十三少 (Closed)

依加冇得返大陸食酸菜魚，係香港食酸菜魚都有好多選擇，今日上openrice search到呢間十三少有好多好評，所以同屋企人黎試下樓底好高，間隔好大，冷氣好充足，我地坐左卡位，係梳化黎的，坐得好舒服，一坐低就有小食同一壺凍的檸水，好岩比我地降降溫青瓜新鮮爽口，蒜味都好重每一個卡位都可以打卡荔枝白桃梳打、冷泡桂花烏龍梳打加埋青檸好清新，唔算甜，飲哂成杯都冇邪惡感，仲有枝竹籤比你拮埋d荔枝肉食，唔會浪費桂花烏龍係成枝提供比你，飲唔哂都可以拎走，桂花味好濃郁，推薦！樽茶上面寫上「人生如茶，沉時坦然，浮時淡然」，都的確係。麻辣滷豬手個豬水好入味，一食入口就有麻辣同醬香味，肉質好淋好易咬開，豬皮又有豐富骨膠原，豬手切到一口大細好方便食十三少酸菜魚：見到張對比圖就知道碟酸菜魚的份量好充足，一上菜個陣職員會提左我地可以試下飲左個湯先，咸酸味好濃，有少少辣，現有萵筍、蘿白片、魚、酸菜、芝麻、秀珍菇，碟酸菜魚口感好豐富。魚好滑，冇乜骨好方便食，筍好爽，菇吸哂湯的味道。紅糖糍粑係我的最愛，食完酸菜魚就急不及待叫職員上糍粑，一上菜個陣個糍粑仲係好熱的，配黃豆粉食咬落去外脆內軟，配紅糖食會有埋甜味滲左落去椒麻

落住雨的日子，行過見有新餐廳開左，睇睇餐牌幾啱食又唔使等位，就入去試試。店員好快送上冰水，入面仲有檸檬添，天氣咁熱飲一杯真係好舒服。仲有碗餐前小食炸黃豆，酥脆香口，夾下夾下又幾過引喎。點左涼拌土豆絲作涼菜，都幾大碟喎。土豆絲很爽口，少少辣油很惹味。仲有麻辣鹵豬手，朋友鍾意食豬手呀。豬手口感偏淋，滷得很入味，唔算好麻辣，個人覺得可以辣啲。最後就係期待的十三少酸菜魚，餐廳名物梗係要試下啦。魚片份量都幾多，很滑，完全無骨。酸菜湯底酸度剛好，要了辣口味但其實唔辣的，bb辣的程度非常易入口，湯底好好味攞左去撈飯食，湯飯超正。點左白飯因為唔想晒左個酸菜魚湯，唔想要飯可以加寬粉㗎。之後又加左份甜品紅糖糍粑，點都要食下甜先滿足。煙煙韌韌幾好咬，淋埋個黑糖正呀。餐廳好濶落好好坐，冷氣十足，傾下偈嘅好地方。

元朗又有新嘅酸菜魚嘅餐廳，又係人氣排隊店。位於又新街附近的十三少酸菜魚。十三少主打酸菜魚，我選擇星期六12pm食午餐，店內又新嘅靚裝修，一入門口給我一種淨潔，舒服的感覺。午餐set 也有8個選擇，平均大約$70，我依舊選擇了水煮牛肉，酸菜魚。簡單食評，酸菜魚，湯味的酸辣配合好味，配上鱸魚片，魚片冇骨，師傅刀工勁，肉質有鮮味。水煮牛肉配上安格斯牛肉，有牛味，牛肉感覺有少少似肥牛。水煮湯底足料，辣度幾勁，有薯粉芽菜配湯底。另外我要一讚佢地啲用餐服務做得好好。總結：首先要讚佢地啲用餐服務做得好好。以連鎖店有此服務質素，做到令食客有舒服嘅感覺，十三少真心讚好，希望佢哋可以keep住依個質素。水煮牛肉用安格斯牛肉有驚喜。酸菜魚水準也很高。晚餐適合2-4人order大大碟，只有午餐有提供一人份餐。謝謝。

