峰壽司 (Closed)

雖然唔洗翻工﹐不過都唔可以太大洗﹐日日行街都唔係辦法。呢日又約朋友行街於此﹐晚飯時間解決就係呢度啦。點了兩碗蜆湯﹐熱辣辣上來﹐D蜆好鮮美﹐上面漂浮的蔥花令碗湯好鮮。點了碟最平的蛋壽司﹐D蛋好香蛋味﹐而且意外的好滑﹐配飯吃意外的夾。要了兩碟蟹柳壽司﹐呢碟係我覺得呢間壽司鋪最保持水準﹐又最好吃的﹐配合上面的醬﹐令到呢碟唔貴的壽司變得美味﹐我們吃了兩碟。今次D峰蝦好新鮮﹐肉身好話而且小小爽﹐有蝦香﹐不過太大件。海螺好爽口﹐不過我們兩個人點了3碟﹐有鹽的﹐有兩碟普通的﹐都夠新鮮。

同朋友行街到附近﹐晚餐就在此解決了。雖然門口的接待並唔係好快手解決前面的有問題的兩位麻煩客人﹐要其他客人等她解決完才拿到等候的數目單。(其實她可以先比左張等候單比後面的人﹐再和那兩位客人解決問題都得﹐那就唔需要其他客人等到火啦)不過我們都係好快等到位啦﹐點了好多野食﹐蟹柳壽司好好味﹐呢度的蟹柳壽司好像就係特別D﹐特別好食甘。海螺壽司好新鮮﹐夠爽口。峰蝦大大件﹐肉好滑﹐好豐腴。鳥貝肉夠厚﹐滑得來好潤。蜆湯有好香的麵是湯味﹐蜆肉好大份。

晚上八時來到峰壽司，人不太多，不用等位便可入座。由於太肚餓，隨意點了一堆，有帶子，燒帶子，三文魚，腐皮，魚背，玉子，赤背，波士頓卷，池魚，牛肋骨，牛舌等等，没有燒過的帶子比較鮮甜，牛肋骨亦有很香的牛味，其他的普普通通，沒有初次吃覺得那么出色！

繼和花亭之外，光顧次數最多的迴轉店也可算這裏，這天的午餐分了兩場吃，原先打算去板長，怎料坐下才發覺很多材料也沽清，而水準亦未如之前吃過的理想，最後吃了兩碟便決定回到這裏繼續悠閒的午餐時間。這天除了平常指定吃的壽司款式外，還點刺身和炸物，包括炸墨魚軟骨和推介的劍魚腩刺身。炸墨魚軟骨份量不算太多，預兩個人share吃，炸漿唔算太厚，薄薄的一層蓋在墨魚的表面，不過就唔太夠脆，剛炸出來吃已經是腍的，內裏的墨魚則仍然很嫩滑，算是一般水準吧。在迴轉壽司店很少會單點刺身吃，不過今天例外，看見隔離的小姐所點的劍魚腩刺身都算對版，便即管點一客來試試。吃刺身更著重師傅的刀功，而生魚片的厚薄亦會影響其美味程度，像劍魚腩這類的魚便喜歡切得厚一些，更能享受其豐富的肉汁和清爽的口感，加上今天的劍魚本身新鮮，魚味肉汁更為豐富，值得推介。其餘的壽司也是平日食開的一些款式，今天特別值得一提的是火炙對馬海鰻和鱆紅魚腩；油甘魚王腩仍然是來這裏的必吃之選。值得一評的是今天的壽司飯醋味比平時濃了一點，吃起來稍為影響了入口的感覺；而大toro亦較平日稍為遜色了些少，雖然鮮味依然，但很多荕。

