十三少 (Closed)

十三少 (元朗)元朗又新街56號置富中心地下1-3號舖今日係9月1號，開學啦，放工梗係要食餐好嘅，約咗舊生去食飯，元朗十三少係值得一試！裝修寬敞舒適一流，坐落去心情都好好。椰皇蟹后滋味二人餐 388前菜酥炸黃豆真係好開胃，食到索索聲，一粒一粒好快清碟。椒麻皮蛋（麻辣）川式料理，有別於平時一般黑色嘅皮蛋，今次係透明彈滑，有蒜泥喺中間俾你配搭一齊食。十三少蒜香荷葉蟹飯(細)膏蟹處理得非常之好，齒頰留香，肉質鮮甜，鍾意食蟹嘅人唔可以放過，荷葉飯清甜鮮味，蟹香亦都滲透入飯粒當中。水煮魚見到佢紅卜卜嘅辣椒，其實係一啲都唔辣，好啱我呢啲食得少辣嘅人，透明涼皮超級彈滑，魚超足料，食得心滿意足。

見到十三少出左新菜式，即刻約friend子落樓食飯。我哋食左椒麻皮蛋、酸菜魚，當然仲有今日嘅主角—蒜香荷葉蟹飯🦀椒麻皮蛋好快就嚟左，佢呢隻皮蛋完全無糠味，撈左酸酸辣辣嘅椒麻汁好香，認真白飯小偷。超大兜嘅酸菜魚🐟係招牌菜，可以選擇辣度。魚片新鮮滑溜，大大片，金黃色嘅湯汁有好多炸過嘅菇片、酸菜、薑etc，飲落超熱超爽。食食下魚蟹飯就上枱啦😍睇個樣都覺得好吸引啊。兩隻完整嘅蟹鋪係飯面，炸蒜好均勻咁撈左落啲飯度，仲用荷葉上菜，幾有誠意。雖然隻蟹唔算大隻，但竟然有膏😍仲要唔少，蟹蓋同肉都有膏，撈埋啲飯食好香口，為左呢個蟹飯真係值得再黎食。

元朗周街都係食肆，想食乜菜式都有要食酸菜魚都有好幾間今日就黎左十三少試下十三少樓底高，啲位又好寬落，走廊闊到可以跳舞喺寸金尺土嘅香港做街坊生意，好難得可以做到咁，通常都會盡用所有空間，擺得幾多張枱得幾多張枱要食酸菜魚唔難，要食好味嘅酸菜魚就唔容易喺香港試過幾間酸菜魚都唔係好啱我口味，但係呢間就啱晒我口味，我會稱之為『大陸味』，唔係好多間舖頭嘅酸菜魚可以整到有『大陸味』十三少唔止酸菜魚好食，麻辣香鍋都好正麻辣香鍋～好有『大陸味』大盆花菜～ok，但無麻辣香鍋咁惹味話梅骨～個人覺得相對無咁吸引午餐送一個前菜-土豆絲唔錯cp值高, encore encore encore

又係外賣平台會員優惠七五折餐廳！今次揀咗十三少，已開業一段時間，不過一路都冇諗住去試，因為人哋招牌菜酸菜魚，但係其實我係唔食魚嘅！之所以會去因為見到佢有個蒜香荷葉蟹飯，望落去好似好吸引，再睇餐牌見有個香鍋，可以揀不同嘅餸，好似都OK，所以就去試吓。蒜香荷葉蟹飯要最少預早一日訂，用餐時段我揀比較早，所以冇乜人，餐廳好闊落，坐得舒服亦幾整潔，坐低會有一碟前菜，應該係炸黃豆，枱面有瓶水，但係餐廳職員好好服務，基本上我哋冇加過，佢行過見到少咗水就會即刻同你加。老公唔係幾食辣，所以揀咗個微辣回味醬香鍋，要揀五款材料，千張豆皮，五花腩，滷水肥腸，墨魚丸，土豆。我哋誤會以為佢好似米線咁有湯底，原來唔係，係乾身嘅，不過味道真係唔錯，全部都幾好味，而且份量唔少，土豆係切片，質感好好。但係好期待嘅蒜香荷葉蟹飯就好普通，飯嘅份量其實都唔係太少，亦都幾好味，不過兩隻蟹都好細冇乜肉，依度有少少失望，情願佢比一隻大啲嘅蟹我仲好。而且其實價錢唔平，折咗都要成$350，整體味道同質素都唔差，值得一試，不過就要睇吓你食乜，我見到人哋叫其他嘢都幾鬼大份。

