瑪麗蓮美國餐廳 (Moved) New Location

聖誕連續幾日公眾假期，冇卜位好難搵野食，行過呢間咁岩有位，就入去試下。店員建議了聖誕才有的dish,美國炭燒牛肋條，250大元，聖誕就豪下，另叫左個燒豬手。吾使一陣，一份king size牛肋條上碟！估計超過20安士，可以3個人食！味道不錯，好有牛味，個面炭燒到好香，加上用海鹽燒保持左肉汁亦令肉味更香濃，但好大份好難切。切到中間太生，要待應幫手切同埋再燒一下。豬手皮脆，可是太乾，又偏咸，不太好吃。

呢一間平時經開都見好多人幫襯，男友仔好醒目一早book定七點半去到，我地準時到達已經全場爆滿⋯另加門口五六張枱都坐滿晒人，都依然仲有人排緊隊。侍應姐姐好流利咁樣講晒今日有咩推介同埋價錢，不過我哋都係唔知佢噏乜⋯最後我哋揀咗兩個餐，我叫嘅係牛扒係落之前侍應姐姐已經同我講咗好多牛筋⋯當上枱嗰陣時嚇咗一跳因為真係好大塊同埋好鬼厚，佢同我地解釋特登比厚啲我哋因為中間預咗好多筋係食唔到。呢到真係抵讚夠細心！！雖然我呢件牛扒中間好多筋，但係入面超多肉汁⋯同埋好重牛肉味，好好味⋯而伴碟嘅配菜都好野味，總知成碟嘢冇一樣野係值得彈。另外叫嘅鹹豬手就外脆來軟，中間仲保持到好多肉汁⋯佢側邊伴嘅薯蓉簡直係無敵啊，入口即溶⋯配埋小小粟米粒同埋黑椒又野味又有口感，正。而呢一間餐廳最出名嘅其實唔係佢嘅牛扒或者係佢既食漿果嘅豬扒，而係佢嘅周打魚湯⋯佢嘅湯比較杰身，每一啖都食到佢嘅蜆肉同埋雜菌、薯仔⋯真係超級足了，而且呢個湯飲完都唔會覺得口渴⋯再加上兩個人叫咗兩個餐，又有前菜、又有主菜、又有湯、仲要有嘢飲⋯加埋都係二百幾蚊埋單，簡直係超值。呢間餐廳絕對可以返食⋯再返食。

每天下班，總得拖著疲累的身軀，走一段路回家。心情大好時，腦裡閃著鬼主意；肚子餓時，期盼著媽媽的驚喜；工作失意時，惦掛著尚未完成的公事。不記得由何時開始，每次走到某個轉角位，我的思緒都被打斷。來襲者，是一陣香噴噴的油煙味。油煙味，從來都只令人討厭。可是，這陣輕輕飄過的油煙味，既有茶餐廳的鑊氣，又有西餐的氣味，讓人忍不住轉頭一看。店滿得要坐在室外，食客們吃得津津有味，吃了一半的食物，看上去魅力未減。有次終於忍不住，著老媽出來一起吃。怎料，店員說沒訂枱起碼等到9時，失敗而回。這次，挑了個好日子，打電話去訂枱。一次又一次，被店員怱怱掛線，都未訂枱成功。這個吊帶背心的姐姐，真難捉摸⋯⋯超小的店，只容得下10餘人。巧妙地用鏡子作牆，增強空間感。掛著高低不一的吊燈。除了餐牌，鏡上還貼了瑪麗蓮夢露的圖片，營造獨特的風格。跟室內不同，室外的摺枱鋪了紅白格仔布，讓享受不到冷氣的食客，一嘗野餐的滋味。店員念急口令般介紹了是日推介。"牛三角牛味濃，牛肩𡶶夠爽口，牛BB味道淡，得個嫩字。沒有羊扒，換成羊架，還有吃橡樹果的豬扒。"她的率直、爽快，有令人震懾的氣勢，又同時有平易近人的親切。新英倫蜆肉周打湯 Awar

