瑪麗蓮美國餐廳 (Moved) New Location

今日去花墟買花，順便黎呢間西餐廳食個lunch先，以前係舊鋪食過好好味架！大約一點到係有位既，點左好耐無食既豬扒lunch set。得一位廚師，所以都等左一陣先有嘢食。新奧爾良蜜汁豬扒 $68賣相都唔錯，但呢個豬扒質素無以前咁好，over cook 左，令到豬扒唔夠嫩口，真係有d失望！薯蓉唔夠creamy但有薯仔味，都ok既，至於雜菜係炒，煮法好中式（crossover啊！）Lunch set $68包一杯熱，仲有湯。以前覺得唔貴，今日食物水準無咁好，突然覺得呢餐唔平喎！

今日出咗嚟花墟度買年花行過見到呢間西餐廳細細間，但係逼滿人心諗一定係好嘢！Lunch set分咗是日精選午餐同呢間餐廳嘅經典菜色，精選午餐比較輕量d, 今日我就揀咗精選午餐中嘅三文魚茄蓉意粉！上枱熱辣辣，新鮮煮好！上面有一塊煙三文魚，下面嘅茄蓉意粉好好味，同我印象中普通西餐廳嘅茄蓉意粉好唔同！唔係一般開罐頭嘅茄蓉炒2下就上碟果d，呢個好味好多！意粉亦煮得啱啱好，唔會太淋唔會太硬！分量亦好夠！食完好滿足！跟餐仲包一杯餐飲，我今日叫咗杯咖啡，店主仲好細心等我食飽先上咖啡，保持咖啡嘅熱度！咖啡仲好香濃！☕️食飽即刻充滿力量😍下次嚟要試埋其他經典菜色先得！

今日lunch 特登由旺角行去太子花墟買開運竹，咁就有機會黎呢間西式餐廳食lunch，以前係太子返工，久唔久就黎食豬扒（好好味）。好耐無黎過，今次多左精選午餐，有四款意粉可選揀，包一杯熱飲。點左「海鮮忌廉意粉」$58第一時間試下d忌廉汁先，好creamy好滑好香吖！撈埋d意粉食真係一流，意粉唔會太淋或太硬，口感剛剛好。海鮮有蜆，墨魚，係好新鮮又唔會”un”，再加左少少香草，真係好好味！至於餐茶我叫左熱檸茶，呢杯就麻麻地。但呢度既咖啡聽聞係唔錯架，可惜我唔飲咖啡！

環境好    侍應有禮貌    食物質素好小店形式，有親切感！裝修不俗，有氣氛，係一間唔錯嘅西餐廳^_^侍應姐姐超級有禮貌👍🏻👍🏻會建議你食咩食物。唔會強逼你叫啲貴嘅嘢食！！！就算叫一客意粉，佢都唔會黑你面😍而且食物質素非常好😋😋😋分量夠大😝如果一個女仔嚟食一客意粉，其實都已經足夠啦！而且味道非常好👍🏻連伴碟嘅西蘭花都係有味，好好味個隻！唔係就咁用水煮俾你😋😋😋而且意粉嘅軟硬度非常好仲有！竟然不用加一服務費

行過運動場道， 想据個扒， 來到太子本來都無咩期望， 點知又咁好彩比我搵到間出色小店! 經店員推介， 點左個周打蜆湯+豬鞍扒配焗薯，個湯夠濃，用足料，好多蜆肉， 可惜係細碗左d,如果可以真係想叫佢用個大d既碗裝比我，驚喜! 本來係牛魔王既我， 對豬扒真係無咩期望， 點知塊扒一來到， 份量十足(有圖有真相)，扒一d都唔鞋仲好juice! 驚喜x2!舊焗薯都好好食， 唔會又dry又一吉落去又散，難得小店係配菜方面都咁認真， 驚喜x3!同場加影，店員幫埋隔離台唱埋生日歌，而家香港地有咁既服務實属難得👍👍 小店有如此水準， 服務和出品都咁出色， 一定會推介比身邊既朋友😊😊😊

我平時放假都會經過這間鋪頭，印象係美國小扒房，看起來裝修好有特色，今晚終於有機會同我個老朋友行過，有一位好有型格的小姐，第一時間來招呼我，好彩我冇訂位都安排到兩個位置，地方不大，只有一個侍應，我有選擇恐懼症，那位靚女侍應好熱心咁介紹食物給我，我唔係好識食牛，佢介紹完之後我就可以放心去order，叫咗一個大骨扒，真係好有驚喜，好有牛味，好香呀，因為那件扒size大，是兩個人的份量，另外再叫多一個煙三文魚發沙律，份量都唔細！在進餐的時候，靚女侍應不時也看看在座的客人的反應和需要，好難得有咁專心工作的人，印象深刻，我一定會介紹多啲朋友去食嘢感受下那裏嘅食物氣氛同埋親切感，在現今香港已經好難得啦！