朋友話好想食酸菜魚🫶🏼緊係嗱嗱聲衝去食啦🤣諗起就流晒口水呀近近地揀咗「十三少」環境寬敞，枱與枱之間沒有壓迫感👍🏻傾偈食嘢會暢快好多🤭✨十三少酸菜魚上菜時嚇一嚇🤭勁大兜嘅酸菜魚食材好足料，店員介紹湯係魚骨熬製可先飲湯才食魚🤤湯底香濃惹味魚肉好滑爽口，好入味✨蒜香荷葉蟹飯蟹🦀️有膏㗎‼️好香甜蟹肉鮮甜，飯配有蒜同菜脯，真係好惹味食到停唔到口✨涼拌土豆絲帶酸辣嘅土豆絲，口感爽脆，味道好開胃✨紅糖糍粑軟糯煙靭，外層口感好似飯焦咁面層有黃豆粉配埋紅糖漿一齊食甜蜜滿分

十三少一直係我好鍾意嘅餐廳❤️❤️😋因為食物質素好有保證，員工服務又好🌟酸泥青瓜好好食呀😋😋啲蒜好香好開胃，不知不覺好快就食晒喇🌟十三少酸菜魚真係勁好食好足料，用新鮮魚煲嘅湯，啲湯好好飲！咁大煲真係好開胃呀，啲魚又新鮮又滑，配料又多。🌟十三少蒜香荷葉蟹飯呢個飯好推薦呀!!!勁香好多蟹膏，好滿足呀。有成兩隻膏蟹咁多，送飯一流。而且有好多蒜蓉同炸蒜，睇返啲相都好想再去食！侍應好nice,成日會幫我地添水！

之前嚟元朗唔係食日本嘢就係食大排檔，今次決定試吓新嘢🔥之前已經聽過呢間都幾出名嘅川菜，bookmark咗佢哋嘅招牌菜酸菜魚好耐，今次終於有機會試了😋-十三少蒜香荷葉蟹飯（細）原隻蟹大小適中，仲要有蟹膏，撈埋有蒜蓉嘅飯一齊食真係勁香，用荷葉蒸嘅飯好入味，我同朋友都食極唔停😂😂-十三少酸菜魚佢哋嘅酸菜魚用嘅係加州鱸魚，肉質鮮嫩無骨，口感超級滑，啖啖肉咁樣好滿足！！入邊仲有大量酸菜，蘑菇等蔬菜做配料，好足料～～唔食得辣嘅話仲可以揀唔辣🫶🏻-蒜泥青瓜酸酸地，作為開胃小菜一流🫶🏻-

=  =  =  =  =  =  =  =  =  =  =  =  =  = 💬 總括: 酸菜魚分量足料，麻、酸、香、辣恰度剛好，味道惹味，暫時係食過最好食既酸菜魚。環境：★★★★★ | 味道：★★★★★ 服務：★★★★★ | 抵食：★★★★★———————————平時對魚我都會卻步，但親愛的愛食魚，食完十三少酸菜魚後都有所改觀。 餐廳新式裝修，睇落唔似食中菜，牆上有唔少推介菜式。 - ▼ 十三少酸菜魚 黎得十三少，無可能唔叫招牌菜 - 酸菜魚，酸菜魚可以揀辣度亦都可以點唔辣，我地就點了小辣吊吊味。  點菜後，好快就有一大盤酸菜魚上枱。上枱時有點嚇親，用上大面盆裝魚，份量十足。店員上枱時特別介紹，湯頭選用鱸魚骨湯熬整，建議食魚前可以先飲湯，飲了足足2大碗先開始食魚，湯頭好鮮甜。 成盤酸菜魚好足料，有足料酸菜、萵荀、菇片，索盡湯頭；主角魚肉，魚骨滑溜溜，入口爽滑，近魚皮位好彈牙。 味道上小辣同酸菜味道好夾，辣味混合了花椒與椒油香，味道有少少麻，用黎佐飯一流，暫時係我食過最好食既酸菜魚。- ▼ 川式口水雞 醬汁香香辣辣，好惹味。 雞肉入口嫩滑，就算雞胸位都不會嚡口，雞皮爽脆，雞皮下仲