元朗出名多烤魚酸菜魚專門店，試左幾間都覺得🤔得十三少我會翻兜。⚜️酸菜魚呢個二人餐份量真係誇張，魚片係jumbo size，白雪雪滑捋捋。落左好多花椒芝麻酸菜，所以唔會腥，配料仲有炸過既菇同萵筍。店員話可以飲湯先，OK我照跟，不過係偏咸小小，送飯就岩晒。⚜️口水雞滿滿既芝麻同紅油令人食指大動。雖然唔係雞髀肉，但都幾嫩滑。個底仲有青瓜，索晒紅油好入味，早知我唔另外叫碟青瓜啦LOL⚜️紅糖糍粑紅糖醬有微妙既咸味，好特別。

話說元朗開左間以酸菜魚為主打嘅「十三少」咁岩皇太后突然降旨要食緊係帶佢黎過過口癮，以免降罪落黎😂.除左單點菜式，我會推薦佢地嘅套餐Set滋味兩人套餐都只係$338，好抵食👍有齊涼菜，主菜同小菜，配埋兩碗白飯架～.【餐牌】.【涼菜：椒麻皮蛋/涼拌土豆絲/蒜泥青瓜】以上三款選一，我地揀左蒜泥青瓜簡簡單單，但作為前菜真係無得彈🥳青瓜稍稍拍扁再加入大量蒜粒拌勻蒜香十足，口感清脆.【主菜：十三少酸菜魚/水煮魚】以上二選一，我地揀左招牌酸菜魚魚湯以兩種鮮魚熬煮2小時而成加入大量酸菜，指天椒，花椒等酸，辣，麻平衝得好好，吾會過酸亦吾會過辣附合香港人口味之餘，更做到惹味酸香味道建議先飲碗魚湯，繼而食魚魚肉連皮，肉質極之嫩滑，份量亦好多仲有菌菇同青荀，口感岩岩好，有清爽感覺建議如加入寬粉，效果更出色😎.【小菜：乾煸四季豆/麻婆豆腐】以上二選一四季豆炒得好有鍋氣香口之餘，豆角不失水份，送飯亦係一流😘.【紅糖糍粑 +$28】飯後小點，呢款都係真心推薦😋由於係即叫即製，建議預10分鐘叫定外層薄脆，內裡好煙韌灑上嘅黃豆粉增添薘鬆口感再蘸上紅糖汁嘅甜香，脆中帶甜🥰

食過十三少既朋友仔都應該知淨係得香港仔先有😲近兩三星期終於喺元朗開分店啦👏🏻元朗人又有口福：2人套餐$338 （涼菜、主菜、小菜、白飯）🍴十三少酸菜魚🌶🐟一上枱店員建議我地先飲湯後食魚😀味道濃郁，酸辣適中，唔會搶左魚嘅鮮味👍🏻酸菜魚份量好多，全部都無骨又超滑😍可以大啖食！仲有大量酸菜、菇、萵筍，超足料，好滿足🤤🍴青瓜🥒青口夠爽口，落左大量蒜粒🧄拌勻好正，開胃一流🍴乾煸四季豆🌱四季豆炒得好乾身，不會太油膩，香同辣方面都做得岩岩好，送飯最好不過🤪🍴口水雞🌶🐔呢個就無咩特別，雖然睇到好多紅油，但係唔係好辣🤣略嫌唔夠麻同唔夠入味，肉質亦不算特別嫩滑🤫🍴紅糖糍粑🫔 （套餐+ $28）即叫即做，外皮沾滿黃豆粉，一咬開香脆既外皮後裏面好軟糯😋點埋紅糖就perfect🤩食飽都可以食哂總括來講，以元朗既川菜店，佢都算係數一數二好食😋環境又舒適，每枱都有適當距離👍🏻店員亦都好主動行過來幫我地斟水，上甜品之前又會先清潔枱面同埋換過一隻新碟比我地，服務態度💯上菜速度都好快！可能依家新開張，食完仲送$30 coupon下次可以用😝大家仲等咩，快啲行動😌🤙🏽📍 十三少 (元朗)元朗又新街56號置富中心地下1-3號

