張枱已經冇位。張枱搖到不得了，個蒸鍋就喺上面搖來要去。二人枱唔單止好迫，上面仲要冇抽氣，一拿起隻杯飲野熱過辣雞。坐低冇位擺袋，有一個膠兜喺地下，好似痰罐咁，俾人倒垃圾、倒殼，我未食已經見到隻曱甴。環境衛生好惡劣。食物嘅質素好差，俾300幾蚊，龍蝦冇龍蝦味，牛好一般，好薄，蝦係草蝦，烏冬係兩三蚊嘅烏冬，叫咗兩輪海鮮只係上左一輪。呀姐執嘢好那西。執一張枱，又跌蓋，又跌碟。咁嘅食物質素，咁嘅環境，唔值三百幾蚊一位。仲要收你醬油錢，仲叫你做會員？劣食，食唔到兩個鐘，最後冇等佢上埋漏咗嘅海鮮，一定唔會再試。二人$798 埋單

五臟大概得番兩三臟。麻雀雖小，顧名思義，間舖頭非常狹小。九樓，九張四人枱，通道完全不能客納超過一個人，蒸籠加上空間小加上通風差=焗桑拿，帶比每位食客不舒適嘅用餐體驗。openrice coupon $299 生蠔放題，生蠔佔其中一臟，唔算鮮甜，不過絕對算唔上腥。不過蒸一次要7分鐘，一次12隻。鮑魚，6分鐘，極淋，好恐怖嘅淋，不推薦。蝦，軟殼但肉質尚可，但軟殼導致食用麻鬼煩，不推薦。沙白，4分鐘，有少少鮮甜味，多數冇沙，ok。細蟶子，4分鐘，失敗，D殼碎晒，食入口=同自己排牙作對，何苦呢。等待蒸嘅時間頗長，咁你可以做咩？當然係試熟食啦!黑金流沙包，相當推薦，意外幾好味，唔知邊度入貨呢。小心流沙包，一般貨色，建議黑金。小籠包，糕點，一律惠康雪櫃level。食完蒸籠，你可以打埋邊爐，椰子粥水or芫荽皮蛋湯。之後就係噩夢嘅開始同結束......椰子粥水有幾清大家都知，要落幾多片所謂M5牛先可以變到咁嘅色 相信大家都唔知，係20片左右呀!!!!!!D湯腥架!!!!!!!好恐怖。所以呢一場噩夢黎得快都去得快，見到煲野漉得嗰幾片肉就變成咁嘅樣，你仲唔想即走？總結，肉垃圾，蠔加沙白唔錯，其他海鮮唔掂，

野食係唔錯既，但一定唔會再去！！今日（2月20日下晝6點左右）帶朋友去食既時候，有個負責遞餸既、最短頭髮既呀姐，態度差到好似全世界欠左佢咁，心諗老細都唔會咁臭脾氣啦… 我好聲好氣問佢碟餸到左未，佢就發哂爛渣咁，話我「心急咩呀，唔會比少你架，咪喺下面囉…」。我都知佢哋忙，但使唔使咁樣呀，係答我一句放左喺下面咪得囉。大家出去食嘢，尤其是帶埋朋友一齊去，都expect除咗野食好，仲要開心架嘛。但係咁樣既服務態度，野食再好都冇用。

勁迫，抽風勁差可以用煙霧瀰漫形容環境好差，好似去咗大排檔咁係就係有黎你張枱邊服務，睇吓你啲海鮮熟未但係侍應由頭到尾都冇講過一句野全程黑面，好似爭佢錢咁除左海鮮叫算係咁，飲品同其他火鍋料可以完全唔洗試D豬肉好似雪左好耐咁丸完全冇特別，就係街市會睇到個d但係d色就全部好似凍左好耐粟米又係，甜都唔甜依個價錢有更好嘅選擇收費大家記得要問清楚D折有幾折好似任佢講咁一睇其他食評就勁多打手🤮🤮如果係情侶就超級唔推薦除非個女仔平時都食開大排檔如果唔係佢一定會食得唔開心

