麺屋武蔵虎洞 (青衣城) (Closed)

冇得去日本，但又心掛掛想食沾麵可以點， 咁為食的我緊係有方法嘅就係上網 search 😆，比我見到好多人介紹虎洞🙂咁就來買外賣回家同仔仔食啦！呢到又唔錯喎外賣可以叫 網上外賣平台， 咁下次我唔洗親自來買了。回到家肚餓的仔仔好積極幫忙打開哂d 食物，佢好好奇點解d 拉麵冇湯 😝我話紅色和黑色果兩碗係沾汁， 今晚我地食沾汁麵呀！佢都係 O 咀望住我， 咁我緊係出手教成點食啦！食左第一口後佢已經沒有問題再我問😏，因為已經密密沾麵來食了。🤭🤭🤭🤭✡炸雞 ～ 炸雞點他們的沙律醬幾好食，因為佢地沙律醬係加左小小芥辣落去，所以炸雞點一點就已經好夾，而且雞肉入面夠滑。✡和風蘋果沙律 ～ 夠新鮮爽脆有沙律菜，蘋果和火腿條。✡叉燒沾汁麵 （黑虎）～ 黑蒜味幾濃， 有兩片叉燒， 呢到拉麵超掛汁，所以仔仔自己不斷食。✡叉燒沾汁麵（赤虎）～紅紅地小辣汁底入面都有小小肉碎，用拉麵沾來食夠哂惹味。

依家疫情關係少左係街食飯前2日一時興起想食沾麵 就去買啦買緊既時候俾我發現原來網上外賣平台有得外送😱下次一定要醒水啦.因為係沾麵既關係 就算我拎到返屋企個麵都唔會淋晒揀左白虎同黑虎 白湯同黑蒜油豬骨湯濃得黎唔會好咸 沾完湯既粗麵條好彈牙‼️薄切叉燒同溏心蛋好夾 沾少少湯食已經好好味～.我本身唔係好喜愛煎餃子🥟怕太油同皮會硬但呢個餃子真係出色 點少少醋食味道更突出皮薄餡靚 好足料 煎得岩岩好唔會太乾身.蘋果沙律賣相吸引 除左蘋果 仲有火腿條 青瓜 沙律菜 薄脆當前菜/食完沾麵中和返味覺都很不錯。

疫情期間不可以去旅遊，但係要清公司假期，朋友同我都鍾意食日本沾麵，佢買咗兩個上嚟一齊食，然後一齊去行山。兩份都係沾麵套餐，「白虎汁」比我，「黑蒜汁」就係佢自己；仲加咗小食炸雞同餃子，兩罐可樂。「白虎汁」有濃厚豚骨味，「黑虎」就有濃香蒜頭味；麵條比較粗身，有咬頭，非常有掛湯能力，我哋兩個都話好好味。炸雞嘅脆漿做得非常鬆化，雞肉好Juicy，點埋佢超好味帶微酸嘅白汁，非常開胃惹味。日式煎餃子🥟亦都皮薄餡靚，加上蔥花，沾上日式酸醋汁，好味。外賣包裝得非常好又有系統，食得好方便，估唔到叫沾麵外賣都仍然咁好食😋，要讚👍。朋友話網上外賣平台都可以訂到呢間日式拉麵外賣，有機會試吓先。