行過又新街見到開咗間食川菜既餐廳 終於約到朋友仔同我一齊去食🤤🤤 有滋味2人餐 好抵食涼菜、主菜、小菜仲有白飯同紅糖糍粑😍😍我同朋友仔揀左涼拌土豆絲、十三少酸菜魚、口水雞 初初以為set唔會好大份 原來黎到好足料！ 落左單後店員比左個開胃小食黃金豆 脆卜卜好過癮 之後係涼拌土豆絲🥔比出面平時食既有d唔同 因為有撈大d紅油 所以顏色好吸引但又唔好辣仲有少少蒜茸同蔥花👍🏻👍🏻口水雞面層有層紅油同大量既芝麻 未食落口已經聞到好香芝麻😆 雞食落口好滑好嫩 底層仲有青瓜 好夾唔會油膩到個主菜 十三少酸菜魚比我想像中份量多好多好足料😆 先飲啖湯 好濃既魚味 問店員原來係廚師每日用魚骨煲湯🤤🤤 魚肉又好滑無骨 入面仲有酸菜同萵筍 如果有埋薯粉就更加好啦😝最後食川菜又點少得紅糖糍粑🤣 明明已經好飽 但8條既糍粑 好快比我地清晒🤣🤣 外脆內軟 面頭既黃豆粉加埋紅糖真係好夾 好好味😋地方方便環境舒適好適合同一大班朋友仔黎食 可以食多d唔同類型既食物👍🏻

元朗國又新街最近開了幾間新餐廳，十三少位於又新街街尾,同隔離三間新食店都係最近新開的進入餐廳後，計時代感設計和空間感十足，每張座位距離很闊落2人套餐似乎係必點既Dinner set338已經有涼菜，主菜，小菜和飯，仲可以加$28有紅糖糍粑椒麻皮蛋辣椒，蒜蓉粒，秘製麻辣汁栽培留心嘅黃金皮蛋，皮蛋配埋所有嘢一齊食好香口十三少酸菜魚餐廳名物酸菜魚，幾乎每一台都有叫，叫左小辣，魚肉是用鱸魚做的，很滑沒有骨 ，酸菜魚配菜有萵筍，酸菜，菇，侍應話啲湯係每日用新鮮魚做，落咗花椒食落麻香😍份量十足鹵豬手淡淡骨膠原嘅豬手 ，炆得很入味，識落有麻辣味，爽口彈牙很惹味😍紅糖糍粑出奇地超鍾意食呢個甜品，食落感覺就好似熱熱辣辣既年糕，然後上面有啲黃豆粉，再加埋啲黑糖，健康又美味，超級推介服務員非常有禮仲會主動過嚟同你換碟碗，還會不停為你加水，當你食完之後還會幫你清潔好枱面才上甜品服務態度十分好

有其母必有其子，估唔到謙謙都鍾意食酸辣野， 我知元朗開左十三少咁就帶我家謙少來會一會佢嘅酸菜魚先。來到店內超舒服，因為樓底好高完全冇焗促感，枱和枱之間都幾闊，冷氣超涼快，食川菜有時食到汗流浹背，所以冷氣充裕好緊要。⚛️ 蒜泥青瓜 ～ 自細謙謙已經好喜歡食拍青瓜，所以去食川菜必點比佢食，因佢一人已KO 三份之二碟😝，青瓜拍過後吸收哂蒜蓉和醋的味入口清脆。⚛️ 十三少酸菜魚 ～ 😍😍大盤到嚇一嚇， 我地點選了小辣版， 魚的份量頗多，魚夠滑溜無骨，見到謙謙一件接一件送入口就知佢幾鍾意， 酸菜萵筍什菌等配菜亦出色， 謙謙幫我整左碗酸菜魚湯飯超滋味。⚛️ 川式口水雞 ～ 來到見到滿江紅仲擔心謙謙食唔到， 點知入口香濃芝麻和麻味多過辣味，我可放心。 口水汁幾濃滑雞件吸收哂送飯一流。🍹 荔枝蜜桃梳打 ～ 食辣野緊要點返杯特飲荔枝配蜜桃味道幾清新。🍹 酸溜溜草莓檸檬汁 ～ 謙謙呢杯酸酸甜甜，飲完勁開胃。

