五匠六釜

Open Now

Now Closed

要做得 #價錢親民，又要 #控制成本 同 #食物質素，今時今日嘅老闆真係唔容易🤪 所以我都支持留港消費，等啲小店長做長有😚 呢晚藉着朋友仔嘅介紹，我哋一行六人嚟到位於 #Airside 頂樓嘅 #京川滬餐廳「五匠六釜」試吓佢哋嘅手勢😚都係我大意，竟然冇留意餐廳嘅用膳時間只有90分鐘😅 好彩店員體諒，將我哋入座時間稍為推遲🙏🏼 呢晚係其中兩個朋友仔嘅生日，當然要食得好少少。我哋嗌咗五個主菜加兩個甜品，真係夠晒豐富🤩🐟酸菜魚 - 魚片夠鮮嫩，酸菜湯辣辣地，都幾惹味🤤 不過湯底唔夠熱，可以煮熱啲先拎出嚟會更加好☺️🐟松子魚 - 配上酸酸甜甜嘅醬汁，淋喺酥脆嘅魚柳上面，啖啖肉，味道有驚喜🤩🪿北京填鴨 - 鴨肉同麼麼皮都比較乾身，不過份量都唔少，可以一試☺️🐮孜然大蔥牛肉 - 雖然唔係我鍾意嘅口味，不過對於鍾意孜然味道嘅朋友，佢哋話味道唔錯😚🥬上湯娃娃菜 - 娃娃菜夠晒新鮮，放入上湯一齊煮，口味好清新☺️🍎拔絲地瓜、蘋果 - 呢兩個甜品，真心建議大家唔使試😅 冇諗過員工會擺低兩份地瓜、蘋果，再加兩盤冰水🧊 就叫我哋搞掂佢😅 雞手鴨腳嘅我哋，彈到成身都係水之餘，食物中黐埋一堆😅 糖漿唔夠多，冇咗冰糖脆

🥟🐓五匠六釜🫓🍗週末同朋友行啟德Airside商場, 其實都好多新餐廳，行到晚飯時間揀咗呢間喺6樓嘅京川滬菜🔸 北京填鴨(半）- $168, 外皮香脆，呈現出誘人的金黃色，皮膚光滑且略帶光澤，整體造型優雅，搭配新鮮既蔥段和薄餅，配搭經典。內部的鴨肉則鮮嫩多汁，肉質豐滿。鴨肉與皮之間的脂肪層恰到好處，保持了肉的鮮美與濕潤，層次感十足。🔸醉雞 - $78，醉雞件色澤金黃，表面光滑，淋上醃製既醉汁後更顯誘人，肉質鮮嫩，入口即化，酒香與醬油既味道非常夾，醃製後的雞肉吸收了多種香料既精華，濃郁而不膩。🔸 農家炒飯 $82 - 農家炒飯以當季蔬菜炒飯新鮮爽口，米飯恰到好處地炒至金黃，每粒米飯皆飽滿油亮，散發著隱約蛋香和蔬菜鮮味。這道菜吃起來不單滿足飽腹感，仲有豐富營養&溫暖家庭炒飯味道。🔸糖醋里脊 $88 - 色澤亮麗，黃金色里脊配以紅色酸甜汁，感覺食欲大增，另外配青椒菠蘿洋蔥等配菜令碟上色彩鮮艷。酸甜適中既味道唔會過於膩口，濃稠醬汁，爽脆配菜，軟腍肉塊，恰到好處Airside 商場既餐廳選擇，呢間都算第一/二位了，晚市好多人，建議提早攞票☺️

今日lunch又係Airside 附近搵食，見到呢間lunch超平而且今日咁啱唔使等位就行咗入去，呢間餐廳平時每日都好多人，最少等十幾張枱先入到。入到去發現每個lunch set都只係60幾蚊左右，而且仲係中菜包飯，估唔到上菜勁大碟，味道亦十分之好，另外加$18有杯超大嘅特飲，有檸檬茶或者益力多，勁大杯超滿足。對於呢間餐廳嘅食品非常之有驚喜，估唔到lunch都可以整得咁好食。呢間我一定會推介俾朋友同事食，性價比超高。

