○de▽ 鯛白湯らーめん (電氣道)

Open Now

Now Closed

哩間過江龍拉麵回頭率好高已經幫襯過好多次😝暫時係香港最中意食既一間🤍之前一直都食開中環分店依家天后都開左分店 又多個地方選擇啦😌▫️鯛清湯🐟 $138湯底係用慢火烤製鯛魚 比較清甜鯛魚既鮮味都十足😋魚皮好夠脆 配搭埋旁邊既牡蠣油提升左魚皮既香口味道！而且麵質軟硬適中 份量岩岩好～🔸總結．偷偷地話比你地知🫢🫢中意食既程度 已經成個menu既食物都食過哂 哩間拉麵店主打鯛魚 雖然得三種拉麵選擇 而且小食都唔係話特別多 但樣樣食物都好高質 好好食！．除左清湯之外 如果中意食濃味小小既 鯛白湯都係不錯既選擇🍜．十分推薦哩間拉麵店🍜 經過開真係要去試下！其實佢地個集團仲有姐妹店 除左鯛魚之外，仲有牡蠣同雞白湯 總有一間岩口味😋

好睇又好食嘅仙氣沾麵🤩|新派人氣高玩味度鯛白湯拉麵🐟🍜| ○de▽ 鯛白湯らーめん「天真得只有你，令神仙魚歸天要怪誰」之前都有幫襯過同集團嘅其他拉麵，食物出品水準都唔差，聽朋友講中環店長期都大排長排長龍，近日就嚟試下依間天后嘅分店食lunch，中午12點左右到達，已經見到小小人龍，等待約十分鐘就安排入座。鯛沾麵 4.25/5⭐️餐牌上只有三款選擇，分別係鯛白湯，鯛清湯，鯛沾麵，今次我就揀咗鯛沾麵，沾麵上枱果陣非常奪目，打卡度極高，因為廚師係碗底放左乾冰，令到成碗沾麵好似比仙氣圍繞咁，打卡一流。相機食先之後，乾冰煙霧亦慢慢散去，先試鯛白湯，湯頭濃郁之餘亦有魚鮮味，但又唔會死咸，幾滿意。而餐廳用左類似刀削麵嘅波浪形麵條，令到麵條更加掛汁，細心位抵讚加分，而湯入面亦有切粒叉燒同鯛魚粒，增加口感之餘味道亦正常水準發揮，主要精髓都係麵同湯嘅結合。–總結:餐廳只供應三款麵同少量小食，相信都對自己出品有信心，今次只係試左鯛沾麵，上枱雖然非常吸睛，但都有少少擔心會唔會好睇唔好食，不過最後味道亦有驚喜，湯頭濃而不膩，麵條掛汁力高，令人滿意，下次亦會試下其他兩款同小食。==== ○de▽ 鯛白湯らーめん(天

之前已經好想試呢間拉麵，今日終於嚟到天后。喺門口就已經可以點好餐同付款。呢個安排都幾方便。🍜🍜🍜我今日叫咗清鯛湯底 -$138 / 碗🍜真係好驚喜，CP值超高。個湯底係好鮮甜，我已經好耐冇食過咁好食嘅拉麵，. 個湯底係熱辣辣嘅，好多細緻嘅位都值得加分。個魚皮好脆，浸少少湯真係超鮮甜 碗麵有少少切碎咗嘅🐟碎，一啖湯一啖拉麵，簡直係完美。真係要俾個讚，全部都係師傅嘅心血，先可以有咁高嘅水準。真係好鍾意個湯底，清鯛湯。希望下次有機會試埋其他口味。

