五匠六釜

Open Now

Now Closed

今日約咗朋友去airside食晚飯，好彩早咗入去，唔使等位。因為之前見到有人食北京填鴨，就想試下，所以今日必叫。- 北京填鴨 (半隻)賣相都幾好，不過唔係全部都係鴨皮，係皮連肉，冇咁油膩。夾埋餅皮，配菜一齊食，好正。餅皮會好快凍咗，一定要快食。- 黃金南瓜好多咸蛋黃醬，包實南瓜，外脆內軟，又有流沙既口感。- 避風塘大蝦有少少辣，鑊氣十足，好惹味。啲蝦新鮮彈牙，外殼炸到香脆，可以連殼一齊食。食咗太多重口味野，所以一人叫咗一杯鴨屎香檸檬茶，味道清香，中和下啲味道。小菜味道好好，份量足，不過2個人share食，真係飽到有啲辛苦，下次要約多幾個人一齊食。有啲位冷氣太大，坐坐下會凍，同埋食物凍得好快。

餐廳選擇都多款式，而且座位比較多，見到好多人排隊但都唔算等得耐👍🏼😳經過都可以試一試，仲有北京填鴨食，不過今日想食辣就冇食到麻辣海蜇頭 $75辣🥵得黎好過癮，仲有啲青瓜🥒配搭，海蜇頭都比較爽口，作為前菜岩岩好，仲可以配飯一齊食京燒羊肉 $138未食過😳😳原來係出名既名菜，炸至金黃色，外皮酥脆，裏面炸透👍🏼👍🏼👍🏼，所以肉就脆同爽口，又有羊味，不錯不錯水煮牛肉 $118個碗好大🤣🤣有少少嚇親，份量非常多，食落就有少少辣🔥 牛肉味道濃而且好好咬，入面仲有雲耳，娃娃菜同粉，粉撈埋辣油同牛肉真係⼀流，愈食愈想食🤭🤭檸檬益力多 $28🍹估唔到呢到都有特飲😂食得太辣一定要叫返杯，味道正常益力多味，性價比非常高五匠六釜 (九龍城)九龍城啟德協調道2號AIRSIDE 6樓L602號舖

羊肉勁咸粉皮好似食緊膠 麻醬冇味雲吞嘅話 食翻灣仔碼頭會開心啲；雞絲粉皮個醬好似水咁，淡而無味，都唔知自己食緊腸粉定係食緊塑膠飲管； 蔥爆羊肉非常之鹹; 雲吞雞淡而無味, 陣間餐廳無論氣氛及衛生同茶餐廳一樣水平. 餐廳環境亦都非常嘈吵, 片皮鴨非常乾，一點也不鬆脆. 枱與枱中間距離亦非常窄.整間餐廳衛生狀況非常一般, 餐牌非常有又發霉, 紙巾盒亦非常骯髒，在這個商場裏不缺乏更好的選擇.價格便宜，但係食物質素真係唔得。稻香同埋六吋商場嘅酒樓可能仲好食.希望餐廳加油進步.

之前去開airside食野見到呢間中菜長期人山人海，一直都有啲興趣，難得今晚約左朋友係附近，就入去試下未揀野食之前見到餐廳有好多特大杯嘅特飲，天氣咁熱，未食野就叫左杯足足700ml嘅鴨屎香檸檬茶 （$28）口水雞 $78超多芝麻嘅口水雞，入口麻麻辣辣，幾香口，不過肉質稍為實淨左少少，要啲咬口泡椒肥腸 $98份量頗多，肥腸處理得幾好，冇乜膻味，除左肥腸，仲有雲耳同萵筍做配菜欖菜肉鬆炒飯 $82炒飯炒得幾乾身，欖菜味道唔算突出，但唔知點解會有三色豆😂📌五匠六釜 (九龍城)地址：九龍城啟德協調道2號AIRSIDE 6樓L602號舖評語店員友善好客食物性價比高🐵推介🍌🍌🍌🍌🍌（5🍌為滿分）

呢間中菜餐廳好多人等位，菜式份量都幾多幾抵食，最多人order 北京填鴨及酸菜魚，餐廳仲跟得好貼，有鴨屎香檸檬茶飲～半份北京填鴨（$168）都有好多片，有皮亦有肉，而且摩摩皮俾到好足，鴨皮光澤，口感夠脆，呢個價錢嚟講係幾抵食～酸菜魚（$198）用咗鱸魚，大片又厚肉，湯底酸甜帶點微微的麻及辣，入面有酸菜、薯粉菜，蘿蔔片等等～四川擔擔麵（$52）麵底都幾多，口感幾滑幾掛汁，好香花生味，但湯底唔會越食越膩～