麺屋武蔵喺日本拉麵界享負盛名，除麺屋武蔵外，更設有虎洞及武骨今日嚟到青衣城呢間麺屋武蔵「虎洞」，一般唔駛等位，自從疫症以嚟，最後一次去日本已經系三月嘅事，當思念嘅時候就食d日本嘢懷緬一下雙色薯餅正在兩隻味唔會膩主菜沾麵有三種口味魚介豚骨湯「白」、蒜香蔬菜豚骨湯「黑」、辣味豚骨湯「赤」沾麵的麵條通常都會比較粗，麵條相當彈牙要重複咀嚼好幾次先咬斷，但唔系果種煮唔透嘅硬，真系超級q魚介沾醬味道相當濃厚，鹹中帶有鮮味、甜味，有一股很濃嘅柴魚味道，沾醬裡面仲有筍絲&肥豬肉，魚介豚骨沾醬配麵條相當好味，這q彈麵條配濃厚沾麵魅力令人無法擋，濃郁嘅魚介豚骨湯頭不斷衝擊味蕾食沾麵嘅時候要注意麵條不要放在沾醬當中太久，主要因為沾醬系熱，但麵條系凍，如果放太耐口感會變差#以上食評乃個人意見，不喜勿插

一直都超鍾意食拉麵，疫情前經常喺日本食，比較少喺香港食，但係從今年二月中開始就未去過日本，咁呢幾個月就多咗喺香港食拉麵。今日經過呢度，記得佢初初開嘅時候嚟過一次，今日再嚟重溫一下😁佢平日有午市套餐，叫咗黑 豚角煮拉麵， 5分鐘左右就嚟到。賣相幾好，大大塊豬肉，仲有綠色嘅菜，初初以為係韭菜，原來係菠菜，配埋黑色湯底，顏色襯得幾靚。飲一啖湯，有鹹鮮味；豚角煮幾焾幾有豬肉味👍，連啲菠菜都好食。拉麵味道亦都唔錯，總體有進步，比我預期好😋午市套餐仲有小食同飲品，小食要咗炸雞，幾好味幾Juicy，飲品就叫咗巨峰梳打，裏面有啲提子味嘅蒟蒻，亦唔錯。全部唔係頂級味道，但水準遠超我預期，滿意的😋

青衣城裡面的選擇不算多，要吃日本菜的選擇更少。這一家還沒試過的，就試試看吧！估計全店有大概30－40個座位，奇怪的是公眾假期的下午時段只有1位店員打點一切。由帶我們入座開始，到點菜，上菜，收拾餐桌，以及結帳都由她主理。真的辛苦她了，但我還是希望效率可以高一點。我叫了個豚角拉麵，果然色澤與味道 不能相提並論。麵卦湯力強，每條麵都充滿湯汁。豚角煮好軟腍，肥膏位溶化，入味。流心蛋做得出色。朋友的豚肉湯底叉燒拉麵屬普通，沒有什麼驚喜，而且當中有麵條黏在一起了。小食比較好吃。炸雞的沙律醬加了點酸酸的調味蠻好的，煎餃子好掂，皮薄餡料多，充滿著香蒽味道，讃！

很久已沒有到過青衣城了，面目全飛，看看便隨意走進這食店去。先來一個較傳統拉麪，看看麵質一般，味道可以，入口有驚喜，是熱騰騰的，增加了食拉麵的樂趣。因湯上有一層簿油，故可保温。件豚肉很大塊，入味但不太鹹。另一番茄拉麵亦是熱騰騰，原理也一様，入囗味道不錯，沒有茄汁味，豚肉雖瘦，咬下不會有渣。雞旦當然亦是中上水平。炒雜菜，正常水平，少油。露筍牛肉卷，亦都是正常水平。總体食物為中上水平，拉麵原來有七折，都幾底，可以再吃多次。

本日出省吃好料在商場中走了個圈最後回到這家虎洞波菜芝麻醬沙律$32波菜十得合到好處 剛好的熟度嫩綠的菜子和口感配上香濃芝麻健康好吃明太子薯仔可樂餅$45裡面不只有明太子顆粒還有粒粒的薯肉身為薯怪的在下吃得非常開心露荀苗牛肉卷$45爽口清新的露荀苗啊平常不多吃得到燒肉汁淋面帶出牛肉的野味蛇餅腸腸$58這不是原名啦只是在下硬改名 誰叫它的名字不好記這相信也是虎尾拉麵裡面那條如果剩吃腸可能會太濃味最好還是得配點菜或拉麵吧這裡服務態度好店員勤加茶又有禮

