十三少 (Closed)

今日同朋友去到呢間食酸菜魚，叫咗個二人套餐，啲嘢食全部都好多好大份，二人餐$300幾，性價比高酸菜魚多，配菜亦都好多，入邊仲有萵筍同埋菇類配菜，我哋叫咗小辣，辣度亦啱啱好四季豆到好入味好香炒土豆絲，辣辣地酸酸地，比較開胃

同爸爸去左十三少，食左個二人餐，$338+$28要左個紅糖糍粑，涼菜，主菜同小菜有幾個選擇既，詳情可以睇圖片，我影左餐牌，個餐配兩碗白飯，頭先仲送左兩碗炸米話配湯食，脆脆地又幾香口吸味。佢地個筷子🥢座係真花生🥜，好有趣。我地要左椒麻皮蛋，酸菜魚同乾煸四季豆。食物味道唔錯，超足料又大份，酸菜魚上面加左炒過既芝麻，好香，仲有好多雞髀菇同萵苣，湯底好夠味，侍應話係用魚骨整嘅，魚肉好滑彈牙無散開，食完無口乾。最後我地兩個食唔晒，加左兩蚊要個外賣兜，去街市買左$40鯇魚片，諗住今晚加啲米線落去煮，又一餐。我諗細食既人可以三四個一齊食一個二人餐再加啲小食。B仔舊舖，原來咁大間，分左三間舖頭，十三少都仲可以咁大間，環境舒適幾好座又闊落，功夫飲茶我試左啦，都唔錯，下次試埋中間間泰國菜👍🏽

今晚約咗朋友去元朗「十三少」食晚餐。我地叫咗一份二人酸菜魚套餐，套餐價338元，包括涼菜、小菜、主菜及白飯，另可加28元加配紅糖糍粑。我們點了椒麻皮蛋、酸菜魚(走辣)、乾煸四季豆，亦加配了紅糖崧粑。菜式方面，椒麻皮蛋最特別，不似其它店那些深綠深黑的樣子，蛋黃仍然保留著深橙色，保留著那份蛋黃的原始香味，蛋白方面晶瑩通透。酸菜魚我們選了走辣，湯的味道十分鮮甜，酸菜及菇菌十分匹配，非常開胃，魚片也十分新鮮爽滑。四季豆炒得十分入味。紅糖糍粑是點紅糖吃的，口感煙韌，外脆內軟。

路經元朗又新街，自從經典老鋪『B仔』搬遷後，成條街好似靜咗好多。舊店換上兩間新型店，其中一間就係十三少。樓底好高，座位好寬敞，黑白主色，坐得舒適。由於疫情關係，安心出行係一定要，但只見門口收銀櫃只貼有一張QR CODE供客人掃描。如果遇上多客人，就比較麻煩，有排等。最重要好似唔見有紙仔填。望下個午餐餐牌先，共有11款唔食辣嘅朋友都唔駛怕，呢度都有唔辣嘅午餐提供午餐唔啱都冇有怕，望埋個餐牌同埋同埋啲知己好友一齊嘅話，可以望下個二人餐及四人餐今日四人分別點了『口水雞』、『酸菜魚』『水煮安格斯牛肉』，餐飲選擇了『酸梅湯』哇！我哋見到呢份口水雞第一個反應就係咁。啲芝麻多到呢。。。啲雞多到呢。。。好似係有少少血𢇃但隻雞好滑噃，都有帶啲勁，有麻吖。講返啲汁真係撈飯一流！呢個酸菜魚入面都有萵筍、菇、勁多酸菜。魚片無骨，好滑，要用筷子夾實都有啲難！至於呢個水煮安格斯牛肉，內有大量芽菜墊底，牛肉份量都多。少少油都冇辦法，香口嘛！總結：平時食完呢啲咁辣嘅菜，嚟緊個幾個鐘都會好口渴。大家知咩料喇！但呢間冇噃。。。可以放心食多少少。。。。

最近見到網上外賣平台話六周年有好多餐廳都做緊六折其中呢間十三少都有做六折其實想試好耐一於趁今次做六折試吓兩個飯+兩個餸+兩個小食+兩個飲品網上外賣平台六折價$216之前成日都聽人講話十三少好好味終於可以一試果然冇令人失望！冷泡茶嘅包裝好靚見到已經覺得好開心好細心地送咗有包裝嘅飲筒茶幾香唔錯蒜泥好香啲蒜有少少咬口，但又唔會太生，好鬼正連我朋友平時麻麻哋青瓜都大贊好食😋開頭仲以為皮蛋係譚仔嗰種皮蛋點知係唔同樣好好食勁正呀口水雞好好味呀有少少辣又唔會太辣好香呀仲有啲青瓜喺旁邊薯仔炆牛腩分量絕對對得起價錢好好味呀！！總體來講呢間餐廳真係好值得幫襯好用心製作呀❤️❤️♡♡♡♡♡♡♡♡♡♡♡♡♡♡♡♡♡

