丸十日本食堂 (Closed)

新都會呢間餐廳我成日都嚟食，最近佢哋轉左啲Menu，好有新意又有噱頭👍🏻我要講嘅就係呢個大阪燒DIY$108，已經幫你準備好晒所有材料，器具😆只需要跟着指示，一步一步咁去做，估唔到我嘅廚藝原來佢咁犀利嘅，今晚一於等我做大廚啦😂唔使幾分鐘，就已經整好，再加埋啲調味，唔知係咪心理關係，特別好食，可能係我食過最好味嘅大阪燒😜飲品都好有特色，特濃咖啡梳打，好清新，估唔到咖啡同埋梳打再加兩片檸檬真係好夾喎👍🏻丸十壽司盛，新鮮高質、美味，帶子鮮蝦海膽，拖羅，全部都好新鮮好好味😋佢哋嘅壽司質素好高，材料每日新鮮日本直送👍🏻再試咗個石版燒西冷牛扒$198，上枱時候吱吱聲響，特別吸引，零舍不同☺️肉質鮮嫩，肉味濃、肉脂均勻，極具咬口，正🤗呢度交通方便，環境舒適，服務效率高，而且價錢合理，確係值得推薦👍🏻

Ordered the usual sushi, edamame, salad, sashimi and skewers (forgot to take pictures). It appears that they have gone downhill. The portion size was smaller. We usually ordered the spicy edamame but recently notice that sometimes they are way too spicy; sometimes not spicy at all. And the portion size was smaller unfortunately. The sushi and the salad were okay, usual standard. Decent.The skewers however, were again inconsistent. The usual chicken skewer set was no longer available so had to or

手殘都做到日式大阪燒🍳⁉️葵芳店丸十最近換上新餐牌，加入三款全新石燒牛扒系列🐮同大阪燒Diy💥由粉漿加配料到最後完成擺盤✅都一手一腳自己動手，啱晒貪玩嘅朋友或者同小朋友親子樂🤣..🔸大阪燒Diy $108Diy Set會附上大阪燒漿、椰菜絲、薯片、芝士及櫛瓜等食材，想要肉類+$28起就有🐷🐮🐙，只要跟指示圖指示就可以製作出適合自己口味嘅大阪燒，圖畫+文字簡單易明所以唔難做到✔️自己做可以落勁多蛋黃醬、燒汁同木魚絲，煎香反鑊全程自己動手，大朋友都玩得好過癮😂～..🔸石燒牛柳 $188三款石燒牛扒系列分別有；牛柳、西冷、牛小排🐮放喺熱辣辣石板上🔥再自己切開控制生熟程度。肥仔揀咗牛柳肉質夠軟腍，另外會配上酸蘿蔔、泡菜同燒汁。..🔸丸十壽司盛盒 $298 / 2人盛盒有齊帆立貝、赤蝦、海膽、大鮪魚腩、金目鯛魚🐟。最特別呢度嘅壽司飯喺有調味過，肥仔就最鐘意帆立貝同赤蝦，夠厚肉又鮮味✨..🔸冷草莓抹茶拿鐵 $55🔸冷薄荷朱古力 $58

鮮甜好食，叫左個廚房發辦，芝士明太子，軟殼蟹堡同紅豆宇治抹茶。壽司刺身好鮮甜，細細件岩岩好一啖放入口，呢度可以平價食廚師發辦🤣🤝🏻個軟殼蟹堡幾好食，幾特別，軟殼蟹好脆，好慘口😂，原隻蟹上枱好正好吸引，啲飯份量岩岩好，唔會太濟，又岩岩夠配搭，不過原隻食就真係食得幾狼狽下😂最令人忘不了嘅係佢個芝士明太子，甜甜的，又有芝士流心，絕對係女士最愛❤️。不過紅豆宇治抹茶就爭啲，一般般，淡淡地無乜味，不推介。

係葵芳新都會 接朋友放工佢一早揀左食呢間日本野佢話食過.. 所以就介紹去到叫左4串串燒.. (牛舌, 和牛)一個芝士蛋卷omakase既壽司2杯飲野最後埋單差唔多900蚊.. lunch黎講好貴.. T.T朋友話上次4個人食 都係千幾蚊今次我地2個人食 都900蚊T.T可能係牒壽司太貴所以覺得唔算好抵食