Lunch time 去青衣城食，呢間拉麵好多位，有啲擔心中伏。不過，原來幾好，$80個lunch, 仲有幾款小食選擇。餃子煎的香，又有肉汁，好味主角 叫咗赤豬肉拉麵，糖心蛋一流，豬肉片夠彈牙。不過，赤湯底唔夠辣，比較普通。拉麵分量啱女仔，但男仔可能唔夠。可以免費叫特飲非常好😆

響青衣行開街，突然想食拉麵🍜見到依間，就同友人入去試下啦一人一碗麵，我試沾麵，友人食拉麵🍜同埋叫左兩個小食，一個係魚子蛋卷🍳有驚喜，可能熱食同埋肚餓關係，食得好滋味再黎就係友人碗拉麵🍜啦，最特別係條腸🤣因為好長條，超出左個碗出面，友人就覺得還可以啦唔係話好出色，湯底都唔錯嘅之後，我地另一個小食係比目魚燒黎嘅，不過唔記得係點整，本人都覺得唔錯友人就覺得一般般終於，到我碗沾麵啦麵量麵幾多，同埋睇到menu介紹，麵條係較特別，有坑紋響上面，可以掛多啲湯，食落口感幾得意同彈牙不過我嫌湯唔夠熱，熱得會好味好多，成日覺得麵食係熱辣辣先好食😋之後有試叫店員加湯，不過頂唔順有啲咸🤔

推薦指數: 🤩🤩🤩黑武骨角豚拉麵+餃子 （lunch set) HK$78Lunch set 包一碗拉麵、小食同一杯飲品。黑武骨角拉麵，湯底黑麻油豬骨濃湯，湯頭未係好濃稠，但豬骨麻油味頗香😃一大塊五花腩豚肉，肥瘦層次分明！一啖拉麵一啖厚切豚肉，滿口油香😚拉麵煮得岩岩好，幾彈牙，唔會過腍😊拉麵仲有隻溏心蛋，食拉麵一定要配番隻溏心蛋先perfect 💕個套餐仲可以自選小食，我揀左餃子，餃子🥟煎到香脆，配埋香醋汁，好好食。整體份量不錯，味道都幾好。但如果湯底再熱啲同濃啲就更好😁但成個lunch set都算幾抵食嫁🙌🏻

「特盛豚角燒帆立貝沾汁麵🍜」用粗麵 冷麵熱湯 但舊肉有d膩😣「虎尾拉麵🐯($78)」係由一條好長嘅腸做虎尾 🐰小編第一次見到咁嘅拉麵😂「豚肉小碗飯🐷($42)」有驚喜！豚肉烤到焦香😳💕抵食！「胡麻菠菜沙律🥗($32)」有wasabi同麻醬香味 小編幾鍾意- The Pork Belly and Grilled Scallops Tsukemen🍜 ($98) The Tora Tail Ramen🐯($78) is a ramen served with a long sausage. I have never seen sausage ramen before😂. The Mini Pork Don🐷($42) is surprisingly good! The charcoal-grill pork is aromatic and savoury😳💕. Compared to ramen, it is more affordable! The Sesame Spinach Salad🥗($32) is rich in wasabi and sesame fragrance. I l