><之前食完隔離間泰國菜 見幾多人排隊 所以都想試試卡位環境闊落 店員不時幫忙添水蒜泥青瓜滾刀切成嘅青瓜粒蒜味香濃 冇咩草青味好清爽十三少酸菜魚店員介紹試咗個魚湯先再食唔會死鹹酸菜味都夠 好下飯魚片嫩滑冇骨 蒿筍 菇吸盡湯麻辣鹵豬手直接擺入口 就可以吮到骨出嚟好重骨膠 帶點麻辣惹味紅糖糍粑新鮮炸起 蘸上糖漿 香甜綿糯><><><><><><><><><><><><><十三少 (元朗)元朗又新街56號置富中心地下1-3號舖

今日嚟試咗元朗「十三少」酸菜魚，係元朗又新街新開不久，當然要試吓。新店環境十分舒適，裝修精緻，整體很不錯。員工有禮細心，今日點咗最愛嘅口水雞、皮蛋、酸菜魚，加埋個傳統甜品後起，咁就啱啱好凉拌「椒麻皮蛋」～係糖心嘅超正，生蒜蓉加醋汁，好夠味，十分醒胃；今日主角「十三少酸菜魚」，十分足料，量多魚滑麻香，大量酸菜，超級好好味，食到停唔到口；小食「川式口水雞」加有大量芝麻及惹味辣油，雞嫩肉香惹味，又係秒清碟嘅小食；最後上埋甜品「紅糖糍粑」～每次必食，用心新鮮即炸，加㸃糖槳，外脆內軟，好味到不得了，本人表示今餐很滿意！

發現元朗最近開了一間食酸菜魚的，就趁未有太多人知道時，盡快去試一試！餐廳不能預約，好彩到場排隊時人不多，等大概10分鐘左右。最後選了二人餐，份量很足夠，有前菜，酸菜魚，主菜及兩碗白飯。🥔涼拌土豆絲口味酸酸辣辣，口感爽脆，蒜蓉味有點濃，做前菜有開胃的效果。.🐟酸菜魚魚肉很滑，魚骨清得很乾淨，啖啖肉食得很過癮。口味迎合大部分香港人不太能食辣，是小酸小辣。還有少量萵筍，還可以另外加配寬粉。.🌶乾煸四季豆四季豆爽口，帶微辣，很有鑊氣及香口，食到停不下來。.🍬紅糖糍粑這是用糯米粉製成一條條去炸，即叫即整，外脆內軟，糯米淡口，跟甜甜的紅糖漿很夾。食酸菜魚最後要食這個甜品才算完美，所以最後幾飽都加配了一份，食不完打包拎走。.這間的酸菜魚暫時是在香港食過最好味的，其他菜式都不錯，值得推薦！

好耐無食過辣野既我，今日突然間口痕想食酸菜魚，見到元朗近近地有間新裝修，氣氛感覺又好似幾好既餐廳就入左去食lunch。椒麻皮蛋佢地用透明個種皮蛋，賣相精緻。椒麻辣味都到位，香口又好食。麻婆豆腐超好送飯既一道菜！豆腐滑，醬汁唔會太咸，但朋友就覺得偏辣少少。醬汁口感都略為杰身，仲有啲肉粒係入面，多左層咬口。十三少酸菜魚終於到左我期待既主菜～～～魚肉份量都幾多，不過略為有少少骨，食個陣小心留意下就ok。佢既湯汁做得好好，唔會油膩，酸，辣同咸味都相對平均，飲落去覺得幾香口又舒服。入面仲有啲萵荀，同埋最重要既大量酸菜。正呀！紅糖糍粑新鮮炸起，外脆內軟，外面有薄薄一層脆身口感，入面就係糯米糍一樣又軟又煙韌。個人認為紅糖漿可以再做杰身少少，容易啲沾上糍粑表面。

難得BB星期五放假，我地就去食好西，之前聽阿妹講元朗開左間新既川菜，仲要好就腳，我哋就即刻去食😋😋十三少酸菜魚🐟酸菜魚份量好多，魚肉食極都仲有，餐廳係建議先飲湯再食魚😋，個湯真係好好飲濃濃嘅魚味，個酸菜味道剛剛好，飲過佢個湯之後真係回味無窮♾️椒麻皮蛋🥚糖心皮蛋加上佢個椒麻醬，麻麻辣辣咁好好食👍🏻👍🏻麻辣鹵豬手🐷少少辣嘅豬手，鹵得好入味，仲要用一咬就難，炆得好琳好好食😋紅糖糍粑🍬即叫即整嘅糍粑，熱辣辣好香脆，紅糖加上標配的花生粉，再飽都可以成碟食晒😽😽