啟德Airside呢間中菜好多人排隊，除咗有片皮鴨都有其他東北菜食，大份性價比都幾高。👍🏻可以同屋企人聚餐食😛🔸四川擔擔麵(HK$52)湯底都幾濃郁花生味，有好多花生水同肉碎，面軟硬適中都幾掛汁，同埋都有少少辣味🔸肉三鮮(HK$60)可以揀蒸餃或者煎餃，煎嘅就更加香口，呢一款有齊豬肉蝦仁同韭菜，都幾足料🥟🔸糖醋里脊(HK$88)味道甜甜酸酸，都幾大碟☺️🔸地三鮮(HK$78)蔬菜就嗌咗呢款有齊茄子薯仔同青椒，調味都幾送飯

今日同屋企人出嚟食嘢，佢突然想食四川菜，就到呢一間試吓，嚟到呢一間，環境好舒適，而且選擇都多，而我哋就叫咗以下食物⭐️四川擔擔麵呢個簡直係一個頂級嘅擔擔麵，配料多，而麵條除咗彈牙之外，味道都好濃郁，滿分推介⭐️秘製牛肉麵牛味濃，而且牛嘅部位都非常多，有牛筋牛腩等，完整地鋪滿咗成個面，抵食之選⭐️肉三鮮餃呢款分別有韭菜、豬肉同蝦仁餃子，每款2粒，餃子都好鮮甜多汁，咬落去非常Juicy，值得一試⭐️四川糍粑煙煙韌韌，口感一流，廚師手工了得⭐️糖醋魚片酸酸甜甜，味道調整到恰到好處，令人有種開胃嘅感覺，魚片都好新鮮，食落好爽口

自從啟德airside開左之後，返工食lunch多左好多好多餐廳選擇，但如果要講夠經濟實惠就一定係呢間。 餐廳座位寬敞，有落地大玻璃，景色唔錯。午飯時間都幾多人等位。佢既午市客飯選擇好多，蒸既炒既都有，而且份量十足，餸同飯分開上，一班同事叫幾個餸share黎食都得。臘腸蒸肉餅：味道鹹淡啱啱好，臘腸係半條，個人覺得岩岩好，成個肉餅食完都唔會太鹹。肉質就唔算太彈牙，比較腍。秘製杭州骨：個醬汁係酸酸甜甜，非常開胃，配埋洋蔥，食得多都唔會覺得好漏。排骨份量十足，啖啖肉。

啟德Airside 新開幕了一段時間，多左好多新餐廳。見到好多人介紹呢間五匠六釜，有抵食片皮鴨同好多中菜選擇，專登過黎試下。因為得兩個人用餐，叫唔到太多野食，最後揀左擔擔麵，肉三鮮同片皮鴨半隻 。四川擔擔麵$52 🌶️麵上鋪滿花生碎同肉粒，湯底十分濃稠，花生味香濃，好似食緊麻醬撈麵一樣。四川風味的湯底帶一些麻辣，十分特別，令人一食上癮。麵的份量很多，十分抵食👍🏻肉三鮮餃子 $50 （加$10 轉煎餃）餡料包括豬肉，韭菜同蝦仁。每隻餃子都有一隻蝦仁，內餡飽滿。專登專左煎餃，外皮香脆，咬落仲有juicy肉汁，好好食！片皮鴨 半隻 $168大份抵食，好適合多人share，味道正常西米椰汁流心球 $8/隻（4隻起叫）甜品炸糯米球，內餡是椰汁西米露。食起來香脆軟糯，十分特別🤤見到其他客人叫既食物，全部大大份，熱辣辣。熱炒同小食都相當吸引，要bookmark 下次再試！總括而言，性價比高的中式餐廳，值得一試👍🏻其他收費： 茶位$10 一位

今日在Airside行街，位於6字樓有間叫五匠六釜，主要食中菜，價錢幾给引，一於入去試。 餐廳都算大，六点去到巳坐了一半坐位，食到半路已經要等位，就知佢好嘢。 👉砂窩雲吞雞（半隻雞$158）勁大窩，勁足料，有七粒雲吞，半隻雞，雞肉淋身嫩滑，還有大量菜蔬，湯底清甜。 👉農家炒飯 （$82）都係好大碟，飯炒到粒粒分明，唔會好油及好鹹。 👉甜品西米椰汁流心球（4粒$32）外脆內軟，內心好似食緊西米露咁。 兩人食已經很足夠，還有收取$5位茶位。