第一次食，試沾麵。沾麵$148蛋$15無糖可樂$25首先要講佢個湯真係好味，好濃厚嘅魚味，而且冇一般豚骨沾麵咁漏。麵係好似台式關廟麵咁，好食，好掛湯。蛋煙燻味好出，但相對地醬油味唔出，係新奇同幾好食嘅。跟住到扣分位。麵冇得揀份量，女仔食一碗好～飽～如果有得揀份量就好。湯裡面有少量切粒嘅魚肉，豬肉，洋蔥，但真係好少量，以呢個價錢嚟講性價比太低。與其用乾冰鋪底標住煙靚靚咁出場，不如用d budget加多幾粒魚肉。豚肉個樣同味道都同港式燒味嗰種燒肉冇分別。雖然呢間舖頭係sell魚，但一係唔好放豚肉，一係俾d誠意整得好味d有特色d。另外就係飲品價錢太貴，可樂一罐都要$25。個人認為食拉麵係必須有飲品refresh吓口裡面嘅味道，先至唔會越食越漏。飲水都得，但冇有味飲品咁有效。而且店內冇酸菜之類提供，只有一舊青檸同一堆炸蒜酥可以轉吓口味，所以就更容易越食越漏。（炸蒜酥好食！）最後係服務好，員工細心有禮。門口嗰位妹妹店員好體貼咁逐個客人提醒小心有兩級梯級。的確嗰個位一轉身就可能唔為意叉錯腳，仆親嘅話都幾應，希望遲d會裝返個欄杆。總結：好食但性價比太低，未必會再嚟。

一直都好想試依間鯛魚湯拉麵，話哂同座銀係同一個集團，都好想試一試！之前經過中環果間要大排長龍，好彩幾個月前係天后開左分店！今次嚟到天后，仲要好彩晚飯時間唔洗排隊，梗係要即刻試吓✌🏻首先要喺門口order野食，黎之前已經諗好要試鯛白湯！依間舖頭雖然唔算大，但係座位幾舒適！兩位仲可以坐到卡位✌🏻鯛白湯拉麵 $138一上菜員工即刻同我哋介紹最佳食法叫我哋飲一啖湯先開始食，食到一半再加埋旁邊個柚子醬。飲第一啖湯真係覺得好飲！好濃魚湯味！湯底的確比較濃稠，味道重一點，食到一半的確會有少少膩同咸，依個時候加埋柚子醬落湯底中和返就啱啱好。麵底冇得揀粗幼軟硬但都可以接受如果大家怕魚腥又想試，店員推介試吓鯛清湯！話會比較清甜一點。不過我就覺得始終魚湯底凍左點都會有少少腥味，所以大家要自己衡量一下接唔接受到魚腥味啦😊有機會下次要試吓沾麵同清湯先！價錢方面$138一碗拉麵確實有少少貴，不過一試無妨呀！其實我仲叫左一碟炸雞，味道普普通通冇乜驚喜不過不失，所以就唔多介紹啦☺️

聽聞呢間日本魚湯拉麵好正，平時行過見好多人排隊，陣平日放假，一於 lunch 時段排一陣，試吓佢等咗大概 15mins, 有店員會喺門口幫你落單，所以記得要諗好食乜呀個人喜歡比較清嘅湯底，所以我㨂咗雕清湯。我坐喺師傅前嘅枱，睇住佢哋整麵嘅過程，感覺好似去咗日本咁碗麵嘅賣相好精緻，有日本出品先有嘅美學；但大家唔好掛住打卡，要趁熱食呀啖湯真係好鮮甜，拉麵嘅口感適中，碗中魚肉碎有少許，配少量紫洋蔥同荀，增加層次；加上清湯係有魚皮，簿簿一兩片，都幾脆口。配上一小碟牡蠣油，撈少少會增加鮮味。食到尾會忍唔住飲晒成碗湯

電氣道真係有好多好好食嘅餐廳，今次我同朋友就想試下鯛白湯拉麵。我地兩個都嗌咗鯛白湯底（$138）。呢間舖頭嘅操作好有趣。首先你要係門口揀咗想食嘅拉麵先，之後比完錢（仲要係用電子支付）就可以入坐。因為我同朋友都係第一次食，所以我地都唔知揀邊個好。店員好細心咁同我地講解唔同拉麵嘅湯底有咩唔同、用咗咩材料去煮、麵有咩唔同⋯⋯最後我地揀咗鯛白湯，因為我地都想試下濃嘅鯛魚湯。根據介紹，鯛白湯係由「真鯛」、「水」、同「貝類」熬住而成，所以咁飲到好濃嘅鯛魚鮮味。我地啱啱好坐係吧枱位，前面就係廚師，可以望住佢地煮。上枱嘅時候廚師好似有介紹到個拉麵係點點點，但係因為太肚餓，比個拉麵吸引咗注意力所以冇聽到... 淨係記得碗邊嘅係柚子醬，可以食到好漏嘅時候變換下口味。拉麵嘅麵質好彈牙，所以湯頭好濃，真係可以飲到魚同貝類熬出嚟嘅味，所以唔會係死鹹，飲完湯都唔會口渴。不過魚味的確好重，食到最後有少少漏，所以可以加啲柚子醬中和返。肉都好好食，佢嘅調味唔會好重，搶咗魚湯嘅味，做到保留肉本身嘅味同時又沾到魚湯，兩者加埋都幾夾。份量都啱啱好，女士食完都有飽肚感，男士就可以會覺得唔太夠。我地見到隔離枱嗌咗沾麵，沾麵都好吸