之前聽朋友介紹呢間既斧頭扒唔錯，趁生日同幾個朋友去試下。事前幾日打定電話預約先知原來只可即日book位，而且之前既斧頭扒已經轉了做大骨扒，但職員表示份量和質量同斧頭都差不多，咁照ok去馬。放工準時去到就有個女職員招呼，仲up得出book位人既姓氏，果下係幾滿意既，心諗個職員幾有heart喎，一晚咁多枱客要記人齊起菜，期待已久既5成熟大骨扒上枱，賣相同份量都相當唔錯。食落肉味好濃好juicy，層皮配埋香料烤得好香好脆，對我呢個食肉獸呢講真心一流。之後我地三丁友亦叫左石斑柳，牛肋骨同焗田螺，味道都幾唔錯。唔知係咪因爲大骨扒太正，個腦仲回味緊陣肉味，味蕾蓋過左牛肋骨既味，有點可惜。 我建議如有叫大骨扒既可以先食其他再品嚐大骨扒o淨係試大骨扒已經夠飽。後來飲飽食醉，同之前果女職肙傾左兩句先知原來佢係老闆娘落手落腳落單執枱一腳踢，真係盡心盡力其實本身有留意open rice既comment發現有d負評，但係朋友介紹，心諗大家都係食環境味道行先，其他次要，都決定呢試下。結果亦沒令我班朋友失望，呢間餐廳的確唔錯！下次一大班fd聚餐都會再呢

好美味既美國大骨牛扒，肉嫩味濃多肉汁，份量足，兩個人share一份就差不多夠了，或者加個意粉就夠曬了。之前黎過一次食豬手，牛肩肉同牛骨，每一種牛都有啲唔同，牛骨牛味濃但筋比較多，相對黎講大骨牛扒既味道同質會比較合我口味，極力推介如果大家想試大骨牛扒最好即日訂位時預訂，咁樣可以唔洗等太耐，因為塊扒比較大，到左先叫要等比較耐喔另外佢既甜品柚子芝士蛋糕都好咪，好多柚子粒混左落個芝士蛋糕到，比想飲中既match，唔會好滯，作為飯後甜品算幾好另外值得一提既係老闆娘既服務態度好好，有賓至如歸既感覺

食物一般……個女職員態度超級差，講野態度差又串。問佢攞隻碗:呢度食西餐嫁，無碗嫁。放包紙巾喺枱邊:喂……攞開包紙巾找錢嗰陣無講野……拍我隻手。唔係話要個職員唔該前唔該後，但唔係咁嘅態度囉。

之前睇過D食評都好似麻麻，不過親自去試又冇想像中咁差喎。意大利焗千層麵: 幾鐘意個芝士千層麵，芝士份量足夠，夠哂rich，海鮮都ok。沙律:沙律真係好一般，唔算新鮮，D沙律醬過多，令人覺得係食醬，沙律菜反而係配菜。Seafood chowder: 好難食！見間餐廳好似幾重點推介，點知好失望！水稀稀咁，質感比罐頭湯更削，又細碗又冇乜海鮮。牛肋骨:見網上食評參差，唔敢試牛扒，就試下佢個牛肋骨。一見到佢嘅賣相就覺得應該冇伏，點知食落，真係冇伏，係水準以上！牛肋肉切好一片片，方便食用。肉汁豐富，生熟度掌握得宜！今次醬汁就啱啱好，唔會太重手。碟上伴有調味鹽，牛肋肉沾少少先食，同點醬食係兩種截然不同嘅口味。總括而言，Main dish水準幾好，係沙律同湯麻麻。

平時好多時都係去旺角度食嘢，今日同男朋友行街行到太子，咁就唔想行返旺角，所以就喺附近搵嘢食，行行下畀呢間鋪頭嘅門面吸引住，咁就入咗去啦舖頭入面嘅座位真係好少，而且座位之間間佢都比較狹窄，我同男朋友一人嗌咗左一個dinner set一個係法國香橙鴨， 另一個就係豬扒焗薯呢個套餐會送一個沙律同埋兩個湯，感覺沙律同個湯都係羽量級嘅，到主菜上嚟啦， 溫度還好係暖嘅但係豬扒就比較鞋，焗薯都幾好食， 個人覺得呢個價錢對得起個餐嘅但係就食一次就夠啦