香港物美價廉的迴轉壽司店除了板前，當然還有峰壽司，既然同屬最受歡迎的食肆，不免要比較一番。峰的選擇不算多，種類設計卻較有特色，我最欣賞的就是它的火炙系列。火炙帶子壽司：之前沒少吃火炙三文魚，今次都是第一次吃這個做法的帶子，原來仲好味。帶子外部燒得有少少焦酥，入面卻依舊鮮滑肥美，好味！火炙吞拿魚壽司：吞拿魚肥瘦均勻，外焦里嫩，切得也夠長夠厚身。另外要讚的還有：免治吞拿魚腩壽司：吞拿魚腩碎頗為肥美彈牙，充滿吞拿魚的鮮香；最緊要是夠大身，足足有飯團的兩倍之多，口感豐富令人滿足。另外，蔥碎算是點睛之筆，中和了fishiness。鮮蝦天婦羅手卷：峰壽司的手卷亦頗對我味，因為size細，可以不必為大坨的飯團發愁。鮮蝦天婦羅亦炸得香脆，與濃厚美味的沙律醬十分合拍。三文魚壽司：最最平易近人的三文魚壽司，價錢十分實惠，三文魚新鮮之余，更難得是份量十足，配上冰涼爽口的白蘿卜絲與蔥碎，滿足了我這個貪心人。有兩款個人不太懂得欣賞：抹茶鮮蝦天婦羅壽司：抹茶+檸檬的組合有點不知所謂，破壞了抹茶的甘香，和鮮蝦天婦羅更是九唔搭八。峰帶子壽司：帶子雖然新鮮，不過細細的，整件壽司很平庸。各式中最喜愛的要屬模樣笨重的免治吞

星期5 約左爸B媽咪去食壽司~一去到~ 就睇下佢有咩係個板到, 有咩好介紹今日, 係魚子, 吞拿魚同海膽~ YUMMMMMM是日既海膽非常的新鮮~ 好正!!!我地成台都係~ 好多唔同既野, 有個有CHEESE同samon既~ 都好好食!!!不過, 最差既係個軟殼蟹手卷~ 有DD凍, 冇咁新鮮. 整體上都係好好~ good 呀~不過～ｄ　待應好似冇咁好。。　舉左好耐先睇到～

自從上次去過銅鑼灣白沙道本店食過之後，一直心掛掛想再來。今次決定轉轉地點，稍移玉步，試試銅鑼灣sogo樓上呢間分店，順便兩者比較一下。兩點半鐘左右到達。一走進店內，大約都有四成客左右。被安排坐在迴轉枱，而這個位剛剛就在板長的側方，可以清楚看到他製作壽司的，實在正呀﹗﹗﹗這裏的格局和白沙道的有些少分別，白沙道的內裝以木為主材，給人一種在日本的傳統氣氛。但這裏內裝的格局則給人較為高尚的內裝格局，各有特色通常食迴轉壽司都唔中意快，所以落單也不會一次過落太多。每次落單都是一樣至兩樣的東西，只有這樣才可以真正細細品賞每一道壽司。今次也一樣，順序點了以下的食材︰白身盛り﹙白身盛﹚旬アジ﹙長崎產旬池魚﹚旬鯖﹙長崎產旬鯖魚﹚ハマチトロ﹙鹿兒島產油甘魚王腩﹚アオリイカ﹙函館產烏賊﹚峰エビ﹙峰蝦﹚サーモントロ﹙店長推介厚切三文魚腩壽司﹚大トロ﹙大吞拿魚腩﹚北海盛り﹙北海盛﹚炙り帆立﹙火炙帆立貝﹚共十樣野上次在本店試過旬池魚和旬鯖魚，好正﹗﹗﹗今次再叫。池魚是不錯的，和本店的一樣新鮮，一樣有水準。但鯖魚最終是失望收場。魚的腥味比上次的濃很多，也許處理時做得不太好吧。而且今次的魚切得比上次的差，先來一個較差的

尋日阿皇早左放學, 所以我地食飯既陣地由天后轉左黎銅鑼灣.. 因為阿皇話最近熱氣, 我地就去左食壽司。一直聽到大家對峰壽司既評價都唔錯, 見唔係好多人就上左去排隊, 大概15分鐘就到我地, 都幾快~~ 坐係壽司吧, 都ok, 唔會太迫..我地一開始點左口魚, 三文, 墨魚, 海鰻, 帶子, 同埋峰蝦。因為落錯左table No. 所以我地既order好耐先黎, 不過待應小姐都好nice, 好快補返d壽司比我地. 而係等既途中就攞左章紅魚, 最後仲加點左海螺, 鯖魚同軟殼蟹手卷.. 全部魚生都好新鮮, 好好食.. 就連平時唔鍾意食生蝦既阿皇都對峰蝦讚不絕口..魚魚覺得質素同用料都比板前好好多, 待應小姐亦都好有耐性, 好主動加茶~下次一定會再黎~

前星期去峰壽司,大雨下仍很多人,足見這裡的魔力!叫左個好味峰玉子, (大大塊玉子上印左個峰字,包住d飯)這裡d飯握得好,唔會散仲有叫幾款魚山壽司都新鮮叫左個一向好正的帶子壽司, 之後食左先見迴轉上有新鮮特大帶子壽司,下次必試! (迴轉上好多時有限定版的)仲有炸大蠔超大超正超新鮮排隊30-45mins是值得的!