同區有幾間主打酸菜魚的餐廳但這間座位闊樓底高，環境較為舒適而且衣服好像沒有留下太濃的氣味「涼拌土豆絲」爽口開胃，食到底層辣汁較多，個人覺得後勁凌厲。「十三少蒜香荷葉蟹飯」想不到酸菜魚店有荷葉飯。兩隻蟹爆膏，十分邪惡，荷葉飯吸收了蟹肉及蟹膏的鮮味，撈飯一流！「十三少酸菜魚」可選走辣/辣，我就點了少辣。每枱一上菜都會嘩嘩聲，因為大大盆有氣勢。材料有新鮮鱸魚、大量酸菜、青筍片和杏鮑菇。魚片嫩滑，湯底濃淡度適宜，吃後不會覺得口渴。

想食酸菜魚又想坐得舒服 我第一下就會諗起十三少 環境夠大座位闊落今次嚟到見到佢有個新套餐 我最愛嘅酸菜魚都有包括在內 特別有個蟹蒸飯 之前未食過就決定點嚟試下 前菜就揀左：椒麻皮蛋呢種透明皮蛋真係好好食，糖心位置唔會有陣味，加上外面啫喱位置好Q彈，現上椒麻辣汁，好味開胃。主菜：酸菜魚大大個碗上檯真係打卡一流。店員溫馨提醒湯底用鮮魚骨烹調，可以先飲湯後食魚，我真係好聽話飲左成4，5碗，平時其他餐廳食呢d酸菜魚，水煮魚會好口渴，但呢到絕對無問題。至於魚肉實得嚟夠嫩，唔會霉淋，份量又多又大塊，加上大量香料同配料，青麻椒，乾辣椒，酸菜，萵笋同菇，好食又滿足。主菜：十三少蒜香荷葉蟹飯上檯時份量又係大到嚇親，一上檯就聞到蒜香，好吸引。 食落去飯粒吸收荷葉香氣，再加佈滿蒜粒，蔥同菜脯，食落真係啖啖滋味。之後就試埋蟹啦，入面滿滿嘅蟹膏，就咁食或者夾埋飯一齊食，都係咁正！推介！

作為酸菜魚愛好者😋元朗呢間十三少絕對可以滿足到口腹，原來佢地仲係2021年雜誌必吃食店大獎中嘅其中一間入圍餐廳tim👍🏻.中午瞓醒落嚟又新街十三少唔洗排隊好快有得食首先嚟咗個前菜土豆絲，酸酸辣辣口感清爽，食落好開胃，之後仲encore一大碟慢慢食😋.跟住直入正題招牌酸菜魚，新鮮鱸魚肉片片嫩滑鮮香，魚肉份量不少，拌以非常多嘅老壇酸菜，就咁飲一啖酸酸辣辣嘅湯都非常之滿足，開胃而不膩，店員話個湯底熬足兩小時架👍🏻另外再叫咗個口水雞，雞肉算軟嫩，微微香辣感好惹味最後嚟返個即製嘅紅糖糍粑，外層酥脆，咬落煙煙韌韌，再蘸上黑糖漿，入口甘甜軟糯，食完成餐都唔會滯😋                         

