Marka House (Moved) New Location

最近發現井財街開左幾間吾同既餐廳，我就約埋友人一齊去揾好野食，最後就決定左食呢間西餐廳。我地叫左一份澳洲安格斯牛肉車打芝士漢堡同埋All Day Breakfast 配芝士烤雞。兩個餐都系會跟一杯菠蘿紅茶，而我就決定加錢叫杯美式咖啡。澳洲安格斯牛肉車打芝士漢堡：一黎到見到即刻心心眼，好正呀個賣相！食落去塊牛肉好有肉味，完全吾系劣質既牛肉，再配有小小溶左既芝士，簡直系一流，薯條仲要系熱辣辣，呢個必點！All Day Breakfast 配芝士烤雞：呢個都吾錯，芝士烤雞食落幾滑仲有小小拉絲，而個炒蛋好滑重黑松露味，整體吾錯！

一個優質的brunch，為妳帶來全天的好心情。今日來到屯門和女朋友吃個早午餐。先來杯跟餐的菠蘿冰紅茶，清淡但帶塊菠蘿我點的是All day breakfast配芝士烤雞，雞肉很嫩帶有我喜愛的濃厚芝士味，還有女朋友喜愛的大啡菇，當然要留給她品嚐。女朋友說她不太肚餓，所以為她點了個意大利麵，我嚐了點也很美味。環境很清靜優雅，牆上張貼著橋的美景，感覺不錯。價錢不貴，性價比不錯，值得推薦下次有機會再來一個美好的早晨！

平時都有係附近食開野，呢間近公路，真係孚容易miss 左，餐廳走小區中價路線。入面環境有bar show 出黎都好chill, 不過我地冇飲酒，下次可以再試下。 話係中價，但一個set dinner 有沙律有湯都係百四蚊，其實都唔太貴。 我地叫左兩個set 同埋蟹餅。一開頭已經好欣賞個南瓜湯，入面有兩件魚，提升左個湯嘅鮮味。隔離個沙律有少少酸，但我接受到嘅！ 蟹餅好的式細細件，但係勁真材實料，因為食到入面係啖啖蟹肉，仲食到有蟹瞉，入面加左香料，好味！ 南瓜意大利飯好creamy , 上面有四粒帶子，煎得好香，不過size 就偏細嘅，但食落真係覺得煎得岩岩好！ 上面仲有塊芝士，整體個飯嘅軟硬度偏硬少少，都好正宗嘅意大利飯，同埋係好好味！ 燒雞就略為遜色，燒層皮唔係好脆，肉質都唔算超彈牙，但係側邊啲薯條真係加左好多分，即炸熱辣辣，同埋係比較硬身，好正！

趁放假既日子同老婆大人去食好西，今日留係屯門搵食，去左虹橋搵下有咩小店，老婆大人睇中呢間西餐廳，就順下佢意試呢間啦～～D set lunch唔貴，$80有埋野飲，加$10仲有埋餐湯。選擇都有唔少，有8個餐可以揀。我同老婆大人認真咁揀左牛肉漢堡配薯條同all day breakfast配芝士烤雞，我地都加左$10加餐湯，叫左菠蘿紅茶。呢間餐廳有酒吧，下次可以同兄弟黎飲返2杯。餐湯係蘑菇湯，味道不俗，好香濃既蘑菇味。菠蘿紅茶入面真係有粒菠蘿😛All day breakfast 有炒蛋、番茄、腸仔、大菇同烤雞，味道唔錯，份量都唔少，我平時食唔少都夠食。個芝士漢堡賣相不俗，老婆大人話味道都唔錯。食物質素不俗，價錢又合理，性價化高😌

