緣味小聚 (LADDER Dundas)

Open Now

Now Closed

第一次嚟到呢一間餐廳食佢哋嘅任食放題，咁吸引我哋嚟到訪嘅原因就係佢哋推出左150min 龍蝦任食！望完個價錢同男朋友都覺得係值得一試！龍蝦蝦肉的口感彈牙，鮮甜多汁、蝦味濃郁。大鮑魚生蠔肥差丈隻，蟶子皇鮮味十足，生蝦口感好好，貝殼鮮甜。去到肉嗰方面我哋都有提供豚肉或者牛肉，兩款嘅質素都係海外入口，牛肉就會濃味啲。豬肉就軟嫩飽滿。套餐已包多款啤酒，果汁、汽水都係無限量任飲。特定時間前付款、金卡鑽卡會員仲有額外優惠。價錢方面絕對係抵食，高cp！

今晚放工同BB即興一齊dinner,，今晚要滿足下個味蕾！係美食平台中見到吃到飽海鮮火鍋就跟住嚟，親身試驗係咪真係咁堅！；厚肉🦞，這個我很愛，最好吃的部分是膏，有點像像蛋黃綿密的口感。龍蝦肉很彈牙鮮甜，滿口的肉，肉內則保持著多汁的口感。；說到海鮮類的確很新鮮，吃到海水的味道。所以我都滿心的。絕無欺場👍🏻❤️‍🔥💎💎安格斯肥牛💎💎最中意❤️係佢啦。薄到見光不特只牛肉味濃郁，肉十分焾身，口感鮮嫩而豐富😆💎💎酸辣脆蘿蔔💎💎果然酸辣得好惹味，蘿蔔好爽口夾雜住甜甜味道。💎💎西班牙黑毛豬💎💎相當有質素！係火鍋入邊返滾完後，香味撲鼻💞餐廳服務方面好好，職員見到食完既碟會主動幫忙清理。環境方面就見到都好乾淨企理，整整齊齊，觀感好好。坐嘅位置又夠光猛，睇落好舒服！💎💎Overall評分: 8/10😋💎💎

在炎炎夏日裡，男朋友和我幾個好友一起享受冷氣的涼爽。我們來到了旺角的一家以海鮮蒸鍋為主打的餐廳——「緣味小聚」，準備品嚐一頓豐盛的晚餐。足足分鐘任食150分鐘，足夠我們有餘！海鮮極多款式，白蜆，蝦，大蜆，鮑魚，想食乜有乜！龍蝦🦞嚟到隻色勁靚，紅潤飽滿，啖啖白雪雪肉，好好食哦！^_^^_^^_^^_^^_^^_^^_^食到熱熱地，點了兩款涼拌中和一下。（😋手拍爽青瓜）平時冇乜機會食到，見到忍唔住要點。味道清甜爽脆，食到有加入鎮江醋更開胃。（酸辣脆蘿蔔☺️）酸辣蘿蔔好吃，毫無苦澀味，脆到隔離枱都聽到🤣十分滿意！朋友想吃點心，點了幾款經典的試一下！（一吃難忘小籠包👍🏻）外面是薄薄的餡皮包著裏面的豬肉，芬芳撲鼻。一啖入口！裡面的湯汁立即湧出，十級難忘哦！再來個蟹子燒賣皇和緣味鮮蝦餃皇，一樣出色發揮！蝦餃晶瑩透亮，粉紅色的蝦肉好吸引呀！燒賣皮好薄，大粒到要分開幾口❤️整餐晚飯有友好和細心的工作人員招待、服務周到。性價比極高！賓至如歸！朋友們都好滿意！

出左糧食好啲先！作為火鍋的愛好者，我係可以日日都打邊爐！係社交平台見到呢間好多海鮮，book定左喇。上到嚟，發覺個地方都唔細，就算平日夜晚都full！無論係得我地兩個人，定一大班人都，空間都好夠。嚟到龍蝦上場啦。~龍蝦肉非常美味，鮮味香濃於口腔。肉質鮮甜，保留了原汁原有鮮味，滿足感十足。~龍蝦頭還都有膏架！Up Up 🆙 ～講吓湯底，湯底香濃滋養，配搭各種食材都非常恰到好處。見個個都嗌海鮮，我又唔執輸。嗌了鮑魚、䗌子 、生蠔🦪～海鮮無霉，全部都新鮮飽滿😍～海鮮蒸鍋可以較定時，唔怕overcooked！岩我呢度唔煮飯既人🤣又係人叫我又叫之👇🏻～一吃難忘小籠包、蟹子燒賣皇、緣味鮮蝦餃皇~估唔到燒賣既蟹子咁真材實料，食落去真係多咗一種鮮味🤩令到平平無奇嘅燒賣更加有特色！~蝦餃粒粒水晶咁透，有完隻蝦🦐肉係入面🤩～小籠包，熱🔥汁滿滿😋之後，再品嚐安格斯肥牛。~佢好有厚到，唔會太薄，完全唔係食緊空氣🤣最重要！係完全冇雪味❄️~真係唔錯！幾嫩幾新鮮。好好食！~牛味非常濃郁🆙🆙🆙見到keep住有都多人入座，人均價值好超值🐷

