牛大人台灣火鍋吃到飽 (偉華中心)

Open Now

Now Closed

疫情無阻大家係嚴寒下打邊爐既決心，假日下晝接近兩點依然好多人攞籌排隊🤫呢度主打台式火鍋，仲要做緊蠟筆小新主題，有得買精品同埋影貼紙相🖍️我地叫左個九十分鐘任食，有啲係去自助區攞，有啲就係要手機落單，值得一讚上菜快同埋無漏單，所以輕鬆根據店員溫馨提示準時還檯😎▪️ 90分鐘午餐吃到飽 - 極上和牛吃到飽 💲198；星期六、日及公眾假期 +$10呀嬤養生濃湯鍋（7/10）有杞子、紅棗、桃膠、蟲草花、蘑菇粒、娃娃菜等，感覺比較清甜，但係又唔會淡而無味😚熟食（7.5/10）🌟鬼馬老油條：酥脆可口另外仲有士林鹽酥雞、真豬小香腸、糖醋甜不辣、牛媽秘製滷大腸等等肉類（7.5/10）上腹五花肉、🌟安格斯特選牛板腱：拍埋一齊立見高下，花紋幾靚，牛味香濃、🌟澳洲和牛M5牛肩卷：油脂比例均勻，入口柔軟😍其他配料（7.5/10）海膽包、芋頭貢丸、竹炭海鮮丸、拔絲芝心丸、特級花枝丸等，種類繁多🤭🌟澎湖花枝漿：口感最為爽彈、章魚珍珠漿、台灣海鮮漿等🌟私房鴨血 (辣)：厚身但依然好滑，微辣惹味🌟寬粉：滑溜帶點咬口、王子麵、新竹米粉等雪糕、飲品（7/10）每人限點一杯既🌟Dreyers白桃雪芭條多款冷泡茶，包括白桃烏龍、

牛大人喺沙田偉華開左分店呀, 幾次經過都好多人呢, li期仲有同蠟筆小新合作, 店內貼左好多小新family公仔打卡位俾人瘋狂打卡📸正呀, 有部即print小新相框嘅機, cashier位show左蠟筆小新聯乘牛大人嘅限定精品>>餐具套裝, 野餐墊, 遮, 環保購物袋同餐具套裝**靚靚**小新嘅粉絲點可以錯過💜. 🥢極上和牛吃到飽套餐Lunch黎牛大人食感覺好抵! 勁涮M5和牛🤤 除左係咁encore牛之外我地仲order左好多款小食. 肉類: 牛板腱, 五花肉, 西班牙豬梅肉碟碟都好新鮮, 驚喜嘅係豬梅肉嘅肉味特別濃, 所以食得最多反而係li款.🥢中辣*牛大人秘方麻辣鍋*Cautions!!!越食越辣架, 皆因鍋內超多辣椒🌶️胡椒粒同香料, 嗜辣嘅朋友go for 中辣都食到流哂汗呀.🥢麻辣鴨血黎牛大人必食嘅item一定係大大件又好味又辣嘅鴨血勁正.🥢新竹米粉飲埋個麻辣湯底實係跟包米粉吧.🥢滷肉飯自己𢳂嘅滷肉飯忍唔住係特多滷肉嘅hahahahah!! 🥢好味台式特色熟食鹽酥雞n炸甜薯n皮蛋豆腐好好食, portion唔會太多所以點都要嗌黎食一解”思鄉”之情嘅😛.🥢鮮牛滑

相信大家對牛大人都好熟識😏，最近牛大人同蠟筆小新合作，店舖內有好多唔同蠟筆小新圖案俾大家打卡😍，仲有小新精品可以買返屋企，其中沙田店仲可以自費同小新影即影即有📸蠟筆小新迷唔好錯過啦‼️🐂極上和牛吃到飽 $208湯底我揀咗牛大人紅燒牛骨鍋🥘，呢個湯底係佢地自家調製嘅，湯底味道濃郁☺️夠惹味！肉類方面個人最中意澳洲M5牛肩卷同安格斯特選牛板腱🤤每一份都會超薄切，油脂分布唔算太均勻但同樣食落好嫩口，牛味重，加上湯底同醬汁配搭超正！🤩佢哋嘅洋蔥牛肉醬加上基本嘅蒜蓉、辣椒、豉油、芫荽，呢個配搭冇得輸‼️自助區域除咗可以拎配料之外仲可以自己整滷肉飯😍滿滿嘅滷肉，鹹度適中，好好味😋必試之選！除此之外，配料亦相當新鮮，冬菇、寬粉同鴨血更係我嘅首選🤩冬菇味道香濃，食落唔會有草青味，寬粉煙韌，配搭紅燒牛骨湯底真係一流🤤飲品就揀咗佢地嘅桂花烏龍，桂花味香濃有解膩👍🏼最後仲食咗玄米茶雪糕作收尾☺️玄米茶味道香濃，相當唔錯！