而家香港小店愈黎愈少，所以要支持一下小店。屯門虹橋都有唔少小店，今日同老公帶埋阿b去explore下有咩好食既餐廳。兜左個圈睇中左呢間西餐廳。呢間西餐廳有set lunch,有8個餐可以揀。我同老公就分別叫左漢堡包同all day breakfast。雖然間餐廳細細，但唔會好迫咁。仲有半室外既位置。加$10可以加餐湯，係我喜歡既蘑菇湯。好香濃既蘑菇味到主菜既時候，牛肉漢堡配薯條。個漢堡都幾大個，牛肉厚身。薯條係粗身薯條All day breakfast 好特別係配芝士烤雞。最欣賞個黑松露炒蛋，好香滑又濃郁既蛋味。個蘑菇都好juicy, 相比漢堡，我更喜歡all day breakfast 😛。食到好飽飽每個人都唔駛$100蚊🤪。可以翻食。

屯門虹橋不嬲好多美食，但我一直都冇發現到呢間隱世西餐廳！前幾日同男友咁啱行典過，見到門面裝修得幾靚，決定入去試下🤪🤪閒日嚟講都算幾多人~ 我諗應該係屯門區都有啲名氣🤭我地嗌咗兩樣主食、一款前菜：蕃茄羅勒鱈魚意大利飯🐟、蒜片羅勒辣腸虎蝦意大利麵🦐、巴馬火腿🐖。首先上咗daily soup同salad🥗，野菌忌廉湯夠香濃，好快就飲晒👍🏻之後就上咗巴馬火腿🤤勁中意食，但如果配埋哈蜜瓜就更加perfect ! Waiter 服務值得一讚，一見我地食完嘢就會收碟，唔洗埋到成枱都係碗碟😆終於到介紹主菜，意大利飯認真不錯，男朋友大讚，因為好多餐廳嘅意大利飯都煮得太冧，但呢到煮得啱啱好，飯粒食落係有口感😛另外意大利麵都有咬口，配搭和質感都不錯，不過食到最尾有少少辣🌶唔食得辣嘅朋友要注意啦~

屯門想食西餐嘅好選擇平時屋企唔煮飯，想買外賣都會嚟紅橋買小菜。最近見到開咗呢間西餐，今晚一於嚟試吓，環境幾寧靜。平日晚上都坐滿三分二，唔知係咪住附近既客呢。嗌左兩個set dinner 跟餐湯同沙津南瓜好好味啊😋😋😋沙津醋比較多，夠酸好開胃！蕃茄虎蝦意大利飯鍾意食蕃茄嘅朋友一定要試吓滿滿嘅蕃茄蓉，微辣意大利飯係正宗少少硬嘅口感西班牙黑毛豬肉質唔錯，連配菜薯條都好好味！另外仲叫咗小食，呢份單骨雞翼辣得來又好惹味！正👍🏻👍🏻

有朋友由深圳黎香港玩，佢就先到屯門行下街，咁我就專程入到屯門陪佢，有朋友遠道而來，當然要請佢食餐好既。我就帶左佢去食西餐。呢間餐廳既午餐都幾抵食，一份午餐加埋野飲都係80蚊，連埋餐湯都係90蚊，一百蚊唔洗就食到高質既西餐，唔錯！入面有個bar枱。飲品方面，午餐係包菠蘿冰紅茶或者係汽水，我地就揀左菠蘿冰紅茶，喺酷熱天氣警告底下飲一口冰凍既菠蘿冰紅茶真係可以消暑。午餐方面，我就點左煙三文魚班尼迪蛋配馬鈴薯蛋沙律，班尼迪蛋係我既至愛，我好鐘意試唔同地方既班尼迪蛋，呢度既班尼迪蛋整到岩岩好，好流心，而且佢既價錢算幾抵，平時食閒閒地都要過百蚊。朋友就叫左香草虎蝦意大利麵，入面有好多蝦，夠哂足料，擺盤亦都好靚！