透過報道知道，想試下。突然朋友叫我帶她吃好野，我就提議這間，及即時打電訂檯。很好即時登記準時出席。到達餐廳，老闆娘即時開檯給我，等了一陣朋友來到即時叫菜德國咸豬手有點難切，內裡肉質鮮嫩，外皮略脆，薯蓉很滑安格斯牛肩峰七乘熟，還有血水流出，外脆內弱，肉質鮮嫩，牛味略重，容易咬咀配菜:特式沙律有點微酸，帶點黑椒味，非常開胃周打蜆湯非常出色，口感順滑，略點過咸，常可接受

剛過去的七夕，和男朋友去了太子一間小店吃太餐，別小看它，好多人book位，大廚曾係5星級酒店，獨有一番風情！店面幾難搵到，因為真係好細間！先post相，我點了龍蝦餐，男朋友點了牛排餐不過我只影了我的首先要講湯真係好濃，鮮味十足龍蝦的香味誘人，可惜不熟，吃到一半要再焗過🙈🙈🙈牛肉的熟度剛好，6成就真係6成，有肉汁！最為特別的是牛排配有大餐秘製醬料，男朋友很喜歡呢！雖然環境不是很舒服，地方小，但別有情趣❤️❤️❤️推介一試！

這兒是一所蠻古怪的地方 ---- 首先她在平常的日子都在很晚的時候才開門，當想過來吃一頓午飯之際，卻發現是重門深鎖的....要穩陣的可以成功來光顧的話，唯有在晚餐時段早一點過來才行....其次是這裡老闆的性格給人感覺是怪怪的；而店子本身空間又是小得可憐，看上去就只有三張檯而已，其餘的就堆放在店的門外，坐於這座位上感覺就如像在吃大排檔一般，總存在著一種格格不入之感....原本對這兒全無興趣去試，但太太不知何解今夜堅持要來，也便遷就她一次吧....預早晚上六點左右就過來攞位，當然就不用坐在外頭啦。不然的話便熱到爆廠了....留意到這兒的招牌寫著如下的字句 : "The World Best Clam Chowder"。既是如此，當然要來一杯試試了....湯盛在小小的杯子上的的骰骰。質感十分的濃稠味相當重；料頭看來還比湯多 --- 洋蔥粒、魚肉、蜆肉及紅蘿蔔粒是堆滿一碗絕無欺場。以跟餐提供的湯這角度來絕對是超水準之作。不過若要將之說成是全城最佳呢，那又未免太誇張了點吧....有湯的話自然就有麵包，要了一個兩人份的法包伴鵝肝醬吃。肝醬是塞得滿滿一大杯但相反法包卻只得寥寥的六小薄片。很合情理地就

友人介紹, book左7點, 8點開始好多人. 去到第1個感覺係餐廳細細, 只有3張4人枱, 門外準備左3-4張枱.店員講解餐牌有咩食,,, 介紹食物之後, 我地諗左陣, order左龍蝦同羊鞍. 佢地既牛睇落都唔錯, 見後枱客人的牛好大量又多肉汁.晚餐set 有餐湯, 沙律, 主菜, +$10 有甜品芝士餅...- 餐湯 (周打蜆湯) :細細碗好的骰, size 比茶樓既杯大d , 分量岩岩好. 睇落就知足料, 每啖都係材料, 調味得岩岩好.食到薯仔粒, 蜆,,,,而且濃郁夠滑. 非常中意呢個湯. 好少餐湯都做到甘有heart. - 沙律 :通常set 都係湯/ 沙律揀一樣, 但呢度2樣都有, 飲完湯到沙律啦.沙律菜新鮮, 有青瓜, 車厘茄. 最特別都係個醬汁, 一般都係千島/沙律, 最盡都係油醋汁.呢度既係用英式芥末做個沙律汁, 溫和既辣味又幾開胃.- 焗羊鞍 :一上菜, 就要用小匙整爛個焗薯, 熱先易整散, 甘做令牛油更快溶入薯仔內. 個焗薯又係幾特別, 因為食完唔會好膩, 原因就係一食既時候已經發現, 有少少酸, 係檸檬汁.成件事唔同哂, 冇甘膩. 而且配菜都好好味, 唔係he