今日十二點左右嚟到天后轉車平時好少嚟呢區都唔知有咩好食一路睇住OpenRice 一路搵見到呢間嘢個名咁特別嘅唔洗排隊就試吓啦原來係食拉麵嘅有個職員喺門口幫你落單收錢佢介紹咗個鯛白湯比我話會濃味啲咁我試吓啦入到去已經有職員喺bar枱拉咗櫈比我我仲望住門口個位想坐佢話門口位怕你熱咁又係 成日開門坐低就喺度等食喇唔知點解我覺得呢間係座銀廚師問我有冇食過我話有 喺中環佢就開始介紹黃色係柚子醬試一啖湯先開始食好香濃嘅魚湯味蛋唔好同湯面一齊食會試唔到煙燻味啲豚肉都好好味原來真係要慢慢品嚐好食食食吓我又望住啲紅色粉職員見到就話唔辣嘅放心食我再問三角同圓形係唔係筍職員話係呀 好似佢哋個名咁三角同圓我覺得啲職員好主動同有禮貌下次要試清湯

第二次來此集團旗下的餐廳🍴友人大推此店的鯛魚白湯拉麪，可惜到達時已售罄，主廚🧑‍🍳解釋由於最近貨源短缺，如事必要吃到的話，可以每天早上11時到店享用。鯛清湯拉麪 🌕🌕🌕🌕🌕 138hkd先呷一口湯底，鯛魚味道濃郁，微腥，但湯底仍保持甜而清徹。麪質是我們喜歡的Al Dente、有蛋味的拉麪幼麪。吃到中途，加入主廚給的蠔醬，立即變成蠔味濃郁的湯底，蠔鮮甜不腥，含質感軟滑的蠔肉碎粒，單吃有點像不腥的蜆介醬。鯛沾麪 🌕🌕🌕🌕🌕 148hkd沾麪上桌時冒出白煙，十分搶鏡，沾麪跟平日吃的不同，質感像河粉，不過面質大而呈S形，非常赴湯。沾麪汁極之濃郁，偏鹹，應該是鯛魚麪豉湯，友人十分喜歡。吃到最後，可叫廚師提供不經調味的清湯，逐少加入沾麪汁中，即可喝到正常鹹度的鯛魚麪豉湯。日式炸雞 🌕🌕🌕🌕🌑 48hkd質感像半煎炸雞扒，微脆、偏鹹，雞肉滑嫩，配有咖喱粉供轉換口味。炸鯛魚皮 🌕🌕🌕🌕🌕 48hkd鯛魚皮香脆，鹹度適中，配上隨附的蠔醬，味道比想像中搭。櫻木煙燻糖芯蛋 🌕🌕🌕🌕🌕 15hkd有強烈的櫻木煙燻味，糖芯蛋煮得剛剛好。主廚建議不要加入湯中食用，以免蓋過煙燻味。可口可樂 🌕🌕🌕🌕🌕 25hkd上

之前已經有朋友推薦給我但本人其實不特別喜歡魚跟拉麵加上原本的中環店離地鐵站很遠，還要走上坡我就沒動力去試-前陣子在家附近隨便逛，發現天后有分店了還不用排隊，機會不就來了嘛？進餐廳前先下單付錢，經理很有熱誠，介紹用心我挑了鯛清湯，湯底清甜，魚味十足我把湯全喝完了！好味！男友的鯛白湯比較濃稠，味道重口一點，吃久了會有一點點油膩，難消化一些，但男朋友覺得好吃到慾罷不能哈哈哈經理推薦的炸魚生是新鮮炸的，但味道沒有特別，加上每碗拉麵本來就有炸魚皮建議可以先試拉麵的，喜歡再點-這家拉麵整體服務細心，食物優秀，價錢合理每碗拉麵就一百多塊推薦👍🏻