要食到一間優質的餐廳，有時其實真的好講緣份，作為屯門長大屯門蒲的街坊之一，紅橋除了是每天放工必經之地，紅橋也是昔日中學時代來放飯的好地方，但往往愈熟悉的地理位置，就愈會忽略左一些發掘新發現的意慾。這次就機緣巧合來與舊同學聚舊，發現了一間位於紅橋天橋右手邊的低調高質西餐廳。進店後整個裝修感覺，身處於一個寧靜簡潔的酒吧空間，在情調氣氛之中燈光也足夠通明。Set Dinner Menu 清晰易選，主要分兩種Main Course:$138 & $238沒太多花巧圖片或單價價錢之下，兩個選擇困難的人也格外容易決定了。先來的是餐湯沙律，野菌忌廉湯、蟹肉胡麻沙律餐湯濃郁磨菇味香滑，足料碎磨菇美味非常，沙律新鮮開胃，蟹肉上加上蟹籽並不馬虎。前菜特別推介加配: 香烤蟹餅(六件)剛剛吃完個蟹肉沙律，繼續吃熱食炸香的蟹肉，香烤蟹餅好味程度有點意外，外脆內暖，蟹肉用料足夠，既香口又有口感，是吃主菜前幾滿意的一個小食，松露忌廉雞肉意大利麵喜出望外的意大利麵，如圖所見，忌廉汁比想像中Juicy吸引，雞肉入味彈牙，松露味分佈剛好，面層加上芝士片及香草，性價比合格值得一嗜。美國極佳級安格斯牛肉眼USDA Prime

前幾日入屯門虹橋，撞正天陰陰灰暗暗，到食晏時間入左間西餐廳，午餐牌一口價$80，有八款選擇，加埋餐湯都係$90，午餐包菠蘿冰紅茶或汽水，菠蘿冰紅茶咁有特色，識揀當然揀佢，一飲就超兒時feel，罐頭菠蘿汁＋紅茶，冰冰涼涼，香香甜甜好好味，啱哂夏天降熱解渴🍹是日餐湯，Show me （粟米）煙肉湯，新鮮粟米打蓉，香滑兼飽肚，呢間All day breakfast 都有兩款，雞＆魚，要左芝士烤雞，烤雞扒上滿佈芝士，肉質鮮嫩，芝士夠多味夠濃，加上大烤菇、香滑炒蛋、肥脆香腸、新鮮室溫菜、烤蕃茄，超豐富👍🏼香草蕃茄虎蝦意大利麵，蕃茄味濃郁，虎蝦彈牙，最鍾意啲闊條麵，咬度適中，吸收晒蝦及番茄嘅精華，條條都咁好味👍🏼

星期日訓到晏一晏~ 今日就決定同屋企人係屯門搵下brunch黎食上網見到呢間又近我地 環境又好似ok 二話不說就走左過黎啦門面幾classic幾靚lunch menu都好靚完全係my style全部lunch set都係$80 加個湯都係$90咋 西式早餐黎講都算係咁每個set都會包番一杯野飲~ 菠蘿冰紅茶估唔到一啲都唔甜 而且 菠蘿加冰紅茶出奇地match澳洲安格斯牛肉車打芝士漢堡 配香脆薯條牛肉唔會熟曬 大約七八成到 配料好足 薯條更加係岩岩炸起全日早餐配芝士烤雞呢個all day breakfast 性價比超高~ 平時出面食一個都要百幾蚊 而且呢個仲有芝士炸雞添 巴馬火腿班尼迪蛋 配馬鈴薯蛋沙律parma ham 加egg benedict 係我既all time favourite~整得好食既小店真係唔多 但呢到既muffin底真係well prepare之餘最緊要係呢到既egg benedict 真係流心既 好難得！估唔到平時行過完全無留意既小店 啲野竟然係咁高質我諗之後一定會黎多好多好多次

在屯門一個很少到的地方探朋友，坐巴士到了紅橋站下車(原來因為有一條行人天橋有紅色的關係所以這一個車站就叫虹橋站)。朋友介紹我到這間西餐廳吃午餐，我要了一個漢堡餐，食材是澳洲安格斯牛肉、車打士芝士及薯條($80)，仲已經包埋一杯菠蘿紅茶，我另外加十蚊追加一份餐湯。先到的是菠蘿紅茶，在這麼熱的天氣下，飲一口冰涼的菠蘿紅茶，真爽！再來就是餐湯，份量不是很多，但是喝進口能夠感覺到粟米的質感，猜是自己做的，不是外面買回來開水弄的。主菜漢堡上枱啦，份量也不是很大，但是賣相也挺吸引，因為材料都是滿滿的，薯條應該是自己即切條炸，連皮做是我最喜歡的做法👍，漢堡裡面的蕃茄蓉很飽滿多汁，厚厚的芝士及牛肉，下去口感非常滿足呢！