一直想食但又無人會陪我去咁遠食係門口見到都感覺好靚，落地玻璃望到入面，裝修簡單而華麗，座位闊落而舒服。坐低嘅時候見到餐具，令為我注目嘅係放筷子下面嗰粒花生🥜 佢真係花生食得嘅，仲會比一兜餐前小食。我想講我係超鍾意食呢隻黃豆，我自己食晒成兜🤣二人套餐好抵食 $338包左 涼菜，主菜，小菜，白飯涼菜我哋揀咗尖椒皮蛋，佢同平時食譚仔嘅尖椒皮蛋有少少唔同，皮蛋品種唔一樣，但呢隻就比較靚啲，食落去唔會話好利嘅感覺。水煮魚好大兜，面頭好多嘅辣椒，但冇想像中咁辣，底吓仲有寬粉同少量青瓜，水煮魚嘅魚真係幾好，好滑。口水雞，開頭見到佢好多芝麻同紅油，因為口水雞係凍嘅，所以都幾好食😋朋友食完一舊又一舊，差唔多成碟俾佢食晒。紅糖糍粑 +$28食川菜一定要食呢個甜品，我終於食到喇！次次食川菜都叫得太多野然後朋友就會唔俾我叫紅糖糍粑上面有啲黃豆粉，再點埋佢個紅糖醬出色除咗環境舒服之外我想講店員係超級好服務態度，好耐未試過食嘢遇到咁嘅服務，不斷幫我加水同埋換碗碟。細心又體貼，值得嘉許！

今日阿豬生日，去食佢最愛的酸菜魚🤤，真心好正，二人餐好底食👍🏻👍🏻🌶️酸菜魚—湯底係魚骨煲架，一來要先飲湯，個種酸酸辣辣嘅味道非常開胃🤤，飲完湯就食魚，魚片好多，大片冇骨👍🏻，酸菜係酸得來又帶點甜味😋，仲有萵筍、蘿蔔、菇的配菜👍🏻全部都係勁岩味🌶️口水雞—大約有3分1至半隻雞，麻麻辣辣，雞肉又滑👍🏻🌶️拍青瓜—正常出品，新鮮爽脆🌶️紅糖糍粑—熱辣辣的糍粑，新鮮即炸上枱即刻加紅糖來食，係一流嘅甜品😋我最鍾意佢個裝修，樓底好高座位好舒服，唔好坐到迫迫夾夾咁，真心低讚👍🏻服務又好，元朗來講目前未有一間可以做到咁既性價比🥰🥰最後有個位真係要提一提，佢地會提供勁冰凍的凍水，食辣野真係要飲好多凍飲來解辣，真係好細心，勁鍾意❤️

用花生做筷子座幾得意，仲要係真嘅花生🥜二人餐包左涼菜、主菜、小菜各一款，仲有兩碗白飯，都幾豐富，最重要係有得叫酸菜魚😍🐟椒麻皮蛋 香滑可口，蛋白清澈透明，配搭溏心蛋黃，令人食指大動🤤 十三少酸菜魚 望落幾足料，有魚、酸菜、萵筍、秀珍菇、白蘿蔔。湯底夠鮮香，魚味十足，酸酸甜甜好開胃，餸飯一流！魚片鮮嫩，切片都算厚肉，連酸菜辣椒一齊食，辣得黎好過癮😙萵筍同蘿蔔都好好食，吸收左湯汁特別惹味鮮甜！飲左兩碗湯都無口乾，證明湯頭無添加味精，真材實料👏🏼乾煸四季豆 係水準之作，香辣爽脆，外皮有啲焦香，口感味道都好出色😍加$28可以食埋甜品 紅糖糍粑 ，熱辣辣嘅糍粑沾滿紅糖，香甜軟糯，超級滿足🥰