漫無目的遊走到這裡，肚餓想找個地方輕食再出發，見到這家小店一於入內試試。餐廳女侍廳熱情介紹，可配搭意粉，飯，薯蓉，連湯和餐飲88元免加一，就入內品嘗一下充充電吧！我點了炭燒牛肩配薯蓉，先上餐湯，用一個小碗子盛著，材料有薯仔，蜆肉，用香草調味，熱度適中，有個好開始。滿心期待的主菜終於到來，第一刀切落牛肩肉，tender & JUICY！肉汁滲出，牛肩肉有彈性和肉味，而且沒有太多調味，牛肉的質地好靚！另外配菜有瓜，茄子和甘荀，瓜和茄子有GRILL過，份外惹味，甘荀多汁鮮甜，大滿足！ 坐在餐廳良久，不少客人都點這牛肩肉，心暗暗歡喜！點對了菜色。

個呀姐態度差到無人有問佢凍飲加幾錢！佢指住牆話：「自己睇啦」😒臨走問：收卡嗎？自己睇啦！☹️😒不能盡錄...其餘員工還不錯！👍🏽食物不錯的！醬汁、香草有美國味道午餐價錢合理，特別是厚切豬扒$68燒茄子和翠玉瓜都好味！餐前的海鮮忌廉湯濃郁！不是罐頭貨式！香橙鴨份量$68比較少！小食芝士焗田螺不錯👍🏽晚餐就比較貴，不過西餐來說都尚算合理！之前見過是用炭爐燒烤的，家中不能做到！不過因某人的服務態度，唔會再去了

歲晚到花墟買花，出發前先到附近餐廳醫肚。經過這間以周打魚湯聞名的排隊店,見到居然沒有人排隊，於是決定去試試。在餐廳門外等侯時，除了看看餐牌外，見到餐廳其實舖面偏細，枱之間也十分擠迫， 跟茶記不相伯仲! 安坐後，才發覺餐廳連免費水也沒有供應。點了炭燒牛肩扒，法式香橙鴨，及意大利海鮮千層麵午餐。等了一會，侍應送上了一個白色小兜。以為是薯蓉之類的東西，原來是周打魚湯，細得可憐。這個是餐廳招牌菜的蜆肉周打湯，有蜆肉、切粒薯仔、香草；湯底十分杰身，忌廉味濃，微微帶辣味，但蜆肉卻少之又少，全碗湯只有一隻蜆，鮮味也欠奉。如果說是城中最好的周打蜆湯，肯定是過份吹捧。 說老實的，除了湯身太杰之外，湯也沒有蜆的鮮味，而且份量太少了。炭燒牛扒的算大塊， 烤的火候尚可, 不過肉質帶筋, 吃起來口感偏硬。意粉雖然是al dente,但口感太乾身，而且只是微暖，可能是煮好放得太久了。法式香橙鴨煎過的，入口香脆，鴨肉也不會嚡口，香橙味十分醒胃; 薯蓉只有一小球，入口頗滑，不過薯味一般，似是用薯粉開的。意大利焗千層麵，面層芝士味尚可，不過內裡卻沒甚麼海鮮，反而肉碎還要多一點; 沙律菜的新鮮度一般，配上微酸的沙律醬，味

如果你無試過佢以前,你可能不像我們咁高期望，因為佢上一手真的做得好好吃，尤其是個湯，以前個湯是像醬咁濃，所以份量少我覺得ok,現在個湯是像濃湯咁，份量仍是咁少就那個....了點，不過又說真的，現在的湯比較魚醒味重，我就真的不like，我老公覺得還可以接受，但一入口就覺得和以前差好遠。扒餐仍是大大件,值得讚是佢配菜都有心煮的，配菜我都有吃。overall在太子旺角我們在23/12這些聖誕節日吃普通西餐，不需強制選聖誕餐。好像無加一，二人加起來又餐湯又沙律又主菜又飲品都不超過240元。是真的抵的。如果你無吃過上手未轉手前的廚師的手勢，你不會咁高期望入來，你會覺得所有東西都喜出望外，抵，同區扒餐得金x 個邊的鐵板扒餐差不多價錢有咁份量。比之前坐得舒服，但我寧願像之前逼到背貼背坐都要吃到美食。p.s. 同一個姐姐態度好了勁多，不是講佢之前態度差就是之前有點燥底，現在可能不同老闆不同要求，好了很多嚇親我