五匠六斧取其諧音為五臟六腑，工匠係對手藝專業嘅謂稱，餐廳以現代手法演繹中國傳統菜式～餐廳裝修行簡約風，主打舒適空間感為主，有落地大玻璃，環境開揚👍🏼🥗小熊貓同朋友叫咗海蜇青瓜做前菜，海蜇新鮮，口感爽脆，青瓜清新，係好好嘅開胃前菜～🦆北京填鴨份量算多，好多鴨肉片，燒得好靚，皮脆肉嫩～ 同青瓜，京蔥，甜醬包住一齊食，倍感滋味🌟 黃金南瓜師傅將鹹蛋黃炒到起沙，再包裹住南瓜條～ 又鹹又甜嘅口感好得意，食到外脆內軟😋

呢度嘅環境企理舒適 雖然客人好多 但上菜時間都好快晚市建議訂位 如果唔係等位時間都有啲耐北京填鴨（半隻）皮脆肉嫩 油香十足 用麼麼皮包埋蔥絲同青瓜絲半隻大約有廿幾件 除左片仲有鴨肉 唔會咁肥膩呢個價錢真係無得輸 必須要嗌麻辣魚皮魚皮勁爽口配埋麻辣調味夠惹味 加入青瓜絲蘿蔔絲 真係停唔到口蔥爆牛肉牛肉嫩滑軟腍 大蔥洋蔥夠濃香 配白飯一流肉三鮮餃每隻大大粒都好飽滿 食到有蝦仁、豬肉同韭菜仲可以揀湯餃或者煎餃脆炸鮮奶呢道甜品真係以前去飲先食到 唔係好多地方有外皮金黃香脆 入面就奶香軟糥 又唔會好甜

📢啟德係一個新發展潛力嘅地方，因此好多食肆同店舖都會進駐這裡，例如呢一間比較價廉味美嘅中菜館，真係唔少人幫襯，始終有民居遷入因此有一定嘅吸引力🧲.———————————————————————————🥢京燒羊肉💬幾出色，與脆皮牛腩有著相同嘅效果，鬆脆嘅外表包住味濃嘅羊肉，口感非常😋.🥢手工水餃🥟💬點咗京蔥羊肉同韭菜豬肉餃，喜歡煎餃多過湯餃，香口啲可以食多幾粒😋.🥢糖醋里脊🐷💬都係家常便飯菜式，相信一定會喜歡甜酸汁嘅菜式，送飯唔少得🤓.🥢煎薄餅🍕、糍粑、紅油抄手💬點咗幾款京川滬民間小吃，要飽肚就食少少麵粉嘅食物，鹹甜辣同樣有水準 。

見到啟德體育園開幕，就去左啟德行下，喺Airside搵到有間京川滬菜館，主打北方同四川菜，啲味道幾正宗，價錢亦都合理。四川擔擔麵 $52呢個價錢嚟講真係好抵食。麵條煙韌，湯底非常濃郁，帶少少花生香氣同埋微辣，啱啱好唔會太辛辣，仲有啲肉碎提味，簡單但好滿足。泡椒田雞 $98呢個真心推介。田雞肉質非常嫩滑，完全無腥味，醬汁濃郁得嚟又唔會過鹹，泡椒嘅酸辣味好開胃。配埋啲萵筍同雲耳，令成個菜更加豐富，有脆有嫩，口感一流。蔥爆牛肉 $86牛肉炒得嫩滑，仲好有鑊氣，嗰陣香味勁似乾炒牛河，簡單又夠惹味。百香鮮檸茶 (700mL) $28呢杯真係超級大杯，百香果嘅香甜同檸檬嘅清新味道完美結合，酸酸甜甜，非常解渴，價錢仲要平，真係冇得輸。