同阿女去完青衣城出活動，佢話想食麵， 行過見到有呢間虎洞拉麵，有一款「珍珠沾汁麵」，阿女見到張poster有粒粒珍珠即刻話要食, 反正唔洗排隊，價錢又合理一於試下啦！珍珠沾汁麵係用豆乳加大量鰹魚製成，加入30克珍珠，非常創新。店員話因為日本依家興飲廿珍珠奶茶，所以創作左依款沾麵！沾麵用左粗麵，旁邊有一碗鰹魚珍珠汁，一碗白色既豆乳奶露，店員話先沾鰹魚湯食拉麵，食完後可以加奶露落個湯底度飲，都幾特別喎！成日覺得鰹魚湯底好鹹好濃味，但加入豆乳變得香甜好多，好fresh好清新！加上蔥油雞，好滑好冰凍，仲有成5-6件去骨雞件，好足料！整體上味道好好 亦好岩小朋友食，唔過鹹，職員仲好貼心咁幫我把蔥油配料另上。阿囡好鐘意食d珍珠，仲自己加豆乳，好好玩咁。另外點多個新登場既「魷魚海老棒春卷」，一客3條長春卷，個皮唔夠脆，有少少淋左，但入面有蝦有魷魚，味道都幾鮮幾香口，整體還可以，但3條$39就有少少貴。簡單同阿囡撐枱腳，最怕叫完碟野佢唔岩食，我就企左響度，好彩今次都無揀錯。加上服務效率同禮貌都唔錯，係滿意既一餐。

本身諗住係青衣城購物，但行到二樓就俾餐廳既裝修吸引咗😂 雖然餐廳係商場角落，但餐廳都keep住有好多人食。員工服務好好，成日都問我地駛唔駛加熱茶依度拉麵有分白、赤、黑三款味道白色係純豬骨魚魚介湯底，赤係豬骨魚介加秘製辣椒油，黑就係黑蒜油玉子燒係職員強烈推薦，果然推介的不會是伏😂玉子配搭明太子醬中和左玉子燒既甜味、好香滑 fruit punch同菠蘿味波子汽水沙律有好多款既蔬菜！有蓮藕、士多啤梨、蘆筍、青瓜、粟米等 個沙律汁有啲芥辣味，好開胃豆池魚有少量調味去帶出魚鮮味，炸得好香口，食落似係多春魚既bb版。下次黎一定會encore 👍🏻蠔好新鮮、完全冇苦味 咬開有好多汁 今日最期待既係特盛豚角燒帆立貝沾麵🤤🤤 沾麵汁好濃郁，麵條既形狀係有啲坑紋咁，掛湯一流👍🏻除左有豬骨味仲有帆立貝既鮮味，但唔會愈食愈鹹。另外有兩粒大大粒帆立貝（好有鮮味的😍）同三層肉，食完真係好滿足呀。 白叉燒拉麵拉麵味道濃郁惹味，份量好大。叉燒好軟滑，鐘意食叉燒既朋友真係要加錢嗌多兩塊😂

青衣城試過很多間食肆，唯獨呢間『麵屋武藏』係今日第一次幫襯。吃完後，我同朋友都話好飽好满足，因為第一次來，不知份量大細，好似嗌多咗，但真係好特别，好好味見到成枱嘢，各位有冇流口水吖，等我來一一介紹。慢煮雞肉沙律，芝蔴醬配少少辣汁令到個沙律好惹味，慢煮雞肉就好腍，好soft，以前未試過的感覺。而今日嘅重點就係沾汁麵，本身沾汁麵用咗全港獨有嘅特製麵條，粗身嘅麵條帶些少坑紋令麵條更易『掛湯』，平時一般用豚骨湯，但近排嘅『期間限定』特盛豚角燒帆立貝沾汁麵使用嘅係干貝熬成的湯，請看以下圖片及實物。2隻磯燒原隻肥美北海道帆立貝及大大舊燒腩肉，配埋特製干貝沾汁， 更鮮，更甜。干貝湯同麵係分開嘅，點解呢?來到咪知啦。menu中仲有圖文並茂教你正確嘅吃法啊，學到嘢虎尾拉麵因條特製腸和虎尾相似而得名，虎尾腸係多种香料同豚肉混合而製成，吃時感到香濃惹味同埋好juicy。小吃『明太子玉子燒』，『吉列蠔』，『池魚』亦在水準之上。波子汽水及雜果特飲，一啲都唔貴，好飲抵飲。