Airside餐廳的物價都唔平，睇過幾間餐廳之後選左呢間試下。在星期五晚的情況下，餐廳都幾滿座，餐廳位置都多，等左一陣就可以入去食了。片皮鴨（半隻）$168半隻來講份量都幾多，多鴨肉，而且都多摩摩皮，應該有成20塊，都可以夠3-4個人食，配搭有青瓜同大蔥。四川擔擔麵（$52）基本上食親上海菜，我都會叫碗擔擔麵，呢間的擔擔麵較重四川麻辣味，花生醬味較淡，麵質似上海麵，份量都幾大碗。西米椰汁流心球 $8/件（四件起）呢個有驚喜！熱辣辣脆炸的表面，波波一咬會爆汁，除左椰汁之外，真係有一粒粒的西米，甜而不膩。而家好興食檸檬茶，見到呢間都有推鴨屎香檸檬茶，下次可以試試

餐廳: 五匠六釜地址: 啟德協調道2號 Airside 6 樓 602 號舖每次經過五匠六釜，總見人頭湧湧，餐廳外面有很多人等位，今日星期一，放工即去食個早飯。❤️北京填鴨 (半隻)(跟一份摩摩皮約20塊) 鴨皮酥脆，鴨肉鮮嫩多汁，唔會有太多肥膏，摩摩皮煙韌有咬口，配合青瓜、大蔥及甜醬一齊食，特別有風味。❤️秘製牛奔麵份量十足，有牛腩及牛筋，牛腩炆得很腍和入味，牛筋超軟滑，膠質極度豐富，湯底很濃郁，但不會覺得肥膩，麵條彈牙，味道不錯。❤️西米椰汁流心球 新鮮熱辣，表面有西米粒，卜卜脆，一咬下去就有流心的椰醬，軟軟糯糯，不會過甜，非常好味。餐廳環境光猛，地方夠大，價錢公道，值得一試！#五匠六釜# Airside#香港美食

因要相就家人， 姍姍來遲的父親節飯，有次放工打算逛一逛附近商場，發現這間店名玩食字的中菜，牽起了我的興趣，於是上網查看，見食評不俗，就提意來這食父親節飯，地點也相當方便。帶位入座後始覺雖然是中菜，但原來是沒有大圓枱的，一行9人，6大3小就有點措手不及（有兩架BB車），而店員對於這情況已早有經驗，將卡位和另外一張小圓枱合併，勉強湊出一張長型飯枱，入座後店員急急主動詢問要否先下單招牌菜式片皮鴨；心想難道這是個溫馨提示？！二話不說就說好的（果然用手機下單時發現已售罄）🤔🤔🤪🤪整體不俗，但松鼠魚確實不及在蘇杭旅遊時味道，而炸鮮奶令人驚喜😋😋👍🏻👍🏻，放置了一段時間才品嘗依然外脆內軟，可惜忘記了拍照，而飲品 鴨屎香檸檬茶，又是叫了數杯後告知已沒有要要選另一款，家人選了檸檬益力多，覺得也很好飲，由於長型枱又太窄身，都只能要互相幫忙夾餸，影相傾談都有點困難🥲🥲價錢方面性價比高，平民得來高質的中菜，可一嘗再嚐😋😋😋😋（以上並無使用任何優惠，餐廳亦沒有提供折扣和贈食，純粹普通小市民食客光顧）

餐廳裝潢走簡約路線環境寬敞舒適主打京、菜、滬菜，保留傳統的烹飪技法，同時加入創新元素。北京填鴨 (半隻)鴨肉鮮嫩肉滑，外皮金黃酥脆，味道濃鬱。搭配特色的甜麵醬、蔥絲、青瓜絲等，吃起來風味獨特，餅皮如有隔離紙會更佳。螞蟻上樹(1辣)粉絲口感滑嫩彈牙，使用大蒜、生薑、辣豆瓣醬等調味，加入免治豬肉，粉絲吸飽了肉汁和醬汁。豆角燒茄子茄子帶有淡淡的甜味，再加上豆角的爽口，整體的味道層次分明。檸檬益力多 （左）微微的乳酸風味，結合檸檬的酸味，味道酸酸甜甜，十分清新。鴨屎香檸檬茶（右）味道酸中帶甜，結合了茶葉的芳香，清爽可口，適合炎熱的天氣飲用。

北京填鴨 半隻（$168）份量多，有皮有肉，皮微脆，肉OK嫩（係胸位無咁嫩）。餅皮講明有20塊，薄身，但偏糊，較難搣開，好易兩三塊痴埋一齊。青瓜條及京蔥稍為少咗啲。二食：青紅椒炒鴨架（$60）份量超多，而且唔係得啲骨，好多肉痴住。味濃，惹味，但差少少鑊氣。醉雞（$78）花雕酒酒香微甜，雞肉嫩，都叫做入味，食到少少酒味。京燒羊肉（$138）香脆，肉有羊騷味（咁先似食緊羊），肥膏唔多，味道不錯。清炒萵荀（$78）份量足，清爽。PS：用餐時間90分鐘。另收加一服務費。