幫襯過：三次去食：各款壽司服務態度：大讚！八點幾去到等, 40mins 就有位 (*注意: 要過半數人先可以入座), 而且唔趕住要你快D走"環境：迫, 但可以接受上菜速度：快!份量：有如一般壽司, nothing special食物質素：讚! 燒物同炸物一流!

自從峰壽司喺旺角開店後，已未去過香港店好耐。今日適逢有事到銅鑼灣，於是重臨峰壽司 SOGO 隔籬上樓分店。甫坐低，見迴轉帶上竟有不同種類嘅特色 MENU，絕對比旺角店熱鬧好多！今日見到有三文魚盛、光盛、貝盛、火炙盛（醬）、火炙蔥吞拿魚壽司。雖然好多都係原有 MENU 有嘅食材 COMBO，不過一次滿足多個願望嘅貪心心理，食完好滿足 ！食咗光盛（旬池魚、旬鯖魚、秋刀魚），覺得旬鯖魚味道好過旺角店，而且三者都係我十分中意嘅壽司；火炙蔥吞拿魚壽司幾好，不過峰壽司嘅蔥吞，一向味道好淡，我個人唔係咁好；火炙盛（醬）則係玉子、蟹棒、熟蝦嘅火炙醬汁版，個人覺得沙律醬撈WASABI味道一流；芥辣八爪軍艦食落冰凍爽口。希望旺角店都有類似新意思，起碼唔會「食到悶」！

約了老媽血拚, 點知她比我還遲放工 , 我又早食午飯所以餓極了, 一於上來食件壽司。晚飯人龍還未殺到, 可以長驅直入。今期有九州和北海道產物壽司推廣, 我又花心想多試幾款, 就要了九州系的 旬池魚 + 旬鯖魚 + 秋刀魚的三点盛 ($25), 再加一碟有 4 款的三文魚壽司 (忘了名字, $25)。都說鯖魚是我最愛的壽司之一, 這裡的油潤濃郁, 讚呀! 秋刀魚和池魚從樣子我是不大分得到的, 不過池魚較清淡爽口, 秋刀魚配合薑蔥口味新鮮。4 款三文魚壽司分別是 (上起) 三文魚 (正常那種)、三文魚腩、三文魚軍艦和火炙三文魚。我最喜歡的當然是火炙三文魚, 輕輕火燒過的魚肉帶出魚油的香味, 是我來「峰」吃壽司的必然之選, 我覺得比三文魚腩更美味; 相較之下其餘 3 種只是普普通通而已。

依家HK壽司店實在超多, 但好食的就好小啦, ”峰”壽司算係較好一間啦,佢的壽司味道幾好, 唔易散, 魚生新鮮,仲有每次都必食既火炙鵝肝, 燒得好香, 有入口即溶既感覺.嗰日, 我地4個人去食, 叫左必食既火炙鵝肝, 沙咀天婦羅(抺茶塩), 火炙盛, 重有軟殼蟹卷, 甜蝦刺身, 火炙帯子, 蝦天婦羅(抺茶塩), 火炙鰻魚, 劍魚腩壽司,三文魚籽軍艦壽司, 海膽軍艦壽司, 火炙牛舌, 炸物有炸八爪魚, 炸墨魚軟骨.... 食咗廿幾蝶, 都只係$700, 每人百幾蚊, 一個字”正”!

星期六第一次食, 其實又唔係真係咁好味者..我地食左d例牌野啦~ 三文魚, 帶子, 油甘魚, 軟殼蟹, 吞拿魚腩, 我覺得唔算太新鮮, 不過有樣值得讚既係佢地會好快refil 你杯茶, 唔洗叫架~埋單兩個318

三文魚壽司的顏色(suppose係橙色).上碟見到係吞拿魚的紅色...唔新鮮.食落去一d三文魚味都冇再黎帆立貝,expect係一大塊新鮮白色的...上碟後係一件熟左有燒汁o向上面.諗住佢燒熟左都應該ok ge...但食落去...咩事...凍到好似o向雪櫃拎出黎ge野...唉...之後越食越傷心.....真係....上次黎已經冇咁好食..依次去係"難食"....