🌠2人套餐 $338🌠晚市2人套餐有前菜、主菜、小菜再加白飯兩碗，加$28仲可以食埋甜品🎇十三少酸菜魚🎇酸菜魚湯底夠酸，味道都幾濃，店員話可以先飲湯底品嘗，再慢慢食魚，芝麻特別香，而且相當之大兜，開胃得嚟又可以餸飯，配料仲有大量菇、酸菜、翠玉瓜、萵筍等🌄椒麻皮蛋🌄非常嫩滑而且濃香，好好食👍🏻🌌乾扁四季豆🌌惹味精選一定係呢個四季豆，雖然有好多辣椒，但食落鹹得嚟又夠香，再加上少少辛辣吊味一流🎆紅糖糍粑 +$28🎆糍粑外皮焦脆沾滿花生粉，內裡係煙韌鬼年糕，味道靠碟上的黑糖水，口落好好總括而言，呢間相當唔錯，酸菜魚控可以一試😛

元朗國開左間酸菜魚，我地冇book枱7點幾黎到已經full house，好彩等左一陣就有位！二人套餐好吸引，$300頭有齊酸菜魚、前菜小菜、兩碗飯同甜品，真心抵。涼拌土豆絲好爽口！食果陣覺得好惹味，原來落左蒜蓉，平時自己整都諗唔到可以加蒜，好食好多。酸菜魚好大盆！無錯係盆，真係好大兜，魚肉好大片又好嫩滑，要好小心先夾得起。面頭啲芝麻好香。最欣賞佢落左好多炸過既菇片，索味又香口。魚肉就咁食都唔會咸，加小小湯同咸酸菜，好岩送飯。魚無得揀辣度，我食開譚仔3小覺得岩岩好🥰麻婆豆腐啲豆腐好滑要用匙羹先食到，惹味得黎又唔太咸，又係白飯好朋友。紅糖糍粑等左10分鐘先上，原來係即叫即炸😋其實食完主菜都好飽，但呢個糍粑外脆內軟加埋紅糖醬真係好鬼正，有陣焦香味，我地好飽都食晒。

呢間餐廳之前個位置係元朗出名嘅糖水鋪但停開咗好耐 最近有新裝修已經好留意 今日終於嚟試下呢間餐廳裝修都幾舒服 灰色主調加幾幅中國風畫 位置闊落 我地被安排卡位試咗一個二人套餐＄338涼菜揀咗個椒麻皮蛋；小菜就揀咗口水雞；主菜就要酸菜魚配有2碗白飯；最後就加咗個紅糖糍粑等食物期間就繼續睇下啲裝修環境 好搞笑佢嗰個筷子咗係用粒花生轉頭皮蛋就好快嚟到 佢呢隻唔係嗰種黑色皮蛋係呢種糖心皮蛋透明 配埋尖椒一齊食 好味小菜係口水雞 終於明白點解佢張枱要提供咁大支水 個口水雞都幾辣 食得好過癮 雞肉凍食夠滑溜 正轉頭主菜就嚟啦 遠望見到個店員拎住咁大隻碗已經嚇親 兩個頭盤都已經飽飽哋 不過佢嘅酸菜魚真係好好味落咗好多唔同嘅香料 酸辣係好有層次 忍唔住飲左成碗湯 唔同嘅香料帶出唔同嘅酸辣味道 魚片要一讚係大件冇骨又滑之後要埋紅糖糍粑 熱辣辣 鷹眼絕對要一試煙煙韌韌