今晚晚餐選址啟德港鐵站上蓋的新商場Airside，食京川滬菜《五匠六釜》，6樓平台花園對出就係，地方算寬敞吾迫狹。揀咗醉雞、蔥爆牛肉、鮮椒紫蘇田雞鍋和甜品脆炸鮮奶。差唔多每枱都叫嘅招牌菜醉雞，份量足夠而且入味好食，雞肉彈牙爽滑有酒香，淨食都吾會太咸。蔥爆牛肉味濃肉香，每塊牛肉和京蔥均勻地沾滿了醬汁，送飯一流。田雞鍋選用肥美田雞配同青紅兩色椒絲爆香，又脆又嫩。甜品嘅脆炸鮮奶好香奶味，外面炸得很金黃但不油膩，味道不會太甜，就算吃得飽但都食得落！順帶一提，餐廳有出特飲，主打嘅鴨屎香檸檬茶值得一試。

同朋友放左工行下啟德新商場airside，揀左間中餐廳食，八點半去到竟然都仲係座無虛席，好有人氣!醉雞 $78叫左個前菜開開胃，份量好足，有一半都係雞脾! 雞肉嫩滑，酒香但係無太濃，味道啱啱好!北京填鴨（半隻）（包一份摩摩皮) $168 份量都係好足，兩個人食足夠有餘! 半隻鴨肉飽滿，皮脆肉嫩，有水準! 摩摩皮都夠薄，包埋啲肉同配菜食好正! 蝦皇娃娃菜 $98 菜譜見到有鮮蝦所以決定嗌佢，都不負所望! 鮮蝦肥美，娃娃菜吸收曬鮮醇濃郁的湯汁，回味無窮 !整體黎講菜式份量十足，又有好多選擇，值得推薦👍📍五匠六釜啟德協調道2號 Airside 6 樓 602 號舖

今日假期同老公去啟德Airside商場行街，呢個新商場都幾多野行，食店都好多選擇，最終揀左五匠六釜食晚餐。假日關係，全場爆滿，拎左飛後仲要逛陣商場，先有得食。環境企理乾淨，食物質素非常不錯，不過餐廳食客比較多，所以上菜比較慢，不過難得假期唔緊要，可以慢慢食，傾下閒計，過了一個愉快的週末原本打算叫鴨屎香檸檬茶解解渴，點知售罄了，下次有機會一定要試涼拌木耳 $48涼拌木耳爽口微辣，開胃涼菜地三鮮 $78炒薯、青椒、茄子三款都是我喜歡的蔬菜類，好入味辣子雞丁 $86辣子雞丁炒得好有鍋氣，個人覺得比較辣，鍾意食辣嘅人一定好鍾意家常豆腐 $78豆腐口感幼滑，帶點微辣，味道惹味，送飯一流白飯 $12

去啟德Airside出完job 又攰又肚餓 決定嚟一個平靚正簡約晚餐 安撫一下五臟六腑😜 -🎋亁煸四季豆呢個小菜係我嘅all-time-favorite 豆條乾身而且翠綠爽口 肉碎吸收醬汁 味濃不過唔鹹 撈飯🍚食好正-🥓回鍋肉紅油望落好多其實肥膩度非常ok 豬腩肉片少少肥少少辣 鹹香耐嚼 配爽口椰菜🥬燈籠椒🫑紅椒🌶️ 味道豐富-🍎拔絲蘋果實在好耐冇食拔絲甜品‼️ 竟然有兩款揀😍 夾嘅時候有些少黐住隻碟 正正因為咁樣 將拔絲蘋果放喺冰水🧊嗰種儀式感 更係唔少得😁 冰糖脆片甜絲絲 蘋果開胃有助消化-📍五匠六釜啟德協調道2號 Airside 6 樓 602 號舖

聽好多講話啟德商場好靚，有好多好好食既餐又有平台可以打卡。今次帶媽媽黎試下先，見呢間餐廳出面排曬長隊😆入面雖然好大但都唔夠坐，個裝修比較優雅，以奶油色為主，以簡約為主，覺得好舒服。排左一段時間終於入到去就簡係快快脆脆叫下d食物先啦，估唔到上菜都幾快下，不過物有所值。不過呢度d侍應真係好忙，可能好多人捧場太忙，要叫多1-2次先得，係情有可原既。我見佢地個menu有新推出既特飲--雅屎香檸檬茶🍋見都幾大杯，下次黎幫親要試下先🌟京燒羊肉 $138個分量都好多，上面想整到脆脆卜既羊皮，入面既羊香好香，唔會有好大既羊騷味，d羊肉燒到岩岩好，鹹香鹹香又帶點辣🌟燒茄子 $75我一直都好重意食茄子🍆今次見隔離台都有叫茄子見個樣好好食，特登叫黎試下先，d茄子撈左d豬肉碎炒咪係好香口，仲要裹滿d醬汁，送飯真係一流，超樂惹味🌟秘製牛奔麵 $58比上面既牛奔嚇親，好足料，有牛腩，牛筋等🍜煮到好淋而d牛筋就彈牙可口，個面嗦曬d湯汁，又香又煙韌🌟西米椰汁流心球 $32出面係好脆又糯，上面仲有炸左既西米，入面係流心，好濃郁既椰汁同咪西米🥥唔會好甜，椰香味濃