弄頭髮前一直打算去花園街吃酥皮叉燒包,當路過這家經過無數次也座無虛席的瑪麗蓮,今天竟然空無一人?!擇日不如撞日,反正很久之前也想一親瑪麗蓮的芳澤。瑪麗蓮前身也曾光顧過,變化不大的小店只能容納三張四人桌,果然看到風情萬種的瑪麗蓮正向我送媚眼,可惜我不過電。 店子雖小裝備卻齊全,桌子旁也擠出一點地方放置砂糖、茄汁、辣椒仔等調味品,連橄欖油黑醋也齊全,方便客人取用也免卻店員張羅。在花墟裡的餐廳就地取材,桌上放上一支乾花點綴一下也增添一點雅意。佔了店子一半面積是開放式廚房,蠻有藝術家外表的大廚在裡面忙碌著,雖是開放也沒有透出油煙味,證明小店抽氣系統甚佳。午餐名字以世界地方名字為首,很 多款也頗有興趣,食物組合也比一般西餐廳特別,絕不是港式西餐的常見名字,最後點了新奧爾良蜜汁豬扒配意粉($58),阿姐豪氣地向廚房裡喊出"豬扒意"三字後,廚房也即時傳出滋滋滋的煎豬扒聲音。以大型中式茶杯似的湯杯盛載的是橙色西湯,綿滑如忌廉湯裡有著打得細碎的蔬菜粒,以可僅餘能辨識的微紅微粒來看應是蕃茄,湯底裡還加入香氣特別的迷迭香,食味多了一點香草氣息的特別,絕對好味的餐湯,再來的話要自備麵包才成。以不足$60價錢有

已經很久沒有和鬆弛一起吃午餐，是日終於找到機會，特意約在旺角等，午餐的地點就由他選。以前好幾次經過這條街，從從未留意到有家小店，因為店面實在太不起眼，但沒想到這裡在開飯網的評價還不錯。店子很小，只有三張檯，不算太擠迫，不過預了一定要搭檯。店內負責招呼的應該是老闆娘，說話有點倔，好像不太好提出不必要的要求，雖然她不算不禮貌，但會令人有點不舒服。除了午市套餐之外，還有一系列的套餐可以點，總括來說選擇也頗多，價錢也相宜，有不少看似挺吸引。南瓜湯。其實不太確定，因為餐湯每天都不同，也沒有看到名字，只是自己的感覺。湯的味道很特別，香料味很重，但很好喝，最重要的是湯夠熱，值得一讚。鬆弛點了法國香橙鴨配薯泥。送上時鴨脾是直放著的，賣相特別的但也要放下來才可以處理。一刀切下看見鴨脾肉似乎很嫩滑，吃在口中也証明了是對的，應該用了不少時間炆煮才有這效果。雖然在品嚐鴨肉時，沒有吃到濃濃的橙香，但它的煮汁做得香濃，配合起鴨肉一起吃還帶出鴨肉味。新奧爾良蜜汁豬扒配意粉。其實自己很少會點豬扒，不過是日突然想吃一下，就試試這款蜜汁豬扒。蜜汁味其實並不重，也不太知道這個蜜汁與新奧爾良有什麼關係，不過味道是不錯，豬扒的