今晚同朋友一行5人用openrice優惠券去緣味小聚，體驗奇差，希望各位三思係咪真係要去呢間餐廳食野，以下慢慢細說重點：1。優惠券並無告知要額外收費原本係見到好似平左，幾抵食所以買優惠券，點知去到發現要收$48醬油費，加埋係$346，而原價係$348，係平左$2啊！我真係多謝晒你啊！$48醬油費你比左啲咩我啊？蒜、蔥、辣椒同豉油，無喇，你可唔可以比啲誠意我？比多幾個醬啊？2。座位窄我一早打去訂5位先買優惠券，但原來呢間野所有枱都係for 4個人，咁你唔一早講定可能有啲窄？5個人逼落去4個位，張枱又唔係大，幾個男人坐真係冇空間可言。3。服務態度&效率差先唔講老闆西口西面（可能佢習慣左），我哋叫店員同老闆都叫左3、4次比個QR Code我哋落order，諗住等海鮮都可以食住其他野先，點知一路都冇比。另外，我哋食火鍋前都冇郁過個鍋，但個老闆態度比較差咁問我哋係咪又整到個鍋錯左位置搞到熱唔到，隔左一陣佢見仲未滾又問我哋係咪踢到個插頭，但明明我哋所有人都冇郁過（even蒸海鮮我哋都係叫店員幫我哋夾，因為蒸鍋蓋有啲熱）。4。對食物十分十分失望本身已經收緊我300蚊，但大部分海鮮都唔係好新鮮，蟶子同

1）優惠價$298，來到現場才知道要收$48醬油錢，即是跟現價沒太大分別2）食物淡而無味3）飲品選擇不多，部分更是冷門選擇4）店員遲遲未有提供落單QR code（大約每十分鐘追問一次，店員轉身離開，約追問三次後直接走出收銀處問方得到QR code）5）座位極窄，安排5人坐4人位，行出行入似玩障礙賽，店員收拾東西時我在門口等了約5分鐘方可重新入座6）服務態度差：店員忘記開邊爐，卻指責我們胡亂碰爐頭。連續指責兩次後，第二次發現一場誤會方才華華道歉。指出蠔沒有打開，店員回應指：係咁㗎啦，俾把蠔刀你囉7）用餐時間150分鐘，未滿120分鐘已要求我們離場

網上購買大閘蟹餐後，睇食評都驚中伏，但去完後並沒有想像中差😊環境: 地方比較窄，人流多。服務: 侍應全程有禮，有傾有講幫忙蒸海鮮，客人只忙於食，感覺想食客快些食完交枱🤣食物: 🦀因是乸，較細隻。🦞🦐🦪海鮮也很新鮮彈牙。

由入坐開始已經開始叫你做會員不停sell食吓食吓又坐埋黎sell買$1000做會員，估唔到想簡簡單單食個蒸氣火鍋，估唔到要俾人係咁夾做會員到後尾話唔做，即刻黑晒面～做唔做會員，其實都係爭個幾十蚊勸喻大家唔好去未見過一間餐廳係咁佢個龍蝦任食，基本上剩係得龍蝦可以食下其他海鮮唔係好得火鍋更加冇乜配料呢間嘢只係希望你充值做會員有個白頭髮嘅阿姐由你一上去就當你水魚，主要目的都係睇吓你會唔會做會員伏伏伏伏伏

第一次為咗食蟶子皇而去，點知冇哂蟶子皇，個阿姐就係咁水人入會，話食長腳蟹$99一斤，嗰陣蠢咗諗住啲優惠好抵就畀人水咗入會，點知去到後尾話我地得一個人入會，所以$99淨係計頭一斤，之後要計返$148，等人食完先講，都冇得唔畀啦😟真係識呃人🤯仲要安排咗我地坐收銀對住個位，唔知係咪方便佢地氹水魚落搭，成餐飯係咁講，係咁水我地兩個一齊入會，完全冇得靜靜地食嘢🫠因為上次係openrice訂冇得用佢免費送嗰個優惠，個阿姐應承咗extend多2個月畀我地，等我地唔駛急，慢慢食。用張人手寫嘅紙當欠單，真係我地蠢咗，原來陰陰濕濕寫得1個月，我地又衰嘅嗰刻又冇睇清楚，今次再book位去，反面快過揭書，啲大粒嘢態度變哂，前後講嘢唔一致，改哂口供，話我地聽錯，佢地之前就係講一個月。冇計，真係我地蠢，奉勸大家唔好去，畀人當水魚呃🥹🥲🥲🥲