同朋友慶生，透過OpenRice coupon以61拆買咗$299（原價$498)套餐(18:00-23:00）用餐時間150分鐘，星期六-日另加醬料$48及服務費$20=$68/人頭係📍旺角彌敦道Ladder Dundas 全座building 9樓一個小空間，三五知己聚歡聚🍻🍻必食推介♨️養生鍋，蒸出原有味道，健康又鮮味，專人服侍以下蒸氣鍋套餐包海鮮類🦞厚肉龍蝦、精選法國生蠔、韓國鮮鮑魚、扎扎跳大海蝦、爽甜大白貝、鮮甜BB聖子、時令貝殼類-嘩～龍蝦大隻鮮甜，又肉爽口，蓋都給唔住，-新鮮鮑魚大大隻encore再encore肉類：👍🏻澳洲M5和牛、安格斯肥牛、西班牙黑毛豬、蟲草花滑雞多款滋味小食手工精緻點心精彩火鍋配料多款啤洒果汁汽水無跟量任食喜愛食鮑魚嘅朋友、呢個餐仲有無限量追加：韓國鮮鮑魚扎扎跳大海蝦爽甜大白貝時令海鮮

出去逛街，準備聖誕禮物🎄🎁時，經過見到街頭快閃送優惠券，蒸氣火鍋半價，只需一佰多元，咁抵食，一於試下！😍🌟120分鐘龍蝦海鮮豐盛盤🌟🦞龍蝦 肉質彈牙鮮甜*韓國大鮑魚 新鮮彈牙，有彈性🦪法國生蠔 肉質肥美🦐大海蝦 肉質爽口🐚BB蟶子 和蜆肉 鮮甜無沙安格斯肥牛 肉質濃；西班牙黑毛豬 爽滑；手打牛肉球和🎃有機蔬菜🥬。每款食物有職員幫手蒸，熟度剛剛好，等候期間，可以食熱食香滑蟲草花滑雞陳村粉和鹹香黑金流沙包，大滿足呀！💗

成日都會去油尖旺搵好嘢食，彌敦道575號嘅LADDER Dundas都有好多好嘢食。一向好鍾意食海鮮，係每種海鮮我都好鍾意。 今日就一個人去咗9樓嘅緣味小聚食海鮮蒸汽鍋。 唔使自己買，又唔使自己洗。 地方闊敞，枱面夠晒大，坐椅背上都有大頭嘅動物公仔，好似對住佢哋食嘢咁，有趣呀！每種海鮮都新鮮美味，龍蝦、鮑魚、生蠔、海蝦、BB蟶子、貝殼類，仲有黑毛豬、手打牛肉球、滑雞陳村粉、流沙包都幾高質 ，$298 有四折，去街市買都買唔到，真係好抵！用蒸氣蒸熟食物，保持原汁原味，我鍾意！

任食邊爐都食過唔少，今次呢間體驗都好特別，打邊爐唔係得個烚字，仲可以蒸，仲有點心同前菜𠻹平日任食餐會平少少，但已有海鮮任蒸。法國生蠔、韓國魷魚、大海生蝦、爽甜白貝、鮮甜貝殼類同是日海鮮都係任點，仲有專人過嚟幫你蒸，計埋時，鐘響即到蜆肉同蟶子BB好鮮甜，海蝦肉質都好爽嫩以為任食嘅生蠔同鮑魚一定麻麻地，點知生蠔都幾飽滿多汁，鮑魚厚肉綿彈，能夠任食真係好開心帆立貝極之大粒，蒸起嚟圓潤生輝，我見尤憐蟶子亦係非常鮮甜，點醬一流生蒸牛肉球都好特別，係蒸嘅時間要耐少少等待期間，可以點吓前菜同點心kill time點心種類較多係包同糕點，但餡料充足，好似流心奶黃包同合桃包，一擘開就咇汁，係最好味嘅暗器。另外紅棗糕同小籠包都唔錯，蒸得幾透前菜有唔同嘅菜式選擇，有酸辣脆蘿蔔、手拍爽青瓜、川味口水雞、客家先咸雞同麻辣貓耳朵可以嗌，口味好地道，要辣嘅都可以好辣食夠海鮮就可以轉打邊爐，可以揀粥底或者芫荽皮蛋湯底。由於有啲飽，湯底清清地都幾好澳洲和牛片係任嗌，薄切易熟又保持彈牙肉香仲有唔同火鍋配料可以揀，點都食得飽