自從之前食過一次牛大人後，念念不忘，好想再去食多次，原來牛大人同蠟筆小新合作，好多打卡點位。仲可以同小新影即影即有，所以唔好講咁多，即刻去試試！而我地今次就試下最貴的套餐─極上和牛吃到飽試下先。💋醍醐蕃茄酸辣鍋，呢排天氣又濕又凍咁，咁岩見到有呢個新湯底，唔好講咁多，即叫！黎到見到個湯底勁紅，畫面真美，又有唔少蕃茄係裡面，飲落酸酸地，辣辣地咁，喚醒剛起床的胃部，叫左小辣，辣度剛好，唔錯。💋鹵肉飯，呢度D鹵肉飯基本上係必吃的！有鍋鹵肉同白任任裝唔嬲，用黎攝等待食物時間的最佳選擇，鹵肉汁醬汁香濃，肉碎唔會過肥，而且幾有咬口，配埋白飯絕對係一流，但忍住口唔可以食太多，所以食一小碗好了(好似係)。💋魚香皮蛋豆腐，真豬小香腸，士林鹽酥雞，呢度D小食都係唔能夠錯過，首先講下豆腐，佢面層淋左D醬汁香濃，配埋滑滑的豆腐同剛好的皮蛋，口感層次豐富，香腸就細細條咁，又幫你切到一片片咁，配合到擁有櫻桃小咀的我(真的)，而鹽酥雞炸到香脆，味道醎醎地咁，幾好食。💋澳洲M5和牛牛肩卷，牛媽秘製滷牛筋，佢D和牛切到好薄，淥一淥後就食到，食落牛味香濃，幾有咬口，而牛筋方面，滷得幾入味，一咬即開，又幾大件下，幾好。💋西班

好彩打邊爐黎講無人會落青椒（掛），因為餐廳最近同蠟筆小新合作，一步入店內已經見到小新and his friends，今日坐嘅卡位仲有大大個小葵係隔離～可愛い♡𖤐❝90分鐘極上和牛吃到飽❞ (午市$198 + 10%，星期六日公眾假期另加 +$10）邊爐放題食肉為主，餐廳叫得做牛大人牛肉質素當然有保證，依到嘅肉類係兩薄片一盤，牛肩同牛板腱嫩度適中，豬肉雞肉都有幾款選擇，飯後甜品有玄米茶雪糕～邊爐配料種類出奇地多，所以想介紹下值得一試嘅配料！自助配料推介☟NO.3 自家製茶飲 - 多款口味可選，推介白桃烏龍！白桃超微甜而茶味突出，幫手解渴解辣NO.2 拉絲芝心丸 - 係屋企打邊爐都會落街買芝心丸，但依到嘅丸外層更有彈性﹑有更明顯拉絲效果NO.1 寬粉 - 以前打邊爐最尾都係碌烏冬居多，今次試到寬粉原來彈牙又爽滑，bye bye 烏冬～點餐配料推介☟NO.5 私房鴨血 - 鴨血表面滑溜溜，外面薄皮剛好凝固﹑內面軟身嫩滑NO.4 章魚珍珠漿 - 鮮味突出，食厭咗一般丸類可以試試NO.3 蟹籽墨汁漿 - 外面黑蚊蚊夠搶眼，原來裡面仲有粒章魚～整體配搭有驚喜NO. 2 真豬小香腸 - 腸衣滿佈蜜糖