點了海鮮放題任食 。但係一定要順住佢地出的。第三個就出燒賣，蝦餃！ 店員態度差，地方小，，價錢貴，出出下D菜，停止了。沒有服務。問才知道要qr code 點！初初又話出曬生要再點。食到一肚氣。

第1次去，蒸氣海鮮放題！環境唔大，一個雪櫃仔放飲品自助形式自己拎。食咗個椰子雞先再到蒸氣海鮮開頭會叫搞哂啲醬油配料先，又會上住碟蠔，小籠包食住先龍蝦都大隻抵食既，枱仲會放咗個計時器提示蒸海鮮既時間 每種海鮮服務員都會講解蒸幾多分鐘食會最適合另外仲會講解一下邊樣食物需要自己落單，邊樣係服務員落單☺️每張格地下旁邊都會有個桶，係拎黎比客人倒返啲海鮮殼等等既垃圾總括黎計 除咗場地細 其實都唔差既同朋友吹下水食下野，如果飲品種類再有多啲選擇就好了

今日係旺角食飯，去咗緣味小聚，大中伏，任食海鮮，五點前交枱減一百，兩個人（折后）食咗七佰幾蚊，海鮮不但质素差，最大的问题系兩個似老細嘅侍應全程口黑面黑。问什么问题他们都係冷冷淡淡的回覆，好唔耐煩咁，而且回答不清不楚，我們已經是全程客客氣氣的，但他們也是不友善的回應，「主」、「客」換了位，真係「背脊骨落」，而且海鮮🦞唔新鮮，鮑魚死了一段時間，一打開黑色的內臟爆出來，所有🦐蝦都是霉的！咁大個人第一次遇到咁嘅服務態度，食物質素vs價錢太不值，大家千祈唔好去😡⋯⋯

聽朋友介紹旺角有間傳說中任食海鮮的緣味小聚，對於海鮮控的我心思思拖埋朋友黎試下一入到舖頭，靚女熱情招呼，安排左卡位俾我地，雖然個場唔大，成個場佈置同燈光、壁畫都散發青春的氣息，對於青春一代的我非常合景好啦，睇左餐牌先，大致上了解下內容，頭先個靚女行過黎好細心咁介紹左套餐俾我聽落去最抵食嘅就係180分鐘龍蝦海鮮蒸汽鍋餐，平日餐價348星期五六日及假期就388有20蚊醬油費同加一圍起埋單平日405，假期五六日449聽完有D猶豫，不過靚女話依家做緊優惠，有時段優惠架如果5點前埋單離座每位可以減100，8點前埋單離座每位減80，其他時間都每位可以減50唸返我地6點半入座，都係要9點左右先走，都好，每位可以減50。最緊要係個餐做緊推廣，鮑魚，蝦，貝克類，帆立貝，生蠔，蒜蓉粉絲蒸生蠔全部任食，仲包埋任飲同任食火鍋配料，呢個價算係超抵食架啦好啦，話不多說，即刻起餐食完頭盤海鮮包括龍蝦，都已經好滿足，當然食咁少就唔食放題啦，梗係要叫多左3轉海鮮，完成左海鮮目標都有8分飽啦，留返小小肚，轉左個蕃茄薯仔鍋底，食D牛肉雞肉，丸仔青菜，最後再叫D點心，非常滿足的一餐

一進入餐廳有一種壓迫的感覺, 叫咗海鮮套餐, 成堆蜆都唔新鮮, 座位亦都好細, 坐得唔舒服, 性價比好低, 食完已經想咋咋臨走人, 上菜嘅時候速度過快, 未食完已經不停上其他嘢食, 令食慾大大減低

旺角彌敦道575號，我係睇到youtu過黎體驗下，平日任食海鮮係405埋單，有龍蝦鮑魚蠔海蝦沙白蜆白貝聖子等等，我自己覺得最好味係鮑魚同龍蝦，新鮮，味唔錯，唔識整員工會幫你蒸埋，每樣海鮮都有固定時間，本人覺得超值，仲有好多小食同點心，如果中意糕點溉朋友都可以試下，啤酒汽水都包埋任飲，聚餐不妨試下，值得推介