元朗又新街新開左一間川菜裝修好新潮型格 門口嘅霓虹燈招牌公仔好搶眼 位置寬闊坐得舒服 落單係用白板筆畫既形式 枱面一早準備好檸檬水同埋脆卜卜小食 值得一提嘅係佢用粒花生做筷子架 未食嘢已經感覺好好今次嗌咗一份蒜泥青瓜、酸菜魚、口水雞、紅糖糍粑首先蒜泥青瓜係比較清淡嘅 明顯見到只有蒜粒 唔會太重口味嘅調味 少少酸酸地 作為前菜好清新好開胃 其實好想試佢個黃金皮蛋 可惜同行嗰個唔食所以放棄咗酸菜魚方面 好香嘅椒麻同芝麻味 配料主要係萵筍同薯粉 湯底食得出係用濃濃嘅魚湯 好鮮甜美味 魚肉份量都唔少 魚肉口感嫩滑得尼少少爽口 少少細骨咁 酸菜係嗰種老壇酸菜 好惹味口水雞一上枱係比滿滿嘅醬汁辣油同芝麻鋪滿 記得要撩一撩個底 撈一撈個醬汁 好惹味 雞肉10分10分滑嫩 即使雞胸肉都一啲都唔鞋口 最後紅糖糍粑必須食呀！可以先order最後叫上 上枱熱辣辣 外脆內軟 加埋少少黃豆粉好香口 係個醬汁爭少少 個人覺得唔夠甜仲有啲偏鹹咁 全程服務員周不時過嚟幫我地添水 服務態度一流

最近好多人推介13少酸菜魚，忍唔住大熱天時都走去排隊食！當日我哋排咗大半個鐘，先可以入到去。我哋四個人叫左個四人套餐，前菜有涼拌土豆絲同埋尖椒皮蛋。酸甜爽口好開胃！尖椒皮蛋味道正常干扁肥腸一嚟到就，哇！咁多辣椒！原來唔係好辣嘅，不過我哋覺得太鹹！13少招牌酸菜魚食酸菜魚先飲湯，第一啖魚湯都係好鮮甜帶少少麻同微酸！不過又係越食越鹹，越食越麻。魚肉滑，新鮮。而且裏面有啲炸菇，浸左落啲湯度幾好味！萵筍都好爽口！不過冇加薯粉，總係覺得差啲嘢！早知加錢啦😂

晚饭食呢间川菜馆系一个唔错的选择。元朗呢间滴位坐得好舒服，值得一赞。呢度有年糕食，几好味，其他菜都中规中矩啦，酸菜鱼唔算太酸，鱼肉鲜嫩，最钟意食个酸菜，好好味，发挥出平时水平。

元朗新開的酸菜魚，香港好難搵到好味的酸菜魚。見到有新開的酸菜魚而且是13少分店，信心有點保證。2人見臨近九點，附近已經沒有坐得比較舒服的食肆，於是就入去。點了酸菜魚，麻辣鴨血，以及麻辣雞軟骨。酸菜魚我沒有家寬粉，而且只點了正常大小，但是份量都頗為多，味道上偏酸，不太辣。吃的時候很開胃。配料亦都較多，酸菜份量足夠，也有萵筍，魚的份量大概是半條左右。麻辣鴨血，是一個餐前小食。吃入口沒有血腥味，因為被麻辣的味道蓋過了，比起平常在火鍋時吃到的鴨血有點不同，因為他的麻辣味真的很搶喉。麻辣雞軟骨，不只有雞軟骨，還有少少雞丁及腰果。這個菜很開胃，而且味道真的很像以前在大陸吃到的那種香辣味。這而且火候足夠，真的值得一讚，可以再點。吃完後，本身都不覺得很多味精。但是身體隔了兩天還是很水腫，我就知道味精真的很重。所以下次要飲多一點水來去水腫。哈哈

今日行過元朗見到呢幾個月新開嘅中式菜💕前菜豐富 土豆絲入味🙈筷子托好可愛 係花生🥳點了二人餐都係三百幾蚊😋兩個人都食唔晒四季豆很有驚喜，入味爽脆，如果再吃一定要點這個至於酸菜魚果然像其他食評所說的沒有令我失望吃完酸酸辣辣的酸菜魚，這間店還很細心準備了檸檬水，解渴清甜。店員服務態度很好很細心,了解我們的需要，還介紹了他們的甜品。很好的用餐經歷，令我跟朋友都很回味13少下次見