今次黎到元朗呢間食魚，餐廳樓底好高，坐得幾舒服😛二人餐都份量好足，食到好飽～🔸二人餐（HK$388）🔸涼拌土豆絲前菜揀左呢個凍冰冰嘅薯仔絲，酸酸甜甜，幾清涼開胃，蒜頭味都幾重🥔🔸水煮魚店員上枱超大盤，冇得揀辣度，本身驚上面咁多辣椒會好辣🌶但食落其實都唔會太辣😂入面有魚肉、芽菜同寬粉，魚肉食唔到骨，如果麻味再重啲就更好🔸蒜香蟹飯今次冇食白飯，試咗呢一個蟹飯，套餐菜單寫係細size，但見店員上枱時都係好大😂有原隻嘅蟹，可以將蟹膏同蟹肉撈埋有蒜香嘅飯到，有荷葉包住，都幾入味，兩個人最後都食唔晒😆

今晚去試朋友推介嘅一間新派酸菜魚，位置就係又新街，店鋪樓底超高，裝修帶點工業風，全部都係大卡位，坐得好舒服，店員服務有禮，食物水準絕對好過附近幾間酸菜魚，而且價錢合理及分量足，性價比高。👍👍每枱都有一碟炸黃豆作餐前小食，好香脆，唔會太鹹。🔹酸菜魚🐟湯底有酸菜、萵筍片、杏包姑片、香珍姑，用咗泡椒、野山椒、鮮花椒等煮成，加上嫩滑嘅鱸魚，吃落啖啖肉，滑嘟嘟，酸菜有別於一般的老譚酸菜，味道冇咁酸，比較啱大眾口味，連湯飲都得。🔹十三少蒜香荷葉蟹飯🦀雖然只係叫咗細份，但有兩隻超多糕嘅蟹，肉質飽滿，飯粒沾滿淡淡的蒜香及蟹的精華，真心好味。🔹涼拌土豆絲🥔涼拌味道適中，少少酸，夠爽口，好適合夏天吃。

好耐冇同皇太后👩‍👧至愛食佢至愛既酸菜魚🐟疫情前😷佢𝐖𝐞𝐞𝐤𝐞𝐧𝐝成日都會拉皇老大👨🏻北上食野不過依家冇得返都唔驚💃🏻香港🇭🇰都有得食啦🥢~•~•~•~•~•~•~•~•~•~•~•~•~•~•~•~•~•~•~• ▪涼菜▪▫椒麻皮蛋皮蛋唔係平時成日見到黑蚊蚊個種🖤係用左外圍透明，中間溏心個隻🧡唔係油浸，唔怕油淋淋😏雖然叫椒麻，但仲食到有少少酸🤏🏻係有齊麻 • 酸 • 辣𝟑種🤪口感比黑色既彈牙，亦冇個陣臊味😎.▪主菜▪▫️十三少酸菜魚 (辣/唔辣)辣細分左小辣 / 辣🌶️上枱時候見到咁大盆，真係覺得好誇張😱店員話俾我地聽💁🏻‍♂️魚湯底係用鮮魚骨熬製🔥建議我地先飲碗魚湯🍲表面佈滿晒酸菜 • 麻椒 • 芝麻 • 乾辣椒🌶️ • 等等既香料魚肉無骨 • 夠滑🧏🏻‍♀️，而且仲幾大塊添👐🏻底下既配菜有萵筍💚 • 菇菇🍄 • 白蘿蔔片🤍.▫️十三少蒜香荷葉蟹飯 (細)雖然係細𝐒𝐢𝐳𝐞，但係其實都夠𝟐-𝟑個人食👯‍♀️正中間有𝟐隻原隻蟹🦀打開蟹蓋一望👀，每𝟏件都滿晒蟹膏🤤仲係𝟏公𝟏乸🫣而且蟹蓋蓋住菜脯 • 蒜香🧄係中間先蒸🔥底下既飯索晒蟹既鮮，本身已經勁香😌再加埋菜脯 • 蔥粒🥄最正係飯粒粒分明，唔係爛𝐁𝐚

環境舒服，坐得舒服，唔錯。酸菜魚好好味！夢中情魚！又酸又夠辣，魚片量都算多，魚肉好嫩沒有骨，一唆好過癮，一食唔停口。有年糕幾好味，又軟又辣，口感唔錯，下次還會點。