是咁的，太子是最方便就腳相聚地，今晚來到我想念的西餐廳，餐廳比較狹小，圓登配四方台，忙碌的廚師哥哥與熱情的侍應姐姐。店中西餐食物選擇頗多，雞牛豬羊魚，在困難選擇症下點了三樣，都轉成晚餐來吃。先來三碗例湯，用英式茶杯盛載忌廉湯，好可愛，忌廉湯味道濃有點咸，料有蜆肉、西芹、菇、薯仔等，足料。餐前沙律，甜甜酸酸的芥沒沙拉汁。先來墨西哥雞卷，與我腦海中的墨西哥式很不同，原來是雞肉捲起料物再煎焗，雞肉味不錯，下面有薯泥，翠肉瓜茄子等，薯泥香口。在牛肩與牛三角掙扎下，姐姐介紹有彈牙感的牛肩肉，點了五成，朋友LA聽到五成有點擔心，怕太生接受不了，一來到是勁厚身，當切開時雖有血水，但朋友都仍吃到習習聲，配上藍芝士，芝味濃郁，點少少就可，牛味濃肉有口感，配上即焗原個薯仔，姐姐提醒要快速把搽了的牛油與薯仔混和吃，味道不錯，吃這塊牛，我們三個女生都努力下才完成。一塊牛可能等於連鎖店中叫兩個鐵板餐的牛.....比目魚，配上檸檬牛油汁，賣相不錯，魚肉嫩滑，可能吃太多肉，這碟只吃了魚，薯泥吃掉少少。整體碟碟是大件夾抵食，味道不錯，侍應姐姐熱情，比較喜歡與人聊天。平均每人消費150下。

一直都十分喜歡幫襯小店，因為小店好多都喺比大舖用心好多，所以味道一般都比較好。第二次幫襯這間店，其實真喺要說明，這間店真喺好細好細，如果大家要坐得舒適，吹水吹得耐，你唔好嚟呢間店。而且唯一店員，也就喺老闆娘喺一個非常主觀嘅人，最好你吃嘢唔好太多麻煩她，其實不錯。簡單來講喺好直接嘅人，但關於啲嘢食問題，佢喺好樂意答你，甚至好好笑佢會教埋你點整，當然佢教得你，亦可能要有佢啲食材先可以，簡單一句都喺去佢度先食到。因為我和朋友都唔食牛㗎，所以好遺憾冇辦法品嚐他們的招牌菜。第一次個陣唔知食咩，於是揀左個羊扒，其實已經印象難忘，因為完全喺五星級大廚之作，而且價錢好公道，100樓下可以有咁實在喺正。好啦，今次再嚟多次，但店裡已經滿晒，佢即刻喺出面開左張檯比我哋!我地冇BOOK檯都開比我地，同呢度所講話佢好差完全兩回事，又或者老闆娘認得我地(講笑..)! 不過老實講!!唔係人人都接受到係街邊食。真係要高級，未必接受到。老闆娘推介了幾款招牌菜比我地，其實冇寫價錢的，都是老板娘講的，也相信他不是呃錢的。分別叫了一個薰衣草焗美國野雞同藍青口芝士墨魚麵。首先黎的周打魚湯，真的非常美味，用料十足! 有大量的蔬菜

HAPPY NEW YEAR!!! 轉眼間又過了一年，紫瑤祝願大家2014年事事順利、平安快樂昨晚除夕夜，罕有地沒宅在家裡，放工後跟惡人及好友到旺角吃飯再看戲。雖說沒往倒數埸地，但仍能感受到街上熱鬧的氣氛。上星期跟友人約好看戲後，便要想想用餐地方，但節日期間很多餐廳都爆滿，正在惆悵時突然想起從前經常光顧的西餐小店，馬上whatsapp店子服務員請她幫忙留位，最後終於在這店子享用了2013年最後一頓晚餐店子很小，只有三張枱，十二個座位。店外有時會另設座位，但也只是一兩張桌子，所以很多時都需要等位。若對座位安排有異意或抱怨食物等太久時，有個性的店主及服務員姐姐會毫不客氣請你「過主」！或許有些客人會覺得他們無禮，但我和惡人倒十分欣賞他們對食物的認真態度。話說回來，店子這晚特地準備了五款除夕新年大餐供選擇，先來一碗【帶子周打湯】，碗子雖小，但湯料卻十分多，滿滿的帶子及蜆肉，海鮮味濃，讚！套餐還包括一份【魚子醬烟三文魚沙律】，其秘製沙律醬是整碟沙律的精髓，酸酸甜甜，再加微微的辛辣味配上新鮮的蔬菜，十分開胃。我和惡人都不吃三文魚，全部掉到友人的碟子上惡人和朋友均點了【荷蘭極嫩黑松露牛仔西冷扒】作主