餐牌選擇不算多，但樣樣睇落都好吸引好想點😆泰式辣煙三文魚($70)好特別嘅appetiser 😋煙三文魚夾住香蒜片，再配埋泰式醬，辣辣地刺激味蕾之餘仲好開胃😆特別推介加呢個小食🤤晚餐跟湯，沙律粟米湯唔似平時罐頭果款，似真材實料！全因有口感😋沙律中間有隻大蝦，正！而且用醋而唔係一般沙律醬，味道酸酸地較清新，又比沙律醬冇咁肥，較健康😆松露忌廉雞肉意大利飯($138)Risotto 口感較硬身，充滿松露香味，加上芝士好夾！菇菌又可以中和當中嘅膩，配埋一塊塊雞肉，好食！蜜糖青芥抹虎蝦意大利麵($138)大蝦爽口，配搭蜜糖芥抹醬好特別🤤水泥牆上都掛上黑白相，非常有格調！店鋪檯與檯唔逼狹👍🏽------------------------------總結味道：✨✨✨✨推薦：✨✨✨✨✨回頭：✨✨✨✨性價比：✨✨✨✨（滿分為5✨）

平時都比較少去屯門呢一邊，但係今日約咗朋友就去呢度食個brunch啦！可能嚟到門面雖然冇乜特別，但係入邊裝修得都幾簡約乾淨，掛住左好多美國風景、建築嘅海報，睇落都幾靚，整體來講都坐得幾舒服。-Lunch Menu有八款款式選擇，全部都係$80 ，加多$10就可以配餐湯，我哋今日但只係叫咗兩個set lunch同埋飲品。-菠蘿冰紅茶: 冰紅茶甜度適中，加上一小片菠蘿，味道不錯。-All day breakfast, crispy fish fillet:一睇個賣相就覺得好靚，令人心情都好起來！炒蛋加上黑松露一齊煮，每一啖都有濃厚嘅黑松露味道。沙律菜十分新鮮，再加上黑醋，配搭得宜。仲有炸魚柳，雖然個外皮有少少硬，但係熱辣辣都幾脆口好食，唯一嘅遺憾就係啲沙律醬擺咗喺魚柳上面，如果可以另上就更加好啦。-菠菜忌廉雞肉巴拿馬火腿意大利麵: 意大利麵配埋菠菜忌廉汁，每一啖都好creamy，不過菠菜味就唔太突出。火腿油脂豐富。睇顏色估計佢唔係太高年份嘅火腿，所以唔會太濃味。不過咁樣先夾，因為菠菜汁比較清新，唔會俾火腿搶哂味。除咗火腿，配料仲有雞肉同蘑菇，雞肉嫩滑，蘑菇爽口👍🏻

今日難得day off約左friend睇Toy Story4，朋友帶左我去屯門間凱都戲院睇，睇完之後就揾野食醫肚。揾下揾下去左景峰嗰頭嘅Marka House，好彩有行快2步，遲少少就要等位喇！餐廳裝潢都幾簡約，用黑白色做主調。有酒飲！正！我地每人叫左個套餐share鱈魚南瓜湯，湯好濃郁同幾鮮甜，鱈魚完全冇雪味。煙蜜火腿沙律，火腿鹹鹹地，沙律菜好refreshing!香脆辣雞翼，炸到外脆內嫩，單骨最啱我地喱啲懶人食。紅酒牛頰肉意大利飯，牛頰肉幾嫩口，牛味都幾濃。意大利飯每粒都好飽滿，軟硬啱啱好！面頭仲有啲芝士好野味。西班牙伊比利亞黑毛豬鞍，有2大舊，每舊都有成寸厚，咬落好juice。薯條即炸脆卜卜，勁好食！