好耐無食火鍋放題啦～知道沙田新開咗牛大人，星期六放假黎試吓先！中午時間黎到，好多人排隊，全場滿座。原來沙田分店特別同蠟筆小新聯乘合作，除咗可以買到小新精品之外，仲有勁多打卡影相位，我仲自費同小新影即影即有，勁過癮！小新迷記得影多啲相～登記後好快就獲安排坐二人卡位，座位好闊落，舒適又寬敞。今日揀咗極上和牛吃到飽套餐，揀好湯底之後用QR CODE落單就得。湯底今次試新味，揀咗藥膳牛蒡鍋，大量芫茜配搭新鮮牛蒡，加埋優質牛腿骨湯底，下火滋補都幾正。另可自取大量火鍋配料、醬料同飲品，推介自家製花茶，清新健康又解渴～必點之選有安格斯特選牛板腱同澳洲和牛M5牛肩卷，牛味香濃又嫩滑，油花同肉平衡得宜，入口鮮嫩帶油香，香甜鬆軟富口感，正。推介以下：麻辣鴨血細嫩滑溜，微辣好過癮；鬼馬老油條金黃酥脆唔會成口油；蟹籽墨魚漿爽滑彈牙，煙韌鮮味；真豬小香腸薄薄一片，彈牙扎實。最後仲送上每人一碗既台中仙草凍，配料豐富，有齊花生、芋園、八寶等，仙草清涼解熱，岩哂打完邊爐食！

有時候心血來潮嘅時候都會突然之間好想食一啲飲食嘅打邊爐，今次就咁啱嚟咗呢一間牛大人台灣火鍋！呢一間餐廳真係好多人介紹，重點嘅喺呢度除咗係任食之外，仲有係好多高質嘅和牛可以選擇！而且性價比超高！仲有好多唔同嘅火鍋配料可以選擇，而且全部都好方便衛生！整體來講都係一間非常高質嘅火鍋店

昨天初八為慶祝開工大吉，工作過後與好友到「沙田偉華中心牛大人分店」打邊爐食個靚靚開年飯，火鍋店四圍貼上蠟筆小新佈置， 好像小新陪你一齊打邊爐，好多打卡點，仲有小新精品可以買，在沙田店仲可以自費同小新影即影即有，小新迷必定要吃過飯加影靚相。這次跟好友來吃「極上和牛吃到飽套餐」，有6款肉類、3款牛媽秘密大腸，牛肚及牛筋和3款海鮮漿任食，每位$198加一服務費，有90分鐘午餐吃到飽。星期六、日及公眾假期加$10，特別日子加$20。老實說我最愛牛大人的湯底夠足料及香濃，這個「牛大人紅燒牛骨鍋」，湯味香甜，牛骨味濃郁，湯底越煲越濃，超正！安格斯特選牛板腱及澳洲和牛M5牛肩卷，兩款都有牛肉味，肉質嫩腍，輕輕一灼，即可入口。牛媽秘製滷大腸不算太肥，沒有腥味，大愛。鴨血必吃， 蛋餃都不錯， 福建燕餃也很好吃。熟食方面台灣腸及甜不辣我也喜歡，其他火鍋配料及飲品都很不錯。其他火鍋配料、 醬料及飲品在自助bar，隨個人喜歡而取， 選擇豐富，並且非常衛生，我最愛他們的自家製花茶，十分健康又解渴。

去食過好多次，以前新開陣時都正常，後邊上個月開始食佐兩次，牛肉上的好慢，仲要哎兩份來一份，諗住哎十幾份，點知一次最多俾4、5份你，一份2、3片。第二次仲要限制最多點10份，但係俾你都係4份。唔似以前好快上，死下死下拖你幾分鐘。自助區都有d垃圾丸仔、蔬菜、即食麵、飯果d可以食飽。牛肉就唔使諗啦。其實放題就係要拉上補下，有人食得多有人食得少，驚人食多就唔好話自己係咩食到飽，你加價我都冇咁嬲，如果大食就唔推薦去啦！