母親節前夕又可以8人一台終於可以多啲人食今日一行5人再加一兒童一幼兒，大快朵頤一台菜式，又要適合兒童和大人餐廳寛躺舒適，對兒童和，BB也很歡迎，可以放嬰兒車，有BB登和兒童餐具。先來前菜活魚刺身，條魚一上台精神又活潑無論刀功和罷盆都令人賞心悅目，有一朵魚造成的flower,真係應節！海鮮沙律，醒胃兼醒神，有帶子和魚生豐富美味！另外一味和牛三文治，之前未食過，今次食真係啖啖滋味！食牛的人一定要試另外就係炸物摩天輪食得又睇得，有炸豪、炸雞軟骨、炸雞、炸薯角、炸魷魚蘇！想食的炸物都應有儘有！另外仲有小朋友好啱食的稻庭烏冬，同台小朋友一食再食，仲食多左！另外值得推介的係樱花蝦蝦烏冬，湯香味濃啱大人食！最後來一個甜甜的結尾，土多啤梨朱古力巴菲，真係滿足

今日晏晝同老板出去食lunch, 有人請緊係食好啲啦，簡左間日本野食，好似最後埋單兩個人係$7xx咁上下◐ 特選壽司拼盤呢個唔記得咗影相，但由於太懶，所以咩都叫曬拼盤就唔洗諗🤣◑ 海鮮串燒併盤呢個幾正，又有大大粒既帶子，又有燒蠔，認真正😋◒和牛三文治我食落都好似有少少怪怪地既味，但老板就覺得係個醬汁奇怪，所以我地都唔太清楚係我地食唔慣呢隻味定係點🤣◓ 野菜天婦羅有我最愛既南瓜天婦羅😋 正！最後值得一提係佢地既碟係好靚架👍🏻服務態度都唔錯，會主動問我哋係咪share 再俾碟我地❤️讚！

喺東龍島返嚟之後見有啲肚餓，天氣熱，好想食啲清涼嘢，就去咗丸十食返個丼飯🍚。🍱🍣特上海鮮丼 個丼飯價值$178💸，仲要加一。材料有🍣🍣吞拿魚/三文魚/帶子/甜蝦🦐/蟹肉🦀️/鯛魚🐟/魚子。魚生整體ok，但唔特別出色，唔可以話好。醋飯幾驚喜☺️，醋味適中，飯嘅軟硬度都幾啱，最尾成碗飯🍚食曬🤪。抵食程度唔高，只可以話係感覺唔會唔新鮮。而且環境唔錯，坐幾耐都問題唔大咁，服務ok。💡💡💡Recommended 比一啲突然想食下日本嘢但無咩idea又想坐耐啲吹下水咁👭👭

好耐未去過葵芳，行陣街就夠鐘食晚飯，想坐得舒服啲所以去左新都會果邊搵食，原來都有唔少選擇😎walk in入左呢間日本餐廳，唔洗等位之餘，環境仲好闊落👍🏻·1️⃣海鮮盒子($168)呢款串燒盛合有虎蝦、廣島蠔、鯖魚、魷魚同帆立貝，每串都大大串，味道不會過鹹，廣島蠔燒得岩岩好，唔會熟過頭，因為蠔太熟嘅話肉質會好鞋·2️⃣特上海鮮丼($178)丼飯份量偏細，刺身新鮮但好薄🥲·3️⃣三點丸十刺身盛($138)第一次見三文魚刺身係一條條唔係一片片😂有三條，夾埋先等於平時係其他餐廳嘅一片🥲帶子都係薄切⋯·整體黎講，呢間日本餐廳望落價錢唔貴，但其實每樣嘅份量都勁少，尤其是刺身⋯真係超級唔抵食🥲🥲

叫個丸十海鮮丼,件件超薄切,重要寫明有帆立貝都唔見左,上次叫個特上海鮮丼又係咁薄切,重要八拆左216,呢個價錢咁低質素真係好嬲,大把地方用呢個價錢好食過佢,一定唔會再幫襯佢！以前的質素好好,而家越做越差,真係好失望,一粒星都畀多佢