一如座銀及Next Shikaku嘅風格，麵食款式只供應幾款拉麵。而這間除了鯛白湯是必點的拉麵外，鯛沾麵也是人氣之選。難得見到天后都開左分店，經過附近又唔駛排長龍就當然要試下！今次叫左重口味嘅鯛沾麵！ 🐟 鯛沾麵一上枱時就冒著白濛濛嘅乾冰煙霧，夠哂吸睛，用埋果個金色高身碗裝住，仙氣逼人！湯底以天然日本鯛魚所熬製，魚味非常濃郁。拉麵外型猶如刀削麵，口感煙韌，波浪紋狀增強掛湯能力。湯底裏有叉燒粒同鯛魚粒，鯛魚粒係有炭燒味，但叉燒粒就一般，略嫌太肥及未夠香。Overall，終於試勻3間，個人覺得鯛魚碗湯係好好飲，但始終最有surprise 既係Next Shikaku既平打麵及清湯，而座銀就一般啦！📍Maru De Sankaku (鯛白湯らーめん○de▽)(天后)天后電氣道77號

今日來到這間新開的拉麵店試食。我本身食嘢比較清淡，所以揀咗鯛清湯。用鯛魚淆成的湯底非常鮮甜，不似其他拉麵店食的拉麵湯底過份濃郁及極重味精。師傅準備食物過程非常認真，且上菜前會抹乾淨碗邊，看得出師傅對食物賣相的執着。我不是很大食，拉麵份量剛剛好。另外，不得不提那塊炸鯛魚皮。炸鯛魚皮非常脆口，而且粉漿不多，值得一試。若果你喜歡食拉麵，又不想再試一般拉麵店的豬骨湯底，我誠意推介到Ode試吓佢哋嘅鯛清湯！

從大阪到中環歌賦街，再到最新的天后電氣道據點，◯de▽ 的鯛魚湯拉麵依然鮮美香濃，無論是清甜怡人的鯛清湯，抑或是濃郁澎湃的鯛濃湯，都能感受到源源不絕、來自大海的鮮味精華。No matter the madai clear broth ramen or the madai broth ramen, this bowl is the treasure box with loads of umami from natural sea bream, delivered to you from Osaka to Central and Tin Hau. 

鯛白湯在香港始於中環，一路由於太多人未有機會一試，今日剛發現這間位置天后近清風街的新分店，立即去一試。如題目所述，鯛白湯是一間專心鑽研以鯛魚為主的拉麵店，沒有其他選擇。亦由於這情況，他能以這手本名物生存到今天，什至於經過兩年的疫情依然能維持還加開分店，足證佢既鯛魚拉麵係十分有料什至令人回味。鯛白湯實質只提供三款拉麵：鯛魚沾麵，鯛白湯拉麵和鯛清湯拉麵。今天由於沒有沾麵供應，我跟太太點了白湯和清渴拉麵。兩款湯其實部有好濃的魚味（其實一進店內已嗅到很濃郁的魚湯味道）分別就是白湯就好像母親餚了一整天的牛鰍魚湯一樣，味濃魚味重，對愛吃魚的人來說是十分吸引。若不是愛魚之人，清湯的清甜魚味亦應可滿足食客的口福要求。拉麵是採用幼身日本拉麵，加上將鯛魚粒鋪在麵上，吃過的食客相信都會感到滿足！更窩心的是白湯拉麵的碗邊搽上柚子醬，如食客吃過白湯真的覺得太濃時，混入少許有柚子醬與白湯一起喝進口裡，一切濃膩的感覺一掃而空，白湯可繼續大口大口喝下，十分滿足。鯛白湯是走高檔路線的日式餐廳，服務算是很好，但消費卻不會太低，大約每人$150-200。

寫得咁好諗住有驚喜，全部都假！如果大家唔怕魚腥味，就去試吧！這樣的價錢可以有很多選擇。只是名氣，絕對不會返轉頭幫襯！太腥了！得個樣，完全失望😞還有要先付款，不收現金！