去沙田區探親友又約埋一齊食牛大人尼間牛大人分店同蠟筆小新合作 牆壁玻璃佈置都係小新 好可愛有小新精品可以買 仲可以自費同小新影即影即有今次+$50 轉鴛鴦鍋 揀咗鳳梨雞同麻辣口味湯底我哋最鍾意 澳洲M5 牛肩卷同埋安格斯特選牛板腱肉味最香濃 油脂唔會好肥 係爽口嘅仲有就係最鍾意個鴨血厚切又大塊 同麻辣湯底最夾蔬菜可以到自取區拎 新鮮又擺放乾淨多款丸餃類由台灣直送 熟食之中 鹽酥雞同小香腸都好好味最後仲有仙草凍做甜品 好足料！另外一提 雪櫃仲有雪糕可以自取 但實在飽到食唔落啦

ғᴏᴏᴅɪᴇ ᴛɪᴍᴇ 今次就食咗牛大人好耐冇打邊爐🥺今次去咗牛大人，係其中一間喺香港最鍾意嘅火鍋店❤️‍🔥冇得夜晚堂食，晏晝都要去食😆難得打邊爐就食咗最貴嘅極上和牛吃到飽套餐🥳極上和牛吃到飽套餐($198) 自己都食過好幾次，覺得最好味嘅紅燒牛骨湯👅夠惹味但唔會好辣！佢除咗有得喺出邊拎嘢食，仲可以係手機落order! 建議大家一坐低可以落左order, 再出去拎配料、醬汁同飲品，咁樣一坐低就可以專心食嘢🥰澳洲M5牛肩卷真係好正，好香牛味，脂肪分布都唔錯，雪花好靚❄️🤣大腸同牛筋都好好食😋 仲可以自己整滷肉飯，滷肉同飯一比一，好正😆台灣特色小食就可以試皮蛋豆腐，梅甘酥脆薯同鴨血🥰佢既餃子就覺得冇咩特別！出面嘅配料就推薦大家拎芋頭貢丸同魚腐，魚腐真係大大嚿，又吸滿啲湯底🔥芋頭丸真係好香芋頭味❤️‍🔥飲品梗係飲佢哋既茶，又健康同解膩！最後仲有仙草涷同玄米茶雪糕🍦食到好飽 ʕ •ᴥ•ʔ第一次去沙田分店，仲同蠟筆小新合作，有好多打卡位同精品購買😝呢間分店仲可以自費同小新影相🤩又鍾意蠟筆小新又鍾意打邊爐嘅朋友一定要去！

作為蠟筆小新粉絲嘅我知悉呢個五歲小屁孩🍑要登陸「牛大人」後，已經想到訪多時。但大家都知餐廳有幾受歡迎㗎啦，我同朋友最終幾經辛苦先訂到星期日晏晝食，不過要去到沙田店🙈。店舖內外都見到野原新之助嘅蹤影，簡直係未食食先興奮😍。餐廳好有心機去經營呢次嘅聯乘企劃，小新同其他角色們滲透喺舖嘅每個角落。我哋揀咗極上和牛吃到飽套餐($198+$10假日)，午餐吃到飽分三個級別3️⃣，另外兩款分別係精選嫩牛吃到飽($138)同埋特級安格斯吃到飽($168)。雖然牛肉質素係有唔同，但起碼最平嗰款都有牛食吖。圖中左至右分別為上腹牛五花、澳洲和牛M5牛肩卷以及安格斯特選牛板腱🥩，後面兩款明顯好食啲，平分秋色。以前我食牛大人曾經覺得佢嘅牛肉比較薄同細塊，不過今次完全冇呢個問題，每片嘅大小同厚薄都適中。湯底九選一，我哋要咗台灣濃香蕃茄鍋🍅。我幾滿意佢嘅蕃茄湯，湯頭以鮮茄同其他蔬菜慢火烹調而成，一飲就會分辨得出唔係用茄膏開，味道鮮甜得來帶少少酸，幾開胃呢。個人建議可加多啲粟米，進一步提升滋味。大部份火鍋配料都係喺自取區選取，除咗某幾款由台灣直送嘅餃子🥟，包括瓜仔雞水餃、福建燕餃、高麗菜水餃同台式蛋餃等，食落發現佢哋無論