📍丸十日本食堂 (葵芳)葵芳興芳路223號新都會廣場4樓484-487號舖👉鐵板汁燒地雞🐔，雞鮮嫩多汁，個燒汁甜甜地幾好味😋雞皮焦焦地好正❤️✍🏾評分：4分（5最高）👉唐揚廣島蠔🦪，新鮮熱辣辣，但要落無咩juice感覺，不過都ok，外面炸得鬆脆✍🏾評分：3分（5最高）👉丸十彩虹卷🌈，賣相已經加分（有魚子醬同金箔點綴）❤️，味道都好味，魚生新鮮，配搭埋青瓜蟹柳個d，味道更上一層🤩✍🏾評分：5分（5最高）👉雜錦壽司盛盒🍣，魚生新鮮，米飯粒粒分明，好味✍🏾評分：4分（5最高）👉三文魚刺身，三文魚好新鮮，食落去甜甜地，正❤️最原始嘅味道❤️✍🏾評分：5分（5最高）

建議綠茶粉落小小就要倒熱水，因為冇提供工具可以攪拌（或者用筷子）太多粉好難溶雞軟骨炸到好老柴，食左十粒已經好口乾，好采佢自己知自己既事，有舊檸檬同沙律醬俾我地點黎食，咁先可以食哂成碟本身蝦湯底已經好傑身，配埋D 櫻花蝦令到個蝦味再昇華😋而且大蝦之前略略燒過，增加口感，又放左蔥花同菜，真係色香味俱全反而牛丼就有D 失望，牛既肉質有D韌，而且燒汁又唔多，縱使可以用隻溫泉蛋撈飯，但味覺欠奉蛋吸左鰻魚既味道，變得有D 腥

今日經過新都會買外賣，見佢有7折優惠，叫左2個飯加個吉烈炸蠔。返到屋企打開嚟睇，一睇個燒牛舌丼，刀工精細，切到好似紙咁薄，完全冇食燒牛舌嘅感覺，見佢有燒過嘅痕跡，但一咬落去似烚熟果種feel 完全一啲都唔香口。另一個溫泉蛋燒和牛丼，我比佢嚇左一下，啲顏色似包公塊面黑忟忟，似煮完再煮唔似人地新鮮燒牛肉中間見到少少紅色，仲要切得好細塊，雖然咬落唔算靭同有肉味，但賣相咁見到都唔想食。套餐佢有個麵豉湯送，但份量少到好似倒瀉咗咁。之後個炸蠔係加15蚊有3粒，價錢合理但外層嘅粉漿厚到🤪，似食炸粉漿多過炸蠔。佢呢間食肆出名食精米，之前係堂食食過啲飯係煙靭有咬口，但今日完全食到一般珍珠米嘅質素。So far之前食堂食一直冇問題，但外賣一定唔會再幫襯，你比個7折我但質素差到咁我情願你收正價比啲好嘢我食🙁

實在太驚喜，起身第一餐，食咗個未煮熟嘅和牛玉子飯，同埋整咗好耐嘅老蛋茶碗蒸🤢🤢明太子玉子燒幾好味😋如果可以希望佢換咗個廚佢🙏🏻🙏🏻可以選擇嘅話就食其他😮‍💨為咗可以評分我決定要寫200字嘅食評，唔係第一次嚟食，第一次嚟食嘅時候覺得幾新鮮菜單幾特別，而家再食發現佢係最基本嘅嘢都未做好，連飯都未煮熟我覺得真係太離譜，我都幾肯定我以後唔會再返嚟呢間嘢食。其實仲叫咗一個三文魚漢堡，冇調味，冇味🥲🥲

全自費💸睇之前可摸耳俾個like❤️今日去咗葵芳新都會醫肚🤤我係第2次黎食壽司🤘🏻📍炙燒三文魚腩壽司$18@1入口即融，好好味😋啲配料同三文魚好夾，啲飯都係熱熱哋，同埋甜甜地，$18一件真係高質。👍🏻📍炙燒左口魚邊壽司$33@1同樣係高水準，呢款左口魚邊唔係入口即融，有少少煙韌，但唔會令你覺得好似食緊橡筋咁，有魚味👅新鮮👍🏻📍炸軟殼蟹卷$88（六件）一食有驚喜！因為啲蟹好鬆脆！！！呢款唔落豉油都夠晒味😻📍三文魚籽軍艦$28@1三文魚籽食得多會有啲咸，好彩日本餐廳有無限綠茶任添🍵呢度係自己落綠茶粉，你想幾濃都可以自己調較🤩紫菜係脆，唔係潮濕架😍💥餐廳環境：由於我坐bar枱，我人比較矮小，但bar枱地下係有一層水泥墊高咗，餐廳好貼心。即使坐bar枱啲櫈都唔會成個吊起😇💥餐廳消費：HKD271