(🇭🇰香港~旺角)◾️#厚肉龍蝦海鮮火鍋放題 HKD$348醬料費每位加20元喔這邊共有2個選項分別是一個有海鮮吃到飽而我們選擇的是一般火鍋料放題一開始會有蒸氣火鍋~每人都會有半邊龍蝦一隻鮑魚、一隻蟶子、一隻生蠔、兩隻蝦、三隻蜆龍蝦大隻很Q彈鮑魚很新鮮還有桌邊服務幫你計時吃完海鮮就換火鍋湯底我們選了藥膳鍋火鍋料用手機下單有m5和牛、西班牙黑毛豬等另外還有點心和川菜小食飲料是自助的～有冷泡茶、酒水、啤酒‼️價位的部分建議在訂位前先再次詢問喔‼️

新既一年，緊係要一返餐好既，開個靚年啦~ 鐘意食海鮮既我地，今次就去食海鮮蒸氣火鍋。識食一定係食蒸海鮮，因為隔水咁蒸，先可以食到海鮮既最原汁原味，食到最鮮既味道。今次海鮮蒸氣火鍋我地揀左「緣味小聚」，聽朋友講，素質都唔差，性價比高，所以黎試一試。🔹🔸🔹🔸🔹🔸🔹🔸🔹🔸🔹我叫揀左 「120分鐘厚肉龍蝦海鮮蒸汽鍋」， $298/位（星期一至四），$338/位（星期五至日、假日及前夕）。🔹🔸🔹🔸🔹🔸🔹🔸🔹🔸🔹海鮮海鮮有龍蝦、大鮑魚、生蠔、大海蝦、蟶子BB、蜆。蒸氣火鍋係用最簡單既清蒸海鮮，就算唔加任何調味料，都依然好食，因為海鮮好新鮮，龍蝦肉質好飽滿、鮑魚彈牙又爽口！值得一讚，蜆同鮑魚處理得好乾淨，蜆冇沙子，鮑魚冇內臟。整體上，各海鮮質素都不錯！🔹🔸🔹🔸🔹🔸🔹🔸🔹🔸🔹肉類有安格斯肥牛、西班牙黑毛豬，薄薄一片，蒸幾分鐘就食得，肉好嫩，唔會鞋口。🔹🔸🔹🔸🔹🔸🔹🔸🔹🔸🔹菜類南瓜、娃娃菜、萵荀片，娃娃菜最好食，蒸完好清甜。萵荀片，時間蒸耐左口感就有D軟，個人比較鐘意爽口。🔹🔸🔹🔸🔹🔸🔹🔸🔹🔸🔹點心有黑金流沙包、手打牛肉球、蟲草花滑雞蒸陳村粉。同酒樓食冇分別，味道都高質！黑金流沙包包皮超鬆軟，甜度適中、

中午十二點鐘，入座，過程冇問題，當我起身出來拿飲品，回到餐桌時，地上的油漬，令我差點撞向桌面，坐下後，職員告訴因為你的鞋底，所以跣腳，心諗，要著開工鞋到你們的餐廳進食嗎？之後叫我起身把座椅拉後清理油漬，這一部分相當重要細節，之後第一轉小龍蝦，他們告知是自動拿上，不用手機下單，最後當然是無上，之後查詢職員，又把責任推卸給我們沒有下單。之後叫鮑魚雞煲，手機落單後又係好耐冇上，無限輪迴好似係我哋責任感咁！令我氣憤一件事，就係當初清理地面油漬把我的座位拉後，男職員收銀要求我把座位推回前，這一部分是沒有問題，但係一位女職員，是高高瘦瘦的那一位，這一位大聲說：「他好肥所以拉開座位，佢又冇我咁瘦」我解釋番件事 ，係你哋啲油漬要求我拉開張櫈清理油漬，並唔係我自己拉後，希望你哋知道做餐飲 少說話 多做事這個道理，做客人冇乜必要這樣受氣，一句簡單道歉都冇。最後講返食物 ,$311,任食四川菜嚟講叫合格，唔會詆毀你們廚師，其他火鍋配料中下，尤其嗰個乜嘢澳洲和牛，唔好有高期望，我寧願食佳寶普通肥牛。個賣相衰到不得了。好似溶完雪拿返埋一舊咁。火鍋海鮮有蝦有蜆，啲蜆ok冇沙隻隻開口，啲蝦就唔算太新鮮蝦頭全部發黑。