秋風起就特別易餓，又唔想坐鋪頭入面咁死固固，醒起有一段時間無幫襯〈因為這裡地方細，經常坐爆人〉，決定晚一點〈八時半後〉先去，唔使點等位可以坐門口，邊嘆住涼風陣陣邊嘆美食，乜都抵返晒！如果你未嚟過，見到套餐價錢可能會有點意外，唔係茶餐廳嗰回事，但坐落發覺咁多外國人嚟外賣拿走，之後到見到自己嗰order上檯就即刻明白，因為真係份量十足！唔係太餓的話，女仔人家分分鐘食唔晒要打包拎走。這晚胃口唔錯，決定叫個豬手套餐，因為之前見到有個上咗年紀，心想應該戒肥膩嘅伯伯，二話不說坐低就即刻叫咗同一個餐，佢絕對係對隻豬手念念不忘，食咗先算！而同一時間又有鬼佬落單要豬手外賣，心諗唔通真係好食得咁緊要？我之前鍾情佢地個ribs，係即場燒嘅，所以要等，但個醬汁極為惹味，食到坐街邊、啜晒手指做佢生招牌，我都唔mind，所以對隻豬手我下意識要求更高...個周打湯我唔詳述，又係見不斷有人外賣，無錯只係外賣一個餐湯〈其他地方除咗中湯，我未見過會賣走西湯囉！〉我的看法是這裡料多兼夠滑，不過份量偏細！沙律就都係嗰類嘢，性格欠奉。登！登！登！終於主角登場，嘩！重量級嘅豬手望落乾身，有少少焦，傍住一督薯泥，賣相百份百美國式。

食物一般, 老闆娘(應該係)由頭到尾都極無禮貌, ,1)我3個人, 要求座門口外枱位, 被她距絕, 佢話食環處唔淮,入座後, 有2個熟客,比佢地座門口外枱位,2) 叫了3個餐, 餐湯黎, 我落d糊椒粉, 佢叫我唔好落,"我地d湯夠味架la", 我話:"我想落糊椒粉",佢話:"我地冇糊椒粉架!!", 但我手已經拿著一枝糊椒粉落緊,3)因張枱位窄,我把枱移出少少, 佢見到,把枱推入番:"我地d枱set好晒,唔好移枱,..."4)成餐佢都在客人大聲講嘢, 好煩我喺太子往的, 入過呢間鋪(瑪麗蓮美國餐廳)第2次, ..第1次我還覺是否 自己主觀或要求高,今次第2次, 重比上一次差; 成個過程感覺太差!!你地去去 食吓, 你就完全有明我講咩...

好小的一家店 習慣連鎖商店服務的 可能會不喜歡喜歡跟店員忙裡聊天的 相信會喜歡上的炭燒安格斯牛肩峰相信出色燒得剛剛焦邊的感覺是最好的下次試5成熟 應該更好牛排有咬口 牛肉濃而且是厚切 喜歡吃牛排的人 一定會喜歡值得一提的是那個焗薯店員提示要捽碎再吃上面有煙肉跟醬汁 捽碎成薯泥吃滋味非常出色周打蜆湯相當creamy 濃滑 同rich 裡而有相當多的蜆肉 西芹跟薯仔粒一入口 一試難忘非一般平常餐廳的餐沙可比前菜沙律 新鮮沙律菜、芝麻菜跟沙律油相當好的開胃菜來過2次最深刻的是 有一次聽到在廚房裡忙著的大廚緊張地問店員為什麼客人沒有吃光他的出品可見大廚對自己是有相當的要求小小的一家店習慣連鎖商店那種禮貌但沒有靈魂的招待的人可能不喜歡但如果喜歡互動 人情味的小店我想你一定會喜歡