本黎諗住入沙田踩單車，點知落雨不過因禍得福，俾我地發現左呢間有"小新"的牛大人原來呢間牛大人同小新玩CROSSOVER 餐廳不論裏裏外外都貼滿了小新一家，仲有不理不理左衛門同好多小新同學~（我都係睇小新大架~～) 仲可以用優惠價換購小新的限量聯乘精品呀~ 係門口，仲有一部即影即有的相機，有小新期間限定相框架~牛大人的午餐分為定量的 60分鐘同任食的90分鐘 其實定量的只係肉，無論邊一個餐，丸同飲品係任飲任食的~ 牛大人最出名的當然係湯底囉今次就試呢個台中蒜頭雞鍋入面真係好多蒜頭架，但就唔會有蒜頭既辛辣味， 反而有少少蒜頭的甜味~之前仲擔心阿女食唔慣，但見佢食停，即係好好味囉~HAHA我鐘意去食牛大人，其中一個原因就係佢Ｄ丸啦~我真係好鐘意食丸，仲要超多唔同種類既丸，次次見到都心心眼雖然人地話任食要食多D肉，但我真係好愛食丸呀～而且呢度既丸係放係盒入面，Ｄ 冷氣仲要超勁，感覺好衛生同安心仲要個溫度係剛剛好，唔會雪到成舊冰咁硬，但又唔會出哂水～我最愛食佢既包心麻辣丸，十級正~仲牛肉丸，貢丸 ，魚腐，豆卜，冰豆腐....其實隻隻都鐘意啦~粒雞肉丸真係有雞肉架~ 除左可以係出面攞丸，仲有D火鍋

90分鐘極上和牛吃到飽 $198哼！晚市禁堂食都無阻我打邊爐既決心😤 第一次係牛大人食晏，90分鐘極上和牛吃到飽 ($198) 真心幾抵食‼️雖然食物種類無晚市咁多，但個人覺得貴精不貴多，外面都有大量自助食品，部分仲係台灣直送，全部都好高質😋酸菜白肉鍋十款台式湯底中，第一次試酸菜白肉鍋，算係試過咁多款入面最正最足料的👍 鍋中有海量酸菜、豬腩片，即使其他食物未熟都可以食住先🙊(心急成咁？) 湯底相對地清，幾好飲😋牛大人必點靚肉/小食推介❤️ 澳洲和牛M5牛肩卷❤️安格斯特選牛板腱❤️ 上腹牛五花❤️花雕酒雞件❤️蟹籽默汁漿❤️干貝鮮魚漿❤️台灣腸仲有一人一碗台中仙草凍做甜品🥳 每碗都有仙草、花生、珍珠、紅豆，略嫌有些少甜，但個人覺得還可接受😋PS 牛大人聯同蠟筆小新，係每間分店設計左好多打卡點，沙田店仲可以自費同小新影即影即有📸好可愛呀😊

作為大西北人平時好少去沙田，呢次去搵朋友，佢帶我去左個摺摺商場食牛大人😂，如果無人帶我喺新城市穿黎穿去既話真係唔多識去🙈。呢間牛大人好大，得lunch有堂食所以要等多一陣先有位。企門口等嗰時見到仲同小新做緊crossover ，有唔少products賣😍。Staff帶位入去嗰時仲見到有部機可以印小新期間限定既相框😚。第一次食午市既牛大人，90分鐘極上和牛吃到飽都係$198，星期六、日同公眾假期就加$10，特別日子加$20，另有加一，計番每人$230左右都幾抵食👍🏻。🔅湯底呢次揀左台式蒜頭雞鍋，有半隻雞😋，雞胸就普通，但脾位都幾滑。同埋佢個湯真係幾香濃既雞湯👍🏻。入面都幾多蒜頭味，愈食蒜頭味會愈出😝。🔅醬料呢次特別想提下牛大人既醬料！去開荃灣嗰間醬料位次次都多人所以好快倒少少就走，呢次捕到少人既時候先出黎拎醬，發現有極多款醬！特調既辣椒油加埋手切辣椒又唔錯，加埋蒜蓉同炸蒜正到😍！朋友拎既特調豬肉醬都唔錯😌。好食既醬會令打邊爐既配料好味程度加倍👍🏻。🔅肉類呢次主要都係叫M5牛肩卷同埋安格斯特選牛板腱。M5和牛就肥瘦適中，牛板腱就濃牛味啲。🔅配料自助區好多款野拎，丸係極大粒😂，菜都好新鮮👍🏻