Blingbling美食推介✨📍啟德🦆五匠六釜正正啟德東北菜‼️‼️💠💠💠💠💠💠💠💠最近啟德好多新發展，所以有時間就黎行下~ 見五匠六釜超多人排隊，所以就入去試下~💠北京填鴨 (半隻) $168(跟一份摩摩皮約20塊)片皮鴨一直都係我既最愛！所以黎到五匠六釜見有北京填鴨真係shut up and take my money😂果斷叫左半隻！皮脆肉香！！鴨肉好滑，而且有肉汁！唔會鞋同乾~ 正正啊！摩摩皮都唔un唔乾！用黎夾鴨剛剛好🩷💠砂鍋雲吞鷄煲 (半隻) $148另一樣我好鍾意既東北菜就係砂鍋雲吞鷄‼️有得飲鷄湯之外，仲有吸收曬鷄湯既雲吞！好滿足啊！岩曬天氣凍既時候補補身🩷同埋to my surprise, d鷄肉都唔鞋，正啊🩷💠四川擔擔麵 $52擔擔麵係好多東北餐廳都有既菜式！不過有時會煮得太淋，or湯底好鹹！不過五匠六釜既擔擔麵花生味濃，唔鹹，而且麵都煮得岩岩好，不過對於我唔係好食得辣既人黎講就有少少辣~ 但係太好味我都忍住食左好多😍餐廳環境：🩵🩵🩵🩵🩵/5服務質素：🌸🌸🌸🌸🌸/5食物味道：😋😋😋😋😋/5 性價比：💰💰💰💰💰/5五匠六釜📍啟德協調道2號AIRSIDE 6樓L602號舖#bl

今晚同豬去咗啟德商場airside行街😚見到有間食川粵菜既餐廳🍴價錢合宜，加上不少人等位，相信一定好好食🤤等咗一陣間位，好快入到去食🙂餐廳🍴環境大，座位算幾舒適，裝潢以簡約路線為主，周圍亦以各種盆栽作點綴🍀並以QR code 點餐😆家常餅原來係蔥油餅😍家常餅餅底厚身幾鬆軟，外層少少酥香，加埋蔥油味真係剛剛好，誘人既油蔥香實在令人難以抵擋🌝脆炸鮮奶即叫即炸，每嚿都熱辣辣😍 好重奶香味，炸得金黃脆身，不油膩，味道唔會好甜，四嚿炸鮮奶同樣好食😋肉三鮮餃🥟第一次見呢款餃，當中有豬肉，韮菜及蝦仁，一共8隻大大粒既餃子，蝦仁🦐亦相當大粒，味道不錯👍🏻🥟京蔥羊肉餃🥟唔係好多餐廳有羊肉餃子🥟當然要一試啦🤩同樣8粒大餃子呈現，每粒餃子都非常足料，少少羊肉酥味，但絕對可以接受😎秘製牛奔麵牛奔麵好似台灣牛肉麵，牛肉湯底好濃郁，牛肉煮得好淋且入味，麵質🍜爽口彈牙，加埋加底$4，份量真係好多🤭茉莉花香水檸檬茶滿滿清新茉莉花味，再加上香水檸檬嘅獨特香氣，雙重清爽，令茉莉花茶既鮮香更容易散發，茶香回甘😌由於餐廳真係好多人等位，加上星期五-日係有中限時90分鐘用餐，絕對建議先訂座，咁樣體驗會較好🥰

餐廳位於啓德Airside商場六樓，星期五晚食客人頭湧湧，餐廳主打京川滬式料理，菜式款式多樣，價錢亦都幾下貼地，坐窗邊可見到夜景燈飾。肉三鮮餃餃子餡料飽滿，隻隻都脹卜卜，真做到皮薄餡靚，特別推薦肉三鮮餃，豬肉和蝦肉配搭和諧，食落味道好出，醬料有醋和辣醬可自己沾點。秘製牛奔麵牛腩炆得好腍又好入味，牛筋口感軟熟同時咬落有韌勁，麵係幼油麵，軟硬適中亦掛湯，配以兩條大白菜，性價比不錯。涼拌土豆絲土豆絲口感爽口，食落有魚露和麻油既香味，味道不錯既開胃菜。醉雞醉雞份量都唔少，食落都有鮮味，肉質鮮美，調味剛剛好，有淡淡既酒香味和甜味。脆炸鮮奶有得揀即上或叫起，炸鮮奶外層酥脆香口，內裹既鮮奶饀甘香純厚，有濃郁既奶香味，外脆內軟，層次感十足。